Sport

កីឡាកររបស់ Barcelona ចំនួន២ រូបអាចនឹងត្រូវអវត្តមានយ៉ាងហោចណាស់១ខែ ដោយសារបញ្ហារបួស។ នេះបើតាមការប្រកាសឱ្យដឹងពីក្លិបនៅក្របខណ្ឌ La Liga។ ជាក់ស្តែង កីឡាករទាំង២រូបនោះគឺ ខ្សែបម្រើ Frenkie De Jong និង Pedri ដោយពួកគេបានរងរបួសរៀងខ្លួន អំឡុងការប្រកួតដែល Barcelona ស្មើគ្នា ០-០ ទល់នឹងក្រុមម្ចាស់ផ្ទះ Athletic Bilbao នៅជំនួបលីគកំពូលអេស្ប៉ាញ សប្តាហ៍ទី២៧ ដែលធ្វើឡើងកាលពីពេលថ្មីៗនេះ។ De Jong ត្រូវបានគេដឹងថា មានរបួសត្រង់ឆ្អឹង និងសាច់ដុំត្រង់កជើងនៅខាងស្ដាំ រីឯ Pedri មានបញ្ហាត្រង់សរសៃពួរសាច់ដុំជើងស្ដាំ ដោយពួកគេត្រូវបានដូរចេញពីការប្រកួតភ្លាមៗផងដែរ ក្រោយមើលឃើញថា មានបញ្ហា។ ចំពោះរឿងនេះដែរ ក្លិប Barcelona បានប៉ានស្មានដឹងមុនរួចជាស្រេចផងដែរថា Pedri និង De Jong អាចនឹងមានរបួសក្នុងរយៈពេលយូរបែបនេះ។ បច្ចុប្បន្ន Barcelona កំពុងឈរចំណាត់ថ្នាក់លេខ៣ នៅតារាងពិន្ទុក្របខណ្ឌ La Liga ដោយមាន៥៨ពិន្ទុ តិចជាង១ពិន្ទុពីក្រុមលេខ២…

រដ្ឋអាជ្ញាអេស្ប៉ាញកំពុងស្វែងរកការដាក់ទណ្ឌកម្មឱ្យជាប់ពន្ធនាគាររយៈពេល ៤ ឆ្នាំ ៩ ខែ សម្រាប់គ្រូបង្វឹក Real Madrid បច្ចុប្បន្ន លោក Carlo Ancelotti ករណីគេចវេសការបង់ពន្ធរបស់លោក។ លោក Ancelotti ត្រូវបានចោទប្រកាន់ពីបទគេចវេសការបង់ពន្ធចំនួន ១ លានអឺរ៉ូ ក្នុងពន្ធលើប្រាក់ចំណូលពីសិទ្ធិរូបភាពរបស់លោកអំឡុងការដឹកនាំ Real Madrid ពីឆ្នាំ ២០១៤ – ២០១៥។ រដ្ឋអាជ្ញាអេស្ប៉ាញ បាននិយាយនៅក្នុងសេចក្តីថ្លែងការណ៍មួយថា ទោះបីជាបុរសជនជាតិអ៊ីតាលីលោក Carlo Ancelotti បានស្នាក់នៅក្នុងប្រទេសអេស្ប៉ាញសម្រាប់គោលបំណងណាមួយក៏ដោយ តែលោកត្រូវតែដាក់លិខិតប្រកាសពន្ធរបស់ខ្លួន ប៉ុន្តែលោកបានលុបចោលប្រាក់ចំណូលដែលទទួលបានតាមរយៈសិទ្ធិរូបភាពរបស់ខ្លួន។ យ៉ាងណា ទាក់ទិននឹងរឿងក្តីក្តាំងនេះ បុរសវ័យ៦៤ឆ្នាំ ដែលបានត្រលប់មកកាន់តំណែងជាគ្រូបង្វឹកនៅកីឡដ្ឋាន Santiago Bernabéu ជាលើកទី២ កាលពីឆ្នាំ ២០២១ មិនបានឆ្លើយតបភ្លាមៗចំពោះសំណើសុំការអត្ថាធិប្បាយដែលធ្វើឡើងតាមរយៈក្លិប Real Madrid នោះទេ។ រដ្ឋអាជ្ញាបានចោទប្រកាន់លោក Carlo Ancelotti ពីបទក្លែងបន្លំផ្ទេរសិទ្ធិរូបភាពរបស់ខ្លួនទៅឱ្យអង្គភាពដែលខ្វះខាតសកម្មភាពជាក់ស្តែងនៅខាងក្រៅប្រទេសអេស្ប៉ាញ ដើម្បីចៀសវាងការបង់ពន្ធ។ នេះមិនមែនជាលើកដំបូងឡើយ ដោយបញ្ហាការបង់ពន្ធ អាចចាត់ទុកថា ជារឿងស៊ាំញ៉ាំមួយនៅក្នុងប្រទេសអេស្ប៉ាញ…

ម្ចាស់ជើង​ឯក UCL ១៤សម័យ Real Madrid បានឈានដល់វគ្គពាក់កណ្តាលផ្តាច់ព្រ័ត្រនៃក្របខ័ណ្ឌ UEFA Champions League ខណៈដែលខ្សែប្រយុទ្ធ Vinicius Junior បានស៊ុត ១គ្រាប់ ដែលជាការ Assist របស់ Bellingham ជួយឲ្យ Real Madrid បញ្ចប់ក្នុងលទ្ធផលស្មើគ្នាជាមួយក្រុម RB Leipzig ១:១ ខណៈសរុបទាំង២ជើង Real Madrid ២:១ RB Leipzig៕ សូមទស្សនានូវវីដេអូខាងក្រោម៖

ក្រុមនាំមុខតារាងEPL គឺហង្សក្រហម Liverpool និងត្រូវមានកាតព្វកិច្ចសម្រាប់ការប្រកួតក្របខណ្ឌ Europa League ខណៈដែលពួកគេនិងត្រូវធ្វើដំណើរមកកាន់កីឡដ្ឋានEpet Arena ដោយត្រូវជួបជាមួយនិង ម្ចាស់ផ្ទះ Sparta Prague សម្រាប់ការប្រកួតជើងទីមួយវគ្គ ១៦ ក្រុមចុងក្រោយនៅវេលាម៉ោង១២ និង ៤៥នាទី រំលងអធ្រាតឈានចូលថ្ងៃសុក្រទី៨ មិនា ស្អែកនេះ។Liverpool ធ្វើមិនសូវបានល្អទេសម្រាប់ ការប្រកួត៦លើកចុងក្រោយដោយឈ្នះ៤ចាញ់២ ខណៈ Sparta Prague ចាញ់២ស្មើ១ឈ្នះ៣។ ១.ប្រវត្តិជួបគ្នា ធ្លាប់ជួបប្រកួតគ្នា២ដងកំលុងឆ្នាំ២០១១ថ្ងៃទី១៧កុម្ភៈ ២០១១នៅទឹកដី Prague គឺស្មើគ្នា០ទល់និង០ ខណៈនៅទឹកដីអង់គ្លេស Liverpool ផ្តួលក្នុងលទ្ធផល ១ទល់និង០។២.ពត៌មានក្រុមSparta Prague(ម្ចាស់ផ្ទះ)ក្រុមម្ចាស់ផ្ទះនិងមិនមានវត្តមានខ្សែការពារ Filip Panak សម្រាប់ការប្រកួតនេះ ខណៈកីឡាករផ្សេងទៀតមិនមានបញ្ហារបួសនោះទេ។-ជម្រើស១១នាក់ដំបូងអាចនិងចូលលេងVindahl; Vitik, Krejci, Sorensen; Preciado, Kairinen, Laci, Rynes; Birmancevic, Kuchta, Haraslin-ទម្រង់លេងអាចនិងយកមកប្រើប្រាស់៣-៤-៣ ៣.ពត៌មានក្រុមLiverpool(ភ្ញៀវ)ក្រុមភ្ញៀវ Liverpool នៅតែមិនមានកីឡាករជាច្រើននាក់ដែលអវត្តមានដោយសាររបួសដូចជាៈ Joel Matip…

កាលពីយប់រំលងអាធ្រាត មនុស្សយន្ត Erling Haaland បានតាមស្មើគ្រាប់បាល់ស៊ុតបញ្ចូលទីរបស់វីរបុរស Sergio Aguero នៅក្នុងក្របខ័ណ្ឌ Champions League បន្ទាប់ពីរកបាន ១គ្រាប់ ទល់នឹងក្រុម Copenhagen ជើងទី២ ដោយបញ្ចប់ក្នុងលទ្ធផល Man City ៣:១ Copenhagen និងសរុបទាំងពីរជើង ៦ទល់នឹង២។ ទន្ទឹមនឹងនេះ មានន័យថា Haaland បច្ចុប្បន្នស៊ុតបញ្ចូលទីបាន ៤១គ្រាប់ នៅ UCL ខណៈដែលស្មើនឹងគ្រាប់បាល់របស់ Aguero ដែលបានលេងពេញមួយអាជីពរបស់គាត់ទៅហើយនោះ ហើយស្ថិតនៅលេខរៀងទី១៩ នៅក្នុងតារាងអ្នកស៊ុតបញ្ចូលទីបានច្រើនបំផុតនៅ UCL៕

ក្លឹបយក្ស Bayern Munich បានប្រកាសជាផ្លូវការណ៍ថា ខ្សែប្រយុទ្ធ Mathys Tel បានចុះកិច្ចសន្យារយៈពេលវែងថ្មីមួយ ជុំវិញអនាគតខ្លួនជាមួយនឹងក្លឹប ដោយកិច្ចកុងត្រាមានសុពលភាពរហូតដល់ឆ្នាំ ២០២៩ ។ គួរជម្រាបផងដែរថា កីឡាករវ័យ ១៨ឆ្នាំ បច្ចុប្បន្នកំពុងស្ថិតក្នុងយុទ្ធនាការអង្គុយកៅអីបម្រុងនៅឯកីឡដ្ឋាន Allianz Arena ដោយបានផ្លាស់ពីក្រុម Rennes ក្នុងតម្លៃ ២៨.៥លានអឺរ៉ូ។ មិនតែប៉ុណ្ណោះ ក្លឹប Arsenal និង Man United ត្រូវបានផ្តល់ការចាប់អារម្មណ៍លើកីឡាករវ័យក្មេងរូបនេះ ទើបក្លឹប Bayern ធ្វើកិច្ចព្រមព្រៀមសម្រាប់ចងជើងដល់រូបគេ រយៈពេលវែងបែបនេះ៕

ក្លឹបតោខៀវ Chelsea កំពុង​តាម​ដាន​លើខ្សែប្រយុទ្ធ Nico Williams របស់ក្លឹប Athletic Bilbao សម្រាប់រដូវ​ក្តៅខាងមុខ។ ជាមួយគ្នានេះផងដែរ Williams មានអាយុត្រឹម ២១ឆ្នាំ ខណៈតម្លៃផ្ទេរប្រមាណជា ៤៣លានផោន ប៉ុណ្ណោះ បើធៀបនឹងកីឡាករ Ivan Toney របស់ Brentord គឺមានតម្លៃខ្លួនជិត ១០០លានផោន ឯណោះ។ ទន្ទឹមនឹងនេះ Williams អាចលេងបានក្នុងតំបន់ស្លាបទាំងសងខាង ហើយស៊ុតបញ្ចូលទីបាន ៦គ្រាប់នៅលីគអេស៉្បាញ LaLiga ក្នុងរដូវកាលនេះ ស្របពេលរូបគេអាចរកចំណូលបានប្រហែល ១០០,០០០ផោន ក្នុងមួយសប្តាហ៍បន្ទាប់ពីបង់ពន្ធរួចនៅប្រទេសអេស្ប៉ាញ។

Girona មានរដូវកាលមួយដ៏អស្ចារ្យនៅ La Liga រដូវកាលនេះ ស្របពេលដែលកីឡាករមួយចំនួនធំនៅក្នុងក្រុម ទទួលបានការចាប់អារម្មណ៍ពីសំណាក់ក្លឹបកំពូលៗនានានៅអឺរ៉ុប ក្នុងទីផ្សាររដូវក្ដៅខាងមុខ។ Savio នឹងចាកចេញពីក្លឹបអេស្ប៉ាញមួយនេះ ក្រោយកិច្ចសន្យាខ្ចីជើងរូបគេពីក្លឹប Manchester City ត្រូវបានបញ្ចប់ ខណៈដែលកីឡាករកំពុងលេចធ្លោដូចជា Aleix Garcia, Artem Dovbyk និង Ivan Martin ក៏មានការភ្ជាប់នឹងការចាកចេញផងដែរ។ ដោយឡែក Miguel Gutierrez ក៏អាចស្ថិតនៅក្នុងស្ថានភាពដូចគ្នា បន្ទាប់ពីគេបានបង្ហាញសមត្ថភាពយ៉ាងល្អ ក្នុងចំណោមខ្សែការពារស្លាបឆ្វេងនៅ La Liga រដូវកាលនេះ។ កីឡាករអេស្ប៉ាញវ័យ២២ឆ្នាំ មានការភ្ជាប់ទៅនឹងការត្រលប់ទៅកាន់ Real Madrid ប៉ុន្ដែ ក៏អាចនឹងទៅជំនួសកន្លែងកីឡាករដែលក្លឹបអធិរាជសចង់បាន នារដូវក្ដៅនេះគឺ Alphonso Davies។ យោងតាមប្រភពពីសារព័ត៌មានអាល្លឺម៉ង់ Bild រាយការណ៍ថា ក្លឹប Bayern Munich កំពុងពិចារណាជ្រើសរើស Gutierrez ដើម្បីជំនួសកន្លែងរបស់តារាឆ្នើមកាណាដា ប្រសិនបើគេចាកចេញ៕

អ្នកចាត់ការ Real Sociedad លោក Imanol Alguacil បានចាត់ទុក Paris Saint-Germain ដែលបានទម្លាក់ក្រុមរបស់លោកចេញពី UEFA Champions League ត្រឹមវគ្គ១៦ក្រុមចុងក្រោយ កាលពីថ្ងៃអង្គារ។ ក្រុមរបស់លោក Alguacil បានបរាជ័យ ២-០ ក្នុងការប្រកួតជើងទី១ កាលពីខែកុម្ភៈ ហើយបន្ដចាញ់ ២-១ ក្នុងជើងទី២នៅទឹកដីរបស់ខ្លួន ប៉ុន្ដែលោកចាត់ទុកថានេះជាការប្រកួតដែលមិនអាចបំភ្លេចបាន និងលើកទឹកចិត្តកូនក្រុម ឱ្យបន្ដការព្យាយាមសម្រាប់ប្រកួតដែលនៅសល់។ លោកបាននិយាយថា៖ “PSG ជាក្រុមដែលមានកាយសម្បទាល្អ មិនមែនល្អតែបច្ចេកទេសនោះទេ។ ជាមួយនឹងកម្រិតការប្រកួតដែលពួកគេបង្ហាញ ពួកគេពិតជាបេក្ខភាពមួយដែលអាចឈ្នះជើងឯក Champions League”៕

ខ្សែបម្រើ Jude Bellingham របស់ក្លឹប Real Madrid ត្រូវបានពិន័យ២ប្រកួតនៅ La Liga បន្ទាប់ពីគេទទួលបានកាតក្រហម ក្នុងប្រកួតស្មើគ្នា 2-2 ជាមួយ Valencia។ កីឡាករវ័យ២០ឆ្នាំ គិតថាគេរកគ្រាប់បាល់ជ័យជម្នះ ក្នុងនាទីទី៦នៃម៉ោងបន្ថែម ក្នុងកីឡដ្ឋាន Mestalla កាលពីថ្ងៃសៅរ៍​ ប៉ុន្ដែអាជ្ញាកណ្ដាល Gil Monzano បានផ្លុំកញ្ចែបញ្ចប់ការប្រកួត ពេលបាល់កំពុងសម្រុក។ សហព័ន្ធកីឡាបាល់ទាត់អេស្ប៉ាញបាននិយាយថា Bellingham បានបង្ហាញអាកប្បកិរិយា មិនគោរពចំពោះអាជ្ញាកណ្ដាល Manzano ពេលដែលកីឡាករ និងបុគ្គលិករបស់ Real ព័ទ្ធជុំវិញអាជ្ញាកណ្ដាលរូបនេះ។ Bellingham នឹងខកខានចូលរួមការប​្រកួតទល់ Celta Vigo នាថ្ងៃអាទិត្យ និងប្រកួតទល់ Osasuna នាថ្ងៃទី១៦ ខែមីនា ហើយគេអាចត្រលប់មកវិញបាន ក្នុងប្រកួតទល់ Athletic Bilbao៕