Sport

តារា​ឆ្នើម​វ័យ​ក្មេង Jamal Musiala កំពុង​ស្ថិត​ក្រោម​ក្រសែ​ភ្នែក​ចង់​បាន​របស់​ក្លឹប​ធំ ២ មាន Barcelona និង Manchester City បន្ទាប់​តែ​យុវជន​សញ្ជាតិ​អង់គ្លេស​បត់​ខ្លួន​ឯង​ទៅ​ជា​បម្រើ​ប្រយុទ្ធ​ដ៏​ល្អ​ដាច់​គេ​មួយ​ប្រចាំ​តំបន់​អឺរ៉ុប នា​រយៈ​ពេល ២ រដូវ​កាល​ចុង​ក្រោយ។ ឃើញ​ថា កីឡាករ​​វ័យ ២១ ឆ្នាំ កំពុង​ពេញ​ធ្វើ​បាន​ល្អ​ខ្លាំង​ឲ្យ​ក្លឹប Bayern Munich ជាមួយ​កុងត្រា​សេសសល់​រយៈ​ពេល ២ ឆ្នាំ​ទៀត តែ​យ៉ាង​ណា​គេ​ក៏​ទំនង​គិតគូរ​ដល់​ការ​ងាក​រក​ទ្រនំ​ប្រកួតប្រជែង​ថ្មី​ផង​ដែរ។ រួច​បើ​តាម​សារព័ត៌មាន The Independent ចុះ​ផ្សាយ បច្ចុប្បន្ន​មាន​ក្លឹប​យក្ស ២ សំពៅ​មាស និង​អ្នក​មាន​បុណ្យ ពិត​ជា​ដាក់​ចិត្ត​ចង់​បាន​គេ​ខ្លាំង។ កីឡាករ​ដែល​អាច​លេង​បាន​ទាំង​បម្រើ​ប្រយុទ្ធ និង​ស្លាប​រូប​នេះ អាច​មាន​ហាងឆេង​តម្លៃ​ខ្លួន​ខ្ពស់​កប់​ពពក​ដល់​ទៅ ១១០ លាន​អឺរ៉ូ។ សព្វថ្ងៃ​រាប់​គេ​បាន​ជា​កីឡាករ​អាច​លក់​ចេញ​ខ្ពស់​បំផុត​ហើយ​ប្រចាំ​ម្ចាស់ដី Allianz Arena នៅ​ទីក្រុង Munich ប្រទេស​អាល្លឺម៉ង់។ រំឭក​ទៅ​មើល​ស្ថិតិ​របស់ Musiala បន្តិច នៅ​រដូវ​កាល ២០២៣/២៤ គេ​ឈរ​ជើង​សរុប ៣៤ ប្រកួត ​នៅ​ចំនួន ២…

ក្លឹប​សារិកា​ព្រៃ Newcastle United បាន​ប្រកាស​អំពី​ដំណើរការ​ត​កុងត្រា​ថ្មី​ដោយ​ជោគជ័យ​រវាង​កីឡាករ​លេង​តំណែង​បម្រើ Joelinton លើ​សុពលភាព​រយៈ​ពេល​យូរ ដល់​ចុង​ខែ​មិថុនា ឆ្នាំ ២០២៨ ឯ​ណោះ។ នេះ​វា​ផ្ទុយ​ស្រឡះ​អំពី​តែ​ចចាមអារ៉ាម​ចុះ​ផ្សាយ ដែល​ថា​លោក Eddie Howe ជា​អ្នកចាត់ការ អាច​បង្ខំ​ចិត្ត​លក់​ចេញ Joelinton ក្រោយ​ក្លឹប​មាន​បញ្ហា​ល្មើស​ច្បាប់​ហិរញ្ញវត្ថុ។ ដល់​តែ​ចុះ​ឡើង បែរ​មក​ត​កុងត្រា​ថ្មី​ដោយ​ជោគជ័យ ហើយ​រយៈ​ពេល​យូរ​ទៀត​ផង។ Joelinton បាន​រៀបរាប់​ប្រាប់​គេហទំព័រ​ផ្លូវការ​យ៉ាង​ដូច្នោះ​ថា៖ “ខ្ញុំ​មាន​អារម្មណ៍​ល្អ មាន​អារម្មណ៍​រីករាយ ទាំង​ក្រុម​គ្រួសារ​ខ្ញុំ​ក៏​ដូច​គ្នា រឿងរ៉ាវ​ជា​ច្រើន​បាន​កើត​ឡើង​នៅ​រយៈ​ពេល​ប៉ុន្មាន​ឆ្នាំ​ចុងក្រោយ​នៅ​ទី​នេះ ខ្ញុំ​បាន​រៀន​សូត្រ​និង​ធំធាត់​ឡើង សម្រាប់​ខ្ញុំ​ការ​ជ្រើស​មក Newcastle ជា​ការ​សម្រេច​ចិត្ត​ដ៏​ត្រឹមត្រូវ”។ ខណៈ​អ្នកចាត់ការ​លោក Eddie How វិញ​ក៏​បញ្ជាក់៖ “Joelinton គេ​ជា​កីឡាករ​ដ៏​លេចធ្លោ ហើយ​ក៏​ទទួល​បាន​ការ​ស្រលាញ់​ពី​អ្នក​រាល់​គ្នា​នៅ​ក្លឹប​ផង​ដែរ គេ​បាន​ពាំនាំ​គុណភាព​ដ៏​ល្អ មក​កាន់​ក្រុម និង​កាន់​តែ​ធ្វើ​ឲ្យ​ពួក​យើង​រឹងមាំ​ឡើង”។

ក្លឹបតោខៀវ Chelsea បានត្រៀមខ្លួនលក់កីឡាកររបស់ខ្លួន ៤រូប មានដូចជា Ian Maatsen, Trevoh Chalobah, Armando Broja និង Conor Gallagher ដើម្បីស្តារជំហរហិរញ្ញវត្ថុរបស់ពួកគេ និងរក្សាតំណែងខ្សែការពារឆ្នើម Levi Colwill នៅរដូវក្តៅនេះផងដែរ។ ជាមួយគ្នានេះផងដែរ Liverpool បានព្យាយាមចុះហត្ថលេខាលើ Colwill ខណៈឥឡូវនេះហង្សក្រហមអាចនឹងមិនចុះហត្ថលេខាលើខ្សែការពារវ័យ ២១ឆ្នាំរូបនេះបានដោយជោគជ័យនោះទេ ស្របពេល Joel Matip ទំនងជានឹងចាកចេញពីទឹកដី Anfield ក្នុងរដូវកាលនេះផងដែរ។ សរុបមកវិញ ការចាកចេញរបស់កីឡាករ Chelsea ទាំង៤រូបនេះ អាចជាការសម្រេចដ៏ត្រឹមត្រូវដែរឬទេ ក៏ព្រោះថាពួកគេសុទ្ធសឹងតែជាកីឡាករកំពុងតែវិវត្តន៍បានយ៉ាងល្អ គួរឲ្យកត់សម្គាល់៕

Mason Greenwood កំពុងតែទទួលបានការចាប់អារម្មណ៍យ៉ាងខ្លាំងនៅ Getafe ចាប់តាំងពីគាត់បានមកដល់កាលពីរដូវក្តៅមុនក្នុងលក្ខខណ្ឌខ្ចីជើងពេញមួយរដូវកាលពី Manchester United។ កីឡាករវ័យ 22ឆ្នាំរូបនេះរកបាន 6គ្រាប់ និង Assist 5ដងក្នុងការបង្ហាញខ្លួន27លើកសម្រាប់ក្រុម Los Azulones ជាពិសេសការបង្ហាញខ្លួនតទាល់នឹងក្លឹបAlmeria ដែលរូបគេរកបាន២គ្រាប់និងកាបញ្ជូនបាល់មួយគ្រាប់កាលពីយប់ថ្ងៃសៅរ៏ហាក់ទទួលការចាប់អារម្មណ៍កាន់តែខ្លាំងពីណាក់អ្នកគាំទ្រ Getafeក៏ដូចជាគ្រូបង្វឹកផងដែរ។ ដោយសារតែទម្រង់លេងដ៏ល្អបែបនេះនៅ Getafe អនាគតរបស់ Greenwood គឺជាប្រធានបទក្ដៅក្នុងរយៈពេលប៉ុន្មានខែចុងក្រោយនេះ។ Manchester United មិនទាន់សម្រេចចិត្តថាតើត្រូវទុក លក់ ឬដាក់អោយខ្ចីបន្ដទេ ប៉ុន្តែ Jose Bordalas បានបញ្ជាក់ទាំងអស់ថា ចេតនារបស់គាត់គឺចង់រក្សាទុកខ្សែបម្រើស្លាបអង់គ្លេសរូបនេះសម្រាប់មួយរដូវកាលទៀត ។ “យើង​មិន​ទាន់​បាន​និយាយ​ពីរឿងនេះនៅ​ឡើយ​ទេ។ គាត់ស្ថិតក្នុងស្ថានភាពដូចគ្នានិងកីឡាករខ្ចីជើងផ្សេងទៀតដែរ។ នៅពេលដែលរដូវកាលនេះចប់ វាជាពេលដែលត្រូវចុះទៅធ្វើការ ដើម្បីមើលថាតើ Mason នឹងអាចស្នាក់នៅមួយឆ្នាំទៀតឬអត់។ វានឹងអាស្រ័យលើក្លឹបដើមរបស់គាត់ និងការសម្រេចចិត្តដែលគាត់ចង់”។ Greenwood ត្រូវ​បាន​គេ​រាយការណ៍​ថា​បាន​ទាក់​ទាញ​ការ​ចាប់​អារម្មណ៍​ពី​ក្លឹប​ផ្សេង​ទៀត​នៅ La Liga រួម​ទាំង Atletico Madrid ផង​ដែរ បើ​ទោះ​បីជា Getafe ស្រលាញ់​គាត់យ៉ាងណាក៏ត្រឹមអាច​រក្សា​គាត់​បាន​រយៈពេល 12…

Bayern Munich ទើបតែកម្តៅសាច់ដុំមុនប្រកួត UEFA Champions League តាមរយៈការប្រកួតក្នុងលីគដ៏សំខាន់ជាមួយក្រុម Eintracht Frankfurt។ Thomas Tuchel និងកីឡាកររបស់គាត់ឥឡូវនេះកំពុងផ្តោតតែលើពានអ៉ឺរ៉ុបមួយប៉ុណ្ណោះខណៈដែលការការពារជើងឯក Bundesliga របស់ពួកគេបានចប់សព្វគ្រប់ក្រោមស្នាដៃ Bayern Leverkusen តាំងពីសប្ដាហ៍មុនមកម្ល៉េះ។ ទោះបីជាយ៉ាងណាក៏ដោយមុនពេលប្រឈមមុខនឹងក្រុម Los Blancos លោក Tuchel កំពុងធ្វើឱ្យមានតុល្យភាពនៃស្ថានភាពរបួសកីឡាករជាច្រើនរបស់គាត់។ ជាការពិតពេលនេះThuchelបានបាត់បង់កីឡាករសំខាន់ៗដូចជា Jamal Musiala ត្រូវ​បាន​សម្រាក​ដោយ​សារ​បញ្ហា​សរសៃ​ពួរជាមួយ​និង​ខ្សែ​ការពារ​សញ្ជាតិ​បារាំងDayot Upamecanoក៏អវត្តមាន​ដោយ​បញ្ហា​កជើង។ Upamecano មើលទៅប្រាកដណាស់ថានឹងខកខានការប្រកួតទល់នឹង Real Madrid ប៉ុន្ដែ Musiala អាចថា 50/50 ។ Ancelotti ទើបតែបង្ហើបថាគាត់មានកូនសោសម្រាប់ចាក់នៅទឹកដីអាល្លឺម៉ង់ ពេលនេះលោកគ្រូTuchel ក៏បញ្ចេញអាវុធសម្ងាត់របស់គាត់ដែរ បើ​តាម​ប្រភពពីMarcaគ្រូបង្វឹក Bayern ម្នាក់នេះនិយាយថា៖ “Serge Gnabry នឹង​មានមុខច្បាស់ណាស់សម្រាប់​ថ្ងៃ​អង្គារ។ ខ្ញុំគិតថាគាត់នឹងលេង ហើយស៊ុតបញ្ចូលទីទៀតផង។ យើង​ត្រូវ​រង់ចាំ​មើល​ថា​តើ​គាត់​បាន​ត្រៀម​ខ្លួន​ជា​ស្រេច​ក្នុង​ការ​ចាប់​ផ្តើម​ឬ​ក៏​អាចទុកជាអាវុធសម្ងាត់របស់យើងដែលអង្គុយបម្រុងសិន។ យើងកំពុងវាយតម្លៃពីស្ថានភាពរបស់ Leroy ពីមួយថ្ងៃទៅមួយថ្ងៃ យើងត្រូវការពេលវេលា។ ខ្ញុំ​មិន​អាច​ធ្វើ​ការ​ទស្សន៍ទាយ​បាន​ទេ​ឥឡូវ​នេះ”។ យ៉ាងណាមិញជាមួយនឹងក្រុមBayern…

Barcelona បាននឹងកំពុងរៀបចំបញ្ជីសម្រិតសម្រាំងសម្រាប់គោលដៅដ៏សំខាន់មួយនៅមុនទីផ្សារដោះដូរកីឡាកររដូវក្តៅខាងមុខ ហើយJoshua Kimmich ត្រូវបានរួមបញ្ចូលក្នុងគំរោងនោះផងដែរ។ ទោះបីជាបែបនេះក៏ដោយ Xavi Hernandez ក៏ជាអ្នកគាំទ្រដ៏ងប់ងុលរបស់ខ្សែបម្រើ Bayern Munich និងអាល្លឺម៉ង់ ដែលគាត់ចង់យកមកបន្ថែមក្នុងក្រុមរបស់គាត់សម្រាប់រដូវកាលក្រោយផងដែរ។ Bayern កាន់តែបើកចំហចំពោះគំនិតនៃការលក់ Kimmich ទោះបីជាគាត់ជាកីឡាករដ៏សំខាន់បំផុតរបស់ពួកគេក៏ដោយ។ កិច្ចសន្យារបស់គាត់នឹងផុតកំណត់នៅចុងបញ្ចប់រដូវកាលក្រោយ បើគ្មានកិច្ចព្រមព្រៀងបន្តណាមួយកើតឡើងនៅក្នុងប៉ុន្មានសប្តាហ៍ខាងមុខទេ នោះគាត់នឹងមានឈ្មោះនៅលើទីផ្សារដោះដូរកីឡាករ។ របាយការណ៍​ក៏​បាន​បញ្ជាក់​ដែរ​ថាBayern មាន​ឆន្ទៈខ្ពស់ក្នុងការ​ចរចា​ជាមួយ Barcelona។ ជាពិសេសពួកគេនឹងចង់ធ្វើកិច្ចព្រមព្រៀងដោះដូរដែលពាក់ព័ន្ធរវាងKimmich និងFrenkie de Jong ឬ Ronald Araujo ត្រូវបានដាក់បញ្ចូល។ Araujo និង de Jong ទាំងពីរនាក់ត្រូវបានផ្សារភ្ជាប់ជាមួយនឹងការចាកចេញនៅរដូវក្តៅខាងមុខ ទោះបីជា Barcelona នឹងដឹងថាពួកគេនឹងមានតម្លៃថ្លៃជាង Kimmichក៏ដោយ ជាពិសេសការពិចារណាលើស្ថានភាពកិច្ចសន្យារៀងៗខ្លួន។ Bayern អាច​នឹង​ត្រូវ​បន្ថែមលុយ​ដ៏​ច្រើន​សន្ធឹក​សន្ធាប់​ដើម្បី​ល្បួងកីឡាករមកពីកាតាឡាន់ទាំងពីរនាក់នេះ។

កីឡាករខ្ចីជើងរបស់ Manchester United បានក្លាយជាកីឡាករអង់គ្លេសដែលស៊ុតបញ្ចូលទីបានច្រើនជាងគេក្នុងប្រវត្តិសាស្ត្រ Bundesliga ជាមួយនឹងការវាយប្រហារដ៏អស្ចារ្យក្នុងក្រុម Borussia Dortmund ចាញ់ 4-1 ដោយ RB Leipzig កាលពីថ្ងៃសៅរ៍។ Sancho បានចូលរួមជាមួយក្លឹបវិញក្នុងខែមករា បន្ទាប់ពីត្រូវបាននិរទេសដោយ Erik ten Hag ហើយបានចាប់ផ្តើមចម្លងទម្រង់ដែលបានធ្វើឱ្យគាត់ផ្ទេរទៅបិសាចក្រហមក្នុងតម្លៃ 73 លានផោនក្នុងឆ្នាំ 2021 ។ Sancho បានធ្វើឱ្យចំនួនគ្រាប់បាល់សរុបរបស់គាត់នៅក្នុងក្របខ័ណ្ឌកំពូលរបស់អាឡឺម៉ង់ឈានដល់ 40 គ្រាប់ជាមួយនឹងការខិតខំប្រឹងប្រែងយ៉ាងរីករាយទៅកាន់ជ្រុងកំពូលបន្ទាប់ពីការប៉ះទង្គិចគ្នាត្រឹមតែ 20 នាទីប៉ុណ្ណោះ។

ជំនួបវគ្គផ្តាច់ព្រ័ត្រ FA Cup រដូវកាល ២០២៣-២៤ រវាងម្ចាស់ការពារជើងឯក Manchester City ទល់នឹង Manchester United នឹងត្រូវធ្វើតាមពេលវេលាកំណត់ ដដែល ដើម្បីជួយសម្រួលដល់អ្នកគាំទ្រដែលធ្វើដំណើរផ្លូវឆ្ងាយ ចៀសវាងពន្យារពេលប្រកួត ដូចរដូវកាលមុន។ នេះបើតាមការប្រកាសរបស់សមាគមបាល់ទាត់អង់គ្លេស FA។ ការប្រកួត រវាង Manchester City ទល់នឹង Manchester United ដែលជាក្រុមស្ថិតនៅទីក្រុង Manchester តែមួយ នឹងត្រូវធ្វើឡើងនៅថ្ងៃទី២៥ ខែឧសភា។ អ្នកគាំទ្រពីទីក្រុង Manchester ត្រូវធ្វើដំណើរជាង ៣២០គីឡូម៉ែត្រឆ្ពោះទៅកាន់ទីក្រុងឡុងដ៍ដើម្បីមើលការប្រកួតក្រុមទាំងពីរ ក្នុងកីឡដ្ឋាន Wembley។ ជំនួប Manchester Derby ក្នុងវគ្គផ្តាច់ព្រ័ត្រ FA Cup បានកើតឡើងពីរដូវកាលជាប់គ្នា ដោយរដូវកាលមុន Manchester City ជាអ្នកគ្រងជើងឯក។ បើតាមសេចក្តីថ្លែងការណ៍របស់ FA អោយដឹងថា “ពេលវេលានៃការចាប់ផ្តើមការប្រកួតត្រូវបានទទួលយល់ព្រមពីសំណាក់ក្លិបសងខាង ក៏ដូចជាក្រុមមន្ត្រីក្នុងតំបន់ សមាជិកនៃកងការពារសន្តិសុខ ក្រុមនាំផ្លូវ និងការផ្សាយផងដែរ។”…

ខណៈដែលលីគធំៗនៅអ៉ឺរ៉ុបរកឃើញម្ចាស់ជើងឯកទៅហើយដូចជា Bundesliga, Serie A ចំណែក Laliga និង Ligue 1 កំពុងដាច់ពិន្ទុរហូត១០-១១ពិន្ទុ ប៉ុន្ដែនៅលីគអង់គ្លេស Eplកំពុងប្រជែងគ្នានៅឡើយទេ អាចថាម្ចាស់ជើងឯកនឹងដឹងថាជាក្រុមណារហូតដល់ចប់រដូវកាលទើបរកអ្នកឈ្នះឃើញ។ ទុករឿងពានមួយឡែកសិនងាកមកមើលអ្នកប្រជែងស្បែកមាសនៅ Epl វិញក៏មិនណយដែរ កំពុងប្រជែងគ្នាយ៉ាងប្រគៀសប្រកិតរហូតដល់ ១០រូបឯណោះ ដែលជានិច្ចកាលមានតែ២-៣នាក់ប៉ុណ្ណោះដែលប្រជែងគ្នានាវេលាដែលជិតចប់រដូវកាលបែបនេះ។ មកដល់សប្ដាហ៍ទី៣៤ទៅហើយ យើងនៅតែមិនអាចទាយដឹងនៅឡើយទេថាកីឡាកររូបណាដែលអាចឈ្នះស្បែកជើងមាសនៅ Epl រដូវកាលនេះ។ គួររំលឹកផងដែរថា កាលពីរដូវកាលមុនម្ចាស់ស្បែកជើងមាសគឺកីឡាកររបស់Manchester City Eiling Haaland រកបាន ៣៦គ្រាប់ឯណោះ ខណៈដែលរដូវកាលនេះបើទោះបីជារូបគេស្ថិតនៅលើគេក្នុងនាមជាអ្នករកគ្រាប់បាល់ច្រើនបំផុតក៏ដោយ ប៉ុន្ដែគេទើបតែរកបាន២០គ្រាប់ប៉ុណ្ណោះដែលតាមពីក្រោយដោយកីឡាករជាច្រើនរូបក្នុងនោះរួមមាន ៖ ១. Eiling Haaland (Mancity) ២០គ្រាប់ ២. Cole Palmer (Chelsea) ២០គ្រាប់ ៣. Ollie Watkins (Aston villa) ១៩គ្រាប់ ៤. Dominic Solanke (AFC Bournemouth) ១៨គ្រាប់…

នៅសល់បីថ្ងៃទៀតដល់ថ្ងៃប្រកួតជើងទី១វគ្គពាក់កណ្តាលផ្តាច់ព្រ័ត្រ Champions League រវាង Bayern Munich និង Real Madrid ស្រាប់តែកីឡាករដ៏សំខាន់បំផុតម្នាក់របស់ Bayern Munich ត្រូវបានក្លឹបប្រកាសថាបានរងរបួសនោះគឺ Jamal Musial។ កាលពីចុងសប្តាហ៍មុន Musiala បានខកខានក្នុងជំនួបជាមួយ Union Berlin ដោយសាររបួសតែគាត់បានត្រឡប់មកវិញកាលពីយប់មិញបង្ហាញខ្លួនតទាល់ជាមួយក្រុម frankfurt បើទោះបីជាយ៉ាងណាក៏ដោយ គាត់ត្រូវបានគេបង្ខំឱ្យដូរចេញភ្លាមៗ បន្ទាប់ពីទទួលរងបញ្ហាសរសៃពួររើឡើងវិញ។ លោក Thomas Tuchel អ្នក​ចាត់​ការ​ទូទៅ​របស់Bayern ក៏​បាន​និយាយ​អំពី​បញ្ហា​នេះ​មុន​ពេល​ការ​ប្រកួត​ទល់​នឹង Frankfurt ដែរថា៖ “គាត់មិនអាចលេងបានទេ។គាត់ពិតជាចង់លេង ហើយយើងក៏ចង់ឱ្យគាត់លេង។គាត់​គ្មាន​ការឈឺចាប់​រយៈពេល​ពីរ​ថ្ងៃមកហើយ ប៉ុន្តែ​កាលពី​ម្សិលមិញ គាត់​មាន​អារម្មណ៍​ឈឺចាប់ម្តងទៀត​។វា​ជា​ការ​រលាក​សរសៃ​ពួរ​ដែល​រំខាន​គាត់​ខ្លាំង​ណាស់”។ ការ​អវត្តមាន​របស់ Musiala នៅ​ថ្ងៃ​អង្គារ​នឹង​ក្លាយ​ជា​សមីការលំបាកមួយ​សម្រាប់ Bayern ក្នុងការទប់ទាល់នឹងម្ចាស់ជើងឯក Real Madrid។ ពីរបីថ្ងៃខាងមុខនឹងមានសារៈសំខាន់ណាស់ដើម្បីកំណត់ថាតើគាត់អាចចូលរួមនៅ Allianz Arena ដែរឬទេ ៕