Sport

កាលពីពេលថ្មីកន្លងទៅនេះ ប្រធានក្លិប លោក Joan Laporta បានទទួលស្គាល់នៅក្នុងបទសម្ភាសមួយថាក្លិប Barcelona បានច្រានចោលការផ្តល់ជូនដ៏ធំមួយសម្រាប់ Lamine Yamal ចំពេលកីឡាករនៅក្នុងក្រុមម្នាក់ទៀត ក៏បានធ្វើការបដិសេធសំណើធំស្រដៀងគ្នានេះផងដែរ។ ជាក់ស្តែង បើតាមការចុះផ្សាយពី Mundo Deportivo បានរាយការណ៍មកថា ខ្សែប្រយុទ្ធ Robert Lewandowski ត្រូវបានក្លិបនៅប្រទេសអារ៉ាប៊ីសាអូឌីត ហ៊ានផ្តល់ជូនសំណើដល់ទៅ ១០០លាន​អឺរ៉ូ​ក្នុង​មួយ​ឆ្នាំ ឯណោះសម្រាប់រូបគេ។ ប៉ុន្តែទោះជាយ៉ាង​ណា​ក៏​ដោយ ខ្សែ​ប្រយុទ្ធ​រូប​សញ្ជាតិប៉ូឡូញរូបនេះ ​មិន​ស្ទាក់​ស្ទើរ​ក្នុង​ការ​បដិសេធ​សំណើ​របស់​ពួក​គេនោះឡើយ។ គួរឲ្យដឹងទៀតផងដែរថា Lewandowski ដែលមានកុងត្រាបច្ចុប្បន្នរហូតដល់ឆ្នាំ២០២៥នោះ ហាក់នៅមានភាពសុខស្រួល ក្នុងការបន្តស្នាក់នៅក្លិប Barcelonaដោយគេមិនចង់ទទួលសំណើណាមួយពីប្រទេសរ៉ាប៊ីសាអូឌីតទេ ព្រោះគេគិតថា នៅតែអាចរក្សាកម្រិតលេងរបស់ខ្លួន ក្នុងក្របខ័ណ្ឌ La Liga បន្តទៀតបាន។ ដោយឡែក បើយោងតាមការចុះផ្សាយពី ‘Sport’ ឯណោះវិញ បានបង្ហាញថាក្រុមអារ៉ាប៊ីសាអូឌីត ក៏ចង់ចំណាយប្រាក់ដល់ Barca ប្រហែល ១០០លានអឺរ៉ូ ផងដែរសម្រាប់ការផ្ទេរយក Raphinha ខណ:ពេលដែលប្រេស៊ីលខ្លួនឯងផ្ទាល់ ក៏កំពុងពិចារណាទទួលយកការផ្តល់ជូននេះផងដែរ៕

ទីភ្នាក់ងាររបស់ខ្សែប្រយុទ្ធចំណូលថ្មី កីឡាករ Vitor Roque លោក Andre Cury កាលពីពេលថ្មីៗនេះ បានជំរុញឲ្យក្លិប Barcelona ធ្វើការចុះហត្ថលេខាលើខ្សែប្រយុទ្ធសញ្ជាតិប្រេស៊ីល កីឡាករ Estevao Willian ដែលត្រូវបានគេដាក់រហស្សនាមថាជា ‘Messinho’ ។ ជាក់ស្តែង លោក Cury បាននិយាយថា Barca គួរតែពិចារណាលើការចុះហត្ថលេខាលើកីឡាករវ័យ 16ឆ្នាំរូបនេះ ដោយសារតែគេអាចនឹងមកចាប់ដៃគូលេងបានយ៉ាងល្អជាមួយ Roque ក្នុងតំបន់ប្រយុទ្ធនៅទឹកដី Camp Nou ស្របពេលទីភ្នាក់ងាររូបនេះ ក៏បានដាក់ឈ្មោះ Willian ថាជា Neymar ទីពីរផងដែរ។ លើសពីនេះ លោកបាននិយាយទៀតថា ៖ “តាមគំនិតរបស់ខ្ញុំ Barcelona គួរតែពិចារណាលើការចុះហត្ថលេខាលើ Messinho ព្រោះគាត់នឹងផ្តល់ភាពរីករាយដល់ Barca ជាមួយ Vitor Roque ។ ខ្ញុំអាចដាក់ក្តីសង្ឃឹមជាច្រើនទៅលើ Messinho ព្រោះថាគាត់គឺជា Neymar ទីពីរ” ។ ជម្រាបជូនផងដែរថា Willian ដែលត្រូវបានគេស្គាល់ថា Messinho បច្ចុប្បន្នកំពុងលេងឱ្យក្រុមប្រេស៊ីល Palmeiras ដោយរូបគេបានបង្ហាញខ្លួន ៥លើករួចមកហើយផងដែរ៕

កាលពីពេលថ្មីៗនេះ ខ្សែបម្រើ Aurelien Tchouameni របស់ក្លិប Real Madrid បានបង្ហើបឲ្យដឹងថាមិត្តរួមជាតិបារាំងរបស់គេ គឺកីឡាករ Kylian Mbappe នឹងផ្ទេរមកចូលរួមជាមួយក្លិបយក្សអេស្ប៉ាញ នៅរដូវក្តៅខាងមុខនេះ។ ជាក់ស្តែង Mbappe នឹងត្រូវក្លាយជាកីឡាករដែលគ្មានតម្លៃខ្លួន នៅពេលដែលកិច្ចសន្យារបស់គេជាមួយក្លិបបារាំង Paris Saint-Germain នឹងត្រូវផុតកំណត់ នៅចុងបញ្ចប់រដូវកាលបច្ចុប្បន្ននេះ។ ជុំវិញស្ថានភាពនេះហើយ ទើបធ្វើឲ្យ Mbappe ត្រូវបានភ្ជាប់ទំនាក់ទំនងជាមួយនឹងការផ្ទេរទៅកាន់ក្លិបជាច្រើន ជាពិសេស Real Madrid ដែលត្រូវបានគេចាត់ទុកថាជាគោលដៅដ៏ធំបំផុតមួយ ។ ហើយឥឡូវនេះ Tchouameni ហាក់បានធ្វើការបញ្ជាក់បន្ថែម ចំពោះរំពឹងទុកជុំវិញអនាគតរបស់ Mbappe ដោយបានបង្ហើបថាមិត្តរួមក្រុមបារាំងរបស់គេ នឹងផ្ទេរមកចូលរួមជាមួយខ្លួន នៅទឹកដី Santiago Bernabeu សម្រាប់រដូវកាលក្រោយនេះជាមិនខាន។ លើសពីនេះ នៅក្នុងបទសម្ភាសជាមួយ Telefoot ខ្សែបម្រើរូបនេះ បាននិយាយថា ៖“ជនជាតិអេស្ប៉ាញបានស្គាល់ពីពី Kylian ហើយ ប៉ុន្តែនៅពេលដែលពួកគេបានមើលឃើញគាត់លេងជារៀងរាល់ថ្ងៃទៀតនោះ ពួកគេនឹងកាន់តែដឹងច្បាស់ពីភាពអស្ចារ្យរបស់គាត់ជាក់ជាមិនខាន” ៕

ក្លឹប​ចំនួន ៣ កំពុង​គិតគូរ​ចង់​ចាត់តាំង​លោក Erik ten Hag ជា​អ្នកចាត់ការ​របស់​ពួក​គេ​ខាង​មុខ ឲ្យ​តែ​ថា Manchester United ​មាន​ផែនការណ៍​ដក​ចេញ​គ្រូ​សញ្ជាតិ​ហូឡង់​ខាង​លើ។ ជា​ការ​ពិត លោក​បាន​ចូល​មក​ដល់​រដូវ​កាល​ទី​ពីរ ជាមួយ​ម្ចាស់ដី Old Trafford បន្ទាប់​ការ​ចាកចេញ​ពី Ajax នៅ​រដូវ​ក្តៅ ឆ្នាំ ២០២២ ជំនួស​តំណែង​លោក Ralf Rangnick។ នៅ​រដូវ​កាល​មុន​ដឹកនាំ​ក្លឹប​បញ្ចប់​រដូវ​កាល​ឈរ​លេខ​រៀង​ទី ៤ ជាមួយ​ការ​ឈ្នះ​ពាន Carabao Cup ​តែ​រដូវ​កាល​នេះ មើល​ទៅ​ទម្រង់​ហាក់​ល្អ​ប្រសើរ​ជាង​មុន សម្រាប់​រយៈ​ពេល​ចុងក្រោយ ជា​ពិសេស​សមិទ្ធផល​ធំ ទើប​បាន​សង គឺ​ការ​យក​ឈ្នះ​គីឡូ​ធ្ងន់ Liverpool ៤-៣ ទម្លាក់​ពួក​គេ​ឡើង​ទៅ​វគ្គ ៤ ក្រុម​ចុង​ក្រោយ​ពាន FA Cup។ បើ​តាម​សារព័ត៌មាន Daily Star ចុះ​ផ្សាយ ក្លឹប​យក្ស​អាល្លឺម៉ង់ Bayern Munich បាន​ចាប់​ចិត្ត​មក​លើ Ten Hag ចង់​បាន​គេ​ជា​អ្នកចាត់ការ ដូច​គ្នា​នឹង Bayer…

Erling Haaland ​បាន​លើក​ឡើង​សរសើរ​កីឡាករ Arsenal ចំៗ​មុន​ការ​ប្រកួត​រវាង​ក្លឹប​ទាំង​ពីរ​ចូល​មក​ដល់​នា​វេលា​ម៉ោង ១០:៣០ នាទី​យប់ ​ឈាន​ចូល​ថ្ងៃ​អាទិត្យ ទី ៣១ ​មិនា ក៏​នឹង​មាន​ផ្សាយ​បន្ត​ផ្ទាល់​លើ​ទំព័រ​ CTS SPORTS ផង​ដែរ។ ជា​ការ​ពិត​កន្លង​ទៅ City ដែល​ទើប​តែ​ស្មើ​ទល់​ក្លឹប Liverpool ១-១ នៅ Anfield គ្រប់​គ្នា​ពិត​ជា​ចង់​ឃើញ​ការ​មក​ជួប​ក្លឹប​ដឹកនាំ​ដោយ​អ្នកចាត់ការ​លោក Mikel Arteta ជា​ខ្លាំង ព្រោះ​មួយ​រយៈ​ក្រោយ​កាំភ្លើង​ធំ ហាក់​ឡើង​ទម្រង់​ធ្វើ​បាន​ល្អ ដល់​រំលេច​ឈ្មោះ​ឡើង​ឈរ​កំពូល​តារាង​បណ្តោះអាសន្ន មាន ៦៤ ពិន្ទុ​នាំ​មុខ​ពី​លើ​សំពៅ​មាស ១ ពិន្ទុ​វិញ​ទៀត​ផង។ ក៏​ស្រាប់​តែ​ថ្មីៗ​មនុស្ស​យន្ត​សញ្ជាតិ​ន័រវេស បាន​រៀបរាប់​យ៉ាង​ដូច្នោះ​ថា៖ “ហ្នឹង​ហើយ ខ្ញុំ​គិត​ឃើញ​ដូច្នោះ​ដែរ [ថា Martin Odegaard បាន​ជួយ​ឲ្យ Arsenal ល្អ​ឡើង] ដោយ​មាន​កីឡាករ​ល្អ​ច្រើន ជា​កីឡាករ​ដែល​កំពុង​លេង​ឲ្យ​ក្លឹប​គូ​ប្រជែង​របស់​ពួក​យើង”។ គេ​បន្ត​ថា៖ “Odegaard ក៏​ទើប​តែ​ចុះ​ហត្ថលេខា​ត​កុងត្រា​ថ្មី យ៉ាង​ណា​វា​មិនមែន​ជា​ប្រធានបទ​ត្រូវ​លើក​មក​ជជែក​ច្រើន​ទេ ក៏​ត្រង់ City មាន​កីឡាករ​ល្អ​បំផុត​ក្នុង​លោក​ជា​ច្រើន​ផង​ដែរ​នៅ​ទី នេះ”។ គួរ​ឲ្យ​ដឹង​ថា…

Brahim Diaz បាន​បង្ហាញ​ចំណាប់​អារម្មណ៍​ដ៏​ល្អ ក្រោយ​ផ្តើម​ការ​ប្រកួត​ដំបូង​របស់​គេ​ជូន​ជម្រើស​ជាតិ​ម៉ារ៉ុក ថា​ពិត​ជា​ស្រលាញ់​ទី​នោះ​ជា​ខ្លាំង ដ្បិត​បើ​អតីត​កីឡាករ​កើត​នៅ Malaga ខាង​លើ ធ្លាប់​បាន​ឈរ​ជើង​ឲ្យ​ជម្រើស​ជាតិ​អេស្ប៉ាញ​មួយ​រយៈ​ពេល​ខ្លី​ហើយ​ក៏​ដោយ។ ជា​ចំណែក​នៅ​ប្រកួត​យក​ឈ្នះ ១-០ ទៅ​លើ​អង់ហ្គោឡា​កាល​ពី​ថ្ងៃ​មុន ​ត្រូវ​បាន​ខ្សែ​ប្រយុទ្ធ​របស់​ក្លឹប Real Madrid ខាង​លើ លើក​ឡើង​ថា៖ “ខ្ញុំ​ពិត​ជា​រីករាយ ពិត​មាន​មោទកភាព​នឹង​នៅ​ទី​នេះ ហើយ​ទទួល​ការ​សាទរ​ដែល​អ្នក​រាល់​គ្នា​ផ្តល់​ឲ្យ​ខ្ញុំ ពិត​ជា​រីករាយ​ជាមួយ​នឹង​អ្នក​គាំទ្រ​ទាំង​អស់ នៅ​កីឡដ្ឋាន ប្រៀប​ដូច​ជា​ក្រុម​គ្រួសារ​តែ​មួយ”។ គេ​បន្ត​ទៀត​ថា៖ “ខ្ញុំ​មាន​មោទកភាព​ក្រៃលែង ហើយ​នេះ​ជា​ពេលវេលា​សម្រាប់​ខ្ញុំ​ក្នុង​ការ​ផ្តល់​ឲ្យ​ពួក​គេ​វិញ​នៅ​លើ​ទីលាន និង​ការ​ព្យាយាម​ជួយ​ជម្រើស​ជាតិ​ម៉ារ៉ុក​ឈ្នះ​ពាន​រង្វាន់​ជា​បន្តបន្ទាប់ ​នេះ​ជា​ការ​ប្រកួត​ដ៏​ល្អ ​ហើយ​ពិត​ណាស់​គ្រាប់​បាល់​នឹង​កើត​ឡើង​នៅ​ប្រកួត​ខាង​មុខ”។ គួរ​ឲ្យ​ដឹង​ថា កាលវិភាគ​ប្រកួត​បន្ទាប់​របស់​ម៉ារ៉ុក គឺ​ត្រូវ​ប៉ះ​ម៉ូរីតានី ​នា​វេលា​ម៉ោង ០៥:០០ នាទី​ទៀបភ្លឺ ឈាន​ចូល​ថ្ងៃ​ពុធ​ទី ២៧ មិនា ​មុន​សម្រាក​រហូត​ដល់​ខែ​មិថុនា ​ត្រៀម​តតាំង​វគ្គ​ជម្រុះ​បឋម​ប្រចាំ​ទ្វីប​ជុំ​ទី ៣ និង​ទី ៤ ទល់​ហ្សំប៊ី និង​កុងហ្គោ​បន្ត​ទៅ​ទៀត៕

ក្លឹប​សេះ​បង្កង់ Juventus ​បាន​ចាប់​អារម្មណ៍​ចង់​ចុះ​ហត្ថលេខា​នាំ​យក Mason Greenwood ​ត្រង់​កីឡាករ​សព្វថ្ងៃ​កំពុង​ស្ថិត​ក្នុង​លក្ខខណ្ឌ​ខ្ចី​ជើង​ពី Manchester United ទៅ​ Getafe ​នា​លក្ខខណ្ឌ​ខ្ចី​ជើង ដល់​បិទ​បញ្ចប់​រដូវ​កាល​ខាង​មុខ។ នេះ​បើ​តាម​សារព័ត៌មាន Gazzetta dello Sport ចុះ​ផ្សាយ។ បច្ចុប្បន្ន​កីឡាករ​អង់គ្លេស ហាក់​បង្ហាញ​ទម្រង់​លេង​បាន​ល្អ ខណៈ​ Getafe ផ្ទាល់​នោះ ក៏​ព្យាយាម​ចង់​រក្សា​ជើង​គេ​ទុក​ដែរ តែ​គ្រប់​យ៉ាង​វា​រមែង​ស៊ីសង​លើ​ការ​សម្រេច​របស់​ភាគី​ក្លឹប​អាណាព្យាបាល​ជា​ធំ។ សេះ​បង្កង់ ដឹកនាំ​ដោយ​អ្នកចាត់ការ​លោក Massimiliano Allegri ​ចង់​រៀប​ប្រព័ន្ធ ៤-៣-៣ ឬ ៣-៤-៣ ដែល​ត្រូវ​ការ​ស្លាប​ប្រយុទ្ធ​ដ៏​ល្អ ហើយ Greenwood មើល​ឃើញ​ថា ជា​គោលដៅ​ធំ។ ចំពោះ​ក្លឹប​នៅ​អ៊ីតាលី មាន Juventus ដែល​ចាប់​អារម្មណ៍​លើ​គេ រី​ឯ​នៅ​អេស្ប៉ាញ ក្រៅ​ពី Getafe ក៏​មាន Barcelona និង​ក្លឹប​មួយ​ចំនួន​ផ្សេង​ទៀត រី​ឯ​តម្លៃ​ផ្ទេរ​ចេញ តាម​ការ​រំអុក​ខ្ពស់​បង្អស់​ពី​ម្ចាស់ដី Old Trafford អាច​ចូល​ប្រមាណ ២០ លាន​ផោន​អស់​ខ្ពស់។ រំឭក​អំពី​ស្ថិតិ​ការ​លេង​របស់…

អ្នកចាត់ការ​ជម្រើស​ជាតិ​អង់គ្លេស​លោក Gareth Southgate បាន​បញ្ជក់​ច្បាស់ ថា​នឹង​មិន​ស្តាប់​សំណើ​ការងារ​ថ្មី​ពី​ទ្រនំ​ខាង​ណា​ទាំង​អស់ រហូត​ដល់​ចប់​ព្រឹត្តិការណ៍ ERUO 2024 នេះ​ជា​ការ​ឆ្លើយតប​ពាក់ព័ន្ធ​នឹង​ចចាមអារ៉ាម​ដែល​ផ្សារភ្ជាប់​ឈ្មោះ​របស់​លោក ទៅ​កាន់​ក្លឹប​បិសាច​ក្រហម Manchester United ដែល​អនាគត​ Erik ten Hag នៅ​ទី​នោះ​មិន​ប្រាកដប្រជា។ គ្រូ​វ័យ ៥៣ ​ឆ្នាំ​យប់​មិញ​ទើប​តែ​ដឹកនាំ​តោ​កំណាច​ទទួល​លទ្ធផល​មិន​ល្អ ក្រោម​ថ្វី​ជើង​ភ្ញៀវ​ប្រេស៊ីល​នៅ​ជំនួប​មិត្តភាព ០-១។ ការ​លើក​ឡើង​ពី Southgate៖ “ខ្ញុំ​មើល​ឃើញ ២ ​ចំណុច​ពេលនេះ មួយ​គឺ​ខ្ញុំ​កំពុង​ជាច​អ្នកចាត់ការ​អង់គ្លេស ហើយ​មាន​បន្ទុក​ព្យាយាម​ជួយ​ក្រុម​ឈ្នះ​ជើង​ឯក European Championship”។ លោក​បន្ត៖ “មួយ​ផ្សេង​ទៀត​គឺ Manchester United កំពុង​មាន​អ្នកចាត់ការ​ដ៏​ល្អ​មួយ​ហើយ ខ្ញុំ​គិត​ថា​វា​តែងតែ​ជា​ការ​មិន​គោរព ចំពោះ​ដំណឹង​សង្ស័យ​ត្រង់​កន្លែង​ដែល​មាន​អ្នកចាត់ការ​នៅ​ឈរ​ជើង ណា​មួយ​ខ្ញុំ​ជា​ប្រធាន​សមាគម LMA ម្ល៉េះ​ក៏​អត់​មាន​ពេល​ច្រើន​ទៅ​គិត​លើ​រឿង​អស់​នោះ​ដែរ”។ គួរ​ឲ្យ​ដឹង​ថា កាលវិភាគ​ប្រកួត​បន្ទាប់​គឺ​នៅ Wembley ទៀត​ហើយ​សម្រាប់​ពួក​គេ ដែល​ត្រូវ​បន្ត​ទទួល​ភ្ញៀវ​បែលហ្សិក ជា​ប្រកួត​មិត្តភាព​ដដែល។ មុន​រង់ចាំ​ដល់​ខែ​មិថុនា ជា​ការ​ជួប​កម្តៅសាច់ដុំ​ទល់​បូស្នី ត្រៀម​មុន​ប្រកួត EURO មក​ដល់៕

អតីត​កីឡាករ​ក្លឹប Real Madrid លោក Figo បាន​លើក​ឡើង​ពាក់ព័ន្ធ​នឹង​អនាគត​របស់​កីឡាករ​វ័យ​ក្មេង Kylian Mbappe ហើយ​ណែនាំ​ទៅ​កាន់​យុវជន​ឆ្នើម​វ័យ​ក្មេង​បារាំង ថា​គ្មាន​ទី​កន្លែង​ណា​​នឹង​អាច​ផ្តល់​ឲ្យ​គេ​ច្រើន​ជាង​នៅ​អធិរាជ​ស Real Madrid នោះ​ទេ។ នេះ​បន្ទាប់​តែ​ពី​ Mbappe គេ​បង្ហើប​កន្លង​ទៅ​ថ្មីថ្មោង ថា​គ្រប់​យ៉ាង​នៃ​អនាគត​របស់​គេ​នឹង​ប្រកាស​ជា​សាធារណៈ​នៅ​មុន​ព្រឹត្តិការណ៍ European Championship នា​ឯ​ពាក់​កណ្តាល​ឆ្នាំ វា​អាច​ជា​រវាង​ការ​បន្ត​នៅ ឬ​ការ​ផ្ទេរ​មក​ក្លឹប​នៅ​ឯ​អេស្ប៉ាញ លើ​ភាគរយ​ខ្ពស់​បង្អស់។ ងាក​ទៅ​ការ​លើក​ឡើង​របស់​អ្នក​វិភាគ​បាល់ទាត់​សញ្ជាតិ​ព័រទុយហ្គាល់៖ “នេះ​ជា​ការ​សម្រេច​ចិត្ត​ផ្ទាល់​ខ្លួន​របស់​គេ តែ​ត្រូវ​ដឹង​ថា គ្មាន​ក្លឹប​ណា​នឹង​អាច​ផ្តល់​ឲ្យ​អ្នក​ច្រើន​ជាង​ Real Madrid នោះ​ទេ យ៉ាង​ណា​ខ្ញុំ​មើល​ឃើញ​វា​ស្មុគស្មាញ តែ Madrid ក៏​ពួក​គេ​កំពុង​មាន​ប្រព័ន្ធ​កីឡាករ​ដ៏​ល្អ​មួយ​រួច​ហើយ​ដែរ”។ បន្ត​ពាក់ព័ន្ធ​នឹង​ការ​ប្រកួត​ទល់ Manchester City នៅ UCL ខាង​មុខ៖ “ចំពោះ City ជា​ក្រុម​ដែល​ពូកែ​គ្រប់គ្រង​បាល់ ម្ល៉េះ​បើ​អ្នក​អាច​យក​បាល់​ផុត​ពី​ជើង​ពួក​គេ នោះ​កីឡាករ​នឹង​អាច​បង្កើត​អ្វី​ផ្សេង​ពី​នោះ ជាមួយ​ការ​ប្រយុទ្ធ ចំពោះ Ancelotti និង​កីឡាករ​របស់​ក្រុម គឺ​ប្រាកដ​ណាស់​ជា​ដឹង​ច្បាស់​ច្រើន​ជាង​ខ្ញុំ”៕

ជំនួយការគ្រូបង្វឹកលោក Andrea Maldera ថ្មីៗនេះ បាននិយាយថាអ្នកចាត់ការក្រុម Brighton លោក Roberto De Zerbi អាចនឹងពិចាកក្នុងការបដិសេធសំណើផ្តល់ជូនពីសំណាក់ក្លិប Napoli ប្រសិនបើពួកគេទាក់ទងមកនោះ។ ជាការពិតណាស់ លោក De Zerbi បានចាប់ផ្តើមបង្ហាញភាពលេចធ្លោខ្លាំង ចាប់តាំងពីបានមកចូលរួមជាមួយក្លិប Brighton នឹងថែមទាំងបាននាំពួកគេទៅលេងនៅក្នុងពានរង្វាន់អឺរ៉ុបជាលើកដំបូងក្នុងប្រវត្តិសាស្រ្ត ផងដែរ។ ប៉ុន្តែទោះជាយ៉ាងណាក៏ដោយ ជុំវិញសមត្ថភាពដ៏ល្អនេះ ក្លិប Brighton ហាក់ដូចជាបានដឹងខ្លួនរួចហើយថាពួកគេនឹងមិនអាចរក្សាលោក De Zerbi ឲ្យនៅក្លិបរហូតបានឡើយ ចំពេលកំពុងមានការចាប់អារម្មណ៍ពីសំណាក់ក្លិបធំៗជាច្រើន ។ ហើយយ៉ាងណាមិញ បើតាមជំនួយការគ្រូបង្វឹក គឺលោក Maldera បានបង្ហើបថា លោក De Zerbi ហាក់មិនបានលាក់បាំងនោះឡើយ ចំពោះការចាប់អារម្មណ៍របស់គាត់ ក្នុងការត្រលប់ទៅប្រទេសកំណើតរបស់គាត់វិញ ហើយ Napoli ដែលជាម្ចាស់ជើងឯក Serie A ឆ្នាំមុន ត្រូវបានគេចាត់ទុកជាគោលដៅដ៏ធំសម្រាប់អតីតគ្រូបង្វឹក Shakhtar Donetsk រូបនេះ។ លើសពីនេះ លោក Maldera បាននិយាយថា៖ ” De Zerbi អាចទៅ Napoli? ហេតុអ្វីមិនអាច…