Sport

បង្វឹករបស់ក្រុម Los Angeles FC នៅក្របខណ្ឌ Major League Soccer (MLS) ដោយលោកនឹងធ្វើជាគ្រូបង្វឹកផ្នែកអភិវឌ្ឍកីឡាករ កាលពីថ្ងៃអង្គារនេះ។ លោក Giorgio Chiellini បានបង្ហាញខ្លួនឱ្យក្រុមជម្រើសជាតិអ៊ីតាលីបាន ១១៧ ប្រកួត និងធ្វើជាប្រធានក្រុមដឹកនាំក្រុមជម្រើសជាតិមួយនេះយកឈ្នះពានរង្វាន់ Euro 2020 បន្ទាប់ពីយកឈ្នះក្រុមជម្រើសជាតិអង់គ្លេសក្នុងវគ្គផ្តាច់ព្រ័ត្រនៅកីឡដ្ឋាន Wembley។ សហប្រធានក្លិបបាល់ទាត់ Los Angeles FC លោក John Thorrington បាននិយាយថា៖ ពួកយើងពិតជាថ្លែងអំណរគុណទៅកាន់ Giorgio ដែលបានលេងឱ្យក្រុម Los Angeles FC បាន ១៨ ខែ។ ក្នុងអំឡុងពេលដែលរូបគេលេងឱ្យ Los Angeles FC រូបគេបានធ្វើឱ្យយើងឃើញថារូបគេជាបុគ្គលដ៏សំខាន់ម្នាក់នៅក្នុងក្រុម ហើយពេលនេះពួកយើងពិតជាសប្បាយរីករាយជាខ្លាំង ដែលបានរូបគេមកចូលរួមជាផ្នែកមួយនៃជំនួយការគ្រូបង្វឹក ជាមួយនឹងភាពអស្ចារ្យរបស់រូបគេជាមួយបាល់ទាត់ ជាអ្នកដឹកនាំដ៏ល្អ និងមនុស្សដ៏ល្អម្នាក់ក្នុងសម្រាប់ក្រុមការងារទាំងមូលក្នុងរដូវកាលខាងមុខនេះ។ លោក Giorgio Chiellini ចំណាយពេលសឹងតែមួយអាជីពបាល់ទាត់របស់រូបគេលេងឱ្យក្រុមសេះបង្កង់ Juventus ដោយជួយឱ្យក្រុម…

យោងតាមអ្នកសារព័ត៌មាន Fabrizio Romano បានឱ្យដឹងថាកីឡាករ Amad Diallo គ្មានបំណងចាកចេញពីក្រុមបិសាចក្រហម Manchester United ឡើយ ក្នុងខែមករា ឆ្នាំ២០២៤ នេះ បើទោះបីជាមានព័ត៌មានទាក់ទងនឹងការខ្ចីជើងក្តី។ ព័ត៌មានជាច្រើនបានចុះផ្សាយជុំវិញអនាគតរបស់កីឡាករវ័យ ២១ ឆ្នាំរូបនេះ ហើយសាមីខ្លួនក៏បានបញ្ជាក់យ៉ាងច្បាស់ថាខ្លួនចង់បន្តលេងឱ្យក្រុម Manchester United។ ក្រុម Middlesbrough ដែលមានលោក Michael Carrick ជាគ្រូបង្វឹកនោះ បានចាប់អារម្មណ៍មកលើកីឡាករសញ្ជាតិកូតឌីវ័ររូបនេះ ក្នុងលក្ខខណ្ឌខ្ចីជើងរហូតដល់ចប់រដូវកាល។ យ៉ាងណាមិញ កីឡាករ Amad Diallo ពុំចង់ចូលរួមឡើយ ដោយសារតែកីឡាកររូបនេះចង់បង្ហាញការគោរពទៅកាន់ក្រុម Sunderland ដែលរូបគេបានលេងក្នុងលក្ខខណ្ឌខ្ចីជើងកាលពីរដូវកាលមុន។ ម្យ៉ាងវិញទៀត កីឡាករ Amad Diallo ថា ព័ត៌មានដែលចុះផ្សាយអំពីទំនាក់ទំនងរូបគេជាមួយក្រុម Birmingham នោះ មិនមែនជាការពិតឡើយ។ កីឡាករ Amad Diallo បានអវត្តមានសម្រាប់ក្រុម Manchester United ជាយូរណាស់មកហើយក្នុងរដូវកាលនេះ ដោយសារតែបញ្ហារបួសជង្គង់។ ប៉ុន្តែរូបគេបានត្រឡប់មកជួយក្រុមវិញហើយ ចាប់តាំងពីមុនដំណាច់ឆ្នាំ២០២៣…

ក្រុមកាំភ្លើងធំ Arsenal គ្រោងនឹងពង្រឹងតំបន់ប្រយុទ្ធរបស់ខ្លួនក្នុងទីផ្សារដោះដូរកីឡាករខែមករានេះ បន្ទាប់ពីកីឡាករ Gabriel Jesus កីឡាករ Eddie Nketiah និងកីឡាករ Kai Havertz បង្ហាញទម្រង់លេងពុំសូវបានល្អឡើយក្នុងរដូវកាល ២០២៣-២០២៤ នេះ។ យោងតាមសារព័ត៌មាន TEAMtalk បានឱ្យដឹងថាលោក Mikel Arteta គ្រូបង្វឹកក្រុម Arsenal មានគម្រោងចង់យកកីឡាករ Karim Benzema មកចូលរួមក្រុមរបស់ខ្លួន។ កីឡាករសញ្ជាតិបារាំងវ័យ ៣៦ ឆ្នាំរូប ដែលឈ្នះពានរង្វាន់ Ballon d’Or កាលពីឆ្នាំ២០២២ រូបនេះ បានចាកចេញពីតំបន់អឺរ៉ុបទៅលេងនៅទឹកដីមជ្ឈិមបូព៌ាសព្វថ្ងៃនេះ។ ក្រុមបិសាចក្រហម Manchester United ក៏មានទំនាក់ទំនងជាមួយនឹងកីឡាករ Karim Benzema ដូចគ្នា ស្របពេលក្រុមតោខៀវ Chelsea ក៏កំពុងតែស្វែងរកខ្សែប្រយុទ្ធទល់លេង ៩ មករួមក្រុមដូចគ្នា។ គួរបញ្ជាក់ផងដែរថា ក្រុម Arsenal ក៏បង្ហាញការចាប់អារម្មណ៍លើកីឡាករ Ivan Toney របស់ក្រុម Brentford…

ក្លឹបបិសាចក្រហម Manchester United ត្រូវបានគេរាយការណ៍ថា បានដាក់គោលដៅលើខ្សែការពារឆ្នើមរបស់ក្លឹប Torino គឺកីឡាករ Alessandro Buongiorno ក្នុងនាមជាគោលដៅមានសក្តានុពលម្នាក់មុនទីផ្សារដោះដូរខែមករានេះបិទ។ លោក Erik Ten Hag បានកំពុងស្វែងរកកីឡាករនៅតំបន់ការពាររបស់លោកបន្ថែម ខណៈអនាគតរបស់ Raphael Varane នៅតែស្ថិតក្នុងភាពមិនច្បាស់លាស់។ Varane បានឈានចូល៦ខែចុងក្រោយនៃកិច្ចសន្យារបស់គេនៅ Old Trafford ខណៈបច្ចុប្បន្នរូបគេអាចមានសិទ្ធិគ្រប់គ្រាន់ក្នុងការពិភាគ្សាជាមួយនឹងក្លឹបដទៃទៀត បើសិនចង់បានខ្លួន។ Johnny Evan ក៏នឹងផុតកុងត្រានៅចុងរដូវកាលនេះដូចគ្នា ខណៈ Harry Maguire នៅសល់កុងត្រា១៨ខែ ទន្ទឹមនឹងគ្នានេះលោក Erik Ten Hag បានបញ្ជាក់កាលពីពេលកន្លងទៅថា ក្លឹប Man Utd កំពុងពិចារណាក្នុងអនុវត្តនូវការបន្ថែម១២ខែនៅក្នុងកិច្ចសន្យារបស់ Victor Lindelof ។ Man Utd. បានកំពុងតាមដានយ៉ាងយកចិត្តទុកនៅលើទីផ្សារនាពេលបច្ចុប្បន្នសម្រាប់ខ្សែការពារក្មេងៗ ដោយសារតែមិនយូរទេ Lindelof នឹងចូលរួមជាមួយនឹង Raphael Varane, Harry Maguire និង…

ខ្សែប្រយុទ្ធ Lionel Messi បានក្លាយជាម្ចាស់ជើងឯកពានរង្វាន់ FIFA Men’s Player of the Year ប្រចាំឆ្នាំ២០២៣ ដែលជាការឈ្នះជាលើកទី៣នៅក្នុងអាជីពរបស់គេផងដែរ។ ការឈ្នះពានរង្វាន់នេះដែរ កីឡាករអាហ្សង់ទីនបានផ្តួលខ្សែប្រយុទ្ធន័រវែស Erling Haaland របស់ Man City និងខ្សែប្រយុទ្ធ Kylian Mbappe របស់ Paris St Germain ។ Messi ដែលបានឈ្នះពានរង្វាន់នេះកាលពីឆ្នាំ ២០២២ បន្ទាប់ពីដឹកនាំអាហ្សង់ទីនឱ្យឈ្នះពាន World Cup បានលើកពាន Ligue 1 ជាមួយ PSG រួមជាមួយ Mbappe មុនពេលរូបគេផ្ទេរទៅកាន់ក្លិប Inter Miami នៅក្របខណ្ឌ Major League Soccer ។ កីឡាករវ័យ ៣៦ឆ្នាំ បានទទួលសំឡេងបោះឆ្នោតជ្រើសរើសកីឡាករល្អបំផុត ច្រើនជាងគេ ដោយការបោះឆ្នោតនេះកើតចេញពីគ្រូបង្វឹកក្រុមជម្រើសជាតិ ប្រធានក្រុមបាល់ទាត់នានា អ្នកសារព័ត៌កីឡា…

លោក Xavi Hernendez គ្រូបង្វឹក Barcelona នឹងលាចេញពីតំណែង ប្រសិនបើកីឡាករ ឈប់ស្ដាប់តាមការណែនាំរបស់លោក។ ការលើកឡើងបែបនេះធ្វើឡើង ក្រោយពេលដែលមានការចុះផ្សាយ ថា ក្រុមកីឡាករភាគច្រើនចាប់ផ្ដើមចោទសួរពីទម្រង់លេង និងរបៀបចាត់ចែងរបស់លោក។ ទាក់ទិននឹងរឿងនេះដែរ លោក Xavi បាននិយាយថា៖ “ខ្ញុំស្រលាញ់ក្លិបនេះណាស់។ ខ្ញុំមកនេះ ដើម្បីសម្រេចបានស្នាដៃអ្វីមួយ។ បើខ្ញុំធ្វើមិនបានទេ ខ្ញុំនឹងទៅផ្ទះ។ បើខ្ញុំមិនលើកពាន La Liga ឆ្នាំមុនទេ ខ្ញុំមិនបន្តនៅដល់រាល់ថ្ងៃនោះទេ។” លោក Xavi បន្តថា៖ “ដរាបណាកីឡាករលែងតាមខ្ញុំ នោះខ្ញុំនឹងវេចបង្វេចដើរចេញ។ ពេលណាដែលមានអ្នកនិយាយថា ខ្ញុំមានបញ្ហា ខ្ញុំនឹងដើរចេញ។” សូមបញ្ជាក់ថា Barcelona បានរបូតពានរង្វាន់ Spanish Super Cup ក្រោយចាញ់ Real Madrid ៤-១ ដោយវាបានបង្កើតបញ្ហាមួយចំនួនក្នុងក្រុម។ កីឡាករក្រុមបាន ប៉ះទង្គិតជាមួយ លោក Xavi Hernandes អំឡុងពេលសម្រាកក្នុងបន្ទប់ផ្លាស់សម្លៀកបំពាក់ថែមទៀតផង៕

ក្លិប Ajax បានទិញយកបាន ខ្សែបម្រើ Jordan Henderson ពីក្លិបអារ៉ាប៊ីសាអ៊ូឌីត Al Ettifaq នៅក្នុងថ្ងៃនេះដោយចាំតែប្រកាសជាផ្លូវការតែប៉ុណ្ណោះ។ កាលបរិច្ឆេទនៃការពិនិត្យសុខភាព និងថ្ងៃចុះកុងត្រាបានរៀបចំរួចរាល់អស់ហើយ ដោយគេនឹងធ្វើដំណើរពីអង់គ្លេស មកកាន់ហុល្លង់ដើម្បីបញ្ចប់កុងត្រាមួយនេះ។ Henderson នឹងចុះកុងត្រាជាមួយ Ajax រយៈពេល២ឆ្នាំកន្លះ រហូតដល់ថ្ងៃទី៣០ ខែមិថុនា ឆ្នាំ២០២៦។កីឡាករនេះធ្លាប់លេងឱ្យ Liverpool រយៈពេល ១២ឆ្នាំចាប់ពីឆ្នាំ២០១១ រហូតដល់ឆ្នាំ២០២៣ ហើយក៏ផ្លាស់ទៅលេងអោយក្លឹបអារ៉ាប៊ីសាអ៊ូឌីតកន្លះឆ្នាំ៕ Mirko di Natale របស់ TuttoJuve បានបញ្ជាក់ថា កីឡាករសញ្ជាតិអង់គ្លេសរូបនេះក៏បានផ្តល់ជូនខ្លួនគាត់ទៅ Juventus ផងដែរ ប៉ុន្តែ Bianconeri បានច្រានចោលវិធីសាស្រ្តនេះភ្លាមៗ ។ រឿងនេះកើតឡើងបន្ទាប់ពីខ្សែបម្រើរូបនេះត្រូវបានផ្សារភ្ជាប់ជាមួយនឹងការផ្លាស់ប្តូរទៅកាន់ក្លឹបជាច្រើន ហើយដែលរួមមាន Ajax និង Chelsea ។ ខ្សែបម្រើវ័យ ៣៣ឆ្នាំរូបនេះ បានចុះកិច្ចសន្យារយៈពេល ៣ឆ្នាំ ដោយមានតម្លៃខ្លួន ៧០ម៉ឺនផោន ក្នុងមួយសប្តាហ៍ ជាមួយក្លិប Al-Ettifaq នៅពេលដែលលោកចាកចេញពីក្លិប…

Barcelona របូតពានរង្វាន់ Spanish Super Cup ក្រោយចាញ់ Real Madrid ៤-១ បានបង្កើតបញ្ហាមួយចំនួនក្នុងក្រុម។ កីឡាករក្រុមរហស្សនាមអ្នកមានបុណ្យ ប៉ះទង្គិចជាមួយគ្រូបង្វឹកលោក Xavi Hernandez អំឡុងពេលសម្រាកក្នុងបន្ទប់ផ្លាស់សម្លៀកបំពាក់។ កីឡាករមួយចំនួនបង្ហាញភាពមិនពេញចិត្តជាមួយនឹងគ្រូបង្វឹកលោក Xavi ខណៈពួកគេបានចោទសួរពីទម្រង់លេង និងការសម្រេចចិត្តរៀបចំគ្រោងការប្រកួត។ លើសពីនេះ ក្រុមកីឡាករត្រូវបានរាយការណ៍ថា ទទួលបានអារម្មណ៍ជួបផលលំបាកពីសំណាក់លោក Xavi ទោះជាបុរសសញ្ជាតិអេស្ប៉ាញ គិតថាក្រុមកីឡាករនៅតែគាំទ្រលើខ្លួន។ កីឡាករប្រមាណ ៦ ឬ ៧ នាក់ តែងតែចោទសួរបកត្រឡប់មកកាន់លោក Xavi ពេលដែលគាត់បានស្តីបន្ទោសទៅកាន់ពួកគេថាមិនព្រមចាប់យកទម្រង់លេងរបស់ក្រុម Barcelona ដែលបានផ្តល់ឱ្យពួកគេ។ បញ្ហាមិនមែនទើបតែកើតមាននៅទេ រឿងរ៉ាវចាប់តាំងពីការប្រកួតទល់នឹងក្រុម Almeria កាលពីខែធ្នូ ឆ្នាំ ២០២២ ហើយក្លិបយកឈ្នះទាំងលទ្ធផលលំបាក ៣-២។ លោក Xavi រិះគន់កីឡាករចំៗ ដែលធ្វើមិនបានល្អនៅពាក់កណ្តាលវគ្គទីមួយនៃការប្រកួត។ ទោះចាញ់ Real Madrid ៤-១ និងមានបញ្ហានៅក្នុងក្រុម លោក Xavi នៅតែទទួលបានការគាំទ្រពីសំណាក់ប្រធានផ្នែកកីឡារបស់ក្រុមលោក…

ក្លិប Al-Hilal នៅលីគកំពូលអារ៉ាប៊ីសាអ៊ូឌីត បានចុះហត្ថលេខាលើខ្សែការពារ Renan Lodi ពីក្លិបបារាំង Marseille។ នេះបើតាមការប្រកាសពីក្លិបទាំងពីរកាលពីថ្ងៃពុធ។ កីឡាករប្រេស៊ីល វ័យ ២៥ ឆ្នាំបានចុះហត្ថលេខាលើកិច្ចព្រមព្រៀងរយៈពេល ៣ ឆ្នាំកន្លះ ដោយប្រព័ន្ធផ្សព្វផ្សាយរបស់បារាំងបានរាយការណ៍ថា ក្លិប Al-Hilal បានចំណាយប្រាក់ចំនួន ២៣លានអឺរ៉ូ សម្រាប់ការផ្ទេរនេះ។ Renan Lodi ដែលធ្លាប់លេងនៅក្លិប Atletico Madrid និង Nottingham Forest បានបង្ហាញខ្លួន១៩ ប្រកួតសម្រាប់ក្រុមបាល់ទាត់ជម្រើសជាតិប្រេស៊ីល និងលេងឱ្យប្រេស៊ីល ក្នុងពានរង្វាន់ Copa America ឆ្នាំ ២០២១ ដែលពួកគេបានចាញ់គូប្រជែងអាហ្សង់ទីននៅវគ្គផ្តាច់ព្រ័ត្រ។ បច្ចុប្បន្ន Al-Hilal ឈរនៅលើកំពូលតារាង Saudi Pro League ដោយមាន ៥៣ ពិន្ទុ នាំមុខ ៧ ពិន្ទុលើក្រុម Al-Nassr របស់ Cristiano Ronaldo៕

ក្លឹប​ចំនួន​បី កំពុង​ដណ្ដើម​គ្នា​ចង់​ខ្ចី​ជើង​ខ្សែ​ស្លាប Facundo Pellistri ពី​ Manchester United ក្នុង​ទី​ផ្សារ​ដោះ​ដូរ​កីឡាករ​ក្នុង​ខែ​មករា​នេះ។ ក្លឹប​ទាំង​នោះ​រួម​មាន ក្លឹប​ហុល្លង់​ PSV Eindhoven ក្លឹប​អាមេរិក LA Galaxy និង​ក្លឹប​អេស្ប៉ាញ Granada បាន​កំពុង​ចាប់​អារម្មណ៍​ចង់​ខ្ចី​ជើង​ខ្សែ​ស្លាប​វ័យ ២២ ឆ្នាំ Pellistri។ ទោះ​ជា​យ៉ាង​ណា មិន​ទាន់​មាន​របាយការណ៍​ណា​អាច​បញ្ជាក់​ថា​ភាគី Man Utd និង​ភាគី Pellistri សម្រេច​យ៉ាង​ណា​នោះ​ទេ។ កីឡាករ​សញ្ជាតិ​អ៊ុយរុយហ្គាយ​ Pellistri បាន​មក​ចូល​រួម​ជាមួយ​បិសាច​ក្រហម​តាំង​ពី​ឆ្នាំ ២០២០ មក ក៏​ប៉ុន្តែ​មិន​ទាន់​ទទួល​បាន​ឱកាស​ក្លាយ​ជា​កីឡាករ​បង្គោល​របស់​ក្លឹប​នៅ​ឡើយ។​ ២ ឆ្នាំ​ដំបូង កីឡាករ​ត្រូវ​បាន​ក្លឹប​បញ្ជូន​ជា​កីឡាករ​ខ្ចី​ជើង​នៅ​ក្លឹប​អេស្ប៉ាញ Alves។ ឯ​ ២ ឆ្នាំ​ចុង​ក្រោយ កីឡាករ​រូប​នេះ​បាន​បង្ហាញ​ខ្លួន​សរុប ២៤ ប្រកួត​ឲ្យ​បិសាច​ក្រហម តែ​ច្រើន​ជា​កីឡាករ​បម្រុង​លេង​ចុង​ម៉ោង។ ទោះ​ជា​បាន​វេលាតិចបង្ហាញសមត្ថភាព ពេលដែលបានចូលលេង​ កីឡាករ​តែង​ត្រូវ​បាន​ការ​កោត​សរសើរ​ពី​មជ្ឈដ្ឋាន​អ្នក​គាំទ្របិសាច​ក្រហម​ជាពិសេសរឿង​ល្បឿន និងបច្ចេកទេស​របស់កីឡាករវ័យក្មេងរូបនេះ៕