Sport

កីឡាករ Bruno Guimaraes កំពុងមានពាក្យចចាមអារ៉ាមជាច្រើនជុំវិញអនាគតរបស់រូបគេនៅទឹកដី St James’ Park របស់ក្រុម Newcastle United ស្របពេលក្រុមមួយនេះកំពុងមានការងារជាច្រើន ដើម្បីធ្វើមិនឱ្យប៉ះពាល់ច្បាប់ហិរញ្ញវត្ថុ។ ការលក់ចេញកីឡាករ Bruno Guimaraes អាចនឹងទៅរួច ស្របពេលកីឡាកររូបនេះកំពុងទទួលការចាប់អារម្មណ៍ពីក្លិបបាល់ទាត់ធំៗក្នុងតំបន់អឺរ៉ុប។ យោងតាមសារព័ត៌មាន The Mirror បានឱ្យដឹងថា ក្រុម Paris Saint-Germain ដែលមានមូលដ្ឋាននៅប្រទេសបារាំង កំពុងតែតាមដានលើកីឡាករ Bruno Guimaraes និងចាត់ទុកថាកីឡាកររូបនេះជាគោលដៅដ៏សំខាន់មួយផងដែរ។ ក្រុម Paris Saint-Germain ក៏កំពុងតែព្យាយាមទាក់ទងទៅកាន់ភ្នាក់ងារកីឡាករ Bruno Guimaraes ជុំវិញករណីនេះដូចគ្នា។ ក្រុមអធិរាជស Real Madrid ក៏បានចាប់អារម្មណ៍លើកីឡាករវ័យ ២៦ ឆ្នាំរូបនេះផងដែរ ប៉ុន្តែតម្លៃខ្លួនរបស់កីឡាកររូបនេះ គឺមិនតិចនោះឡើយ។ បន្ទាប់ពីចូលរួមជាមួយក្រុម Newcastle United ពីក្រុម Lyon ក្នុងតម្លៃខ្លួន ៣៤ លានផោន ក្នុងខែមករា ឆ្នាំ២០២២ រួចមក…

ងលទ្ធផល ៤-២ កាលពីយប់មិញ ក្នុងពានរង្វាន់ FA Cup ជុំទី៤ តាមរយៈការរកគ្រាប់បាល់ជ័យជំនះដោយកីឡាករ Antony និងកីឡាករ Rasmus Hojlund។ ក្រុម Manchester United នឹងបន្តដំណើរទៅកាន់ជុំទី៥ នៃពានរង្វាន់ FA Cup ដោយពួកគេនឹងត្រូវរង់ចាំអ៊ុតមើលក្រុមដែលត្រូវប៉ះបន្ទាប់រវាងក្រុម Nottingham Forest និងក្រុម Bristol City។ បន្ទាប់ពីបញ្ចប់ការផ្តល់កិច្ចសម្ភាសន៍ជាមួយអ្នកសារព័ត៌មាន លោក Erik ten Hag បានជូនជាកាដូទៅកាន់លោក Graham Coughlan គ្រូបង្វឹកក្រុម Newport ដែលជាស្រាក្រហមតម្លៃ ២០០ ផោន តាមរយៈការណែនាំដោយលោក Sir Alex Ferguson។ ប៉ុន្តែ ស្រាក្រហមមួយនេះហាក់បីដូចជាមិនត្រូវនឹងចំណង់ចំណូលចិត្តរបស់លោក Graham Coughlan ឡើយ ដោយលោកចូលចិត្ត Budweiser ច្រើនជាង។ លោក Erik ten Hag បានមានកិច្ចសន្ទនាជាមួយលោក…

ខ្សែប្រយុទ្ធក្លិប Manchester United កីឡាករ Marcus Rashford ត្រូវបានក្លឹបដាក់ពិន័យជាទឹកប្រាក់ចំនួន ៦៥មុឺនផោន បន្ទាប់ពីកីឡាករសញ្ជាតិអង់គ្លេសខាងលើ ត្រូវបានគេប្រទះឃើញនៅក្នុងក្លិបកម្សាន្តរាត្រីមួយនៅក្នុងប្រទេសអៀកឡង់ខាងជើង។ ជាការពិតណាស់ កាលពីថ្ងៃសុក្រកន្លងទៅនេះ Rashford បានប្រាប់ទៅកាន់ក្លឹបថា រូបគេនឹងមិនបានចូលរួមហ្វឹកហាត់ឡើយ ដោយសារ ខ្លួនឈឺ ព្រមទាំង អវត្តមានក្នុងជ័យជម្នះ ៤ទល់នឹង២ លើ ក្រុម Newport County នៃពានរង្វាន់ FA CUP ទៀតផង ប៉ុន្តែ គេបែរជាប្រទះឃើញរូបគេនៅក្នុងក្លិបរាត្រីមួយកាលពីយប់ថ្ងៃព្រហស្បតិ៍ទៅវិញ។ ទាក់ទងនឹងរឿងខាងលើ អ្នកចាត់ការក្រុមលោក Erik ten Hag បានលើកឡើងថា លោកនឹងដោះស្រាយបញ្ហានេះជាមួយ Rashford ប៉ុន្តែ លោកក៏មិនទាន់ហ៊ាននិយាយថា សមីខ្លួនកុហកលោកឬអត់ ប៉ុន្តែ បើយោងតាមការចុះផ្សាយរបស់ The Sun បានបញ្ជាក់ថា Man UTD បានសម្រេចពិន័យរូបគេជាទឹកប្រាក់ចំនួន ៦៥មុឺនផោន ចំពោះខុសឆ្គងខាងលើ ពោលស្មើនឹងប្រាក់ពលកម្មរបស់ Rashford ចំនួនពីរសប្តាហ៍៕

​កីឡាករ​ដែល​កំពុង​ផ្សារភ្ជាប់​ចចាមអារ៉ាម​ទៅ​កាន់​ក្លឹប​ហង្ស​ក្រហម Liverpool គឺ​ Kylian Mbappe បាន​លាន់​មាត់​សរសើរ​ចំៗ​ទៅ​កាន់​អ្នកចាត់ការ​សញ្ជាតិ​អាល្លឺម៉ង់​លោក Jurgen Klopp ក្រោយ​លឺ​ដំណឹង​ប្រកាស​ត្រៀម​ចាកចេញ​នៅ​បញ្ចប់​រដូវ​កាល​ខាង​មុខ បន្ទាប់​ការ​ដឹកនាំ​អស់​ ៩ ឆ្នាំ។ សម្រាប់​បុរស​វ័យ ៥៦ ឆ្នាំ បាន​មាន​ការ​សោកស្តាយ​ពី​សំណាក់​អ្នក​គាំទ្រ​ជា​ច្រើន ត្រង់ Klopp ហាក់​មិន​មាន​បញ្ហា​ឬ​ការ​ធ្លាក់​ចុះ​ទម្រង់​ណា​មួយ​គួរ​ឲ្យ​គិត​ជា​បញ្ហា​នោះ​ទេ ជាមួយ​ក្លឹប​ម្ចាស់ដី Anfield។ ងាក​មក​កីឡាករ​វ័យ ២៥ ឆ្នាំ​សញ្ជាតិ​បារាំង ក៏​បាន​និយាយ​យ៉ាង​ដូច្នោះ៖ “នៅ​រដូវ​កាល​នេះ Liverpool ប្រៀប​ដូច​ជា​ម៉ាស៊ីន​នៅ Premier League”។ លោក​បន្ត៖ “ពួក​គេ​ហាក់​បង្កើត​ជ័យជម្នះ​បាន​យ៉ាង​ងាយ​ស្រួល ជា​ការ​ពិត​វា​មិន​មែន​រឿង​ងាយ​ឡើយ តែ​ទម្រង់​លេង​ដែល​បង្ហាញ​ចេញ​មក​គឺ​អស្ចារ្យ យ៉ាង​ណា​វា​កើត​ចេញ​ពី​ការ​ខិតខំ​ខ្លាំង​ក្នុង​ការ​ហ្វឹកហាត់ និង​ការ​ដែល​មាន​អ្នកចាត់ការ​ដ៏​ល្អ​ម្នាក់ [សំដៅ​ទៅ​ Klopp]”។ ថយ​ក្រោយ​វិញ​ដែរ Klopp ក៏​ធ្លាប់​សរសើរ Mbappe កាល​ឆ្នាំ ២០១៨៖ “ខ្ញុំ​ស្រលាញ់​គេ​នេះ​ណាស់ និយាយ​ដោយ​ត្រង់ គេ​ជា​កីឡាករ​ដ៏​ល្អ​លើ​ទីលាន ក៏​ជា​ក្មេង​ដ៏​ល្អ​ម្នាក់ ​គ្រប់​គ្នា​ចាប់​ស្គាល់ Mbappe តាំង​គេ​នៅ​អាយុ ១៦ ឬ ១៧ គ្រា​ទទួល​បាន​ការ​ចាប់​អារម្មណ៍​នៅ​ឈុត​ថ្នាល…

Erik ten Hag បាន​ឆ្លើយតប​ទៅ​កាន់​អ្នក​សារព័ត៌មាន​ជុំវិញ​រឿងរ៉ាវ Marcus Rashford ដែល​អវត្តមាន​ពី​ប្រកួត​សំខាន់​ទល់ Newport Countyកាល​ពី Man United យក​ឈ្នះ ៤-២ ថ្មីថ្មោង​នៅ​ពាន​រង្វាន់ FA Cup ជុំ​ទី ៤។ គ្រូ​សញ្ជាតិ​ហូឡង់ បាន​លើក​ឡើង​ពាក់ព័ន្ធ​រឿង Rashford មិន​បាន​មក​ហ្វឹកហាត់​កាល​ពី​ថ្ងៃ​សុក្រ រួច​ប្រាប់​ថា​មាន​បញ្ហា​មិន​ស្រួល​ខ្លួន។ ដល់​តែ​សារព័ត៌មាន​បាន​ចុះ​ផ្សាយ​រូបភាព​កីឡាករ​អង់គ្លេស​អាច​ឆ្លៀត​ពេល​ទៅ​ចូល​ក្លឹប​រាត្រី​នៅ​យប់​មុន​នោះ​ប៉ុន្មាន​ម៉ោង ដែល​សន្មត​ថា ហេតុផល​នៃ​ការ​ដាក់​ច្បាប់​របស់ Rashford គឺ​ជា​ការ​កុហក​មក​កាន់​ក្លឹប។ សម្រាប់ Ten Hag បាន​ឆ្លើយតប៖ “គេ​រៀបរាប់​មក​ក្លឹប​គឺ​ថា​គេ​ឈឺ គេ​អត់​ស្រួលខ្លួន យ៉ាង​ណា​ទាំង​អស់​នេះ​វា​ជា​បញ្ហា​ផ្ទៃ​ក្នុង​របស់​ក្លឹប​និង​កីឡាករ ដូច្នេះ​ខ្ញុំ​នឹង​ដោះស្រាយ​រឿង​នោះ​ឲ្យ​បាន​លឿន​បំផុត ពួក​យើង​នឹង​ប្រញាប់​ដោះស្រាយ​វា”។ គួរ​ឲ្យ​ដឹង​ថា ​កន្លង​មក​អ្នកចាត់ការ​សញ្ជាតិ​ហូឡង់ ធ្លាប់​មាន​រឿង​ប៉ះ​គ្នា​នឹង Jadon Sancho ជា​សមាជិក​សំខាន់​មួយ​រូប​ហើយ ដល់​ថ្នាក់​កីឡាករ​អង់គ្លេស​ជ្រើស​ផ្លូវ​បែក​ក្នុង​លក្ខខណ្ឌ​ខ្ចី​ជើង​ទៅ​កាន់ Borussia Dortmund។ ឥឡូវ​ថែម​រឿង Rashford មួយ​ទៀត យើង​នឹង​រង់ចាំ​អ៊ុត​មើល​តើ​ចំណាត់ការ​របស់​ក្លឹប​ទៅ​ជា​បែប​ណា?

អ្នកចាត់ការបច្ចុប្បន្នរបស់ក្រុមកាំភ្លើងធំ Arsenal លោក Mikel Arteta ត្រូវបានគេរាយការណ៍មកថា កំពុងស្ថិតនៅក្នុងបញ្ជីបេក្ខភាពកំពូលទាំងបីរូបរបស់ក្លិប Barcelona ដើម្បីមកជំនួសតំណែងរបស់លោក Xavi នៅរដូវកាលក្រោយ។ ជាក់ស្តែងលោក Xavi បានធ្វើការប្រកាសជាផ្លូវការរួចរាល់ហើយថាលោកនឹងដើរចេញពីក្លិបយក្សអេស្ប៉ាញ នៅចុងបញ្ចប់រដូវកាលនេះ ពោលគឺក្រោយពេលលោកបានដឹកនាំក្រុមចាញ់ ដោយលទ្ធផល ៥–៣ ក្រោមថ្វីជើងរបស់ Villarreal ។ យោងតាមអ្នកសារព័ត៌មានអេស្ប៉ាញ Gerard Romero បានអះអាងថា គ្រូបង្វឹករបស់ក្រុម Arsenal លោក Arteta គឺជាឈ្មោះសំខាន់មួយក្នុងចំណោមឈ្មោះដែល Barcelona បានជ្រើសរើសសម្រាប់ធ្វើជាអ្នកចាត់ការថ្មីរបស់ខ្លួន នៅរដូវកាលក្រោយ។ ប្រភពដដែលនេះ ក៏បានអះអាងទៀតថា លោក Deco នាយកផ្នែកកីឡារបស់ Barca ក៏កំពុងស្ថិតក្នុងដំណើរការពិភាក្សាជាមួយភ្នាក់ងាររបស់បេក្ខភាពអ្នកចាត់ការក្រុមនាពេលអនាគតរួចរាល់ហើយផងដែរ ។​ ទន្ទឹមនឹងនេះ លោក Jurgen Klopp របស់ Liverpool ក៏ស្ថិតក្នុងបញ្ជីនេះផងដែរ ដោយបុរសសញ្ជាតិ​អាល្លឺម៉ង់​រូប​នេះ ក៏​បានធ្វើការ​បញ្ជាក់រួចរាល់ហើយផងដែរ​ថា​ លោក​នឹង​ចាក​ចេញ​ពី​កីឡដ្ឋាន Anfield ក្រោយបញ្ចប់រដូវកាលនេះ ។ ហើយមិនតែប៉ុណ្ណោះ សម្រាប់ឈ្មោះមួយផ្សេងទៀតដែលស្ថិតនៅក្នុងបញ្ជីសម្រិតសម្រាំងរបស់ Barca ត្រូវបានគេនិយាយថា គឺជាលោក Julian Nagelsmann ដែលបច្ចុប្បន្នកំពុងរៀបចំដឹកនាំក្រុមជម្រើសជាតិអាឡឺម៉ង់ សម្រាប់ការប្រកួតពានរង្វាន់ Euro នៅចុងឆ្នាំនេះ៕

ក្លឹប​អាល្លឺម៉ង់ Bayern Munich ​កំពុង​ចាប់​អារម្មណ៍​ចង់​ចុះ​ហត្ថលេខា​នាំ​យក​កីឡាករ​អង់គ្លេស​បន្ថែម​ទៀត ពី​លើ​វត្តមាន​ដែល​មាន​ស្រាប់​ដូច Harry Kane ដូច Eric Dier។ នេះ​បន្ទាប់​តែ​មើល​ឃើញ​គុណភាព Kane ជា​ដើម​ធ្វើ​បាន​ល្អ​ខ្លាំង ត្រង់​ស្ថិតិ​ត្រឹម ២៦ ប្រកួត គេ​អាច​រក​បាន ២៧ គ្រាប់។ ទោះ​ខ្សែ​ការពារ Dier មិន​ទាន់​មាន​ឱកាស​ច្រើន​ក្នុង​ការ​បង្ហាញ​សមត្ថភាព​លើ​ទីលាន តែ​ក្លឹប​ដឹកនាំ​ដោយ​អ្នកចាត់ការ​លោក Thomas Tuchel បាន​ដាក់​កូន​ចិត្ត​សម្លឹង​រួច​ទៅ​ហើយ លើ​គោលដៅ​ថ្មី​មួយ​បន្ថែម នោះ​គឺ Jacob Ramsey តារា​រះ​វ័យ​ក្មេង​របស់ Aston Villa នៅ​ឯ​ក្របខ័ណ្ឌ Premier League។ តាម​សារព័ត៌មាន The Athletic ចុះ​ផ្សាយ ថ្នាក់​ដឹកនាំ​ក្លឹប Bayern បាន​ព្រមព្រៀង​គំនិត​ជាមួយ​គ្រូ​សញ្ជាតិ​អាល្លឺម៉ង់ ថា​ពិត​ជា​ចង់​បាន​យុវជន​វ័យ ២២ ឆ្នាំ​ខាង​លើ​មក​ចូលរួម។ នេះ​ក្លឹប​ក៏​នឹង​ត្រូវ​ទទួល​យក​ការ​ប្រជែង​រវាង​ភាគី​ក្លឹប​រួម​លីគ​ពីរ​ផ្សេង​ទៀត​នៅ PL មាន Newcastle និង Spurs ក៏​ធ្លាប់​បង្ហាញ​ចំណាប់​អារម្មណ៍​មក​លើ​ខ្សែ​បម្រើ​រូប​នេះ​ដូច​គ្នា។ បើ​តាម​ហាងឆេង Ramsey…

យោងតាមរបាយការណ៍ចុងក្រោយមួយ បានបង្ហាញឲ្យដឹងថា អតីតអ្នកចាំទីរបស់ក្លិបបិសាចក្រហម Manchester United កីឡាករ David de Gea បច្ចុប្បន្នកំពុងពិភាក្សាជាមួយក្លិប Al-Shabab របស់លីគ Saudi Pro League ជុំវិញការផ្ទេរដែលអាចទៅរួចមួយ។ ជាការពិតណាស់ De Gea បានក្លាយជាកីឡាករគ្មានតម្លៃខ្លួនចាប់តាំងពីរូបគេបានសម្រេចចិត្តចែកផ្លូវវជាមួយក្លិប Man Utd កាលពីរដូវក្តៅកន្លងទៅ ហើយរហូតមកដល់ពេលនេះ គេនៅតែមិនទាន់អាចរកក្លិបថ្មីលេងបាននៅឡើយនោះទេ។ ប៉ុន្តែបច្ចុប្បន្ន De Gea ត្រូវបានគេរួការណ៍ថា កំពុងទទួលបានឱកាសធំ ក្នុងការត្រលប់មកលេងបាល់ទាត់វិញ បន្ទាប់ពីទទួលបានការចាប់អារម្មណ៍ពីសំណាក់ក្លិបនៅ Saudi Pro League នៅពេលដែលរបាយការណ៍ពី MailOnline បានរាយការណ៍ថាកីឡាករសញ្ជាតិអេស្ប៉ាញ ពេលនេះកំពុងចរចាក្នុងការផ្ទេរទៅចូលរួមជាមួយ Al-Shabab ។ ជម្រាបជូនផងដែរថា ក្រុមរបស់អារ៉ាប៊ីសាអូឌីតមួយនេះ បានចុះហត្ថលេខានាំយកតារាឆ្នើមរបស់ក្លិប Atletico Madrid កីឡាករ Yannick Carrasco រួចមកហើយ ប៉ុន្តែបច្ចុប្បន្នពួកគេកំពុងស្ថិតនៅក្នុងចំណាត់ថ្នាក់មិនល្អក្នុងតារាងលីគ ដោយប្រឈមមុខជាមួយនឹងការកាត់ចេញពីលីគកំពូលផងដែរ៕

ក្លិបបិសាចក្រហម Manchester United ត្រូវបានគេរាយការណ៍មកថា កំពុងដាក់សំណើផ្តល់ជូនប្រមាណ ៣៨,៥លានផោន សម្រាប់អ្នកចាំទី Jan Oblak របស់ក្លិប Atletico Madrid ដោយក្លិបអង់គ្លេសកំពុងពិចារណាក្នុងការនាំយកអ្នកថ្មីមកជំនួសតំណែងរបស់ Onana។ ជាក់ស្តែង ក្រុមរបស់លោក Erik ten Hag បាននាំយក Onana ពី Inter Milan កាលពីរដូវក្តៅមុន មកជំនួសកន្លែង David de Gea ដែលផុតកុងត្រានៅ Old Trafford ។តែទោះបីជាយ៉ាងណាក៏ដោយ កីឡាករសញ្ជាតិកាមេរូន ហាក់មិនបានគុណផលលេងឲ្យបានល្អដូចអ្វីដែលបានរំពឹងទុកនោះឡើយ។ គួរឲ្យដឹងថា Oblak ត្រូវបានភ្ជាប់ទំនាក់ទំនងក្នុងការផ្ទេរមកកាន់ក្របខ័ណ្ឌ Premier League ជាយូរមកហើយ ដោយ Man United ជារើយៗតែងបានដាក់សំណើផ្តល់ជូនដល់កីឡាករសញ្ជាតិស្លូវេនីរូបនេះជានិច្ច។ ហើយឥឡូវនេះ បើយោងតាម TodoFichajes បានអះអាងថាក្លិប Atletico កំពុងមានបំណងបើកចិត្តអនុញ្ញាតឱ្យ Oblak ចាកចេញ នៅក្នុងអំឡុងពេលទីផ្សារដោះដូរកីឡាកររដូវក្តៅខាងមុខនេះ។ របាយការណ៍ដដែលនេះ ក៏បានអះអាងទៀតថា Man United កំពុងដាក់សំណើផ្តល់ជូនជិត ៤០លានផោន ដើម្បីទាក់ទាញឲ្យក្លិបអេស្ប៉ាញយល់ព្រមលើកិច្ចព្រមព្រៀងនេះផងដែរ៕

ខ្សែប្រយុទ្ធវ័យក្មេងរបស់ក្លិប Paris Saint-Germain កីឡាករ Bradley Barcola ថ្មីៗនេះ ត្រូវបានគេហៅឲ្យចូលរួមនៅក្នុងបទសម្ភាសមួយ និងត្រូវបានគេសួរនាំជាច្រើនទាក់ទងជាមួយនឹងខ្សែប្រយុទ្ធ Cristiano Ronaldo ផងដែរ។ ជាការពិតណាស់ Barcola បច្ចុប្បន្ន បានក្លាយជាកីឡាករដ៏សំខាន់បំផុតម្នាក់ ក្រោមការដឹកនាមដោយអ្នកចាត់ការក្រុម លោក Luis Enrique បន្ទាប់ពីគេបានចូលលេង ២៣ ប្រកួត នឹងរួមចំណែករកបាន ២ គ្រាប់។ ហើយយ៉ាងណាមិញ នៅក្នុងបទសម្ភាសថ្មីៗនេះជាមួយ Telefoot កីឡាករវ័យក្មេងសញ្ជាតិបារាំងរូបនេះ ត្រូវបានគេស្នើសុំឲ្យបង្ហាញពីនិមិត្តរូបនៅក្នុងចិត្តរបស់ខ្លួន ខណ: Barcola ឆ្លើយតបដោយគ្មានស្ទាក់ស្ទើវិញថា៖ “Cristiano Ronaldo គឺ​ពិត​ជានិមិត្តរូបរបស់​ខ្ញុំ មិន​ថា​ក្នុង​ការងារ ឬ​ក្នុង​ការ​លេងបាល់នោះឡើយ”។ ជម្រាបជូនផងដែរថា បន្ទាប់ពីព្រឹត្តិការណ៍ FIFA World Cup ឆ្នាំ២០២២ Cristiano Ronaldo បានសម្រេចចិត្តចាកចេញពី Manchester United ដោយផ្ទេរទៅចូលរួមជាមួយក្លិប Al Nassr ដែលជាការផ្លាស់ប្តូរដ៏ធំមួយ ធ្វើឲ្យអ្នកគាំទ្រងាកមកចាប់អារម្មណ៍ទៅលើលីគ Saudi Pro League យ៉ាងខ្លាំង៕