Football

អតីតតារាឆ្នើមរបស់ Real Madrid, James Rodriguez អាចនឹងមានការបើកចំហរចំពោះអនាគតរបស់ខ្លួនក្នុងការត្រលប់ទៅលេងក្នុងក្របខណ្ឌ La Liga វិញមុនពេលចូលនិវត្តន៍។ James បានសម្រេចការផ្ទេរទៅចូលរួម Real Madrid បន្ទាប់ពីគេបានបង្ហាញសមត្ថភាពដ៏ល្អ សម្រាប់ក្រុមបាល់ទាត់ជម្រើសជាតិកូឡុំប៊ី អំឡុងព្រឹត្តិការណ៍ FIFA World Cup 2014។ មានក្ដីរំពឹងថា ខ្សែបម្រើប្រយុទ្ធរូបនេះ អាចនឹងទទួលបានភាពជោគជ័យយ៉ាងខ្លាំងនៅក្លឹបយក្សអេស្ប៉ាញ តែអ្វីៗមិនស្ថិតនៅក្នុងគម្រោងនោះទេ។ James ត្រូវបានដាក់ឱ្យក្លឹប Bayern Munich ខ្ចីជើងមុនពេលគេផ្លាស់ទៅក្លឹបអង់គ្លេស Everton។ ក្រោយមកគេបានចូលរួមក្លឹបនៅកាតារ នៅក្រិក មុនពេលត្រលប់ទៅលេងនៅប្រេស៊ីល នាឆ្នាំ២០២៣។ អតីតម្ខាស់អាវលេខ១០របស់ Real Madrid រូបនេះ លេងបានយ៉ាងល្អក្នុងការប្រកួតដែលកូឡុំប៊ី ទទួលជ័យជម្នះ ១-០ លើអេស្ប៉ាញនៅទីក្រុងឡុងដ៍ ហើយគេមានការបើកចំហរក្នុងការត្រលប់ទៅលីគកំពូលអេស្ប៉ាញវិញ។ James បាននិយាយថា៖ “នៅពេលដែលអ្នកលេងសម្រាប់ក្រុមជម្រើសជាតិ អ្នកត្រូវតែលេងឱ្យបានល្អ។ នាពេលអនាគត ខ្ញុំអាចត្រលប់ទៅ La Liga វិញ នេះជាលីគដែលខ្ញុំចូលចិត្តលេង”៕

នៅក្នុងសតវត្សន៍ទី ២១ នេះ មានតែ Cristiano Ronaldo និង Neymar Jr ប៉ុណ្ណោះ ដែលអាចធ្វើបានកំណត់ត្រារកបានគ្រាប់បាល់លើស ១០០ គ្រាប់ ក្នុងចំណោមការលេងឱ្យ ៣ ក្លិបផ្សេងគ្នា។ ជាការពិតណាស់ ក្រៅពី Ronaldo និង Neymar នៅក្នុងសតវត្សន៍ទី ២១ នេះ គឺមិនទាន់មានកីឡាករផ្សេងណា អាចរកបានគ្រាប់បាល់បានលើសពី ១០០ គ្រាប់ ឱ្យក្លិប ៣ ផ្សេងគ្នានៅឡើយទេ ក្នុងនោះរួមទាំង Messi ផងដែរ។ ក្នុងនោះក្លិប ៣ ដែល Ronaldo រកបានគ្រាប់បាល់លើស ១០០ គ្រាប់រួមមាន Real Madrid រកបាន ៤៥០ គ្រាប់, Manchester United រកបាន ១៤៥ គ្រាប់ និង Juventus ១០១ គ្រាប់។ ចំណែក…

ក្លឹបកាំភ្លើងធំ Arsenal ត្រៀមផ្តល់កុងត្រាថ្មី១ឆ្នាំទៀតដល់អតីតខ្សែបម្រើឆ្នើមរបស់ក្លឹបតោខៀវ Jorginho ដោយលោក Mikel Arteta នៅតែមានជំនឿជឿជាក់ថា ខ្សែបម្រើឆ្នើមរូបនេះនៅតែផ្នែកដ៏សំខាន់ម្នាក់សម្រាប់ក្រុម។ បើយោងទៅតាម Football Insider បានចុះផ្សាយថា Arsenal កំពុងបើកការចរចារជាមួយនឹងអ្នកតំណាងរបស់ Jorginho ក្នុងបន្តកិច្ចសន្យារយៈពេល១ឆ្នាំបន្ថែមទៀត ខណៈកិច្ចសន្យាបច្ចុប្បន្ននឹងផុតសុពលភាពនៅចុងបញ្ចប់រដូវកាលនេះ៕

ប្រធានក្លឹបយក្សអាល្លឺម៉ង់ Bayern Munich លោក Uli Hoeness បាននិយាយថា Bayern Munich កំពុងប្រកួតប្រជែងជាមួយ Liverpool ដើម្បីតែងតាំងលោក Xabi Alonso ជាអ្នកគ្រប់គ្រងថ្មីនៅរដូវកាលក្រោយនេះ។ គួររំលឹកដែរថា Alonso គឺជាអតីតកីឡាកររបស់ក្លឹបទាំងពីរ ខណៈបច្ចុប្បន្នគាត់កំពុងដឹកនាំក្រុម Bayer Leverkusen ឈានទៅដល់ការឈ្នះជើងឯក Bundesliga លីគអាល្លឺម៉ង់ជាលើកដំបូងផងដែរ។ ជាក់ស្តែង កិច្ចសន្យារបស់ Alonso នៅក្លឹប Leverkusen មានសុពលភាពដល់ឆ្នាំ ២០២៦។ ស្របពេលជាមួយគ្នានេះ ក្លឹបយក្សនៅអេស៉្បាញ Real Madrid ក៏ចូលប្រជែងចង់បានអតីតខ្សែបម្រើខ្លួន [Alonso] ឲ្យមកជំនួសតំណែងលោក Carlo Ancelotti នៅរដូវកាលក្រោយផងដែរ បើទោះជាកុងត្រាផុតកំណត់នៅចុងឆ្នាំ ២០២៦ ក៏ដោយនោះ។ គួរជម្រាបដែរថា លោក Thomas Tuchel និង Jurken Klopp នឹងចាកចេញពីក្លឹបនៅចុងរដូវកាលនេះ ដោយក្លឹបទាំង២នេះ គឺមានអាទិភាពជាងគេក្នុងការដណ្តើមលោក Xabi…

ក្លឹប​ក្រហម​ស Atletico Madrid ​ត្រូវ​បាន​គេ​រំពឹង​នឹង​មាន​ភាព​មមាញឹក​ខ្លាំង​នៅ​ទីផ្សារ​ដោះដូរ​រដូវ​ក្តៅ​ខាង​មុខ តែ​យ៉ាង​ណា​ក៏​មាន​ការ​គិត​ទុក​ជា​មុន​រួច​ដែរ ក្នុង​ការ​បិទ​ផ្លូវ​កីឡាករ​សំខាន់ៗ​មិន​ឲ្យ​ចាកចេញ​ជា​ដាច់​ខាត ពោល​នរណា​ចរចា ​ដាក់​តម្លៃ​កល់​ប៉ុន្មាន ក៏​ក្លឹប​នឹង​មិន​មាន​ការ​អើពើ​ដែរ។ បើ​តាម​សារព័ត៌មាន Marca ទោះ​ក្លឹប​ជួប​បញ្ហា​ហិរញ្ញវត្ថុ​បន្តិចបន្តួច​នា​រយៈ​ពេល​ចុងក្រោយ ទាមទារ​ការ​លក់​ចេញ​កីឡាករ​ខ្លះ តែ​វា​អាច​មាន​ត្រឹម​មួយ​ផ្នែក​តូច​ប៉ុណ្ណោះ តួ​យ៉ាង​ដូច Saul Niguez និង Angel Correa ដែល​ល្ហៀងៗ​ការ​ផ្ទេរ​ទៅ​ក្លឹប​នៅ​អារ៉ាប៊ីសាអូឌីត​តាំង​ទីផ្សារ​រដូវ​រងា នា​ឯ​ដើម​ឆ្នាំ។ ក៏​អាច​នឹង​មាន​កីឡាករ​មួយ​ចំនួន​ផ្សេង​ទៀត ​តែ​ត្រឹម​ដឹង​សមាសភាព​ចំនួន ៦ រូប ដូច Jan Oblak, Koke Resurreccion, Antoine Griezmann, Samuel Lino, Rodrigo Riquelme និង Pablo Barrios គឺ​មិន​លក់​ចេញ​ជា​ដាច់​ខាត ហើយ​ពួក​គេ​ខ្លះ​នោះ ក៏​ល្ហៀងៗ​នឹង​ត្រៀម​ទទួល​បាន​កុងត្រា​ថ្មី​ទៀត​ផង។ ផែនការណ៍​របស់​ក្លឹប គឺ​សម្រួល​ការ​លក់​ចេញ​កីឡាករ​ស៊ី​ថ្លៃ​មួយ​ចំនួន ដែល​លែង​ជា​តម្រូវ​ការ​របស់​លោក Diego Simeone ត​ទៅ​ទៀត ត្រង់​ខ្លះ​ក៏​ស្ថិត​នៅ​ក្រោម​កម្រិត​ចង់​បាន​របស់​គ្រូ និង​កត្តា​អាយុ​ទាមទារ​ឲ្យ​មាន​ការ​ចាកចេញ​ជា​រឿង​ចាំ​បាច់​បំផុត​ក្លឹប​ត្រូវ​ធ្វើ​ពេល​ខាង​មុខ៕

ខ្សែការពារ Harry Maguire បានលើកឡើងថា ខ្សែបម្រើវ័យ១៨ឆ្នាំ Kobbie Mainoo អាចនឹងក្លាយជា Jude Bellingham ថ្មីមួយនៅក្នុងក្រុមជម្រើសជាតិអង់គ្លេស។ Mainoo បានបង្ហាញខ្លួនលើកដំបូងនៅ Premier League សម្រាប់ Manchester United កាលពីខែវិច្ឆិកា ហើយគេបានបង្ហាញសមត្ថភាពយ៉ាងល្អ ក្នុងចំណែកជួយពួកគេឈ្នះ Liverpool ក្នុងពានរង្វាន់ FA Cup ហើយទទួលបានការចាប់អារម្មណ៍ពីគ្រូបង្គោលក្រុមបាល់ទាត់ជម្រើសជាតិអង់គ្លេស លោក Gareth Southgate។ Maguire និយាយថា៖ “ការលេងនៅក្នុងព្រឹត្តិការណ៍ធំ ប្រាកដណាស់ វាត្រូវការកីឡាករដែលមានបទពិសោធ ប៉ុន្ដែក៏ត្រូវការកីឡាករក្មេងៗផងដែរ ហើយពេលខ្លះពួកគេលេងដោយគ្មានភាពភ័យខ្លាចនោះទេ ហើយពួកគេធ្វើបានល្អតាមវិធីនោះ។ ខ្ញុំមិនមានក្ដីកង្វល់អ្វីឡើយ។ វាពិតជាអស្ចារ្យណាស់ គាត់ទើបតែមានវ័យ១៨ឆ្នាំប៉ុណ្ណោះ គាត់ពិតជាមានភាពចាស់ទុំ។ គាត់មានភាពស្រដៀងបន្ដិចទៅនឹង Jude Bellingham ពេលនៅក្មេង”។ “គាត់មានភាពចាស់ទុំ។ ខ្ញុំគ្មានអ្វីដែលត្រូវបារម្ភឡើយ។ ខ្ញុំឃើញគាត់ធ្វើបានល្អពីមួយថ្ងៃទៅមួយថ្ងៃក្នុងការហ្វឹកហាត់។ គាត់គ្រាន់តែព្យាយាមឱ្យបានខ្លាំងក្លា និងធ្វើបានល្អ។ ខ្ញុំបានអបអរដល់គាត់ និយាយថាគាត់សក្ដិសមនឹងទទួលបានវា(ការកោះហៅចូលជម្រើសជាតិ) ចូរខំប្រឹងប្រែង និងប្រកដថាអ្នករីករាយនូវអ្វីដែលអ្នកបានធ្វើ”៕

Real Madrid ត្រូវបានព្រមានថា ពួកគេអាចនឹងប្រឈមប​ញ្ហាពីសមាជិកក្រុម ប្រសិនបើពួកគេនាំយកខ្សែប្រយុទ្ធ Kylian Mbappe ពីក្លឹប Paris Saint-Germain ទៅចូលក្រុម នារដូវក្ដៅខាងមុខ។ ក្លឹបយក្សអេស្ប៉ាញត្រូវបានរំពឹងថា នឹងនាំយកខ្សែប្រយុទ្ធបារាំង ដោយពុំមានតម្លៃផ្ទេរនាពេលដ៏ខ្លីខាងមុខ ប៉ុន្ដែប្រធានក្លឹប Barcelona លោក Joan Laporta ជឿជាក់ថា ការចូលរួមរបស់ Mbappe អាចបង្កឱ្យមានបញ្ហាក្នុងបណ្ដាកីឡាករក្នុងក្រុម នៅទឹកដី Santiago Bernabeu។ បន្ទាប់ពីបានបដិសេធ ចំពោះការលើកឡើងថាមានការច្រណែន Real Madrid ដែលមានសង្ឃឹមខ្ពស់ក្នុងការនាំចូល Mbappe លោក Laporta ត្រូវបានសួរអំពីការយល់ឃើញជុំវិញ ការផ្ទេរ ប្រធានក្រុមជម្រើសជាតិបារាំងរូបនេះ ថាតើនឹងទៅជាយ៉ាងណា។ លោក Laporta បាននិយាយថា៖ “ខ្ញុំមើលឃើញដោយមិនបាច់គិតច្រើននោះទេ។ ពួកគេនឹងមានបញ្ហានៅទីនោះ។ អ្នកត្រូវតែលក់កីឡាករម្នាក់ ពេលដែល Mbappe មកដល់មែនទេ? ព្រោះពួកគេទាំងពីរមិនអាចលេងនៅក្នុងតំណែងដូចគ្នាទេ ហើយពួកគេជាកីឡាករដែលមានការចាប់អារម្មណ៍ខ្ពស់។ ហើយបើនិយាយអំពីរឿងប្រាក់ឈ្នួល វាអាចនឹងប៉ះពាល់ដល់សមាជិកក្នុងក្រុមយ៉ាងពិតប្រាកដ”៕

ខ្សែប្រយុទ្ធ Bukayo Saka របស់ក្លឹប Arsenal បានដកខ្លួនពីក្រុមបាល់ទាត់ជម្រើសជាតិអង់គ្លេស មុនការប្រកួតមិត្តភាពទល់នឹងក្រុមប្រេស៊ីល និងបែលហ្ស៊ិកចូលមកដល់។ Saka បានបង្ហាញសមត្ថភាពយ៉ាងល្អសម្រាប់ក្រុមអង់គ្លេសដឹកនាំដោយគ្រូបង្គោល Gareth Southgate ប៉ុន្ដែគួរឱ្យសោកស្ដាយដែលរូបគេ មិនអាចចូលរួមការប្រកួតកម្ដៅសាច់ដុំ មុនព្រឹត្តិការណ៍ EURO 2024 ឈានចូលមកដល់ ដោយសារបញ្ហារបួស។ ក្រុមតោកំណាចអង់គ្លេស នឹងប្រកួតមិត្តភាពទល់ប្រេស៊ីល ក្នុងកីឡដ្ឋាន Wembley នាថ្ងៃសៅរ៍ និងប្រកួតទល់បែលហ្ស៊ិកក្នុងទីតាំងដដែលនេះ នាថ្ងៃអង្គារសប្ដាហ៍ក្រោយ មុនពេលដែលលោក Southgate ប្រកាសពីសមាសភាពកីឡាករសម្រាប់ព្រឹត្តិការណ៍ Euro 2024។ មុនពេលចាកចេញពីក្រុម Saka បានហ្វឹកហាត់នៅខាងក្នុងដោយខ្លួនឯង ជាមួយមិត្តរួមក្រុម Harry Kane, Cole Palmer និង Jordan Henderson៕

​មួយ​រយៈ​ចុងក្រោយ​យើង​ប្រាកដ​បាន​ដឹង​ច្បាស់​ណាស់ ថា Alphonso Davies គឺ​ជា​រ៉ាដា​ធំ​ក្នុង​ក្រសែ​ភ្នែក​ក្លឹប Real Madrid ខណៈ​ក្លឹប​ Bayern Munich ជា​ភាគី​អាណាព្យាបាល​ហាក់​ព្យាយាម​រារាំង​មិន​ចង់​ឲ្យ​គេ​ចាកចេញ​ឡើយ។ តែ​ស្ថានភាព​វា​ស៊ីសង​លើ​កត្តា​នៃ​តម្លៃ​ចរចា និង​ការ​ជជែក​នានា​រវាង​កីឡាករ​ផ្ទាល់​ផង​ដែរ។ បើ​តាម​សារព័ត៌មាន Cadena SER ​ខាង​ក្លឹប​ស្តេច​ស បាន​ជូន​សំណើ​ទៅ​កីឡាករ​កាណាដា​រួច​ស្រេច ពោល​មើល​ទៅ​ហាក់​ពិត​ចង់​បាន​ខ្សែ​ការពារ​ស្លាប​កំពូល​ល្បឿន​ខាង​លើ​ជា​ពន់ពេក ជាមួយ​នឹង​លក្ខខណ្ឌ​ផ្តល់​ឲ្យ​ប្រាក់​ឈ្នួល ១០,៥ លាន​អឺរ៉ូ/រដូវ​កាល រយៈ​ពេល ៤ ឆ្នាំ​ពេញ។ នេះ​សមល្មម​នឹង​រុញ​ឲ្យ​គេ​ក្លាយ​ជា​កីឡាករ​ស៊ី​ថ្លៃ​បំផុត​លំដាប់​ទី​ពីរ បន្ទាប់​ពី​ David Alaba បើ​យើង​រាប់​តែ​សមាសភាព​កីឡាករ​កំពុង​ឈរ​ជើង។ ពី​លើ​ប្រាក់​ឈ្នួល​ផ្តល់​ឲ្យ​ក្លឹប​ដឹកនាំ​ដោយ​ប្រធាន​លោក Florentino Perez ក៏​ត្រូវ​គិតគូរ​លើ​តម្លៃ​ផ្ទេរ​ចេញ​កីឡាករ​វ័យ ២៣ ឆ្នាំ ​មួយ​តង់​ផ្សេង​ទៀត​ដែរ ​ត្រង់ Bayern ហាក់​ទាមទារ​តូច​បំផុត ៥០ លាន​អឺរ៉ូ ស្រប​ពេល​ល្ហៀងៗ​ខាង​ក្លឹប​នៅ​អេស្ប៉ាញ​ចង់​ផ្តល់​ឲ្យ​មិន​លើស​ពី ៤០ លាន​អឺរ៉ូ។ អ៊ីចឹង​វា​ជា​ចំណុច​ដែល​ពួក​គេ​នឹង​ចរចា​រវាង​គ្នា​បន្ថែម​ទៀត។ រំឭក​អំពី​ស្ថិតិ Davies នា​រដូវ​កាល ២០២៣/២៤ នេះ​បន្តិច សរុប​ការ​ឈរ​ជើង ៣១ ប្រកួត​ចូល​ជាង ២…

Brahim Diaz បាន​បង្ហាញ​ចំណាប់​អារម្មណ៍​រីករាយ​នឹង​ពេលវេលា​ឈរ​ជើង​នៅ AC Milan កន្លង​មក ហើយ​អះអាង​ថា ដោយសារ​បាន​ទី​នោះ ទើប​ធ្វើ​ឲ្យ​ខ្លួន​មាន​លទ្ធផល​សព្វថ្ងៃ​នៅ Real Madrid ត្រង់​គ្រា​ផ្ទេរ​ចេញ​ដំបូង​ពី Manchester City ​គេ​ពិត​ជា​នៅ​កម្រិត​ទាប​ខ្លាំង​ណាស់។ យើង​និយាយ​ថយ​ក្រោយ ជុំវិញ​កីឡាករ​វ័យ ២៤ ឆ្នាំ ត្រូវ​បាន​ស្តេច​ស​ទិញ​ចេញ​ពី​សំពៅ​មាស​ន​រដូវ​រងា ឆ្នាំ​ ២០១៩ ក្នុង​តម្លៃ ១៧ លាន​អឺរ៉ូ ហើយ​ក្រោយ​មក​ដាក់​ឲ្យ Milan ខ្ចី​ជើង​ចុះ​ឡើង​ដល់​រដូវ​ក្តៅ​ឆ្នាំ ២០២៣ ទើប​ត្រលប់​មក​វិញ រួច​រដូវ​កាល​ចុងក្រោយ​ក៏​ទទួល​បាន​ពេលវេលា​សកម្ម​ជាប់លាប់ ៣៣ ប្រកួត អាច​រក​បាន ៩ គ្រាប់​និង Assist ៤ លើក​ផង​ដែរ។ យ៉ាង​ណា​កីឡាករ​ដែល​ទើប​ប្តូរ​ទៅ​លេង​ឲ្យ​ជម្រើស​ជាតិ​ម៉ារ៉ុក​បាន​លើក​ឡើង៖ “ពួក​គេ​ជា​ក្លឹប ២ ផ្សេង​គ្នា កាល​នោះ​ខ្ញុំ​នៅ​ក្មេង​ណាស់ ពេលវេលា​ដែល​ចេញ​ពី​ក្លឹប​យក្ស​ដូច Manchester City ពិត​មែន តែ​ខ្ញុំ​នៅ​បទពិសោធន៍​ស្តួចស្តើង នាំ​ឲ្យ​អ្វី​ដែល​រំលេច​ចេញ​មក​វា​មិន​ដូច​អ្វី​ដែល​យើង​គ្រោង​ទុក”។ គេ​បន្ត​ថា៖ “តែ​របៀប​ដែល​ខ្ញុំ​ខិតខំ នៅ​ទី​បញ្ចប់​វា​ក៏​បាន​សង​លទ្ធផល​ត្រលប់​មក​វិញ ខ្ញុំ​បាន​ឆ្លង​កាត់​ពេលវេលា​នៅ Milan…