Football

គ្រូបង្វឹកក្លឹបកាតាឡាន់ Barcelona បច្ចុប្បន្នលោក Xavi Hernández នឹងបន្តស្នាក់នៅ និងដឹកនាំក្លឹបក្នុងនាមជាអ្នកចាត់ការទូទៅក្លឹប Barça នៅរដូវកាលក្រោយទទួលយកសំណើចុងក្រោយ។ រំលឹកដែរថា លោក Xavi បានប្រកាសពីការចាកចេញរបស់គាត់កាលពីឆ្នាំមុន ប៉ុន្តែឥឡូវនេះការ​សម្រេច​ចិត្ត​ត្រូវ​បាន​ធ្វើ​ឡើង ​បន្ទាប់​ពី​រូបគាត់បានពិភាក្សា​ជាមួយ​ប្រធានក្លឹបលោក Laporta និង​នាយកលោក Deco កាល​ពី​យប់​មិញ។ ជាមួយគ្នានេះផងដែរ ប្រធានក្លឹប Barcelona បានទទូចអស់រយៈពេលជាច្រើនខែ ដើម្បីរក្សាលោក Xavi ឲ្យផ្លាស់ប្តូរចិត្តរបស់គាត់ និងបន្តដឹកនាំក្រុមបន្ត។ គួរជម្រាបផងដែរថា ក្រុមប្រឹក្សារបស់ក្លឹប Barcelona ទាំងមូលកំពុងជួបជាមួយលោក Xavi នៅផ្ទះរបស់ប្រធានក្លឹបលោក Laporta ដើម្បីអបអរសាទរនៃការបន្តស្នាក់នៅរបស់អ្នកចាត់ការទូទៅរូបនេះ៕

គ្រូបង្វឹក Arsenal លោក Mikel Arteta បាននិយាយថា ខ្លួនមានការភ្ញាក់ផ្អើលចំពោះការលេងយ៉ាងល្អរបស់កូនក្រុម នៅពេលពួកគេប្រកួតយកឈ្នះ Chelsea ដោយលទ្ធផលដល់ទៅ ៥-០ នៅក្នុងជំនួបក្របខណ្ឌ Premier League កាលពីយប់មិញ។ ជាការពិត បន្ទាប់ពីមានលទ្ធផលដ៏ខកចិត្តដោយចាញ់ Bayern Munich ធ្លាក់ពីពានរង្វាន់ UEFA Champions League នៅវគ្គ៨ក្រុមចុងក្រោយមក Arsenal បានស្វះស្វែងរកជ័យជម្នះមកវិញ ដោយបានឈ្នះ Wolverhampton និងបន្តមកឈ្នះ Chelsea ក្នុងលទ្ធផលយ៉ាងធំ ក្នុងក្របខណ្ឌ Premier League ។ ការប្រកួតដែលធ្វើឡើង នាកីឡដ្ឋាន Emirates នោះ Leandro Trossard ជាអ្នករកគ្រាប់បើកឆាក នៅនាទី៤ នៃវគ្គទី១។ នៅវគ្គទី២ Ben White បានបន្ថែមគ្រាប់ទី២ មុនពេល Kai Havertz បន្ថែមគ្រាប់ទី៣ឱ្យក្រុមកាំភ្លើងធំដែលជាម្ចាស់ផ្ទះ។ សម្រាប់ក្រុមតោខៀវវិញ ហាក់មិនមានសំណាងស៊ុតបញ្ចូលទីគូប្រជែងបានសម្រេចទេ ហើយថែមទាំងរបូត២គ្រាប់បន្ថែមទៀត…

ក្លិប AC Milan បានសម្រេចចិត្តនឹងធ្វើការបញ្ចប់តំណែងគ្រូបង្វឹកលោក Stefano Pioli នៅដំណាច់រដូវកាលឆ្នាំ២០២៣-២៤ ក្រោយចាញ់ការប្រកួតក្រោមថ្វីជើងក្រុមគូប្រជែង Inter Milan ដោយលទ្ធផល ២-១ នាក្របខណ្ឌ Serie A ។ ជ័យជម្នះលើ AC Milan បានធ្វើឱ្យ Inter Milan ក្លាយជាម្ចាស់ជើងឯកពានលីគកំពូលអ៊ីតាលីប្រចាំរដូវកាលនេះ។ក្រោយចប់ការប្រកួត ថ្នាក់ដឹកនាំក្លិប AC Milan គឺបានសម្រេចចិត្តរួចរាល់ហើយដោយមិនផ្ដល់ឱកាសដល់ លោក Stefano Pioli ទៀតទេ ហើយនៅខណៈនេះ ពួកគេកំពុងសម្លឹងមើលបេក្ខភាពគ្រូបង្វឹកថ្មីដែលសក្ដិសមមកកាន់តំណែងជាបន្ត។ ចំពោះបេក្ខភាពគ្រូបង្វឹកថ្មីដែលអាចនឹងមកដឹកនាំក្លិប AC Milan ជាបន្ត ត្រូវបានរាយការណ៍ថាអាចជា លោក Antonio Conte ប្រសិនបើលោកព្រមមកដឹកនាំក្លិបវិញ ព្រោះលោកធ្លាប់បដិសេធក្លិបនេះម្ដងហើយកាលពីរដូវកាលមុន ដែលធ្វើឱ្យលោក Stefano Pioli បន្តដឹកនាំ រហូតមកទល់ពេលនេះ។ ក្រៅពីលោក Antonio Conte ហើយ AC Milan បេក្ខភាពមួយរូបទៀតគឺលោក…

ក្រុមមេឃខៀវ Manchester City និងបិសាចក្រហម Manchester United អាចនឹងប្រឈមមុខនឹងការប្រកួតប្រជែងពីសំណាក់ក្រុមកាំភ្លើងធំ Arsenal សម្រាប់ការចុះហត្ថលេខាលើខ្សែបម្រើសញ្ជាតិប្រេស៊ីល Bruno Guimaraes របស់ក្រុមសារិកាព្រៃ Newcastle United នារដូវក្តៅខាងមុខ។ គួរកត់សម្គាល់ថា កីឡាករវ័យ ២៦ឆ្នាំ បានវិវត្តន៍ខ្លួនក្លាយជាកីឡាករដ៏សំខាន់ក្នុងក្រុមដំបូង និងជាទីពេញចិត្តរបស់អ្នកគាំទ្រនៅកីឡដ្ឋាន St James’ Park ចាប់តាំងពីចាកចេញពីក្រុម Lyon ក្នុងខែមករា ឆ្នាំ ២០២២ ដោយបានរួមចំណែកជាមួយគ្រាប់បាល់ ១៤គ្រាប់ និង ១៤ដង (Assists) ក្នុងការបង្ហាញខ្លួន ១០១ប្រកួត។ ទន្ទឹមនឹងនេះ កិច្ចសន្យាកុងត្រារបស់ Guimaraes ជាមួយ Newcastle នឹងផុតកំណត់រហូតដល់ខែមិថុនា ឆ្នាំ ២០២៨។ បន្ថែមពីនេះ គ្រូបង្វឹកលោក Eddie Howe ក៏បានសារភាពថា រូបគាត់មិនអាចធានាបានថា Guimaraes នឹងបន្តស្នាក់នៅក្លឹបលើសពីទីផ្សារដោះដូរកីឡាករនារដូវក្តៅនេះទេ។ យ៉ាងណាមិញ យោងតាមគេហទំព័រ The Sun…

ថ្មីៗនេះ តារាឆ្នើមរបស់ក្លិប Manchester City កីឡាករ Phil Foden បានធ្វើការកោតសរសើរទៅលើខ្សែបម្រើឆ្នើមរបស់ក្លិប Real Madrid កីឡាករ Jude Belllingham ថាជាកីឡាករដែលមានសមត្ថភាពដ៏កម្រមួយរូប។ ជាក់ស្តែង Foden បានប្រឈមមុខជាមួយមិត្តរួមជាតិអង់គ្លេសរបស់ខ្លួន នៅពេលដែល City ត្រូវប៉ះក្រុម Madrid នៅក្នុងការប្រកួតវគ្គ ៨ក្រុមចុងក្រោយពានរង្វាន់ UCL នៅពេលដែលក្រុមយក្សអេស្ប៉ាញ មានឱកាសឡើងទៅវគ្គបន្ទាប់។ គួរឲ្យដឹងថា Madrid បានទទួលជ័យជម្នះក្នុងការទាត់បាល់ប៉េណាល់ទីកាត់សេចក្តីបន្ទាប់ពីលទ្ធផលស្មើគ្នា ក្នុងការប្រកួតទាំងពីរជើង ខណ: Bellingham ក៏បានរួមចំណែកដ៏សំខាន់នៅក្នុងជ័យជម្នះនេះផងដែរ ។ យ៉ាងណាមិញ ដោយបានរៀបចំអំពី Bellingham តារាឆ្នើមរបស់ក្រុម Man City បាននិយាយនៅក្នុងបទសម្ភាសមួយកាលពីពេលថ្មីៗនេះថា ៖ ” ខ្ញុំសឹងមិនជឿថា Bellingham អាចធ្វើបានល្អដល់ថ្នាក់នេះ ជាមួយវ័យប៉ុននេះ។ ខ្ញុំមិនដែលឃើញកីឡាករណាមានភាពចាស់ទុំក្នុងវ័យនេះទេ។ ខ្ញុំគិតថាគាត់ទទួលបានអំណោយពីព្រះ ជាមួយនឹងកាយ​សម្បទា​របស់គាត់“៕

ជាមួយនឹងការចាកចេញរបស់ខ្សែប្រយុទ្ធឆ្នើម Kylian Mbappe ពីក្លិប PSG ដែលរំពឹងកើតឡើង ហាក់កំពុងបង្ខំឲ្យក្រុមរបស់លោក Luis Enrique ត្រូវស្វែងជម្រើសថ្មីមកជំនួសតំណែងនេះវិញ សម្រាប់រដូវកាលក្រោយ។ ហើយឥឡូវនេះ បើតាមការចុះផ្សាយពី ‘Le Parisien’ បានបង្ហាញឲ្យដឹងថាក្លិបយក្សបារាំង កំពុងចាប់អារម្មណ៍ក្នុងការចុះហត្ថលេខាលើតារាឆ្នើមវ័យក្មេងរបស់ក្លិប Barcelona កីឡាករ Lamine Yamal ។ ជាការពិតណាស់ Yamal បាន​ក្លាយ​ជាក្លាយជាកីឡាករដ៏សំខាន់បំផុតមួយ សម្រាប់ក្រុមរបស់លោក Xavi Hernandez ​នៅរដូវកាលនេះ ដោយគេបានចូលលេង ៤៤ ប្រកួត ដែលក្នុងនោះរួមចំណែករកបាន ៦គ្រាប់ និង assists បាន ៥ លើក ។ ទន្ទឹមនឹងនេះ បើតាមការចុះផ្សាយពីកាសែត Marca កាលពីពេលកន្លងទៅ បានបង្ហាញថាក្លិប PSG កំពុងពិចារណាផ្តល់ជូនសំណើប្រមាណ ២០០លានអឺរ៉ូ ប៉ុន្តែទោះជាយ៉ាងណាក៏ដោយក្លិប Barca ទំនងជាអាចបដិសេធចំពោះសំណើនេះ ដោយអះអាងថា តម្លៃផ្តាច់កុងត្រារបស់ Yamal មានតម្លៃយ៉ាងហោចណាស់…

ក្លិបបិសាចក្រហម Manchester United ត្រូវបានគេរាយការណ៍មកថា បានត្រៀមខ្លួនរួចរាល់ហើយ ក្នុងការទទួលយកសំណើផ្តល់ជូនសម្រាប់ខ្សែបម្រើចាស់វស្សា Christian Eriksen ក្នុងអំឡុងទីផ្សារដោះដូររដូវក្តៅបើកឡើងវិញនាពេលខាងមុខ។ ជាក់ស្តែងបន្ទាប់ពីមានការចាប់អារម្មណ៍យ៉ាងខ្លាំងអំឡុងពេលលេងឲ្យក្រុម Brentford កីឡាករសញ្ជាតិដាណឺម៉ាករូបនេះ ត្រូវបានក្លិប Man Utd ចាប់អារម្មណ៍នឹងបាននាំយកមកកាន់ទឹកដី Old Trafford ដោយគ្មានតម្លៃខ្លួន កាលពីរដូវក្តៅឆ្នាំ២០២២ កន្លងទៅ។ ហើយយ៉ាងណាមិញបើទោះបីជាមានការចាប់អារម្មណ៍ នៅរដូវកាលដំបូងនោះក្តី ប៉ុន្តែក្រោយៗមកទៀត Eriksen ហាក់បាត់បង់ការទុកចិត្តជាបន្តបន្ទាប់ និងបានបង្ហាញខ្លួនត្រឹម ៩ប្រកួតប៉ុណ្ណោះ នៅក្នុងរដូវកាលបច្ចុប្បន្ននេះ។ ជុំវិញស្ថានភាពនេះ យោងតាម Football Insider បានឱ្យដឹងថាក្រុម Manchester United បានត្រៀមខ្លួនរួចជាស្រេចដើម្បីលក់ចេញ Eriksen ក្នុងអំឡុងពេលទីផ្សារដោះដូរកីឡាករនាពេលខាងមុខ នៅចំពេលដែលក្លិបកំពុងត្រៀមរៀបចំការផ្លាស់ប្តូរទ្រង់ទ្រាយធំ និងកាត់បន្ថយការចំណាយមួយចំនួន ផងដែរ៕

ក្លិប Aston Villa បានប្រកាសជាផ្លូវការថាគ្រូបង្វឹកលោក Unai Emery បានបេ្តជ្ញាចិត្ត ក្នុងការចុះកិច្ចសន្យាថ្មីបន្ថែមទៀត ជាមួយក្លឹបរហូតដល់រដូវក្តៅឆ្នាំ២០២៧ ។ ជាក់ស្តែង កុងត្រាបច្ចុប្បន្នរបស់បុរសសញ្ជាតិអេស្ប៉ាញដើមឡើយនឹងត្រូវដំណើរការរហូតដល់ចុងបញ្ចប់នៃរដូវកាល ២០២៥–២០២៦ ប៉ុន្តែយ៉ាងណាក៏ដោយ លោកបានយល់ព្រមបន្តរយ:ពេលមួយឆ្នាំបន្ថែមទៀត ចំពេល Aston Villa កំពុងស្ថិតនៅក្នុងផ្លូវក្នុងការឆ្ពោះទៅលេងនៅក្របខ័ណ្ឌ Champions League រដូវកាលក្រោយ។ គួរឲ្យដឹងផងដែរថា បច្ចុប្បន្ន Villa ឈរលេខរៀងទី៤ ក្នុងតារាង Premier League ដោយមាន ៦៦ពិន្ទុ នាំមុខ ៦ ពិន្ទុពីលើក្រុម Tottenham Hotspur ដែលនៅសេសសល់ ២ប្រកួតក្នុងដៃ។ យ៉ាងណាមិញ បន្ទាប់ពីការចុះហត្ថលេខាលើកិច្ចសន្យាថ្មីនេះ លោក Emery បាននិយាយថា ៖“យើងកំពុងរីករាយជាមួយវិធីរបស់យើងជាមួយអ្នកគាំទ្រ Villa រួមជាមួយម្ចាស់ក្លឹប អ្នកគ្រប់គ្រង និងក្រុមកីឡាករដ៏អស្ចារ្យនៅទីនេះ “៕

ក្លិបហង្សក្រហម Liverpool ត្រូវបានគេរាយការណ៍មកថា បានដាក់តម្លៃខ្លួនមិនទាបជាង ១០០លានផោន សម្រាប់កីឡាករ Luis Diaz ចំពេលកំពុងមានការចាប់អារម្មណ៍ខ្លាំងពីសំណាក់ក្លិប Barcelona និង Paris Saint-Germain។ ជាក់ស្តែង បើទោះបីជាកីឡាករសញ្ជាតិកូឡុំប៊ី នៅតែជាផ្នែកដ៏សំខាន់របស់លោក Jurgen Klopp និងមានកិច្ចសន្យារយៈពេលវែងនៅ Anfield រហូតដល់រដូវក្តៅឆ្នាំ២០២៧ ក៏ដោយ ប៉ុន្តែអនាគតរបស់ Diaz ហាក់កំពុងត្រូវបានគេលើកយកមកពិភាក្សាក្នុងពេលថ្មីៗនេះ។ ហើយឥឡូវនេះ យោងតាមគេហទំព័រ El Heraldo បានរាយការណ៍មកថាក្លិប Liverpool បានត្រៀមខ្លួនរួចជាស្រេចហើយ ដើម្បីទាមទារយ៉ាងហោចណាស់ ១២៣លានផោន ដើម្បីអនុញ្ញាតឱ្យ Diaz ចាកចេញ នៅក្នុងទីផ្សារនាពេលខាងមុខ។ ជុំវិញចំនួនដ៏ច្រើននេះ មានន័យថា Diaz អាចនឹងក្លាយជាកីឡាករដែលមានតម្លៃខ្លួនថ្លៃបំផុតទីពីរ Liverpool គ្រប់ពេលវេលា ដែលត្រូវលក់ចេញ បន្ទាប់ពី Philippe Coutinho ដែលត្រូវបានក្លិប Barca ទិញយកទៅក្នុងតម្លៃខ្លួន ១៤២លានផោន កាលពីទីផ្សាររដូវរងារឆ្នាំ២០១៨៕

អតីតអ្នកចាំទីឆ្នើមរបស់ក្រុមបិសាចក្រហម Manchester United កីឡាករ David de Gea ដែលបច្ចុប្បន្នមិនទាន់រកបានក្លិបថ្មីលេង ចាប់តាំងពីចាកចេញពីទឹកដី Old Trafford មកនោះ ត្រូវបានគេរាយការណ៍ថា កំពុងទទួលបានការចាប់អារម្មណ៍ពីសំណាក់ក្លិប Real Betis។ គួរដឹងផងដែរថា David de Gea ត្រូវបានគេយល់ឃើញថា ទទួលបានការផ្តល់ជូនជាច្រើន បន្ទាប់ពីគេបានសម្រេចដើរចេញពីក្លិប Man United កាលពីនៅចុងបញ្ចប់រដូវកាលឆ្នាំ ២០២២–២០២៣កន្លងទៅ តែទោះ​យ៉ាង​ណា រូបគេ​មិន​ទទួល​យក​សំណើ​ណា​មួយ​ឡើយ។ ហើយឥឡូវនេះបើតាមការចុះផ្សាយពីសារព័ត៌មាន Estadio Deportivo បានរាយការណ៍មកថា ក្លិបនៅលីគកំពូលអេស្ប៉ាញ Real Betisបានដាក់គោលដៅទៅលើអ្នកចាំទីវ័យ ៣៣ឆ្នាំរូបនេះ ថាជាអ្នកមកជំនួសតំណែងរបស់កីឡាករ Claudio Bravo ដែលគ្រោងនឹងចាកចេញពីក្លឹប។ ជម្រាបជូនផងដែរថា De Gea បង្ហាញខ្លួនសរុបចំនួន ៥៤៥ប្រកួតឲ្យក្រុម Manchester United ដោយគេអាចរក្សាសំណាញ់ទីបានរហូតដល់ទៅ ១៩០ លើកសម្រាប់ក្រុមបិសាចក្រហម ក្នុងអំឡុងពេលលេងឲ្យក្លិបនោះ៕