Football

Ter Stegen បានសម្រេចចិត្ត វះ.កាត់តើអ្នកណាអាចជួយសង្រ្គោះBaca បាន ?

ByAdmin-02 December 7, 2023

Barcelona គ្រោងនឹងបាត់បង់កីឡាករសំខាន់ម្នាក់របស់ពួកគេសម្រាប់រយៈពេលពីរខែខាងមុខនេះ ខណៈដែលការសម្រេចចិត្តត្រូវបានធ្វើឡើងសម្រាប់ Marc-Andre ter Stegen ដើម្បីធ្វើការវះកាត់លើខ្នងរបស់គាត់។ កីឡាករជម្រេីសជាតិអាល្លឺម៉ង់បានជួបប្រទះការឈឺចាប់នៅក្នុងតំបន់នោះអស់រយៈពេលពីរបីសប្តាហ៍កន្លងមក ហើយបានខកខានការប្រកួតចំនួន ៥ ដងចុងក្រោយរបស់ Barcelona និងអាល្លឺម៉ង់។ វាត្រូវបានគេព្យាករណ៍ថាអវត្តមានរបស់គាត់ប្រហែល ២ ខែដែលនឹងធ្វើឱ្យគាត់ស្ថិតក្នុងមន្ទិលសម្រាប់ការប្រកួតជើងទី១ នៃវគ្គជម្រុះចាញ់ធ្លាក់នៃក្របខ័ណ្ឌ Champions League។ ជើងទីមួយនឹងធ្វើឡើងនៅថ្ងៃទី១៣, ១៤, ២០ ឬ ២១ ខែកុម្ភៈ ដែលជាកាលបរិច្ឆេទនៅសល់ពី ១០ និង ១១ សប្តាហ៍។ ដោយសារអវត្តមានរបស់គាត់មិនដល់បីខែទេ ដូច្នេះវាគួរតែអាចធ្វើទៅបានសម្រាប់គាត់ដើម្បីត្រឡប់ទៅកាន់សកម្មភាពបាល់ទាត់អឺរ៉ុបវិញ។ ជំនួសមកវិញ Barcelona ត្រូវតែពឹងផ្អែកលើ Inaki Pena វ័យ២៤ឆ្នាំ។ គាត់បានបង្ហាញខ្លួនក្នុងក្របខ័ណ្ឌកំពូលបានតែ ១៦ ដងប៉ុណ្ណោះ ប៉ុន្តែថ្មីៗនេះមានការចាប់អារម្មណ៍ក្នុងអំឡុងពេលការប្រកួតសំខាន់ៗជាមួយ Porto និង Atletico Madrid។ វាហាក់ដូចជា Barcelona នឹងរក្សានូវជំនឿពេញទំហឹងលើ Pena ដែលបានលះបង់ឱកាសរបស់គាត់ដោយអត់ធ្មត់៕ ប្រភព៖ បរទេស

ក្លឹប Newcastle បានចាប់អារម្មណ៍លើអ្នកចាំទី David de Gea ពីក្លឹប Man Utd

Byadmin December 6, 2023December 6, 2023

ក្លឹប Newcastle United ចាប់អារម្មណ៍ចង់បានអ្នកចាំទី David de Gea ក្នុងពេលរដូវកាលទិញដូរកីឡាករខែមករាបើកខាងមុខនេះ។ បើយោងតាមការចុះផ្សាយរបស់ Sky Sports ។ បើតាមប្រភពខាងលើ De Gea ចង់បាន ក្រោយអ្នកចាំទី Nick Pope របួសធ្ងន់ត្រង់ស្មា ដែលតម្រូវឲ្យសម្រាកព្យាបាលរបួស ៣-៤ខែ។ De Gea មិនទាន់ទៅលេងនៅក្លឹបណាមួយនៅឡើយទេ ក្រោយចប់កុងត្រាជាមួយ Manchester United កាលពីចុងរដូវកាលមុននេះ។ នៅខណៈនេះគេមានវ័យ៣៣ឆ្នាំហើយ ដោយបានសាងស្នាដៃជាកំពូលអ្នកចាំទីរាប់ឆ្នាំមកហើយនៅ Man Utd និង Atletico Madrid៕

Arsenal ចង់អោយអ្នកចាំទី Aaron Ramsdale បន្តនៅ Arsenal បន្តទៀត

Byadmin December 6, 2023December 6, 2023

លោក Mikel Arteta អ្នកចាត់ការក្លឹប Arsenal បាននិយាយទៅកាន់សារព័ត៌មានកាលពីពេលថ្មីៗនេះថា លោកចង់ឲ្យអ្នកចាំទី Aaron Ramsdale បន្តនៅជាមួយក្លឹបលោកទៀត។ លោក Arteta បាននិយាយថា៖” ខ្ញុំនៅតែចង់បាន Ramsdale បន្តនៅជាមួយយើង។ ខ្ញុំកាន់តែសប្បាយចិត្តថែមទៀត បើយើងមានអ្នកចាំទី២នាក់ ដែលក្នុងនោះគឺ Ramsdale នៅបន្តជាមួយយើង “។ លោកបន្តថា៖” និយាយទៅគេនៅតែស្ម័គ្រចិត្តចង់លេងជាមួយយើង។ ដូចកីឡាករដទៃទៀតអញ្ចឹង គេចង់លេងឲ្យ Arsenal ហើយនេះជាអ្វីដែលគេចង់បាន “។ Ramsadale ជាអ្នកចាំទីរបស់ Arsenal ប៉ុន្តែក្លឹបនេះនឹងទិញអ្នកចាំទីមួយទៀតគឺ David Raya ពី Brentford៕

ក្លឹប EPL ទាំង10 ដែលទទួលបានកាតលឿងច្រើនជាងគេក្នុងរដូវកាលឆ្នាំ២០២៣/២៤

Byadmin December 6, 2023December 6, 2023

ខាងក្រោមនេះជាក្លឹប Premier League ដែលទទួលបានកាតលឿងច្រើនជាងគេ នៅក្នុងរដូវកាលឆ្នាំ២០២៣/២៤ គិតមកត្រឹមពេលនេះ៖ ១. ក្លឹប Chelsea៖ ទទួលបានកាតលឿង ៤៣ដង។ ២. ក្លឹប Wolves៖ ទទួលបានកាតលឿង ៣៧ដង។ ៣. ក្លឹប Newcastle United៖ ទទួលបានកាតលឿង ៣៧ដង។ ៤. ក្លឹប Sheffield៖ ទទួលបានកាតលឿង ៣៦ដង។ ៥. ក្លឹប Brighton៖ ទទួលបានកាតលឿង ៣៥ដង។ ៦. ក្លឹប Nottingham Forest៖ ទទួលបានកាតលឿង ៣៣ដង។ ៧. ក្លឹប Tottenham Hotspure៖ ទទួលបានកាតលឿង ៣២ដង។ ៨. ក្លឹប Fulham៖ ទទួលបានកាតលឿង ៣២ដង។ ៩. ក្លឹប West Ham United៖ ទទួលបានកាតលឿង ៣២ដង។ ១០. ក្លឹប Aston Villa៖ ទទួលបានកាតលឿង ៣២ដង៕

លោក Xavi គាត់ចង់អោយ Joao Felix បន្តនៅ Barca ទោះបីជាកុងត្រាត្រូវបញ្ចប់ក្នុងឆ្នាំ២០២៤ក៏ដោយ

Byadmin December 6, 2023

លោក Xavi គ្រូបង្គោលក្លឹប Barcelona បាននិយាយទៅកាន់សារព័ត៌មាននៅពេលថ្មីៗនេះទាក់ទងនឹងអនាគតរបស់ខ្សែប្រយុទ្ធ Joao Felix ចាកចេញឬក៏នៅបន្តជាមួយក្លឹបលោកនៅក្នុងឆ្នាំ២០២៤។ Xavi បាននិយាយថា៖” Joao Felix ចាកចេញឬបន្តនៅឆ្នាំ២០២៤ ជាមួយ Barcelona? ខ្ញុំគិតថាអ្នកគួរតែសួរក្រុមប្រឹក្សាភិបាលក្លឹបយើង។ ខ្ញុំពេញចិត្តជាមួយគេមែនទែន។ គេជាកំពូលកីឡាករ ត្រឹមត្រូវ និងកំប្លែងច្រើន។ និយាយទៅ ខ្ញុំពេញចិត្តបើមានគេនៅជាមួយក្រុមយើង “។ លោកបន្តថា៖” ខ្ញុំឃើញគេពេញចិត្តនឹងនៅទីនេះ ហើយគេមានការប្រកួតប្រជែងខ្ពស់ “។ Joao Felix ជាកីឡាករខ្ចីជើងពីក្លឹប Atletico Madrid ដោយបញ្ចប់កុងត្រាខ្ចីជើងនៅថ្ងៃទី៣០ ខែមិថុនា ឆ្នាំ២០២៤ខាងមុខ៕

ខ្សែការពារ Dani Carvajal នឹងអវត្តមានពីក្លឹបរហូតដល់ដាច់ឆ្នាំ២០២៤

Byadmin December 6, 2023December 6, 2023

ខ្សែការពារ Dani Carvajal នឹងអវត្តមានជួយក្លឹប Real Madrid ក្នុងការប្រកួតតូចធំរហូតដល់ឆ្នាំ២០២៤។ នេះបើយោងតាមការចុះផ្សាយរបស់ Fabrizio Romano នៅក្នុងថ្ងៃនេះ។ នៅខណៈនេះ Carvajal កំពុងរងរបួសសាច់ដុំកំភួនជើង ដែលតម្រូវឲ្យសម្រាកព្យាបាលរហូតទៅដល់៣-៤សប្ដាហ៍។ ខ្សែការពារវ័យ៣១ឆ្នាំរូបនេះ ចង់ត្រលប់មកប្រកួតវិញឲ្យទាន់នឹងប្រកួត Spanish Super Cup នៅថ្ងៃទី១១ ខែមករា ឆ្នាំ២០២៤ ដោយ Real Madrid នឹងប្រកួតតទល់នឹង Atletico Madrid៕

Arsenal កំពុងពេញចិត្តនឹងទម្រង់លេងរបស់ Kai Havertz

Byadmin December 4, 2023December 4, 2023

លោក Mikel Arteta អ្នកចាត់ការក្លឹប Arsenal កំពុងតែពេញចិត្តខ្លាំងនឹងទម្រង់លេងរបស់ ខ្សែបម្រើ Kai Havertz នៅក្នុងពេលនេះ។ លោក Arteta បាននិយាយថា៖” ទម្រង់លេងរបស់ Kai Havertz កាន់តែប្រសើរឡើងៗ គេកាន់តែជឿជាក់លើសមត្ថភាពរបស់គេនៅក្នុងពេលនេះ “។ លោកបន្តថា៖” ពីរគ្រាប់ដែលគេស៊ុតចូលក្នុង២ប្រកួតចុងក្រោយនេះគឺសំខាន់ណាស់ ១គ្រាប់ក្នុងចំណោមនោះជួយឲ្យយើងឈ្នះប្រកួត រីឯ១គ្រាប់ទៀតក្នុងប្រកួតមួយទៀតម្សិលមិញនេះគឺជាការប្រកួតបើកឆាក។ ការជួយ និងទម្រង់លេងរបស់គេគឺល្អមែនទែន “។ គួរបញ្ជាក់ផងដែរថា Kai Havertz ទើបមកលេងឲ្យ Arsenal ក្នុងរដូវកាលនេះ ដោយនឹងចប់កុងត្រានៅឆ្នាំ២០២៨ខាងមុខ៕

Cristiano Ronaldo បានបញ្ចុះបញ្ចូលអាជ្ញាកណ្តាលមិនឱ្យផ្តល់បាល់ពិន័យ11ម៉ែត្រដល់រូបគេ

Byadmin December 4, 2023December 4, 2023

CristianoRonaldoត្រូវបានគេស្គាល់ថាជាកីឡាករម្នាក់ដែលតែងស៊ុតបញ្ចូលទីរកគ្រាប់បាល់បានជារឿយៗប៉ុន្តែកាលពីយប់ថ្ងៃច័ន្ទកន្លងទៅថ្មីៗនេះខ្សែប្រយុទ្ធAl-Nassrរូបនេះបានបញ្ចុះបញ្ចូលអាជ្ញាកណ្តាលមិនឱ្យផ្តល់បាល់ពិន័យ11ម៉ែត្រដល់រូបគេ។ កីឡាករវ័យ 38 ឆ្នាំរូបនេះបានដួលនៅក្នុងប្រអប់គ្រោះថ្នាក់ ក្នុងនាទីទី 2 ក្នុងការប្រកួត AFC Champions League របស់ក្រុមខ្លួន ដែលបញ្ចប់ទៅក្នុងលទ្ធផល ស្មើ 0-0 ជាមួយក្រុមអ៊ីរ៉ង់ Persepolis ។ ប៉ុន្តែនៅពេលដែលអាជ្ញាកណ្តាលជនជាតិចិនលោក Ma Ning បានផ្តល់បាល់ពិន័យ នោះ Ronaldo បានលើកហេតុផលថា ការសម្រេចចិត្តនេះមិនត្រឹមត្រូវទេ ហើយរូបគេបានប្រាប់អាជ្ញាកណ្តាល មិនឱ្យផ្តល់បាល់ប៉េណាល់ទី ដល់រូបគេ។ ដើម្បីបញ្ជាក់ឱ្យកាន់តែច្បាស់ អាជ្ញាកណ្តាលបានពិនិត្យមើលម្តងទៀត តាម VAR ហើយការរួមបញ្ចូលគ្នានៃវីដេអូជំនួយការអាជ្ញាកណ្តាលនិងភាពស្មោះត្រង់របស់ Ronaldo ការសម្រេចផ្តល់បាល់ប៉េណាល់ទីនោះ ត្រូវរំសាយចោលវិញ។ គួរឱ្យដឹងថា Al-Nassr កំពុងឈរកំពូលតារាងពូល E ដោយមាន 13 ពិន្ទុបន្ទាប់ពីការប្រកួតចំនួន 5 និងនាំមុខក្រុម Persepolis ចំនួន 5 ពិន្ទុ៕

Erik Ten Hag ពេញចិត្តនឹងសមត្ថភាពរបស់ Hojlund ក្នុងប្រកួត UCL

Byadmin December 4, 2023December 4, 2023

លោក Erik Ten Hag អ្នកចាត់ការក្លឹប Manchester United បាននិយាយទៅកាន់សារព័ត៌មានកាលពីពេលថ្មីៗនេះថា លោកពេញចិត្តខ្លាំងនឹងសមត្ថភាពរបស់ ខ្សែប្រយុទ្ធ Rasmus Hojlund ក្នុងការប្រកួត UEFA Champions League ។ លោក Ten Hag បាននិយាយថា៖” ខ្ញុំពេញចិត្តនិងជឿជាក់ខ្លាំងទៅនឹង Hojlund។ និយាយទៅខ្ញុំគ្មានការសង្ស័យលើសមត្ថភាពរបស់គេនោះទេ “។ លោកបានបន្តថា៖” គេធ្វើបានល្អមែនទែនក្នុងការប្រកួត UCL។ ជាកីឡាករវ័យក្មេង ហើយលេងក្នុងប្រកួត UCL ជាលើកដំបូង ហើយគេអាចស៊ុតចូល៥គ្រាប់ អញ្ចឹងគេអស្ចារ្យណាស់ គេចង់ស៊ុតចូលបន្តបន្ទាប់ “។ Hojlund បានចូលរួមការប្រកួត UCL ជាមួយ Man Utd បាន៤ប្រកួតហើយ ដោយស៊ុតចូល ៥គ្រាប់៕

ខ្សែប្រយុទ្ធ Nkunku អាចនឹងបង្ហាញខ្លួនជាលើកដំបូងលេងឲ្យ Chelsea

Byadmin December 4, 2023December 4, 2023

កីឡាករបារាំង Christopher Nkunku អាចនឹងបង្ហាញខ្លួនជាលើកដំបូងលេងឲ្យ Chelsea ក្នុងប្រកួតជាមួយ Chelsea នាចុងសប្ដាហ៍នេះ។ Nkunku បានមកចូលរួមជាមួយតោខៀវ កាលពីខែមិថុនា ឆ្នាំនេះ។ ទោះជាយ៉ាងណា កំឡុងពេលហ្វឹកហាត់ត្រៀមរដូវកាលថ្មីកាលពីខែសីហា ខ្សែប្រយុទ្ធរូបនេះ បានរងរបួសជង្គង់ធ្ងន់ធ្ងរ។ យ៉ាងនេះក្ដី ថ្ងៃនេះអ្នកចាត់ការក្លឹបតោខៀវ លោក Mauricio Pochettino បានបង្ហើបថា ក្លឹបកំពុងតាមដានស្ថានភាពរបស់ Nkunku ហើយនឹងសម្រេចនឹងថ្ងៃស្អែក។ បើស្ថានភាពកីឡាករបានប្រសើរឡើង ហើយអាចលេងបានវិញ កីឡាករនឹងបង្ហាញខ្លួនឲ្យតោខៀវនាប្រកួតចុងសប្ដាហ៍នេះ។ Chelsea នឹងត្រូវប៉ះ Brighton នាថ្ងៃអាទិត្យ។ Chelsea បាននាំចូលកីឡាករ Nkunku ពីក្លឹបអាល្លឺម៉ង់ RB Leipzig ក្នុងតម្លៃប្រមាណ ៥០ លានផោន៕

Ter Stegen បានសម្រេចចិត្ត វះ.កាត់តើអ្នកណាអាចជួយសង្រ្គោះBaca បាន ?

ក្លឹប Newcastle បានចាប់អារម្មណ៍លើអ្នកចាំទី David de Gea ពីក្លឹប Man Utd

Arsenal ចង់អោយអ្នកចាំទី Aaron Ramsdale បន្តនៅ Arsenal បន្តទៀត

ក្លឹប EPL ទាំង10 ដែលទទួលបានកាតលឿងច្រើនជាងគេក្នុងរដូវកាលឆ្នាំ២០២៣/២៤

លោក Xavi គាត់ចង់អោយ Joao Felix បន្តនៅ Barca ទោះបីជាកុងត្រាត្រូវបញ្ចប់ក្នុងឆ្នាំ២០២៤ក៏ដោយ

ខ្សែការពារ Dani Carvajal នឹងអវត្តមានពីក្លឹបរហូតដល់ដាច់ឆ្នាំ២០២៤

Arsenal កំពុងពេញចិត្តនឹងទម្រង់លេងរបស់ Kai Havertz

Cristiano Ronaldo បានបញ្ចុះបញ្ចូលអាជ្ញាកណ្តាលមិនឱ្យផ្តល់បាល់ពិន័យ11ម៉ែត្រដល់រូបគេ

Erik Ten Hag ពេញចិត្តនឹងសមត្ថភាពរបស់ Hojlund ក្នុងប្រកួត UCL

ខ្សែប្រយុទ្ធ Nkunku អាចនឹងបង្ហាញខ្លួនជាលើកដំបូងលេងឲ្យ Chelsea

Contact Information

Main Menu

Useful links

Newsletter