Sport

គ្រូបង្វឹកលោក Pep Guardiola ថ្មីៗនេះ បានបង្ហើបថាលោកធ្លាប់បានព្យាយាមទទូចឲ្យកីឡាករ Cole Palmer ឲ្យស្នាក់នៅក្លិប Manchester City បន្តទៀត មុនពេលគេសម្រេចចិត្តផ្ទេរទៅចូលរួមជាមួយ​ Chelsea កាលពីក្នុងអំឡុងទីផ្សារដោះដូររដូវក្តៅកន្លងទៅ។ ជាក់ស្តែង បន្ទាប់ពីបានទៅដល់ទឹកដី Stamford Bridge នៅក្នុងតម្លៃខ្លួនប្រមាណ ៤២,៥លានផោន មក កីឡាករវ័យ ២១ឆ្នាំរូបនេះ បានបង្ហាញភាពលេចធ្លោខ្លាំង ក្រោមការដឹកនាំរបស់លោក Mauricio Pochettino ដោយអាចរកបាន ២៣គ្រាប់ និង assist ១៣លើក ក្នុងចំណោម ៣៨ប្រកួត។ ហើយយ៉ាងណាមិញ ជុំវិញការផ្ទេរនេះ លោក Pep ក្នុងពេលថ្មីៗនេះ បានសារភាពថាលោកធ្លាប់បានព្យាយាមបញ្ចុះបញ្ចូលគេឲ្យស្នាក់នៅក្លិប City បន្តដែរតែមិនបានសម្រេច និងថែមទាំងបានសង្កត់ធ្ងន់ទៀតថា ៖” គាត់បានស្នើសុំចាកចេញ តែខ្ញុំព្យាយាមនិយាយឃាត់គាត់ជាច្រើនលើកដែរ តែមិនបានសម្រេច“។ លោកបន្តទៀតថា ៖ ” គាត់នៅតែបន្តទទូចចង់ចាកចេញ ហើយតើយើងអាចធ្វើអ្វីបាន? គាត់ជាកីឡាករលេងក្នុងកម្រិតខ្ពស់ម្នាក់។ ខ្ញុំទទួលស្គាល់ថាមិនបានផ្តល់នាទីច្រើនសម្រាប់គាត់ ប៉ុន្តែឥឡូវនេះ…

អតីតកីឡាករ Mesut Ozil បានដាក់ឈ្មោះ Real Madrid ថាជាក្រុមដែលមានភាគរយខ្ពស់បំផុត ក្នុងការបន្ត និងលើកពាន Champions League ឆ្នាំនេះ ។ ជាក់ស្តែង Madrid មានសិទ្ធិឡើងក្នុងការវគ្គពាក់កណ្តាលផ្តាច់ព្រ័ត្រ បន្ទាប់ពីបានយកឈ្នះទៅលើក្រុមការពារជើងឯក Manchester City ដ៏គួរឲ្យភ្ញាក់ផ្អើល ដោយសារស៊ុតបាល់ប៉េណាល់ទីកាត់សេចក្តី ក្រោយបញ្ចប់ទៅបានត្រឹមលទ្ធផលស្មើគ្នាទាំងពីរជើង។ ហើយយ៉ាងណាមិញ នៅពេលសួរដល់ការប្រកួតរវាងក្រុមយក្សរបស់អឺរ៉ុបទាំងពីរខាងលើ Ozil បានប្រាប់ Marca ថា ៖“វាជាការប្រប្រកួតដ៏អស្ចារ្យ។ City បានបង្ហាញពីមូលហេតុដែលគ្មាននរណាម្នាក់ចង់លេងទល់នឹងពួកគេឡើយ។ ពួកគេបានគ្រប់គ្រងការប្រកួតច្រើនបំផុត។ប៉ុន្តែ Madrid នៅតែមានភាពវៃឆ្លាតដូចរាល់ដង។ ពួកគេការពារបានល្អណាស់” ។ លោកបន្តទៀតថា ៖ “ខ្ញុំ​គិត​ថា​ពេល​នេះ Real Madrid គឺ​ជា​ក្រុមដែលមានភាគច្រើនបំផុតក្នុងការឈ្នះវា។ ខ្ញុំ​ជឿ​ជាក់​ថា​ពួក​គេ​អាច​ឈ្នះ Champions League នៅរដូវកាលនេះបាន“៕

ក្លិបយក្សអាល្លឺម៉ង់ Bayern Munich ត្រូវបានគេរាយការណ៍ថាកំពុងត្រលប់មកចាប់អារម្មណ៍សារជាថ្មីលើខ្សែបម្រើ Frenkie de Jong និងថែមទាំងបានសាកសួរអំពីលទ្ធភាពក្នុងការចុះហត្ថលេខាលើខ្សែបម្រើឆ្នើមរបស់ក្លិប Barcelona នារដូវក្តៅខាងមុខនេះផងដែរ។ ជាការពិតណាស់ក្លិប Bayern ត្រូវបានគេរំពឹងថានឹងមានការរៀបចំក្រុមឡើងវិញ បន្ទាប់ពីពួកគេបានបាត់បង់ឱកាសក្នុងការឈ្នះពានរង្វាន់ក្របខ័ណ្ឌ Bundesliga ជាលើកដំបូង ក្នុងរយ:ពេល ១១ឆ្នាំចុងក្រោយ ។ ហើយឥឡូវនេះ បើយោងតាមសារព័ត៌មាន Relevo បានឲ្យដឹងថា Bayern Munich កំពុងបង្ហាញការចាប់អារម្មណ៍ក្នុងការចុះហត្ថលេខាលើ De Jong ស្របពេលក្លិប Barca ក៏អាចនឹងអនុញ្ញាតឲ្យតារាឆ្នើមសញ្ជាតិហូឡង់រូបនេះ ចាកចេញផងដែរ បើសិនទទួលបានសំណើសមរម្យណាមួយនោះ។ ប្រភពដដែលនេះ បានបន្ថែមទៀតថា Barca ដែលកំពុងត្រូវការថវិកាដើម្បីស្តារស្ថានភាបហិរញ្ញវត្ថុបច្ចុប្បន្នរបស់ពួកគេឡើងវិញនោះ អាចនឹងបើកចំហក្នុងការទទួលយកសំណើចន្លោះពី ៤៥លានផោន ដល់ ៥០លានផោន សម្រាប់ខ្សែបម្រើវ័យ ២៦ឆ្នាំ នារដូវក្តៅខាងមុខ៕

Atletico Madrid កំពុងសម្លឹងមើលឱកាសក្នុងការពង្រឹងបន្ថែមនៅតំបន់ការពារនៅក្នុងរដូវក្ដៅនេះ ហើយខ្សែការពារកណ្ដាលវ័យក្មេង Piero Hincapie ជាគោលដៅមួយសម្រាប់ក្លឹបយក្សអេស្ប៉ាញ។ កីឡាករវ័យ២២ឆ្នាំរបស់ក្លឹប Bayer Leverkusen បានបង្ហាញសមត្ថភាពយ៉ាងល្អនៅក្នុងរដូវកាលនេះ ដែលជួយក្រុមរបស់ខ្លួនឈ្នះជើងឯក Bundesliga ហើយបើយោងតាមសារព័ត៌មាន AS បានឱ្យដឹងថា Atletico បានទាក់ទងទៅ Leverkusen ដើម្បីផ្ទេរ កីឡាករអេក្វាទ័ររូបនេះ។ ប៉ុន្ដែសំណើរបស់ពួកគេត្រូវបានក្លឹបអាល្លឺម៉ង់បដិសេធ ដោយក្លឹបមិនចង់បាត់បង់សមាជិកដ៏សំខាន់នោះទេ ក្នុងគោលបំណងរក្សាលំនឹងក្រុមសម្រាប់រដូវកាលក្រោយ។ មុនពេលលេចឮដំណឹងពាក់ព័ន្ធនឹង Hincapie, Atletico ក៏ត្រូវបានភ្ជាប់ជាមួយនឹងខ្សែការពារ Jean-Clair Todibo របស់ Nice និង Cristhian Mosquera របស់ក្លឹប Valencia ផងដែរ៕

ខ្សែបម្រើវ័យក្មេង Arda Guler ពិបាកទទួលបានឱកាសលេងនៅ Real Madrid នារដូវកាលនេះ ហើយគេអាចនឹងចាកចេញពីក្លឹប ក្រោមកិច្ចសន្យាខ្ចីជើង នារដូវកាលក្រោយ។ នៅក្នុងសប្ដាហ៍នេះ មានការរាយការណ៍ថា ក្លឹប Sevilla បានទាក់ទងទៅ Real Madrid ដើម្បីសាកសួរចង់ខ្ចីជើងកីឡាករតួកគីនារដូវក្ដៅនេះ។ ប៉ុន្ដែមានការរាយការណ៍ថា ក្លឹបយក្សអេស្ប៉ាញ ចង់ឱ្យ Guler ចូលរួមក្លឹបដែលមានកៅអី Champions League ដោយលេងខ្ចីជើង។ ពេលនេះ សារព័ត៌មាន AS បានអះអាងថា ក្លឹបរួមទីក្រុងម៉ាឌ្រីដ Real Betis ក៏កំពុងតាមដានស្ថានភាពរបស់ Guler ផងដែរ ខណៈក្រុមដឹកនាំដោយលោក Manuel Pellegrini កំពុងមានការប្រកួតប្រជែងក្នុងការដណ្ដើមកៅអីពានអឺរ៉ុប។ ប្រសិនបើ Real Madrid ចង់ឱ្យ Guler ចូលរួមក្លឹបនៅ UCL ពួកគេអាចមានជម្រើសឱ្យខ្សែបម្រើរូបនេះផ្លាស់ទៅ Girona ឬទៅចូលរួមក្លឹបក្រៅប្រទេស៕

បន្ទាប់ពីទទួលបានកាតក្រហម ក្នុងការប្រកួតទល់ Paris Saint-Germain, អនាគតរបស់ខ្សែការពារ Ronald Araujo ស្ថិតនៅក្នុងភាពមិនច្បាស់លាស់ ខណៈមានការរាយការណ៍ថា គេបានចរចាក្នុងការចាកចេញពីក្លឹប។ យោងតាមប្រភពពីអ្នកសារព័ត៌មាន Lluis Canut បានប្រាប់ទៅ ONZE បានឱ្យដឹងថា ភ្នាក់ងាររបស់ Araujo បានជួបពិភាក្សាជាមួយ Bayern Munich សម្រាប់ការចុះកុងត្រា ក្នុងករណីដែល Barcelona អនុញ្ញាតឱ្យខ្សែការពារឆ្នើមរបស់ពួកគេចាកចេញ។ ក្លឹបអាល្លឺម៉ង់ ចង់ឈានដល់ការព្រមព្រៀងជាមួយ Araujo មុនពេលពួកគេចរចាជាមួយ Barca។ ប្រភពខាងលើបានបញ្ជាក់ថាខ្សែការពារវ័យ២៥ឆ្នាំ អាចនឹងមានតម្លៃផ្ទេរចន្លោះពី៦៥ទៅ៧០លានអឺរ៉ូ។ កិច្ចសន្យាបច្ចុប្បន្នរបស់ Araujo នៅទឹកដី Camp Nou មានសុពលភាពរហូតដល់ឆ្នាំ២០២៦ ខណៈក្លឹបបានសន្យាថា នឹងផ្ដល់កិច្ចសន្យាថ្មី ជាមួយនឹងការដំឡើងប្រាក់ឈ្នួល។ ប៉ុន្ដែប្រសិនបើការចរចាកុងត្រា មិនអាចធ្វើទៅបាន នោះក្លឹបនឹងពិចារណាលក់រូបគេនៅក្នុងទីផ្សាររដូវក្ដៅនេះ៕

ដូចយើងបាន​ដឹង​ថា ក្លឹប​សំពៅ​មាស Manchester City បាន​របូត​ពាន​ធំ UEFA Champions League ក្រោម​ថ្វី​ជើង​របស់​ស្តេច​ស Real Madrid នាំ​ឲ្យ​ពួក​គេ​សេសសល់​ឱកាស​ឈ្នះ​ត្រឹម​ពាន​ពីរ​ប៉ុណ្ណោះ​មាន Premier League និង FA Cup។ ដោយឡែក​ថ្មីៗ​នេះ Phil Foden ជា​យុវជន​ឆ្នើម​នៅ Etihad Stadium ក៏​បាន​ទម្លាយ​អំពី​សារ​ដែល​បាន​សរសេរ​នៅ​លើ​ជញ្ជាំង​ទីលាន​ហ្វឹកហាត់​របស់​ក្លឹប អំពី​ឆន្ទៈ​ដែល​ពួក​គេ​ត្រូវ​ដាក់​ចិត្ត​ខិតខំ​បន្ត គឺ​ពាន​ PL សម័យ​កាល​ទី​បួន។ កីឡាករ​អង់គ្លេស​ប្រាប់​ទៅ​សារព័ត៌មាន Daily Mail យ៉ាង​ដូច្នោះ​ថា៖ “យើង​ដឹង​ច្បាស់​ថា បើ​យើង​ឈ្នះ Premier League សារ​នេះ វា​គឺ ជា​អ្វី​ថ្មី​ដែល​ពួក​យើង​នឹង​បង្កើត​វា​ឡើង គ្រប់​គ្នា​បាន​ដាក់​ក្រសែ​ភ្នែក​លើ​រឿង​នោះ ហើយ​រាល់​ពេល​យើង​ដាក់​ជើង​លើ​ទីលាន យើង​សម្លឹង​ទៅ​លើ​ជញ្ជាំង​គឺ​ពាក្យ​ថា ‘គ្មាន​នរណា​ធ្លាប់​បាន​ឈ្នះ Premier League ៤ សម័យ​ជាប់​ពី​មុន​មក​ទេ’។ គួរ​ឲ្យ​ដឹង​ថា ជា​ការ​ពិត ៣ សម័យ​កាល​មុន​រាប់​ចាប់​តាំង​ពី​រដូវ​កាល ២០២០/២១, ២០២១/២២, ២០២២/២៣ សុទ្ធ​សឹង​ក្លឹប​ដឹកនាំ​ដោយ​អ្នកចាត់ការ​លោក…

សម្រាប់​ក្លឹប Aston Villa គឺ​ជាក្លឹប ១ ក្នុង​ចំណោម ៧ ក្លឹប​ដែល​សេសសល់ ឈរ​ជើង​នៅ​ពាន​រង្វាន់​អឺរ៉ុប​រដូវ​កាល​នេះ ហើយ​ពួក​គេ​កំពុង​ស្ថិត​នៅ​វគ្គ​ក្តៅ​គគុក ៤ ក្រុម​ចុងក្រោយ ត្រៀម​ប៉ះ Olympiacos នា​ពេល​ខាង​មុខ នៅ​ពាន​រង្វាន់ Europa Conference League។ យ៉ាង​ណា​មក​ទល់​ម៉ោង​នេះ មាន​ការ​បញ្ជាក់​ច្បាស់​ជា​ថ្មី​ម្តង​ទៀត សារ​នេះ​តាម​រយៈ​អ្នក​នាំ​ពាក្យ​របស់​សមាគម​បាល់ទាត់​អឺរ៉ុប UEFA តែ​ម្តង គឺ​ថា អ្នកចាំទី​ដៃ​ទី​មួយ​របស់​ម្ចាស់ដី Villa Park កីឡាករ Emiliano Martinez នឹង​សម្រេច​ត្រូវ​បាន​ព្យួរ​ឈ្មោះ​នៅ​ប្រកួត​ជើង​ទី​មួយ ក្រោម​ហេតុផល​រង​ពិន័យ​គ្រប់​ចំនួន​កាត។ តាម​ច្បាប់​ចែង​ថា កីឡាករ​ណា​ដែល​ទទួល​កាត​លឿង​ដល់​ ៣ លើក នៅ​រដូវ​កាល​ទោល នឹង​ត្រូវ​ព្យួរ​ឈ្មោះ​នា​មួយ​ប្រកួត​បន្ទាប់។ សម្រាប់​អ្នកចាំទី​ដៃ​ឯក​សញ្ជាតិ​អាហ្សង់ទីន​ខាង​លើ​វិញ គឺ​​នៅ​ប្រកួត​ទល់​ក្លឹប​បារាំង Lille កន្លង​ទៅ​ទាំង​អស់ ដូច​ជើង​ទី​មួយ​វគ្គ ៨ ក្រុម​គេ​បាន​កាត​លឿង​មួយ​ហើយ ដល់​ជើង​ទី​ពីរ​ក៏​មាន ២ លើក​ទៀត នៅ​មុន​និង​ក្រោយ ១២០ នាទី៕

ក្លឹប Bayern Munich ហាក់​កំពុង​ពិចារណា​ចាប់​អារម្មណ៍​ចង់​បាន​គ្រូ​សញ្ជាតិ​បារាំង Zinedine Zidane ដែល​ទំនេរ​ជើង​អស់​រយៈ​ពេល​ជា​ច្រើន​ខែ​ហើយ​នោះ។ វាបន្ទាប់​តែ​លោក Thomas Tuchel ហាក់​ធ្វើ​មិន​សូវ​បាន​ល្អ​នៅ​រយៈ​ពេល​ចុងក្រោយ ជា​ពិសេស​នៅ​ក្របខ័ណ្ឌ​កំពូល​អាល្លឺម៉ង់ Bundesliga។ អំពី​ស្ថានភាព​អតីត​គ្រូ Real Madrid បន្តិច ចាប់​តាំង​ការ​ខកខាន​ដឹកនាំ​នៅ​រដូវ​កាល​ចុងក្រោយ​ជាមួយ​ស្តេច​ស ២០២០/២១ ក៏​បន្ត​ទំនេរ​ជើង​មក​ទល់​សព្វថ្ងៃ ហើយ​ធ្លាប់​មាន​ដំណឹង​ល្ហៀងៗ​ទៅ​ដឹកនាំ​ក្លឹប​ពីរ​បី​ផ្សេង​ដែរ តែ​មិន​ឃើញ​កើត​ជា​ការ​ទៅ​ចូលរួម​ផ្លូវការ​ទាល់​តែ​សោះ។ ឥឡូវ​តាម Romano ​រាយការណ៍​មក សារ​នេះ​ខាង​ក្លឹប​នៅ​ទីក្រុង Munich ពិត​ជា​ចង់​បាន Zidane តែ​អ្វី​ដែល​សំខាន់​លើ​ការ​សម្រេច​ចិត្ត​របស់​សាមី​ខ្លួន មិន​ទាន់​មើល​ឃើញ​ការ​ឲ្យ​សញ្ញា​ភ្លើង​ខៀវ វិជ្ជមាន​នៅ​ឡើយ​ទេ ពោល​គ្រប់​យ៉ាង​គឺ​ស្ថិត​នៅ​ក្រោម​ការ​ឃ្លាំ​មើល​ដដែល។ បើ​តាម​ចចាមអារ៉ាម​ផ្សេង​ទៀត​ក៏​ល្ហៀងៗ​ថា​គ្រូ​សញ្ជាតិ​​បារាំង ហាក់​ចង់​ក្តោប​យក​ឱកាស​ទៅ​ដឹកនាំ​ក្លឹប​បិសាចក្រហម Manchester United ជាង ត្រង់​កៅអី​របស់ Erik ten Hag ក៏​ហាក់​មិន​ទាន់​ជា​នឹងធឹង​ ១០០ ភាគរយ​នោះ​ដែរ នៅ​ត្រៀម​បញ្ចប់​រដូវ​កាល​ខាង​មុខ៕

Pep Guardiola បាននិយាយដោយបើកចំហរ អំពីការចាកចេញរបស់ Cole Palmer ពីក្លឹប Manchester City បន្ទាប់ពីកីឡាកររូបនេះ សាងភាពលេចធ្លោនៅក្លឹប Chelsea។ Palmer បានបង្ហាញថា គេជាសមាជិកដ៏សំខាន់មួយរូប បើទោះបីជា Chelsea រដូវកាលនេះ ប្រឈមនឹងការលំបាកជាច្រើនក៏ដោយ។ កីឡាករវ័យ២១ឆ្នាំ បានអភិវឌ្ឍសមត្ថភាព ក្លាយជាជម្រើសដ៏សំខាន់ក្នុងក្រុមដឹកនាំដោយលោក Mauricio Pochettino។ កីឡាករជម្រើសជាតិអង់គ្លេសរូបនេះ បានចូលរួមក្រុមយុវជនរបស់ Man City តាំងពីអាយុ៨ឆ្នាំ ហើយគេបានសុំលោក Guardiola ចាកចេញដើម្បីទទួលបានឱកាសលេងទៀងទាត់។ អ្នកចាត់ការរបស់ក្រុមមេឃខៀវ បាននិយាយថា៖ “គេបានសុំចាកចេញពីរដូវកាលមកហើយ ខ្ញុំបានប្រាប់គេថាឱ្យនៅបន្ដ។ គេបាននិយាយថា គេចង់ចាកចេញ។ តើយើងអាចធ្វើអ្វីបាន? ខ្ញុំបានប្រាប់ឱ្យគេនៅបន្ដ ព្រោះ Riyad Mahrez បានចាកចេញ ប៉ុន្ដែគេបានសុំចេញពីររដូវកាលមកហើយ”។ “គេជាកីឡាករមិនធម្មតាម្នាក់។ ខ្ញុំមិនផ្ដល់ឱកាសឱ្យគេលេង ដែលប្រហែលជាពេលនេះ គេស័ក្តិសមទទួលបាននៅ Chelsea។ ខ្ញុំយល់ច្បាស់ណាស់។ គេលេងល្អ ដូច្នេះអ្វីដែលខ្ញុំអាចនិយាយបាននោះគឺ ការសម្រេចចិត្ត ធ្វើឡើងដោយសារហេតុផលជាច្រើន”៕