Football

ក្លិប Al Nassr បានប្រកាសពីការពន្យារពេលការប្រកួតទេសចរណ៍មិត្តភាពចំនួន២ របស់ពួកគេដែលបានគ្រោងទុកថានឹងត្រូវដំណើរការនៅក្នុងប្រទេសចិន ដោយសារតែខ្សែប្រយុទ្ធ Cristiano Ronaldo បានរងរបួស។ តារាបាល់ទាត់ឆ្នើមសញ្ជាតិព័រទុយហ្គាល់ បានជួបប្រទះបញ្ហារបួសសាច់ដុំ ហើយត្រូវបានដកឈ្មោះចេញពីការប្រកួតមិត្តភាពទល់នឹង ក្លិបម្ចាស់ផ្ទះចិន Shanghai Shenhua ក៏ដូចជាជំនួបថ្ងៃអាទិត្យជាមួយក្លិប Zheijang ផងដែរ។ ទាក់ទិននឹងរឿងនេះ ក្លិប Al Nassr បាននិយាយថា ការប្រកួតនឹងត្រូវកំណត់ឡើងវិញដើម្បីប្រព្រឹត្តទៅឆាប់បំផុត។ ដោយឡែក អ្នកគាំទ្របានមានភាពមិនសប្បាយចិត្តចំពោះការពន្យារពេលនៃដំណើរការប្រកួតទេសចរណ៍នៅប្រទេសចិន បន្ទាប់ពីពួកគេបានមកប្រមូលផ្តុំគ្នានៅសណ្ឋាគារដែលកីឡាករ Al Nassr ស្នាក់នៅនាទីក្រុង Shenzhen ដើម្បីបានជួបជាមួយ Ronaldo ប៉ុន្តែកីឡាករបែរជាអវត្តមានទៅវិញ។ យ៉ាងណា បញ្ហានេះ Ronaldo បានចេញមុខសុំទោសចំពោះអ្នកគាំទ្រទាំងអស់ផងដែរ។ បញ្ហារបួសរបស់ Cristiano Ronaldo នេះដែរ បានបង្កជាភាពសង្ស័យពីលទ្ធភាពរបស់គេ ក្នុងជំនួបជាមួយក្លិបអាមេរិក Inter Miami ដែលមានគូប្រជែង Ronaldo គឺខ្សែប្រយុទ្ធ Lionel Messi ដែលនឹងត្រូវប៉ះគ្នានៅដើមខែកុម្ភៈខាងមុខ។ សូមបញ្ជាក់ថា ក្លិប Al…

បើ​ទោះ​បី​ជា​សះស្បើយ​ពី​បញ្ហា​របួស តែ Arda Guler ​ហាក់​មិន​អាច​ត្រលប់​មក​ចុះចូល​ជាមួយ​ក្លឹប Real Madrid បាន​ឡើយ នេះ​មាន​ន័យ​ថា ទំនេរ​ជើង ក៏​ប៉ុន្តែ​មិន​ទទួល​បាន​ការ​សម្រេច​កោះហៅ​ឲ្យ​ចូល​ប្រកួត​ជាប់លាប់​ពី​អ្នកចាត់ការ​លោក Carlo Ancelotti។ ជាក់ស្ដែង​បុរស​វ័យ ១៨ ឆ្នាំ ទើប​បង្ហាញ​វត្តមាន​នៅ Copa del Rey និង​ Supercopa នាម​កីឡាករ​បម្រុង ត្រឹម ៦៧ នាទី​ប៉ុណ្ណោះ។ Guler គេ​បង្ហាញ​ខ្លួន​ដំបូង​នៅ​ប្រកួត​ឲ្យ​អធិរាជ​ស ទល់​ក្លឹប Arandina ​ថ្ងៃ​មុន ត្រឹម​ឈ្មោះ​កីឡាករ​បម្រុង ហើយ​ក៏​ទទួល​បាន​ពេលវេលា ៨ នាទី​ចុងក្រោយ​ទល់ Atletico នៅ​វគ្គ​ ៤ ក្រុម​ចុងក្រោយ​ពាន Spanish Supercup។ យ៉ាង​ណា​នៅ ៣ ប្រកួត​បន្តបន្ទាប់​ទល់ Barcelona, AT Madrid និង Almeria ផ្សេង​ទៀត គឺ​បាន​ត្រឹម​បម្រុង​ប៉ុណ្ណោះ។ បើ​តាម​របាយការណ៍ Sports ចុះ​ផ្សាយ លោក…

ក្លឹប Bayern Munich ចង់​បាន​ខ្សែ​ការពារ​ស្លាប Kieran Trippier ពី​ក្លឹប Newcastle United ក្នុង​អំឡុង​ពេល​ទី​ផ្សារ​ដោះ​ដូរ​កីឡាករ​ខែ​មករា។ នេះ​បើ​តាម​ការ​ចុះ​ផ្សាយ​របស់ Sky Sports។ យោង​តាម​ព័ត៌មាន​បឋម​ពី​ប្រភព​ដដែល បាន​ឲ្យ​ដឹង​ថា​ខ្សែ​ការពារ​ស្លាប​សញ្ជាតិ​អង់គ្លេស​វ័យ ៣៣ ឆ្នាំ Trippier ក៏​មាន​ចំណាប់អារម្មណ៍​ចង់​ទៅ​ចូល​រួម​ជាមួយ​ក្លឹប Bayern ដែរ។ បច្ចុប្បន្ន​ក្លឹប​យក្ស​អាល្លឺម៉ង់​កំពុង​ចរចា​ជាមួយ​ភាគី Newcastle គ្រាន់​តែ​មិន​ទាន់​ត្រូវ​ថ្លៃ​គ្នា​រឿង​តម្លៃ​ផ្ទេរ។ Newcastle ចង់​បាន​តម្លៃ​ផ្ទេរ​ប្រមាណ ១២ លាន​ផោន​ពី​ Bayern។ ចំពោះ Bayern តម្លៃ​នេះ គឺ​ខ្ពស់​សម្រាប់​ការ​ផ្ទេរ​កីឡាករ​ដែល​មាន​វ័យ ៣៣ ឆ្នាំ​ទៅ​ហើយ។ ទោះ​ជា​យ៉ាង​ណា ក្លឹប​កំពុង​ចរចា​ជាមួយ Newcastle ដើម្បី​ពិនិត្យ​លទ្ធភាព​ទម្លាក់​តម្លៃ​ផ្ទេរ។ Trippier បាន​មក​ចូល​រួម​ជាមួយ Newcastle កាល​ពី​ខែ​មករា​ ឆ្នាំ​២០២២។ កីឡាករ​លេង​សរុប ៨១ ប្រកួត និង​ស៊ុត​ចូល ៣ គ្រាប់។ ខ្សែ​ស្លាប​រូប​នេះ​បាន​ចូល​រួម​ចំណែក​យ៉ាង​សំខាន់​ក្នុង​ការ​ជួយ Newcastle ឡើង​ទម្រង់​លេង​កាល​ពី​រដូវ​កាល​មុន។ ទោះ​ជា​យ៉ាង​ណា ខ្សែ​ការពារ​ស្លាប​រូប​នេះ…

លោក​ Jorge Mendes ភ្នាក់ងារ​កីឡាករ​បាន​និយាយ​ទៅ​កាន់​សារព័ត៌មាន​កាល​ពី​ពេលថ្មីៗ​នេះ​ថា​ ក្លឹប​ Barcelona ចង់​ឲ្យ​ ខ្សែប្រយុទ្ធ​ Joao Felix និង​ខ្សែការពារ​ Joao Cancelo នៅ​បន្ត​លើស​ពី​រដូវកាល​នេះ​តទៀត​។ លោក​ Jorge បាន​និយាយ​ថា​៖” Barca ចង់​បាន​ Felix និង​ Cancelo នៅ​បន្ត​លើស​ពី​រដូវកាល​នេះ​តទៀត​។ ក្លឹប​នេះ​គឺ​ចង់​ទិញ​កីឡាករ​ទាំងពីរ​រូប​នេះ​ដាច់​តែ​ម្ដង​ “។ លោក​បន្ត​ថា​៖” ថ្មីៗ​នេះ​មាន​ការ​រិះគន់​លើ​ទម្រង់​លេង​កីឡាករ​ទាំង​នេះ​ជាពិសេស​គឺ​​ Joao Felix? ខ្ញុំ​គិត​ថា​ទម្រង់​លេង​របស់​គេ​គឺ​ល្អ​ណាស់​មក​ដល់​ពេល​នេះ​ “។ Barca បាន​ខ្ចី​ជើង​ Joao Felix ពី​ Atletico Madrid រី​ឯ​ Joao Cancelo ពី​ Man City ដោយ​នឹង​បញ្ចប់​កុងត្រា​នៅ​ថ្ងៃ​ទី​៣០ ខែ​មិថុនា​ ឆ្នាំ​២០២៤​ខាង​មុខ​នេះ​៕

ក្លិបបិសាចក្រហម Manchester United ត្រូវបានគេរាយការណ៍ថាបានផ្តល់ឱកាសឱ្យក្លឹបនៅក្នុងលីគ Saudi Pro League ចុះហត្ថលេខាលើ Jadon Sancho និង Antony បន្ទាប់ពីកីឡាករទាំងពីរត្រូវបានចាត់ទុកថាជាចំណែកលើសតម្រូវការ។ ជាក់ស្តែងខ្សែប្រយុទ្ធទាំងពីរ បានជួបប្រទះការលំបាកយ៉ាងខ្លាំង ក្នុងការសម្របខ្លួន នៅទឹកដី Old Trafford បន្ទាប់ពីក្លិប Man Utd បានចំណាយលុយរហូតដល់ទៅ ១៥៥លានផោន ដើម្បីនាំយកពួកគេទាំងពីមកកាន់ក្លិប។ ហើយយ៉ាងណាមិញ បើយោងតាមរបាយការណ៍ពី The Evening Standard បានរាយការណ៍មកថាក្លិប Man Utd ចង់បានប្រមាណ ៥០លានផោន សម្រាប់កីឡាករម្នាក់ៗ ដោយសង្ឃឹមថាក្លិបនៅ Saudi Pro League នឹងចាប់អារម្មណ៍ដើម្បីទទួលយកសំណើផ្ទេរនេះ។ ជម្រាបជូនផងដែរថា ក្លិប Al-Ettifaq ដែលមានអ្នកចាត់ការក្រុមលោក Steven Gerrard ធ្លាប់បានបង្ហាញចំណាប់អារម្មណ៍ខ្លាំងក្នុងការចុះហត្ថលេខាលើ Sancho រួចម្តងមកហើយ ប៉ុន្តែកិច្ចព្រមព្រៀងនោះត្រូវបានបរាជ័យវិញ និងបានមើលឃើញខ្សែប្រយុទ្ធរូបនេះ ទៅចូលរួមជាមួយ Dortmund វិញ ក្នុងលក្ខខណ្ឌខ្ចីជើង៕

យោងតាមរាបាយការណ៍ចុងក្រោយមួយ បានបង្ហាញឲ្យដឹងថា កីឡាករ Pierre-Emile Hojbjerg ក្នុងបើកចំហរឱកាសក្នុងការចាកចេញពីក្លិប Tottenham Hotspur នៅក្នុងទីផ្សារដោះដូរកីឡាករខែមករានេះ។ ជាក់ស្តែងកីឡាករសញ្ជាតិដាណឺម៉ាក បានចូលរួមជាមួយ Spurs ពី Southampton ក្នុងតម្លៃប្រហែល ១៥លានផោនក្នុងរដូវក្តៅឆ្នាំ២០២០ ហើយចាប់តាំងពីពេលនោះមកគេបានបង្ហាញខ្លួន ១៦៧ ប្រកួត ដោយរកបាន ១០ គ្រាប់ និង assist ១៦ លើក។ តែទោះជាយ៉ាងណាក៏ដោយ Hojbjerg ហាក់បាត់បង់តំណែងលេងរបស់គេ ចាប់តាំងពីអ្នកចាត់ការ Ange Postecoglou បានចូលមកដឹកនាំក្រុមកាលពីរដូវក្តៅមុនមក ដែលនាំឱ្យមានការរំពឹងទុកជាច្រើនជុំវិញអនាគតគេនៅក្នុងក្រុម។ ហើយឥឡូវនេះ បើយោងតាមអ្នករាយការណ៍ពី Sky Sports Deutschland បានអះអាងថា Hojbjerg កំពុងបើកចំហរឱកាស ក្នុងការស្វែងរកការប្រកួតប្រជែងថ្មីនៅឆ្ងាយពី Tottenham ក្នុងទីផ្សារដោះដូរកីឡាករខែមករានេះ ចំពេលក្លិបយក្សអ៊ីតាលី Juventus បានទាក់ទងគេជាយូរមកហើយ៕

ក្លិបបិសាចក្រហម Manchester United ត្រូវបានគេរាយការណ៍មកថា កំពុងបង្ហាញចំណាប់អារម្មណ៍ខ្លាំងទៅលើខ្សែការពារ Matthijs de Ligt ពីក្រុម Bayern Munich នៅក្នុងទីផ្សារដោះដូរខែមករានេះ។ ជាការពិតណាស់ក្លិប Man United ហាក់កំពុងងាកមកចាប់អារម្មណ៍ទៅលើខ្សែការពារសញ្ជាតិហូឡង់រូបនេះ សារជាថ្មីម្តងទៀត បន្ទាប់ពីពួកគេធ្លាប់បានច្រានចោលឱកាស ក្នុងការនាំយក De Ligt កាលពីឆ្នាំ ២០១៨ ដោយសារតែបញ្ហាលើសទម្ងន់។ ទន្ទឹមនឹងនេះ បច្ចុប្បន្នអនាគតរបស់ De Ligt ជាមួយក្លិបយក្សអាល្លឺម៉ង់ ហាក់កំពុងស្ថិតនៅក្នុងភាពសង្ស័យខ្លាំងផងដែរ ដោយសារតែ Bayern ត្រូវបានគេរាយការណ៍ថាកំពុងបង្ហាញចំណាប់អារម្មណ៍ខ្លាំងលើខ្សែការពាររបស់ក្លិប Barcelona កីឡាករ Ronald Araujo នៅក្នុងខែនេះ។ ហើយឥឡូវនេះ បើយោងតាម ‘Daily Mail’ បានអះអាងថា Manchester United កំពុងមានបំណងប្រើប្រាស់ស្ថានភាពនេះ ដើម្បីទាញយកអតីតតារាឆ្នើមរបស់ក្រុម Ajax មកកាន់ទឹកដី Old Trafford ខណ:រូបគេក៏អាចនឹងបានជួបជុំគ្នាវិញជាមួយអ្នកចាត់ការក្រុមលោក Erik ten Hag ផងដែរ ៕

Mourinho នៅតែចិញ្ចឹមចិត្តចង់ធ្វើការនៅអ៊ីតាលី  នេះបើតាមការចុះផ្សាយរបស់សារព័ត៌មាន TNT Sports។ ប្រភពខាងលើបានឱ្យដឹងថា លោកនឹងជួបចរចាជាមួយក្លឹប Napoli នៅសប្ដាហ៍ក្រោយ។ យ៉ាងណាមិញ មិនទាន់មានការបលស្រាយណាមួយពីភាគីពាក់ព័ន្ធនោះទេ។ សូមជម្រាបផងដែរថា លោក Mourinho ទើបតែត្រូវបានក្លឹបដែលមានមូលដ្ឋាននៅទីក្រុងរ៉ូម ប្រទេសអ៊ីតាលី Roma ប្រកាសចែកផ្លូវគ្នា កាលពីពេលថ្មីៗនេះ។ តាំង​ពី​ពេល​នោះ​មក មាន​ក្លឹប​អារ៉ាប៊ីសាអ៊ូឌីត​ទាក់ទង​បុរស​ជនជាតិ​ព័រទុយហ្គាល់​រូប​នេះ​ ប៉ុន្តែ​លោក​បដិសេធ​មិន​ទៅ​ដឹកនាំ​នោះ​ទេ៕

Liverpool និយាយថា របួសជើង Mohamed Salah ដែលបានប៉ះទង្គិច នៅ Africa Cup of Nations គឺ “រងផលប៉ះពាល់ខ្លាំងជាងការរំពឹងទុកពីដំបូង” ប៉ុន្តែអេហ្ស៊ីបនៅតែមានក្តីសង្ឃឹមថា កីឡាករខ្នើមរូបនេះ អាចត្រលប់មកចូលទីលានវិញសម្រាប់វគ្គពាក់កណ្តាលផ្តាច់ព្រ័ត្រ។ Salah បានរងរបួសក្នុងការប្រកួតស្មើ ២ ទល់ ២ របស់អេហ្ស៊ីប ជាមួយ ហ្គាណា កាលពីកន្លងទៅថ្មីៗនេះ ក្នុងពូល B ។ អេហ្ស៊ីប បានឈានទៅវគ្គបន្តកាលពីថ្ងៃច័ន្ទ បន្ទាប់ពីបានប្រកួតស្មើ ២ ទល់ ២ ជាមួយ Cape Verde ខណៈដែល Salah បានត្រឹមអង្គុយមើលជម្រើសជាតិរបស់ខ្លួនលេង។ Liverpool បាននិយាយថាកីឡាករវ័យ ៣១ ឆ្នាំរូបនេះ នឹងត្រលប់មកវិញនៅថ្ងៃពុធ សម្រាប់ “កម្មវីធីព្យាបាលរបួស” ។ ក្លឹបបានបន្ថែមថារបួសរបស់ Salah គឺ អាក្រក់ជាងការភ័យខ្លាចពីដំណាក់កាលដំបូង ប៉ុន្តែ Salah នឹងត្រូវព្យាបាលរបួសឱ្យជាសះស្បើយ…

ក្លិប Real Madrid ត្រូវបានគេរាយការណ៍មកថា អាចនឹងពិចារណាក្នុងការនាំយកខ្សែការពារ Alejandro Grimaldo របស់ក្លិប Bayer Leverkusen មកជំនួសវិញ ប្រសិនបើពួកគេបរាជ័យក្នុងការទាក់ទាញ Alphonso Davies ពីក្រុម Bayern នោះ។ ជាមួយនឹងកុងត្រាបច្ចុប្បន្នរបស់ Davies នឹងត្រូវបញ្ចប់នៅឆ្នាំ ២០២៥ ខាងមុខនេះហើយ វាត្រូវបានគេនិយាយថា ខ្សែការពារឆ្នើមសញ្ជាតិកាណាដា កំពុងមានទំនាក់ទំនងយ៉ាងខ្លាំង ជាមួយនឹងការផ្ទេរមកកាន់ទឹកដី Bernabeu ក្នុងរយ:ពេលប៉ុន្មានខែថ្មីៗនេះ។ ប៉ុន្តែទោះជាយ៉ាងណាក៏ដោយ គ្រូបង្វឹកក្រុម Bayern លោក Thomas Tuchel នៅតែមានបំណងចង់ទុក Davies ឲ្យនៅលេងក្នុងក្រុមបន្តទៀត បើទោះបីជាកីឡាករខ្លួនឯងផ្ទាល់ ហាក់មានចិត្តចង់ទៅលេងកន្លែងផ្សេងក៏ដោយ។ ជុំវិញស្ថានភាពបែបនេះ ប្រសិនបើក្លិប Madrid មិនអាចធ្វើការចុះហត្ថលេខាលើកីឡាករ Davies បានទេនោះ របាយការណ៍ពី Fichajes បានអះអាងថាកូនក្រុមរបស់លោក Xabi Alonso គឺកីឡាករ Grimaldo អាចនឹងក្លាយជាគោលដៅថ្មី សម្រាប់ក្លិបយក្សអេស្ប៉ាញមិនខាន៕