Football

លោក Frank Lampard មានការភ្ជាប់ទៅនឹងតំណែងគ្រូបង្គោលក្រុមបាល់ទាត់ជម្រើសជាតិកាណាដា​ ក្នុងព្រឹត្តិការណ៍ FIFA World Cup 2026។ កាណាដាគឺជាក្រុមម្ចាស់ផ្ទះមួយនៃព្រឹត្តិការណ៍បាល់ទាត់ពិភពលោក នាឆ្នាំ២០២៦ ហើយពួកគេសម្លឹងឃើញលោក Lampard ជាបេក្ខភាពមួយ សម្រាប់ការដឹកនាំពួកគេប្រកួត នេះបើយោងតាមប្រភពពីសារព័ត៌មាន The Telegraph។ កន្លងមកលោក Lampard ធ្លាប់ដឹកនាំនៅក្លឹប Chelsea និង Everton ប៉ុន្ដែពុំទទួលបានលទ្ធផលល្អគាប់ចិត្តនោះទេ។​ នៅពេលឱកាសនៃការដឹកនាំក្រុមជម្រើសជាតិ អាចឱ្យវីរបុរសក្រុមតោខៀវរូបនេះ ត្រលប់មកកាន់ការងារជាគ្រូបង្វឹកជាថ្មី។ លោក Lampard ស្ថិតនៅក្នុងបញ្ជីបេក្ខភាពគ្រូបង្វឹករបស់ជម្រើសជាតិកាណាដា ប៉ុន្ដែវាអាចពិបាកសម្រាប់ពួកគេក្នុងការបញ្ចុះបញ្ចូលអតីតខ្សែបម្រើអង់គ្លេស មកដឹកនាំការប្រកួតនៅ World Cup ប្រសិនបើលោក Lampard នៅតែរក្សាការដឹកនាំប្រកួតសម្រាប់ក្លឹប៕

ការប្រកួតនៅក្របខណ្ធ Premier League នៅល្ងាចថ្ងៃសៅរ៍នៅកីឡដ្ឋាន Amex នាតំបន់ឆ្នេរសមុទ្រភាគខាងត្បូងខណៈក្រុមម្ចាស់ផ្ទះ Brighton & Hove Albion ត្រូវបើកទ្វារកីឡដ្ឋាន ស្វាគមន៏ក្រុមភ្ញៀវ គឺកាំភ្លើងធម Arsenal វេលាម៉ោង១១និង៣០នាទីយប់ថ្ងៃសៅរ៏នេះ។ទោះយ៉ាងណាសត្វរំពេរបានត្រឹមរកបានគ្រាប់បាល់សូន្យស្មើ ទល់និង Brentford កាលពីថ្ងៃពុធ ខណៈដែលក្រុមកាំភ្លើងធំបានលត់ Luton Town ២ គ្រាប់ ដើម្បីរក្សាឱកាសប្រជែងពាន EPL បន្តទៀត។ ៦ប្រកួតចុងក្រោយរបស់ Arsenal មិនដែលចាញ់ឈ្នះ៥ស្មើ១ ឈរនៅលខរៀងទី២មានគម្លាត២ ពិន្ទូពីក្រុមនាំមុខតារាងLiverpool ២ពិន្ទូ  ខណៈ Brighton ៦ប្រកួតចុងក្រោយឈ្នះ២ស្មើ២ចាញ់២ឈរនៅលេខរៀងទី៩។ ១.ប្រវត្តិជួបគ្នា Arsenal បានឈ្នះពីរលើកក្នុងចំណោមបីប្រកួតចុងក្រោយរបស់ពួកគេទល់ Brightonនៅ AMEX ។Arsenal កំពុងសម្លឹងចង់ឈ្នះលើកទីពីរក្នុងរដូវកាលនេះលើ Brighton និងធ្លាប់ធ្វើបានក្នុងរដូវកាល ២០២០-២០២១កន្លងមក។ Brighton មិន​ស្គាល់​ចាញ់​សោះ​ក្នុង​ការ​ប្រកួត​ក្នុង​ផ្ទះ​នៅ Premier League ១២លើក​ចុង​ក្រោយ​របស់​ពួក​គេ។ ការចាញ់ចុងក្រោយរបស់Brightonនៅ AMEX បានមកទល់ នឹងក្រុម West…

អ្នកចាត់ការ Bayern Munich លោក Thomas Tuchel បាននិយាយកាលពីថ្ងៃសុក្រថា Manuel Neuer, Leroy Sane, Kingsley Coman, Aleksan dar Pavlovic និង Noussair Mazraoui ស្ថិតនៅក្នុងភាពមិនច្បាស់លាស់ សម្រាប់ការប្រកួត UEFA Champions League វគ្គ៨ក្រុមចុងក្រោយទល់ Arsenal។ កីឡាករទាំង៥រូប នឹងអវត្តមានក្នុងការប្រកួតទល់នឹង Heidenheim ខណៈអ្នកចាត់ការ Thomas Tuchel បានប្រាប់អ្នកសារព័ត៌មានថា៖ “អវត្តមានរបស់ Manuel Neuer, Leroy Sane, Kingsley Coman, Aleksan dar Pavlovic និង Noussair Mazraoui មិនមែនយើងឱ្យពួកគេសម្រាកនោះទេ។ ពួកគេមិនមានឈ្មោះក្នុងក្រុម(សម្រាប់ប្រកួតថ្ងៃសៅរ៍ព្រោះ ពួកគេមិនអាចលេងបាន ដែលជាសំណួរដ៏ធំសម្រាប់ការប្រកួតថ្ងៃអង្គារ”។ Bayern Munich ហាក់អស់ឱកាសក្នុងការប្រជែងជើងឯក Bundesliga តទៅទៀតហើយ…

ក្រុមគ្រូពេទ្យរបស់ក្លឹប Manchester City ហាក់បង្ហាញទុទិដ្ឋិនិយមចំពោះបញ្ហារបួសខ្សែការពារ Kyle Walker ដែលអាចនឹងអវត្តមានក្នុងវគ្គ៨ក្រុមចុងក្រោយ UEFA Champions League ជើងទី១ ទល់ Real Madrid។ ខ្សែការពារស្លាបស្ដាំរបស់ក្រុមមេឃខៀវរូបនេះ បានអវត្តមានពីបញ្ជីក្រុមសម្រាប់ការប្រកួតទល់ Arsenal និង Aston Villa ហើយក៏នឹងមិនមានឈ្មោះចូលរួមការប្រកួតទល់ Aston Villa នាថ្ងៃសៅរ៍សប្ដាហ៍នេះផងដែរ ខណៈគេក៏អាចនឹងគ្មានឈ្មោះប្រកួតទល់ Real Madrid នាថ្ងៃទី៩ ខែមេសាផងដែរ។ អ្នកចាត់ការ Man City លោក Pep Guardiola បាននិយាយក្នុងសន្និសីទសារព័ត៌មានថា៖ “ក្រុមគ្រូពេទ្យបាននិយាយថាគេមិនអាចជាទាន់ការប្រកួតនោះទេ។ គ្រូពេទ្យបានប្រាប់ខ្ញុំថា របួសនេះគឺធ្ងន់ធ្ងរប៉ុន្ដែ Kyle នៅតែជា Kyle”។ Walker ស្ថិតនៅក្នុងបញ្ជីរបស់ក្នុងក្រុមរបស់លោក Guardiola ជាមួយនឹងមិត្តរួមក្រុម Nathan Ake និង Ederson ក៏ដូចជា John Stones ផងដែរ។ រំឭកកាលពីរដូវកាលមុន…

តារាឆ្នើមកំពុងលេចធ្លោនៅ Chelsea, Cole Palmer ត្រូវបានសួរថាតើ នៅពីក្មេងគេជាអ្នកគាំទ្រ Manchester United ឬទេ ក្រោយឃើញរូបភាពកាលពីកុមាររបស់ខ្សែបម្រើរូបនេះ ជាមួយអាវក្រុមបិសាចក្រហម។ Palmer រកគ្រាប់បាល់ហេតទ្រីគក្នុងការប្រកួតជ័យជម្នះសម្រាប់ Chelsea ៤-៣ លើ Man United បន្ទាប់ពីធ្វើបានពីរគ្រាប់នៅនាទីបន្ថែមយ៉ាងគួរឱ្យភ្ញាក់ផ្អើល។ ទន្ទឹមនឹងការប្រកួតរវាង ក្រុមតោខៀវ និងក្រុមបិសាចក្រហម មានការចែកចាយរូបភាពរបស់ខ្សែបម្រើអង់គ្លេសរូបនេះ កាលនៅពីក្មេងជាមួយអាវ Man United ហើយគេត្រូវបានសួរបញ្ជាក់ថាតើជាអ្នកគាំទ្រក្រុមនេះដែរឬយ៉ាងណា កាលនៅពីក្មេង។ អតីតយុវជនរបស់ Manchester City រូបនេះបានតបថា៖ “មែនហើយ នៅពេលខ្ញុំនៅពីក្មេង ខ្ញុំជាអ្នកគាំទ្រ United”។ គេបានបន្ថែមថា៖ “ខ្ញុំគិតពីការព្យាយាម និងធ្វើរឿងដដែលៗ។ ប៉ុន្ដែខ្ញុំបានរកគ្រាប់បាល់នៅក្រៅដី និងប៉ុន្មានគ្រាប់ផ្សេងទៀតនៅទីនេះ(Stamford Bridge) ដូច្នេះខ្ញុំពិតជារំភើបខ្លាំងណាស់។ ខ្ញុំព្យាយាមលេងក្នុងមួយប្រកួតៗឱ្យបានល្អ ហើយបង្ហាញអ្នកគាំទ្ររបស់ Chelsea និងគ្រប់គ្នា នូវអ្វីដែលខ្ញុំធ្វើពេលមកទីនេះ ហើយនោះគឺជាការលេងបាល់ទាត់”៕

អតីតនាយកផ្នែកកីឡារបស់ក្លឹប Barcelona លោក Javier Bordas បានពន្យល់មូលហេតុដែលក្លឹប បោះបង់ចោលនូវឱកាសក្នុងការចុះហត្ថលេខា Kylian Mbappe ក្នុងឆ្នាំ២០១៧។ លោក Bordas បានបង្ហាញវត្តមានក្នុងកម្មវិធីទូរទស្សន៍អេស្ប៉ាញ El Chiringuito លោក Bordas ដែលធ្វើជានាយកផ្នែកកីឡា ក្រោមការដឹកនាំរបស់អតីតប្រធានក្លឹប Barcelona លោក Sandro Rosell និង Josep Bartomeu បានអះអាងថា Mbappe កៀកនឹងចូលរួម Barca ក្នុងឆ្នាំ២០១៧។ នាពេលនោះ ក្លឹបអ្នកមានបុណ្យមានទឹកប្រាក់២២២លានអឺរ៉ូនៅក្នុងដៃដើម្បីចំណាយ បន្ទាប់ពីលក់ Neymar ទៅឱ្យក្លឹប Paris Saint-Germain។ ប៉ុន្ដែចុងក្រោយ ពួកគេបានជ្រើសរើស Ousmane Dembele ដែលពុំបានបង្ហាញសមត្ថភាពពេញលេញនោះទេ ពេលលេងនៅក្លឹបយក្សកាតាឡូញ៉ា។ លោក Bordas បាននិយាយថា៖ “ប្រសិនបើខ្ញុំចាត់ចែងការងារនោះ Mbappe ប្រហែលជាលេងនៅ Barca ហើយ។ ខ្ញុំចង់បាន Mbappe។ គេអាចមក…

Ansu Fati នឹងមិនបន្ដលេងនៅ Brighton តទៅទៀតទេ ក្រោយចប់រដូវកាលនេះ បន្ទាប់ពីគេមិនអាចបង្ហាញសមត្ថភាពតាមការចង់បានរបស់អ្នកចាត់ការ Roberto de Zerbi។ នេះបើយោងតាមការចុះផ្សាយរបស់សារព័ត៌មាន SPORT។ អំឡុងទីផ្សារដោះដូររដូវក្ដៅកន្លងទៅ ក្លឹប Barcelona បានសម្រេចចិត្តបញ្ជូន Fati ទៅកាន់ក្លឹបនៃក្របខណ្ឌ Premier League ក្រោមកិច្ចសន្យាខ្ចីជើងមួយរដូវកាល ប៉ុន្ដែគ្រប់យ៉ាងមិនស្ថិតនៅក្នុងការរំពឹងទុកនោះទេ។ ការពិបាកសម្របខ្លួន និងបញ្ហារបួសបានធ្វើឱ្យពេលវេលារបស់ Fati នៅ Brighton ជួបនឹងរឿងស្មុគស្មាញ។ ខ្សែប្រយុទ្ធស្លាបអេស្ប៉ាញរូបនេះ ចូលរួមលេងបាន២៣ប្រកួត ប៉ុន្ដែមានតែ៩លើកប៉ុណ្ណោះ ដែលគេជាប់ជម្រើស១១នាក់ដំបូង ហើយគេរកគ្រាប់បាល់៤គ្រាប់ និង assist ម្ដង។ លោក De Zerbi មិនមានទំនុកចិត្តលើ Fati នោះទេ ហើយ Brighton នឹងបញ្ជូនកីឡាកររូបនេះទៅ Barcelona វិញ ពេលកុងត្រាខ្ចីជើងផុតកំណត់នាដំណាច់ខែមិថុនាខាងមុខ។ ភ្នាក់ងាររបស់កីឡាករវ័យ២១ ឆ្នាំ កំពុងព្យាយាមក្នុងការស្វែងរកក្លឹបដើម្បីអាចឱ្យគេបានលេងទៀងទាត់នារដូវកាលក្រោយ។ ក្លឹប Wolves ចាប់អារម្មណ៍ក្នុងការដាក់សំណើខ្ចីជើង Fati…

អ្នកចាត់ការរបស់ Paris Saint-Germain លោក Luis Enrique បាននិយាយប្រាប់អ្នកសារព័ត៌មាន មុនការប្រកួត Ligue 1 ទល់នឹង Clermont ដោយលោកបានត្រៀមយុទ្ធសាស្ដ្រសម្រាប់ការប្រកួត UEFA Champions League នាប៉ុន្មានថ្ងៃខាងមុខ។ លោក Enrique ជាអតីតអ្នកចាត់ការ Barcelona ហើយលោកធ្លាប់ដឹកនាំពួកគេទទួលជោគជ័យយ៉ាងច្រើន ជាពិសេសបានឈ្នះ Treble(La Liga, UCL និង Copa del Rey) នារដូវកាល ២០១៤-១៥។ ទោះយ៉ាងណាក្ដី បុរសជនជាតិអេស្ប៉ាញរូបនេះ នឹងដឹកនាំការប្រកួតទល់នឹងអតីតក្លឹបរបស់លោក ក្នុងវគ្គ៨ក្រុមចុងក្រោយ។ លោក Enrique បាននិយាយថា៖ “ខ្ញុំមកពីទីក្រុង Gijon(អេស្ប៉ាញ) សូម្បីតែការនិយាយរបស់ខ្ញុំក៏បានបង្ហាញបែបនេះដែរ។ ប៉ុន្ដែពេលនេះផ្ទះរបស់ខ្ញុំនៅប៉ារីស ផ្ទះរបស់ខ្ញុំ ក្លឹបរបស់ខ្ញុំ, អតីតកាល និងអនាគតមិនត្រូវបានរាប់បញ្ចូលនោះទេ អ្វីដែលត្រូវគិតនោះគឺបច្ចុប្បន្ន”៕

Atletico Madrid នឹងមានការរុះរើក្រុមសម្រាប់រដូវកាលក្រោយ ជាពិសេសនៅតំបន់ការពារ ដោយអ្នកចាត់ការ Diego Simeone ពុំសូវពេញចិត្តចំពោះសមាជិកបច្ចុប្បន្ននៅក្នុងក្រុមនោះទេ។ កីឡាករមួយរូបដែលបង្ហាញសមត្ថភាពពុំសូវបានល្អ ហើយអាចនឹងត្រូវបានលក់ចេញក្នុងទីផ្សាររដូវក្ដៅខាងមុខ គឺខ្សែការពារ Nahuel Molina។ Molina បានបាត់បង់តំណែងរបស់ខ្លួនក្នុងជម្រើសដំបូង ដោយសារលេងពុំបានល្អ ក្នុងការប្រកួតមួយចំនួន ខណៈ Marcos Llorente ត្រូវាបានដាក់ឱ្យលេងជំនួសកីឡាករអាហ្សង់ទីនរូបនេះ។ យោងតាមប្រភពពី Mundo Deportivo បានរាយការណ៍ថា ក្លឹប Atletico មានការចាប់អារម្មណ៍ចង់បានខ្សែការពារ Giovanni Di Lorenzo ពីក្លឹប Napoli។ ទោះយ៉ាងណាក្ដី ក្លឹបអេស្ប៉ាញ នឹងប្រឈមការប្រកួតប្រជែងជាមួយ Aston Villa និង Inter Milan ដែលកំពុងតាមដានស្ថានភាពរបស់ខ្សែការពារអ៊ីតាលីរូបនេះ៕

Manchester United បានរងនូវផលវិបាក ចំពោះបញ្ហារបួសកីឡាករ ហើយនៅក្នុងការប្រកួតបរាជ័យ ៤-៣ ក្រោមថ្វីជើងរបស់ Chelsea មានកីឡាករពីររូបបន្ថែមទៀតដែលជួបនឹងបញ្ហាដ៏រាំរ៉ៃមួយនេះ។ ខ្សែការពារ Raphael Varane បានរងរបួសហើយត្រូវបានប្ដូរចេញក្រោយចប់វគ្គទី១ ជំនួសដោយ Jonny Evans។ អតីតកីឡាករ Leicester City ក៏របួសផងដែរ ក្រោយលេងបាន២០នាទី និងត្រូវបានប្ដូរចេញជំនួសដោយ Kambwala។ ពាក់ព័ន្ធនឹងបញ្ហារបួសកីឡាករ អ្នកចាត់ការ Erik ten Hag បាននិយាយថា៖ “Varane, Evans និង Casemiro ផងដែរ ត្រូវបានប្ដូរចេញ។ អ្នកត្រូវការភាពជាអ្នកដឹកនាំបែបនេះ ហើយនិងអ្វីដែលត្រូវធ្វើ”។ “ខ្ញុំមិនដឹងថាពួកគេនឹងបានលេងនៅថ្ងៃអាទិត្យឬយ៉ាងណាទេ។ ក្រុមយើងនឹងលេងនៅថ្ងៃអាទិត្យ។ ពួកគេមានការតាំងចិត្ត។ ពួកគេបានបង្ហាញវានៅថ្ងៃនេះ ដោយតស៊ូនៅក្នុងការប្រកួត”៕