Blog

ក្លិប Brighton បានប្រកាសពីប្រាក់ចំណេញខ្ពស់បំផុតចំនួន ១២២,៨ លានផោនក្នុងរដូវកាល ២០២២-២៣ ដែលជារដូវកាលជោគជ័យបំផុតក្នុងប្រវត្តិសាស្ត្ររបស់ក្លិប Premier League នេះ។ Albion បានបញ្ចប់ក្នុងចំណាត់ថ្នាក់លេខ៦ ក្នុងក្របខណ្ឌ Premier League កាលពីរដូវកាលមុន បានឈានដល់លេងនៅវគ្គពាក់កណ្តាលផ្តាច់ព្រ័ត្រពានរង្វាន់ FA Cup និងទទួលបានទឹកប្រាក់ដ៏ច្រើនពីការលក់កីឡាករសំខាន់ៗមួយចំនួន។ ប្រាក់ចំណេញមួយផ្នែក ត្រូវបានក្លិបប្រើប្រាស់សម្រាប់សងទៅលោក Tony Bloom ដែលជាម្ចាស់ក្លិប សម្រាប់ប្រាក់កម្ចីដែលលោកផ្ដល់ជូន ៤០៦,៥ លានផោន។ ប្រាក់កម្ចីដែលទទួលបានកាលពីឆ្នាំ២០០៧ នឹងកាត់បន្ថយមកសល់ត្រឹម ៣៧៣,៣ លានផោន។ ការប្រកាសរបស់ Brighton បានធ្វើឡើងស្របពេលដែលក្លិបមួយចំនួនបានប្រកាសពីការខាតបង់យ៉ាងច្រើន រួមមាន Aston Villa (១២០លានផោន), Chelsea (៩០លានផោន), Everton (៨៩លានផោន), Leicester (៩០លានផោន), Newcastle United (៧៣លានផោន), Nottingham Forest (៥២លានផោន) និង Wolves (៦៧លានផោន)។ គួររំឭកថា…

សារព័ត៌មាននៅប្រេស៊ីល UOL បានធ្វើការចុះផ្សាយថា ខ្សែប្រយុទ្ធប្រេស៊ីល Neymar ត្រៀមនឹងត្រលប់ទៅក្លិបដើមរបស់ខ្លួនគឺ ក្លិប Santos នៅឆ្នាំ២០២៥ ខាងមុខនេះ។ នៅក្នុងពេលនេះដែរ Neymar កំពុងតែលេងឱ្យក្លិបនៅលីគបាល់ទាត់កំពូលអារ៉ាប៊ីសាអ៊ូឌីត Al Hilal ដោយកុងត្រារបស់ខ្លួននឹងចប់នៅឆ្នាំក្រោយ។ បច្ចុប្បន្ន កីឡាករ វ័៣២ឆ្នាំ មិនទាន់អាចចូលលេងបាននោះទេ សម្រាប់ក្លិប ដោយសាររូបគេបានរងរបួសជង្គង់ពេលលេងឱ្យក្រុមជម្រើសជាតិប្រេស៊ីល។ យ៉ាងណាមិញ អ្វីដែលគួរឱ្យចាប់អារម្មណ៍គឺ នៅពេលថ្មីៗនេះ Neymar បែរជាទៅទស្សនាប្រកួតវគ្គផ្ដាច់ព្រ័ត្រពាន Campeonato Paulista នៅប្រេស៊ីល រវាងក្លិប Santos និងក្លិប Palmeiras។ Santos ឈ្នះ Palmeiras ក្នុងលទ្ធផល ១ ទល់នឹង ០។ Neymar ត្រូវបានគេឃើញថា ទៅនិយាយលេងជាមួយកីឡាករក្លិប Santos ហើយថែមទាំងលើកពាន ដែល Santos ទើបតែឈ្នះទៀតផង។ បន្ថែមពីនេះទៀត មានពាក្យល្ហិចល្ហៀងថា Neymar បានខ្សឹបប្រាប់កីឡាករ Santos ថា…

ក្លិប Fenerbahce បានសម្រេចចិត្តក្នុងការបញ្ចប់ការព្រមានរបស់ពួកគេ ពីការដកខ្លួនចេញពីក្របខណ្ឌ Süper Lig នឹងបន្តលេងការប្រកួតបាល់ទាត់នៅលីគកំពូលតួកគីតទៅទៀត។ នេះបើតាមការប្រកាសរបស់ប្រធានក្លិប Fenerbahce លោក Ali Koc អំឡុងការជួបប្រជុំជាមួយសមាជិកក្លិប និង អ្នកគាំទ្រនៅកីឡដ្ឋាន Şükrü Saracoğlu ទីក្រុងអ៊ីស្តង់ប៊ុល។ ជាការពិត ថ្មីៗនេះ Fenerbahce ពិចារណាដកខ្លួនចេញពីក្របខណ្ឌ Süper Lig បន្ទាប់ពីកីឡាកររបស់ពួកគេ រងការវាយប្រហារយ៉ាងដំណំពីសំណាក់អ្នកគាំទ្រ Trabzonspor នៅក្នុងទីលាន។ ហេតុការណ៍ហិង្សា កើតឡើងបន្ទាប់ពីក្រុមភ្ញៀវ Fenerbahce ឈ្នះលើក្រុម Trabzonspor ៣-២ ក្នុងជំនួបសប្តាហ៍ទី៣០។ ភ្លាមៗក្រោយចប់ការប្រកួត អ្នកគាំទ្រក្រុម Trabzonspor បានសម្រុកចូលទីលាន ហើយបានប្រឈមនឹងកងកម្លាំងសន្តិសុខ និងបានដេញវាយកីឡាកររបស់ Fenerbahce ពេញក្នុងទីលាន។ នេះជាឧប្បត្តិហេតុចុងក្រោយបង្អស់ក្នុងក្របខណ្ឌ Super Lig ដែលគេចាត់ទុកថាមានភាពចម្រូងចម្រាសបំផុតក្នុងរដូវកាលនេះ។ យ៉ាងណា បន្ទាប់ពីការសម្របសម្រួល ជាច្រើនរួចមក ក្លិប Fenerbahce បានសម្រេចចិត្ត បញ្ចប់ការព្រមានរបស់ពួកគេ និងបន្តការប្រកួតប្រជែងរបស់ខ្លួនតទៀត។…

អតីតប្រធានក្រុម Manchester United លោក Roy Keane បានធ្វើការសង្កេតក្នុងតួនាទីរបស់គាត់ជាអ្នកវិភាគឲ្យទូរទស្សន៍ Sky Sports បន្ទាប់ពី Haaland គ្មានគ្រាប់បាល់ក្នុងការប្រកួតស្មើរបស់ Man City ទល់នឹងគូប្រជែងដណ្តើមជើងឯកលីគ Arsenal កាលពីថ្ងៃអាទិត្យ។ Keane បានឯកភាពដែលថា Haaland ជាកំពូលកីឡាកររកគ្រាប់បាល់ បន្ទាប់ពីឈ្នះស្បែកជើងមាសកាលពីរដូវកាលមុន ដែលស្ថិតក្នុងលំដាប់ថ្នាក់កំពូលចំពោះការរកគ្រាប់បាល់ ប៉ុន្តែបានបន្ថែមទៀតថា ការប្រកួតគ្រប់វគ្គទាំងអស់របស់គាត់គឺប្រៀបបានទៅនឹងការលេងនៅលីគតែមួយ តែកីឡាករពីរនាក់ផ្សេងគ្នា។ លោក Guardiola មិនចាប់អារម្មណ៍ចំពោះការលើកឡើងនេះទេ ដោយបានលើកហេតុផលថា Haaland គឺជាឧបករណ៍សំខាន់ក្នុងភាពជោគជ័យបីរបស់ Man City កាលពីរដូវកាលមុន ហើយបានទទូចថារាល់ការស្តីបន្ទោសចំពោះការមិនស៊ុតបញ្ចូលទីទល់នឹង Arsenal គួរតែត្រូវស្តីបន្ទោសជាក្រុមទាំងមូល។ លោក Guardiola បាននិយាយថា៖ “ខ្ញុំមិនយល់ស្របជាមួយគាត់ទេ។ គាត់ជាខ្សែប្រយុទ្ធល្អបំផុតក្នុងពិភពលោក ហើយគាត់បានជួយយើងឱ្យឈ្នះអ្វីដែលយើងបានឈ្នះកាលពីរដូវកាលមុន។ Erling គឺជាកីឡាករដ៏ពិសេស។ ហេតុផលដែលយើងមិនបានបង្កើតឱកាសមិនមែនដោយសារតែ Erling នោះទេ។ ស្តង់ដារដែល Erling មានគឺមិនគួរឱ្យជឿ ហើយអ្នករាល់គ្នារំពឹងលើអ្វីផ្សេងទៀត។

ជំនួបកាលពីយប់មិញ ក្លឹប Al Nassr បានលុតបំបាក់ម្ចាស់ផ្ទះ Abha យ៉ាងចាស់ដៃ ក្នុងលទ្ធផល ៨ទល់នឹង០ ។ គួរកត់សម្គាល់ វីរបុរសព័រទុយហ្គាល់ Cristiano Ronaldo មានឱកាសស៊ុតបាល់បាល់ហ្វ្រីឃីកចូលទី ២គ្រាប់ បានយ៉ាងល្អអស្ចារ្យត្រឹមតែ ១០នាទី ប៉ុណ្ណោះ។ ទន្ទឹមនឹងនេះ បុរសវ័យ ៣៩ឆ្នាំ អាចរកគ្រាប់បាល់ Hat-Trick បានក្នុង ២ប្រកួត ចុងក្រោយសម្រាប់ក្រុម Al Nassr៕ សូមទស្សនាវីដេអូខាងក្រោម៖

ខ្សែបម្រើស្លាប Facundo Pellistri របស់ក្រុមបិសាចក្រហម Manchester United បានត្រៀមខ្លួនក្នុងការចាកចេញពី Old Trafford នៅរដូវក្តៅនេះ ដោយសាររូបគាត់តូចចិត្ត និងមិនសូវបានចូលលេងនៅជម្រើស ១១ នាក់ដំបូងប្រចាំក្រុម។ ទន្ទឹមនឹងនេះដែរ Pellistri នៅសល់កុងត្រា ១ ឆ្នាំជាងទៀតនៅទឹកដី Old Trafford លើកិច្ចសន្យាដែលមានស្រាប់។ រំលឹកដែរថា កីឡាករអន្តរជាតិអ៊ុយរូហ្គាយបានចាកចេញពីក្លឹបកុមារភាព Penarol ទៅចូលរួមជាមួយបិសាចក្រហមក្នុងតម្លៃក្រោម ៨លានផោន ក្នុងខែតុលា ឆ្នាំ ២០២០ ហើយបានចុះកិច្ចសន្យារយៈពេល ៥ឆ្នាំ នៅអំឡុងពេលនោះ។ យ៉ាងណាមិញ Pellistri បានបង្ហាញខ្លួនក្នុងក្រុមដំបូងត្រឹមតែ ២៤ លើកប៉ុណ្ណោះ ក្នុងការប្រកួតទាំងអស់ សម្រាប់ Man Utd។ យោងតាមសារព័ត៌មាន The Mirror បានឲ្យដឹងថា ម្ចាស់ភាគហ៊ុនថ្មីលោក Sir Jim Ratcliffe កំពុងរៀបចំផែនការដោះដូរកីឡាករក្នុងក្រុមនៅរដូវក្តៅនេះផងដែរ។ គួរជម្រាបដែរថា បច្ចុប្បន្នកីឡាករវ័យ ២២ឆ្នាំ កំពុងលេងនៅក្លឹប…

ខ្សែប្រយុទ្ធសញ្ជាតិអាល្លឺម៉ង់ Joselu របស់ក្រុមអធិរាជស Real Madrid នៅតែប្តេជ្ញាចិត្តបន្តស្នាក់នៅរួមរស់ជាមួយ Real Madrid ហើយនឹងបានបដិសេធឱកាសចូលរួមជាមួយក្រុមបិសាចក្រហម Manchester United នៅមុនយុទ្ធនាការ ២០២៤-២៥ នេះបើយោងតាមសារព័ត៌មាន ​​Fichajes បានចេញផ្សាយ។ គួរកត់សម្គាល់ថា កីឡាករវ័យ ៣៤ឆ្នាំ [Joselu] ធ្លាប់លេងនៅ Premier League ឲ្យក្លឹប Stoke City និង Newcastle United ប៉ុន្តែគាត់ហាក់ដូចជាមិនប្រញាប់ប្រញាល់ក្នុងការវិលត្រឡប់ទៅកាន់ក្របខ័ណ្ឌកំពូលរបស់អង់គ្លេសនោះទេ។ ជាមួយគ្នានេះផងដែរ Joselu មានការស្ទាក់ស្ទើរក្នុងការផ្លាស់ប្តូរជំហរ ដោយរូបគេក៏ទទួលបានការទុកចិត្តពីលោក Carlo Ancelotti ខណៈម្ចាស់ជើងឯកអង់គ្លេស ២០សម័យ នឹងត្រូវស្វែងរកខ្សែប្រយុទ្ធថ្មីផងដែរ។ ទន្ទឹមនឹងនេះ Anthony Martial គ្រោងនឹងចាកចេញពី Man Utd ដូច្នេះនៅសល់តែ Rasmus Hojlund មួយរូបប៉ុណ្ណោះជាជម្រើសខ្សែប្រយុទ្ធទោល៕

Getafe ជឿជាក់ថា Manchester United បានសម្រេចចិត្តរួចហើយលើកិច្ចសន្យារបស់ Mason Greenwood មុនពេលការផ្ទេររដូវក្តៅដ៏មានសក្តានុពល។ កាលពីរដូវក្តៅមុន Greenwood បានចូលរួមជាមួយ Getafe ក្នុងលក្ខខណ្ឌខ្ចីជើងពី Man United សម្រាប់រដូវកាល 2023/24 ។ គាត់ស៊ុតបញ្ចូលទីបាន 8 គ្រាប់ក្នុងការបង្ហាញខ្លួន 27 ប្រកួតនៅគ្រប់ការប្រកួតទាំងអស់ចាប់តាំងពីការចុះហត្ថលេខាសម្រាប់ក្រុម La Liga ។ Getafe មានចំណាប់អារម្មណ៍ក្នុងការរក្សាសេវាកម្មរបស់កីឡាករវ័យ 22 ឆ្នាំ មិនថាខ្ចីជើងសម្រាប់យុទ្ធនាការមួយផ្សេងទៀត ឬក្នុងកិច្ចព្រមព្រៀងអចិន្ត្រៃយ៍។ អនាគតរបស់គាត់នៅ Old Trafford មានភាពមិនច្បាស់លាស់ បន្ទាប់ពីប៉ូលីសចោទប្រកាន់ពីបទប៉ុនប៉ងរំលោភ ការគ្រប់គ្រង និងអាកប្បកិរិយាបង្ខិតបង្ខំ និងការរំលោភលើគាត់ត្រូវបានទម្លាក់កាលពីខែកុម្ភៈឆ្នាំមុន។ យោងតាមសារព័ត៌មាន The Athletic ក្រុម Getafe ជឿជាក់ថា Man United បានបង្កើតជម្រើសនោះ ដើម្បីបន្តកុងត្រារបស់គាត់រហូតដល់ឆ្នាំ 2026។ Getafe ចង់រក្សា Greenwood ហើយមន្ត្រីរបស់ពួកគេបានចាកចេញពីការពិភាក្សាជាមួយ…

ការលើកឡើងរបស់ខ្សែបម្រើប្រយុទ្ធស្លាប Rodrygo បាននិយាយក្រោយបញ្ចប់ការប្រកួតពេលផ្តួល Bilbao ២ទល់និង០ កាលពីថ្ងៃចន្ទថា៖ “ការត្រលប់មកវិញរបស់ Militao ធ្វើឱ្យខ្ញុំសប្បាយចិត្តជាងគ្រាប់បាល់របស់ខ្ញុំទៅទៀត ពីព្រោះខ្ញុំដឹងថាខ្ញុំនឹងស៊ុតបញ្ចូលទីម្តងទៀត នេះព្រោះវាជាពេលវេលាពិសេសមួយសម្រាប់គាត់ (Militao)”។ គួររំលឹកផងដែរថាខ្សែការពារអន្តរជាតិប្រេស៊ីល Militao បានវិលត្រឡប់មកជួយក្រុម Real Madrid វិញបន្ទាប់ពីសម្រាក រយៈពេលប្រាំពីរខែដោយបញ្ហារបួសដាច់សរសៃពួរជង្គង់ ពោលគឺបានរបួសពេលលេងទល់នឹង Bilbao ដូចគ្នាកាលពីខែ សីហា ឆ្នាំមុន។មុនពេលស៊ុតបញ្ចូលទីពីរដង​ដើម្បីជួយ Real Madrid យកឈ្នះ Bilbao ២ទល់និង០ពោលគឺ Rodrygo រកបានតែមួយគ្រាប់គត់ក្នុង ១២ ប្រកួតចុងក្រោយរបស់គាត់។ វាជាសប្តាហ៍ដ៏ល្អសម្រាប់កីឡាករវ័យ ២៣ ឆ្នាំដែលបានស៊ុតបញ្ចូលទីឱ្យប្រេស៊ីលទល់នឹងអេស្ប៉ាញក្នុងអំឡុងពេលប្រកួតមិត្តភាពអន្តរជាតិ។ទម្រង់លេងរបស់កីឡាករអន្តរជាតិប្រេស៊ីល Rodrygo ក៏កំពុងស្ថិតក្នុងពេលវេលាដ៏ល្អ ខណៈដែល Real Madrid ត្រៀមប៉ះ Man City វគ្គ៨ក្រុមពានរង្វាន់UCLនៅថ្ងៃអង្គារសប្តាហ៏ក្រោយ។Rodrygo បានលើកឡើងបន្ថែមថាៈវានឹងមានភាពប្រកួតប្រជែងដូចរាល់ដង។ យើងជួបជាមួយ Man.City ម្តងទៀត ហើយយើងត្រៀមខ្លួនសម្រាប់ពួកគេ។វាគួរតែជាការប្រកួតដ៏អស្ចារ្យ តោះសូមបងប្អូនត្រៀមទៅតាមដានមើលថានិងមានអ្វីកើតឡើង។

ក្លិប Real Madrid ត្រូវបានគេរាយការណ៍មកថា កំពុងត្រៀមខ្លួនរួចស្រេចហើយ ក្នុងការស្វែងរកអ្នកជំនួសតំណែងរបស់អ្នកចាត់ការក្រុមលោក Carlo Ancelotti នៅពេលរដូវកាលឆ្នាំ២០២៥–២០២៦ ចាប់ផ្តើម។ ជាក់ស្តែង លោក Ancelotti បានសម្រេចចិត្តបន្តកិច្ចសន្យារបស់ខ្លួនបន្ថែមទៀត នៅទឹកដី Bernabeu រហូតដល់ឆ្នាំ២០២៦ បើទោះបីជាមានការចាប់អារម្មណ៍ខ្លាំងពីសំណាក់ក្រុមជម្រើសជាតិប្រេស៊ីលក៏ដោយ។ ហើយយ៉ាងណាមិញ បើទោះបីជាលោក Ancelotti មិនរំពឹងថានឹងចាកចេញពីតំណែងរបស់ខ្លួន នៅមុនដំណាច់រដូវកាលឆ្នាំ ២០២៤–២០២៥ ខាងមុខនេះក៏ដោយ ប៉ុន្តែប្រធានក្លិបលោក Florentino Perez ហាក់ដូចជាកំពុងរៀបចំផែនការ ក្នុងការស្វែងរកអ្នកចាត់ការថ្មីរបស់ខ្លួនរួចរាល់ហើយ។ យោងតាមរបាយការណ៍ពី Relevo បានអះអាងថាក្លិប Madrid នៅតែរក្សាចំណាប់អារម្មណ៍ទៅលើលោក Xabi Alonso ដដែល ជាពិសេសនៅពេលបុរសសញ្ជាតិអេស្ប៉ាញរូបនេះ បានបញ្ជាក់ថានឹងមិនផ្ទេរទៅដឹកនាំក្រុមណានោះឡើយ មុនពេលកុងត្រារបស់ខ្លួនជាមួយ Leverkusen ត្រូវបញ្ចប់។ ជុំវិញការសម្រេចចិត្តនេះ មានន័យថាក្លិប Madrid នៅតែមានឱកាសក្នុងការនាំយក Alonso មកដឹកនាំ នៅពេលដែលអ្នកចាត់ការរបស់ខ្លួនបច្ចុប្បន្នលោក Ancelotti ត្រូវផុតកុងត្រារបស់ខ្លួននោះ៕