Sport

ខ្សែការពារកណ្តាល Leny Yoro របស់ក្លឹប Lille ដែលមានវ័យត្រឹម ១៨ឆ្នាំ ត្រូវបានគេរាយការណ៍មកថា រូបគេបានធ្វើការសម្រេចចិត្តមិនបន្តកិច្ចព្រមព្រៀងថ្មីជាមួយក្លឹប Lille ឡើយបើទោះជាកិច្ចសន្យានឹងត្រូវអស់សុពលភាពនៅចុងរដូវកាលនេះក៏ដោយ។ ស្របពេលជាមួយគ្នានេះ ម្ចាស់ជើងឯក UCL ១៤សម័យ Real Madrid និងម្ចាស់ជើងឯក Premier League ២០សម័យ Manchester United កំពុងជម្រុញនិងធានាបាននូវហត្ថលេខាខ្សែការពារដ៏មានសក្តានុពលរូបនេះ មុនពេលរដូវកាលថ្មីមកដល់។ គួរជម្រាបដែរថា ខ្សែកាពារសញ្ជាតិបារាំងរូបនេះ មានតម្លៃផ្ទេរទាមទារប្រមាណជា ១០០លានអឺរ៉ូ ឯណោះដែលវាជាតួលេខតម្លៃដ៏ច្រើនលើសលប់សម្រាប់ខ្សែការពារក្នុងពេលបច្ចុប្បន្ន។ គួរកត់សម្គាល់ថា ទោះបីជាមានការកោតសរសើរពី Man United ក៏ដោយ កីឡាករ Yoro មានបេះដូងនឹងស្រលាញ់ក្លឹប Real Madrid ជាជាង Man Utd ដូច្នេះគឺច្បាស់ហើយថា Yoro នឹងត្រូវចូលរួមជាមួយក្លឹបមួយណា ខណៈដែលគ្រូបង្វឹកលោក Ancelotti ត្រូវការខ្សែការពារមកជំនួស Antonio Rudiger, Nacho Fernandez ឬក៏ Militao ផងដែរ៕

នាយកក្លិប Bayern Munich លោក Max Eberl ថ្មីៗនេះ បានចេញមុខធ្វើការបដិសេធថា ក្លិបរបស់លោកមិនបានទាក់ទងជាមួយអតីតគ្រូបង្វឹករបស់ក្រុម Manchester United លោក Ralf Rangnick ជុំវិញការមកទទួលតំណែងជាគ្រូបង្វឹកនៅរដូវកាលក្រោយនោះឡើយ។ ជាការពិតណាស់ក្លិបយក្សអាល្លឺម៉ង់កំពុងស្ថិតនៅក្នុងការស្វែងរកអ្នកចាត់ការថ្មី បន្ទាប់ពីលោក Thomas Tuchel បានប្រកាសថាលោកនឹងចាកចេញពីក្លិបនៅចុងបញ្ចប់នៃរដូវកាលនេះ បន្ទាប់ពីការចាញ់ក្រុម Bochum កាលពីខែមុន។ រំលឹកផងដែរថា ជុំវិញស្ថានភាពនេះ កាលពីដើមសប្តាហ៍នេះ សារព័ត៌មានរបស់អាល្លឺម៉ង់ Kicker បាននិយាយថា Bayern កំពុងសម្លឹងរកមើលឱកាសក្នុងការនាំយកអតីតគ្រូបង្វឹក Manchester United លោក Rangnick មកធ្វើជាគ្រូបង្វឹកថ្មីរបស់ពួកគេ។ ប៉ុន្តែទោះជាយ៉ាងណាក៏ដោយ នៅពេលត្រូវបានសួរនាំអំពីទំនាក់ទំនងនេះ លោក Eberl បានបង្ហាញថា ៖ ” ខ្ញុំនឹងមិនបញ្ចេញមតិលើឈ្មោះអ្វីទេ។ យើងមានជម្រើស ហើយយើងមានគំនិតច្បាស់លាស់។ តាំងពីដើមមក ខ្ញុំមិនបានធ្វើអត្ថាធិប្បាយលើឈ្មោះគ្រូបង្វឹកណាមួយទេ ហើយខ្ញុំនឹងនៅតែមិននិយាយអ្វីផងដែរក្នុងពេលឥឡូវនេះ។ ជាពិសេសសំណួរពាក់ព័ន្ធជាមួយ Ralf Rangnick, Antonio Conte និងគ្រូបង្វឹកផ្សេងទៀតជាដើម”…

អ្នកចាត់ការក្រុមលោក Pep Guardiola បានបង្ហាញការជឿជាក់ថាក្រុមហង្សក្រហម Liverpool នៅតែជាក្រុមដែលមានភាគរយច្រើនក្នុងការឈ្នះពានរង្វាន់ Premier League រដូវកាលនេះ បន្ទាប់ពី Manchester City បានត្រឹមស្មើជាមួយ Arsenal កាលពីយប់មិញ។ លទ្ធផលក្នុងការប្រកួតកាលពីយប់មិញមានន័យថា Liverpool មានពីរពិន្ទុដាច់លើក្រុម Arsenal ដោយឈរនៅលើកំពូលតារាងនៃក្របខ័ណ្ឌ Premier League ខណៈដែលក្រុមម្ចាស់ជើងឯក City មានបីពិន្ទុតាមពីក្រោយ ។ ហើយយ៉ាងណាមិញ នៅក្រោយចប់ការប្រកួត លោក Pep មានអារម្មណ៍ថាឥឡូវនេះ ក្រុម Liverpool របស់លោក Jurgen Klopp កាន់តែមានភាគច្រើនច្រើន ក្នុងការប្រជែងដណ្តើមពានរង្វាន់លីគ នៅរដូវកាលនេះ។ លើសពីនេះ ពេល​សួរ​ថា​តើ Liverpool ជាក្រុមមដែលមានភាគរយច្រើនក្នុងការ​ឈ្នះ​ពាន​លីគ​ឬ​អត់​នោះ លោក Guardiola បាន​ឆ្លើយ​តប​ថា៖ “បាទ ក្រុមដែលឈរនៅលើកំពូលតារាង គឺជាអ្នកដែលមានភាគរយឈ្នះពានច្រើនឥឡូវនេះ។ ហើយសម្រាប់ក្រុមដែលមានភាគរយច្រើនទីពីរ គឺ Arsenal ហើយបន្ទាប់មកគឺយើងជាអ្នកទីបី“៕

ក្លិប Barcelona ថ្មីៗនេះ ត្រូវបានគេរាយការណ៍មកថា បានត្រៀមខ្លួនរួចជាស្រេចហើយ ក្នុងការដាក់បញ្ចូលកីឡាករ Inigo Martinez នៅក្នុងកិច្ចព្រមព្រៀងផ្លាស់ប្តូរមួយ ដោយបូករួមជាមួយនឹងសាច់ប្រាក់បន្ថែម ក្នុងការចុះហត្ថលេខាលើ Joao Felix ពី Atletico Madrid ក្នុងលក្ខខណ្ឌជាអចិន្ត្រៃយ៍ នៅទីផ្សារដោះដូរកីឡាកររដូវក្តៅខាងមុខនេះ។ ជាក់ស្តែង ចាប់​តាំង​ពី​បាន​ផ្ទេរមកកាន់ទឹកដី Camp Nou ក្នុងលក្ខខណ្ឌខ្ចីជើងពេញមួយរដូវកាលនេះមក Felix បានបង្ហាញសមត្ថភាពដ៏គួរឲ្យចាប់អារម្មណ៍បំផុតមួយ នៅក្នុងក្រុមរបស់លោក Xavi Hernandez ដោយអាចរកបាន ៩គ្រាប់ និងបញ្ជូនបាល់ឱ្យមិត្តរួមក្រុមចំនួន ៦លើក ពីការបង្ហាញខ្លួនសរុប ៣៥ប្រកួត ក្នុងរដូវកាលនេះ។ ហើយឥឡូវនេះ យោងតាមគេហទំព័រ Fichajes បានរាយការណ៍មកថាថ្នាក់ដឹកនាំរបស់ Barcelona ចាប់អារម្មណ៍ក្នុងការនាំយកខ្សែប្រយុទ្ធសញ្ជាតិព័រទុយហ្គាល់ មកក្នុងលក្ខខណ្ឌជាអចិន្ត្រៃយ៍នៅរដូវក្តៅខាងមុខនេះ ។ ប្រភបដដែលនេះ បានអះទៀតផងដែរថា ដោយសារតែបញ្ហាហិរញ្ញវត្ថុដែលមិនទាន់ដោះស្រាយចេញ ដូច្នេះហើយក្លិប Barca ចង់ផ្តល់ជូន Martinez ដែលបានផ្ទេរមកដោយឥតគិតថ្លៃកាលពីរដូវក្តៅមុន ទៅឲ្យក្លិប Atletico Madrid ជាផ្នែកនៃកិច្ចព្រមព្រៀងសម្រាប់ការចុះហត្ថលេខាលើ…

ក្លិប Real Madrid ត្រូវបានគេរាយការណ៍មកថា កំពុងមានទំនុកចិត្តខ្ពស់ក្នុងការបន្តកុងត្រាថ្មីបន្ថែមទៀត ដល់ជូនអ្នកចាំទីឆ្នើមរបស់ខ្លួន គឺកីឡាករ Andriy Lunin។​ ជាការពិតណាស់ កីឡាករវ័យ ២៥ឆ្នាំ បានបំពេញការងារយ៉ាងល្អបំផុតមួយ អំឡុងពេលអវត្តមានរបស់អ្នកចាំទីដៃទីមួយ កីឡាករ Thibaut Courtois ដែលកំពុងរងរបួសរយ:ពេលយូរ។ គួរឲ្យដឹង Lunin ទំនងជាមិនអាចឡើងមកកាន់តំណែងជាអ្នកចាំទីដៃទី១បាននោះឡើយ នៅពេល Courtois ត្រឡប់​មក​វិញ​នៅ​រដូវ​កាល​ក្រោយ។ ប៉ុន្តែទោះជាយ៉ាងណាក៏ដោយក្លិប Madrid មើលឃើញថាកីឡាករសញ្ជាតិអ៊ុយក្រែនរូបនេះ ជាផ្នែកដ៏សំខាន់នៃគម្រោងរបស់ក្រុម និងចង់បន្ថែមកុងត្រាថ្មីដល់គេ ឲ្យស្នាក់នៅទឹកដី Santiago Bernabeu បន្តទៀត។ មិនតែប៉ុណ្ណោះ បើតាមអ្នកជំនាញផ្នែកទីផ្សារលោក Fabrizio Romano បានអះអាងថា ក្លិបយក្សអេស្ប៉ាញមួយនេះ មានទំនុកចិត្តខ្ពស់ថានឹងអាចធ្វើកិច្ចព្រមព្រៀង ដើម្បីបន្តការស្នាក់នៅរបស់ Lunin និងអាចប្រកាសជាផ្លូវការនៅក្នុងពេលឆាប់ៗខាងមុខ។ ជម្រាបជូនផងដែរថា Lunin បានរក្សា Clean Sheet ចំនួន១០ លើក ក្នុងចំណោម ២៣ ប្រកួតនៅរដូវកាលនេះ ខណ: ៩ប្រកួតចុងក្រោយនៅក្នុងលីគ…

ខ្សែប្រយុទ្ធចាស់វស្សា Olivier Giroud ថ្មីៗនេះ បានបង្ហើបប្រាប់ឲ្យដឹងថា ការប្រកួតពានរង្វាន់ Euro ឆ្នាំ២០២៤ នាពេលខាងមុខនេះ អាចនឹងក្លាយជាការប្រកួតអន្តរជាតិលើកចុងក្រោយរបស់ខ្លួន ជាមួយនឹងក្រុមជម្រើសជាតិបារាំង។ ជាក់ស្តែង Giroud គឺជាអ្នករកគ្រាប់បាល់បញ្ចូលទីច្រើនជាងគេរបស់ក្រុមជម្រើសជាតិ ដោយអាចរកបាន ៥៧គ្រាប់ ក្នុងការបង្ហាញខ្លួនសរុប ១៣១ ប្រកួត. ប៉ុន្តែទោះជាយ៉ាងណាក៏ដោយ វាត្រូវបានគេរំពឹងទុកថា Giroud អាចនឹងសម្រេចចិត្តចាកចេញពីក្លិប AC Milan ដើម្បីផ្ទេរទៅកាន់ក្របខ័ណ្ឌ MLS នៅរដូវក្តៅខាងមុខនេះ ស្របពេលអ្នកជំនាញផ្នែកទីផ្សារ​ លោក Fabrizio Romano ក៏បានបង្ហើបថាកីឡាករវ័យ ៣៧ឆ្នាំរូបនេះ ក៏បានចុះកិច្ចព្រមព្រៀងផ្ទាល់ខ្លួន ដើម្បីផ្ទេរទៅកាន់ក្លិប Los Angeles FC រួចរាល់ហើយផងដែរ។ ជុំវិញការសម្រេចចិត្តនេះ ហាក់បានជះឥទ្ធិពលចំពោះអនាគតរបស់ Giroud នៅក្នុងក្រុមជម្រើសជាតិខ្លាំងមែនទែន ដោយមានរបាយការណ៍ជាច្រើនរាយការណ៍ថា​ ការប្រកួត Euro នាចុងឆ្នាំនេះ អាចនឹងជាពេលចុងក្រោយម្រាប់ខ្សែប្រយុទ្ធរុបនេះ ។ មិនតែប៉ុណ្ណោះ Giroud បានប្រាប់ Téléfoot ថា៖…

ក្លិបតោខៀវ Chelsea គ្រោងនឹងដាក់លក់ប្រធានក្រុម Reece James ចេញ នៅទីផ្សាររដូវក្តៅខាងមុខនេះ ក្នុងកិច្ចខិតខំប្រឹងប្រែងរបស់ខ្លួន ដើម្បីជួយសម្រួលដល់ការចំណាយរបស់ក្រុម និងគោរពតាមច្បាប់ហិរញ្ញវត្ថុ។ ជាក់ស្តែងក្លិប Chelsea ត្រូវបានគេរំពឹងទុកថានឹងបញ្ចេញកីឡាករនៅក្នុងក្រុមរបស់ខ្លួនមួយចំនួន នៅពេលទីផ្សារដោះដូររដូវក្តៅបើកឡើងវិញនាពេលខាងមុខ ស្របពេល Conor Gallagher និង Ian Maatsen ក៏ត្រូវបានគេរាយការណ៍មកថាកំពុងស្ថិតនៅក្នុង​បញ្ជី​ ត្រូវលក់ចេញផងដែរ។ ហើយឥឡូវនេះ បើតាមកាសែត The Times បានរាយការណ៍មកថា ថ្នាក់ដឹកនាំរបស់ Chelsea កំពុងរៀបចំលក់ប្រធានក្រុមរបស់ខ្លួន គឺខ្សែការពារ James ចេញផងដែរ ដោយកំពុងកំណត់តម្លៃខ្លួនប្រមាណ ៦០លានផោន ។ ជម្រាបជូនផងដែរថា បើទោះបីជា James ត្រូវបានចាត់ទុកថាជាកីឡាករដ៏សំខាន់របស់ក្រុម និងថែមទាំងត្រូវបានផ្តល់ទំនុកចិត្តឲ្យធ្វើជាប្រធានក្រុមក៏ដោយ ប៉ុន្តែដោយសារតែបញ្ហារបួស បានធ្វើឲ្យកីឡាករវ័យ ២៤ឆ្នាំរូបនេះ បង្ហាញខ្លួនត្រឹមតែ ៥ លើកប៉ុណ្ណោះ នៅ PL រដូវកាលនេះ៕

គ្រូបង្វឹកលោក Thomas Tuchel ហាក់បានធ្វើឲ្យអ្នកគាំទ្ររបស់ខ្លួនមានការភ្ញាក់ផ្អើលខ្លាំង បន្ទាប់ពីបាននិយាយពាក្យអបអរសាទរទៅកាន់ក្លិប Bayer Leverkusen បន្ទាប់ពីក្រុមរបស់ខ្លួន ហាក់ដូចជាកាន់តែបាត់បង់ឱកាសប្រកួតប្រជែងពានលីគ ក្រោយចាញ់ក្រុម Dortmund ក្នុងលទ្ធផល ២–០ កាលពីយប់មិញ។ ជាក់ស្តែង ជុំវិញលទ្ធផលបែបនេះ បានធ្វើឲ្យក្រុមការពារជើងឯក Bayern ឥឡូវនេះ កំពុងមាន ១៣ពិន្ទុក តាមពីក្រោយក្រុមកំពូលតារាងលីគ Leverkusen នៅពេលដែលពួកគេបន្តរក្សាភាពខ្លាំងរបស់ខ្លួន ជាមួយនឹងការវាយបកយកជ័យជម្នះទៅលើក្រុម Hoffenheim​​ ផងដែរ។ លើសពីនេះ នៅក្រោយចប់ការប្រកួត លោក Tuchel បាននិយាយប្រាប់ទៅកាន់ Sky Germany ថា ៖ “​សរុបមក ការប្រកួតនេះ ហាក់ដូចជាយើងលេងមិនដល់កម្រិតខ្ពស់នោះឡើយ។ យើងបានគិតក្នុងរយ:ពេលប៉ុន្មានសប្តាហ៍ចុងក្រោយនេះថា យើងមិនបានឈានដល់កម្រិតដែលយើងចង់បាននោះឡើយ“។ មិនតែប៉ុណ្ណោះ នៅពេលត្រូវបានគេសួរថាការបរាជ័យនេះ បានធ្វើឲ្យប៉ះពាល់ដល់ការប្រកួតប្រជែងសម្រាប់ពានលីគនៅរដូវកាលនេះដែរឬទេ ខណ:លោក Tuchel បានបន្ថែមទៀតថា ៖ ” បាទ គឺពិតប្រាកដណាស់។ ហើយខ្ញុំសូមអបអរសាទរដល់ក្រុម Leverkusen “។

លោក Mikel Arteta គ្រូបង្វឹកក្រុមកាំភ្លើងធំ Arsenal បាននិយាយថា ក្រុម Manchester City បានបង្កើនទម្រង់លេងដល់កម្រិតខ្ពស់បំផុតមិនធ្លាប់មាននៅក្នុងពិភពបាល់ទាត់ ប៉ុន្តែគ្រូបង្វឹកសញ្ជាតិអេស្បាញបានទទួលស្គាល់ថាក្រុមរបស់ខ្លួនក៏កំពុងតែកសាងសមត្ថភាពអោយស្ថិតទៅជិតកម្រិតមួយនោះដែរហើយ។ គួរកត់សម្គាល់ថាការលើកឡើងដូច្នេះគឺមុនពេល Arsenal ត្រូវធ្វើដំណើរមកសួរសុខទុក្ខក្រុមការពារតំណែងជើងឯក Premier League នាកីឡដ្ឋាន Etihad នៅរាត្រីថ្ងៃអាទិត្យនេះ ខណៈ Man. City ជាម្ចាស់ផ្ទះឈរនៅលេខរៀងទី ៣ មាន១ ពិន្ទុតាមពីក្រោយក្រុម Arsenal ។ វាក៏ជាលើកដំបូងក្នុងរយៈពេល ១០ ឆ្នាំដែលក្រុមប្រកួតប្រជែងពាន ទាំង ៣ បន្ទាប់ពី ២៨ ប្រកួតមានគម្លាតពីគ្នាត្រឹមតែ១ពិន្ទុ ខណៈLiverpool ស្ថិតនៅលេខ ២ ។ លោក Arteta អតីតជំនួយការគ្រូបង្វឹក Man.City រូបនេះ បាននិយាយថា : វាជាការប្រកួតដ៏ធំសម្រាប់ក្រុមទាំងពីរ ហើយលទ្ធផលជ័យជំនះនឹងផ្តល់ឱ្យយើងនូវការជំរុញប្រសិនបើយើងឈ្នះ ប៉ុន្តែមានការប្រកួតជាច្រើនដែលត្រូវប្រឈមបន្តទៀត ។យើងបានរៀនពីកម្រិត វាជាកម្រិតដែលយើងចង់នៅ។យើងកាន់តែខិតជិតក្នុងរយៈពេល ២ ឬ ៣…

គ្រូបង្វឹករបស់ក្រុម Manchester City លោក Pep Guardiola ថ្មីៗនេះ បានបង្ហើបឲ្យដឹងថាគ្រប់ក្លិបទាំងអស់នៅ Premier League សុទ្ធសឹងតែចង់បានខ្សែបម្រើឆ្នើមរបស់ក្លិប Arsenal កីឡាករ Declan Rice នៅក្នុងក្រុមរបស់ខ្លួន។ ជាក់ស្តែង Rice ធ្លាប់បានភ្ជាប់ទំនាក់ទំនងយ៉ាងខ្លាំង ជាមួយនឹងការផ្ទេរមកកាន់ក្លិប Man City កាលពីរដូវកាលមុន តែទោះជាយ៉ាងណាក៏ដោយ នៅទីបំផុត Arsenal ទៅវិញទេ ដែលទទួលបានឱកាសក្នុងការចុះហត្ថលេខាលើតារាឆ្នើមសញ្ជាតិអង់គ្លេសរូបនេះ។ ហើយយ៉ាងណាមិញ នៅមុនពេលក្រុមទាំងពីរត្រូវប៉ះគ្នានៅយប់នេះ លោក Pep បាននិយាយថា ៖ ” គ្រប់ក្រុមទាំងអស់នៅក្នុង Premier League សុទ្ធសឹងតែចង់ចុះហត្ថលេខាលើ Declan Rice”។ ពេលខ្លះនៅទីនេះយើងមានកីឡាករជាច្រើនដែលយើងចង់បាន តែពួកគេទាំងនោះមិនមែនសុទ្ធតែចង់សម្រេចចិត្តចូលរួមជាមួយយើងទេ“។ លោកបន្តទៀតថា ​៖ ” ពេលខ្លះពួកគេមិនគិតរឿងតម្លៃ ឬអ្វីនោះឡើយ ដូច្នេះហើយទើបព្រមព្រៀងនេះមិនអាចកើតឡើងបាន។ តែគាត់ពិតជាបានសម្រេចចិត្តល្អ និងដើរផ្លូវត្រូវ។ ខ្ញុំមិនលាក់បាំងទេ គ្រប់ក្រុមទាំងអស់សុទ្ធតែចង់បាន Rice “៕