Sport

Arda Guler បានបង្ហាញខ្លួន១១នាក់ដំបូងនៅ Laliga លើកដំបូងរបស់គាត់ ខណៈដែល Real Madrid បានយកឈ្នះ Real Sociedad នៅកីឡដ្ឋាន Reale Arena កាលពីយប់ថ្ងៃសុក្រ ប៉ុន្តែវាក៏ជាឱកាសដ៏សំខាន់សម្រាប់ Eder Militao ដែលបានបង្ហាញខ្លួនជាលើកដំបូងបន្ទាប់ពីខកខានជាង 8ខែ។ Militao បានរបួសដាច់សរសៃពួរទល់នឹង Athletic Club តាំងពីថ្ងៃប្រកួតដើមរដូវកាលមកម្ល៉េះ បន្ទាប់ពីជាសះស្បើយរយៈពេលប្រាំពីរខែយ៉ាងលំបាក គាត់បានលេងត្រឹមតែជាកីឡាករបម្រុងប៉ុណ្ណោះកាលពីខែមីនា។ ការ​បង្ហាញ​ខ្លួន​បន្ទាប់​មកទៀត​ជាមួយ Mallorca, Manchester City និង Barcelona ក៏បានត្រឹមតែជាកីឡាករបម្រុងដែរ ប៉ុន្តែ​ការ​ប្រកួត​ជាមួយReal Sociedadគាត់ជា​ជាជម្រើសដំបូង​របស់លោក Carlo Ancelotti ។ គ្រូបង្វឹកសញ្ជាតិអ៊ីតាលីរូបនេះហាក់ពេញចិត្តនឹងការបង្ហាញខ្លួនរបស់ Militao ហើយគាត់បានប្រាប់ប្រព័ន្ធផ្សព្វផ្សាយក្រោយចប់ការប្រកួតថា៖ “គាត់កំពុងប្រជែងយកកន្លែងមួយក្នុងជម្រើសដំបូងនៅពេល Real Madrid ធ្វើដំណើរទៅ Bayern Munich នៅថ្ងៃអង្គារខាងមុខ។ Militao ត្រលប់មកវិញ ហើយលេងបានល្អណាស់។វាជាជម្រើសដែលខ្ញុំមានក្នុងដៃសម្រាប់ទៅទីក្រុង Munich។ គាត់កំពុងត្រលប់ទៅកម្រិតល្អបំផុតរបស់គាត់បន្តិចម្តងៗ គាត់មិនទាន់ដល់…

ទីបំផុតលោក Arne Slot និងត្រូវបន្តបេកកម្មដឹកនាំក្រុមហង្សក្រហម Liverpool បន្ទាប់ពីក្លឹបLiverpool បានចរចារលើកិច្ចព្រមព្រៀងដែលមានតម្លៃ ៩.៤ លានផោនជាមួយក្លឹប Feyenoord ។មានន័យថាគ្រូបង្វឹកសញ្ជាតិហូឡង់រូបនេះបានត្រៀមខ្លួនរួចជាស្រេចរួចហើយដើម្បីជំនួសតំណែងលោក Jurgen Klopp បន្ទាប់ពីគ្រូបង្វឹកអាឡឺម៉ង់រូបនេះបានប្រកាសកាលពីខែមករាថាគាត់នឹងចាកចេញពីទឹកដី Anfield នៅចុងបញ្ចប់នៃរដូវកាលនេះ។ សរុបមកLiverpool បានយល់ព្រមលើកិច្ចសន្យាជាមួយកីឡាករវ័យ ៤៥ ឆ្នាំរូបនេះមុនពេលកំណត់ពេលតែងតាំងរូបលោកជាផ្លូវការណ៏ ខណៈក្លឹបបានយល់ព្រមបង់ប្រាក់ ៧.៧ លានផោន ទៅក្លឹបហូឡង់Feyenoord (ស្មើនិង៩ លានអឺរ៉ូ) ដោយបូកបន្ថែម ១.៧ លានផោន (ស្មើនិង២ លានអឺរ៉ូ) ជាមួយអត្ថប្រយោជន៏ផ្សេងៗផងដែរ។ Liverpool ពេញចិត្តនិងបុគ្គលិកលក្ខណៈជាមួយសមត្ថភាពគ្រប់គ្រងកីឡាករ ព្រមទំាងការអភិវឌ្ឍជំនាញរបស់ពួកគេគឺជាកត្តាសំខាន់សមស្របជាមួយទម្រង់លេងបែបវាយលុកសម្រាប់ក្រុមដែលដឹកនាំដោយលោក Slot គឺជាកត្តាដែលជម្រុញអោយ Liverpool នាំយករូបលោកមកបំពេញការងារនេះ។ គួររំលឹកថាលោក Slot ធ្លាប់ដឹកនាំ Feyenoord ឱ្យឈ្នះពាន Eredivisie រដូវកាល ២០២២- ២០២៤ខណៈដែលរដូវកាលនេះ ពួកគេបានឈ្នះពាន Dutch Cup នឹងបញ្ចប់ក្នុងចំណាត់ថ្នាក់លេខ ២ ក្នុងលីគរបស់ពួកគេ។

ទីបំផុតក្រុមកញ្ជ្រោងខៀវ Leicester City និងវិលត្រលប់មកលេងនៅក្របខណ្ឌ Premier League ជាផ្លូវការណ៏វិញ បន្ទាប់ពីក្រុមគូប្រជែងLeeds United បរាជ័យក្រោមថ្វីជើងក្រុម Queens Park Rangers។ ការបរាជ័យក្នុងលទ្ធផល ៤-0 នៅលើទឹកដី Loftus Road មានន័យថាក្រុមរបស់លោក Daniel Farke នបន្ត តាមពីក្រោយក្រុម Leicester ចំនួន ៤ ពិន្ទុ ខណៈពួកគេនៅសល់១ប្រកួតទៀតប៉ុណ្ណោះ ។ ទីបំផុត Leicester City មាន១០០ ពិន្ទុនៅលើផ្លូវរបស់ពួកគេត្រឡប់ទៅលេងនៅលីកកំពូលអង់គ្លេសវិញ បន្ទាប់ពីក្រុមត្រូវបានកាត់ចោល កាលពីរដូវកាលមុន។មានន័យថាពេលនេះ Leicester អាចឈ្នះជើងឯក Championship នៅថ្ងៃចន្ទប្រសិនពួកគេអាចផ្តួល Preston ប្រសិនក្រុមចំណាត់ថ្នាក់លេខ៣ Ipswich បរាជ័យក្នុងការផ្តួលក្រុម Hull City នៅថ្ងៃសៅរ៍។ទោះយ៉ាងណា Ipswich អាចដឹកនាំ Leicester មកលេងនៅក្របខណ្ឌ Premier League នៅរដូវកាលក្រោយវិញប្រសិនបើពួកគេទទួលបាន ៥…

គ្រូបង្វឹកក្រុមបិសាចក្រហម Man. United លោក Erik ten Hag បានហាមឃាត់ប្រព័ន្ធផ្សព្វផ្សាយកីឡាដ៏ល្បីល្បាញរបស់អង់គ្លេសចំនួនបីស្ថាប័ន្តពីការសួរសំណួរនៅក្នុងសន្និសីទសារព័ត៌មានរបស់គាត់កាលពីថ្ងៃសុក្រម្សិលមិញនេះ។ មានន័យថាបុរសសញ្ជាតិហូឡង់រូបនេះមិនបានទទួលយកសំណួរពីគេហទំព័រ The Sun, The Mirror និង Manchester Evening News នោះឡើយ ។ ការពិតក្រុមអ្នកកាសែតដែលតំណាងអោយស្ថាប័នទាំងបីខាងលើនេះពិតជាមានវត្តមាននៅក្នុងសន្និសីទសារព័ត៌មាននោះ ប៉ុន្តែការពិតគឺពួកគេបានដឹងជាមុនថា ពេលវេលានេះគឺក្រុមរបស់ខ្លួននិងមិនត្រូវបានផ្តល់ឪកាសអោយសួរសំណួរនោះទេ។ សម្រាប់កីឡាកររបស់ក្រុមបិសាចក្រហមព្រមជាមួយនិងគ្រូបង្វឹកលោក Ten Hag បានរងការរិះគន់យ៉ាងខ្លាំងទោះបីជាពួកគេបានកក់កៅអីទៅវគ្គ ផ្តាច់ព្រ័ត្រ FA Cup ក្រោយផ្តួលក្រុមCoventry ដោយបាល់ប៉េណាំងទីកាត់សេចក្តីទោះបីជាបាននាំមុខមុនដោយលទ្ធផល៣ទល់និង០ទៅហើយក្តី។ទោះយ៉ាងណាលោក Ten Hag បានទទួលស្គាល់វាជារឿងដ៏អាម៉ាស់បំផុតមួយ។ វាមិនមែនជាលើកទី១នោះទេដែលបុរសវ័យ៥៦ឆ្នាំរូបនេះបានបញ្ចេញសកម្មភាពយ៉ាងដូច្នេះក៏ព្រោះតែកាលពីដើមរដូវកាលនេះអតីត គ្រុបង្វឹក Ajax បានហាមប្រាមអ្នកសារព័ត៌មានមកពីប្រព័ន្ធផ្សព្វផ្សាយចំនួនបួន បន្ទាប់ពីរូបលោកអះអាងថាពួកគេមិនបានទទួលសិទ្ធិពិសំណាក់ក្រុមMan. United អោយពណ៌នាចំពោះរឿងអវិជ្ជមានរបស់ក្លឹបនោះឡើយ ។Man.United បច្ចុប្បន្នឈរនៅលេខរៀងទី៦ ក្នុងក្របខណ្ឌ Premier League និងត្រូវធ្វើជាម្ចាស់ផ្ទះទទួលក្រុម Burnley ។

អ្នកគាំទ្រជាច្រើនបានលើកឡើងយ៉ាងគួរឱ្យភ្ញាក់ផ្អើលថា “កីឡាករ Arda Guler គឺល្អជាង Lionel Messi” បន្ទាប់ពីឃើញខ្សែប្រយុទ្ធសញ្ជាតិ តួកគីរូបនេះបង្ហាញខ្លួនបានយ៉ាងល្អជាមួយក្រុមអធិរាជស Real Madrid នៅក្នុងការប្រកួតកាលពីថ្ងៃទី ២៦ ខែ មេសា ឆ្នាំ ២០២៤ យប់មិញនេះ។ ជាការពិតណាស់ នៅក្នុងការប្រកួតយប់មិញនេះ Guler បានស៊ុតបញ្ចូលទីមួយគ្រាប់ ជួយឱ្យ Real Madrid យកឈ្នះទៅលើក្រុម Real Sociedad ក្នុងលទ្ធផល ១ ទល់នឹង ០ ខណៈជ័យជម្នះនេះ គឺបានធ្វើឱ្យក្រុមរបស់លោក Ancelotti មានឱកាសកាន់តែច្រើនក្នុងការឈ្នះពាន La Liga នៅរដូវកាល ២០២៣-២០២៤ នេះ។

ម្ចាស់ភាគហ៊ុនរបស់ Manchester United លោក Sir Jim Ratcliffe បានរៀបចំគម្រោងបញ្ចេញកីឡាករដល់ទៅ ១២ នាក់នៅដំណាច់រដូវកាលនេះ ខណៈក្នុងនោះក៏មានឈ្មោះតារាឆ្នើម Marcus Rashford, Harry Maguire និង Casemiro ដែរ។ បន្ទាប់ពីទទួលបានសិទ្ធជាម្ចាស់ភាគហ៊ុនរបស់ Man UTD ជាផ្លូវការកាលពីចុងឆ្នាំ ២០២៣ កន្លងទៅ ពេលនេះមហាសេដ្ឋីអង់គ្លេសលោក និងជាម្ចាស់សម្ព័ន្ធ INEOS កំពុងរៀបចំផ្លាស់ប្តូរក្រុមបិសាចក្រហមទ្រង់ទ្រាយធំនៅរដូវក្តៅនេះ។ ក្នុងនោះយោងតាមការចុះផ្សាយដោយកាសែត The Mirror បានឱ្យដឹងថា បច្ចុប្បន្នមានកីឡាករសរុបដល់ទៅ ១២ នាក់ ដែលស្ថិតនៅក្នុងបញ្ជីត្រូវបញ្ចេញចោលរបស់ Man UTD នៅរដូវកាលក្រោយ។ ប្រភពដដែលបានបន្ថែមថា Raphael Varane និង Anthony Martial នឹងផុតសុពលភាពកុងត្រាដំណាលគ្នានៅរដូវក្តៅនេះ ហើយក្លិបគឺមិនមានបន្តកុងត្រាថ្មីឱ្យពួកគេទាំងពីរទេ ចំណែកខ្សែបម្រើ Sofyan Amrabat វិញ នាដំណាច់រដូវកាលនេះ Man UTD ក៏នឹងមិនយករូបគេជាអចិន្ត្រៃយ៍ពី…

ខ្សែបម្រើ Jude Bellingham បានដាក់គោលដៅជួយ Real Madrid ក្នុងការប្រជែងពានរង្វាន់ La Liga, Champions League និងពានរង្វាន់ UEFA Euro 2024 ជាមួយក្រុមជម្រើសជាតិអង់គ្លេស ក្នុងឆ្នាំ២០២៤។ កីឡាករវ័យ ២០ឆ្នាំ ប្តេជ្ញាចិត្តយ៉ាងមុតមាំ ក្រោយពីរូបគេទើបតែបានឈ្នះពានកីឡាករឆ្នើមប្រចាំឆ្នាំ Laureus Award។ ចាប់តាំងពីចូលរួមជាមួយ Real Madrid ក្រោយពីផ្លាស់ពី Borussia Dortmund ដើមរដូវកាលដល់ពេលនេះ Bellingham រកបាន២១គ្រាប់ហើយពីគ្រប់ការប្រកួត។ Jude Bellingham បានដាក់គោលដៅធំក្នុងការជួយក្រុមឈ្នះពានរង្វាន់លីគកំពូលអេស្ប៉ាញ និងប្រចាំអឺរ៉ុប ខណៈគេក៏សម្លឹងជួយក្រុមជម្រើសជាតិអង់គ្លេសថែមទៀតក្នុងពាន Euro 2024 ដែលធ្វើនៅប្រទេសអាល្លឺម៉ង់។ Bellingham បាននិយាយបែបនេះថា “វាពិតជាអ្វីដែលខ្ញុំចង់ធ្វើ យើងកំពុងមានការប្រកួតមួយចំនួនទៀតត្រូវប្រជែងក្នុងការចាប់យកពាន La Liga បន្ទាប់មកយើងមានការប្រកួតដ៏លំបាកទល់នឹង Bayern Munich ក្នុងវគ្គពាក់កណ្តាកផ្តាច់ព្រ័ត្រ Champions League។ សម្រាប់ Euro វិញ…

Arne Slot និយាយថាគាត់មានទំនុកចិត្តថា Liverpool និង Feyenoord នឹងឈានដល់កិច្ចព្រមព្រៀងមួយសម្រាប់គាត់ដើម្បីក្លាយជាគ្រូបង្វឹកថ្មីនៅ Anfield នៅរដូវកាលក្រោយ។ គ្រូបង្វឹកសញ្ជាតិហូឡង់ដែលបានឈ្នះពានរង្វាន់ KNVB Cup កាលពីចុងសប្តាហ៍មុន និងបានដឹកនាំ Feyenoord លើកពានលីគកាលពីរដូវកាលមុននោះ បានលេចចេញជាបេក្ខភាពដែល Liverpool ពេញចិត្តក្នុងការចូលកាន់តំណែងជំនូសអ្នកចាត់ការទូទៅ Jurgen Klopp។ សំណើរដំបូងត្រូវបានច្រានចោល ប៉ុន្តែហង្សក្រហមរំពឹងថានឹងបិទកិច្ចព្រមព្រៀងឆាប់ៗនេះ។ ហើយ Slot ក៏បាននិយាយកាលពីយប់ថ្ងៃព្រហស្បតិ៍មុនពេលការប្រកួតរវាង Feyenoord និង Go Ahead Eagles ថា៖ “ក្លឹបកំពុងចរចា ខ្ញុំ​កំពុង​រង់ចាំ​មើល​ថា​តើ​នឹង​មាន​អ្វី​កើតឡើងបន្ទាប់ពីចចាររួច។ “វាមិនមែនជារឿងអាថ៌កំបាំងទេដែលខ្ញុំចង់ទៅ Liverpool។ ឥឡូវនេះខ្ញុំកំពុងរង់ចាំក្លឹបឈានដល់កិច្ចព្រមព្រៀង។ ខ្ញុំ​មាន​ទំនុក​ចិត្ត​គ្រប់​យ៉ាង​ចំពោះ​រឿង​នោះ។

Real Madrid ត្រូវបានផ្សារភ្ជាប់គ្នាយ៉ាងខ្លាំងជាមួយនឹងខ្សែការពារសញ្ជាតិកាណាដា Alphonso Davies កាលពីឆ្នាំមុនដោយមនុស្សជាច្រើនរំពឹងថាគាត់នឹងមកដល់នៅរដូវក្តៅនេះ។ ទោះបីយ៉ាងណាក៏ដោយ ពេលនេះមើលទៅមិនទំនងនឹងអាចកើតឡើងទេ នេះបើយោងតាមព័ត៌មានចុងក្រោយបំផុតនៅក្នុងរដ្ឋធានីអេស្ប៉ាញ។ Davies មិន​បាន​បន្ត​កុងត្រា​ជាមួយ Bayern Munich ទេ ដោយ​នៅ​សល់​កុងត្រាចាស់តែ​មួយ​ឆ្នាំ​ទៀត​ប៉ុណ្ណោះ ហើយ​ត្រូវ​បាន​គេ​រាយការណ៍​ថា​គាត់មាន​កិច្ច​ព្រមព្រៀង​ផ្ទាល់​មាត់​លើ​លក្ខខណ្ឌ​មួយចំនួនជាមួយReal Madridរួចហើយផងដែរ។ ភាគីខាងBayern Munich បានបញ្ជាក់យ៉ាងច្បាស់ថា ប្រសិនបើDavies មិនបន្តកិច្ចសន្យារបស់គាត់ទេ នោះពួកគេនឹងដាក់លក់គាត់នៅរដូវក្តៅនេះ។ ទន្ទឹមនឹងនេះដែរក្លឹប Real Madrid ក៏គ្រោងនឹងចុះហត្ថលេខាលើគាត់ក្នុងតម្លៃចន្លោះពី 30 ទៅ 40 លានអឺរ៉ូនៅរដូវក្តៅនេះ ប៉ុន្តែកាសែតRelevo បានបង្ហាញថាទំនាក់ទំនងរវាង Davies និង Real Madrid ហាក់មានភាពស្រពិចស្រពិលនៅក្នុងប៉ុន្មានសប្តាហ៍ថ្មីៗនេះ។ កិច្ចព្រមព្រៀងអាចនឹងទៅរួចប្រសិនបើ Ferland Mendy ចាកចេញនៅចុងបញ្ចប់រដូវកាលនេះ ។ ហេតុផលនៃការផ្លាស់ប្តូរអាទិភាពរបស់Real Madridចំពោះ Davies ក៏ព្រោះតែការបង្ហាញទម្រង់លេងដ៏ភ្ញាក់ផ្អើលរបស់ Mendy គួបផ្សំនឹងភាពធូរស្បើយរបួសរបស់ David Alaba និងការចាកចេញរបស់ Nacho Fernandez មានន័យថាពួកគេនឹងផ្តោតសំខាន់លើការចុះហត្ថលេខាលើខ្សែការពារកណ្ដាល…

ខ្សែបម្រើ Enzo Fernandez របស់ក្រុមតោខៀវ Chelsea នឹងអវត្តមានពេញមួយរដូវកាលនេះ បន្ទាប់ពីបានទទួលការវះកាត់ដោយជោគជ័យលើបញ្ហាក្រលៀន។ កីឡាករអន្តរជាតិអាហ្សង់ទីនវ័យ ២៣ឆ្នាំ នឹងមិនមានវត្តមានសម្រាប់ការប្រកួតដែលនៅសេសសល់ចំនួន ៦ប្រកួត នៅ Premier League។ គួរបញ្ជាក់ដែរថា Enzo Fernandez អាចនឹងកំណត់គោលដៅត្រឡប់មកវិញ សម្រាប់ការប្រកួត Copa America ដែលចាប់ផ្តើមនៅថ្ងៃទី២០ ខែមិថុនា ខាងមុខ។ រំលឹកដែរថា Fernandez បានចូលរួមជាមួយ Chelsea ពីសំណាក់ Benfica ក្នុងតម្លៃផ្ទេរកំណត់ត្រាអង់គ្លេស ១០៧លានផោន នៅចុងឆ្នាំ ២០២៣។ ដោយឡែក ការផ្លាស់ប្តូរនេះបានកើតឡើង បន្ទាប់ពីគាត់ត្រូវបានដាក់ឈ្មោះជាកីឡាករវ័យក្មេងនៃការប្រកួតក្នុងអំឡុងពេលជ័យជំនះ World Cup ឆ្នាំ ២០២២ ជាមួយប្រទេសអាហ្សង់ទីន។ បច្ចុប្បន្ន Fernandez បានបង្ហាញខ្លួន ៤០លើក សម្រាប់ក្រុមតោខៀវក្នុងយុទ្ធនាការដ៏លំបាកមួយសម្រាប់ក្លឹបនៅរដូវកាលនេះ ដោយស៊ុតបញ្ចូលទីបាន ៧គ្រាប់ ខណ: Chelsea កំពុងស្ថិតនៅលេខ ៩ ក្នុងតារាង Premier…