Football

ក្លឹប​ហង្សក្រហម Liverpool នៅ​សល់​តែ 2 ប្រកួត​ទៀត​ប៉ុណ្ណោះ ក្នុង​រដូវកាល​នេះ ដែល​ជា​ការ​ប្រកួត​ក្នុង​ក្របខណ្ឌ Premier League។ បច្ចុប្បន្ន Liverpool មិន​មែន​ជា​ក្លឹប​លេច​ធ្លោរ​ខ្លាំង ដូច​កាល​ពី​អតីតកាល និង​កាល​ពី​ប៉ុន្មាន​ឆ្នាំ​មុន​នោះ​ឡើយ បើ​ទោះ​បី​ជា​ពួក​គេ​មាន​សមត្ថភាព​មិន​ចាញ់ Man City រឺ Arsenal ក៏​ដោយ។ ទោះ​ជា​យ៉ាង​ណា​ក៏​ដោយ ពេល​នេះ​យើង​នឹង​ចោល​ភ្នែក​ក្រឡេក​មក​មើល​អតីតកាល​បន្តិច ដែល​ក្លឹប​យក្ស​របស់​អង់គ្លេស​មួយ​នេះ បាន​ធ្វើ​រឿង​ដ៏​អស្ចារ្យ​ស្ទើរ​មិន​គួរ​ឲ្យ​ជឿ។ ថ្ងៃ​នេះ​កាល​ពី 5 ឆ្នាំមុន (ថ្ងៃទី 7 ខែ​ឧសភា) គឺ​ជា​ការ​ប្រកួត​វគ្គពាក់​កណ្តាល​ផ្តាច់ព្រ័ត្រ​នៃ​ក្របខ័ណ្ឌ UEFA Champions League ជើង​ទី 2។ ហង្សក្រហម Liverpool ដែល​បាន​ដឹកនាំ​ដោយ​លោក Jurgen Klopp បាន​វាយបក​យក​ឈ្នះ Barcelona ក្នុង​លទ្ធផល 4-0 ខណៈ​ដែល​កាល​ពី​ប្រកួត​ជើង​ទី 1 ពួក​គេ​បាន​ចាញ់​ដោយ​ជំពាក់​គ្រាប់​បាល់ 3 គ្រាប់។ ក្នុង​រដូវកាល​នោះ Liverpool បាន​ក្លាយ​ជា​ម្ចាស់​ពាន UCL បន្ទាប់​ពី​ឈ្នះ…

គ្រូ​បង្វឹក​ឆ្នើម​សញ្ជាតិ​ព័រទុយហ្គាល់​លោក Jose Mourinho ចាប់​អារម្មណ៍​ក្នុង​ការ​វិល​ត្រឡប់​មក​កាន់​តំណែង​ជា​គ្រូបង្វឹក​នៅ​ក្លឹប​បិសាចក្រហម Manchester United វិញ (នេះ​បើ​តាម​សេចក្ដី​រាយ​ការណ៍​របស់ Manchester Evening News)។ យោងតាម​ប្រភព​ដដែល​នេះ​ដែរ​បាន​ឲ្យ​ដឹង​ថា សម្រាប់​ក្លឹប​បិសាចក្រហម​ផ្ទាល់ មិន​ចាប់​អារម្មណ៍​​ក្នុង​ការ​អញ្ជើញ Jose Mourinho ឲ្យ​ត្រឡប់​ទៅ​មក Old Trafford ឡើយ បើ​ទោះ​បី​ជា​គ្រូ​បង្វឹក​រូប​នេះ បាន​ប្រាប់​មិត្តភក្តិ​របស់​គាត់​ពី​បំណង​ក្នុង​ការ​ចង់​មក​ដឹកនាំ​នៅ​អតីត​ក្លឹប​ចាស់​នេះ​វិញ​ក៏​ដោយ។ កាល​ពី​មុន គ្រូបង្វឹក​វ័យ 61 ឆ្នាំ​រូបនេះ​ធ្លាប់​បាន​ដឹកនាំ​​បិសាចក្រហម​ម្ដង​រួច​មក​ហើយ កាល​ពី​ខែឧសភា ឆ្នាំ 2016 ដល់​ខែ​ធ្នូ ឆ្នាំ 2018។ ក្រោម​ការ​ដឹកនាំ​របស់ Jose Mourinho ក្លឹប​បាន​ឈ្នះពាន​រង្វាន់ Europa League, EFL Cup និង​បាន​បញ្ចប់​រដូវកាល​ដោយ​ក្លាយជា​ជើង​ឯករង​ក្នុង​ក្របខ័ណ្ឌ​លីគ​កំពូល Premier League ផង​ដែរ។

នៅ​រំលង​អាធ្រាតយប់នេះ (ម៉ោង 2) យើង​នឹង​រក​ឃើញ​ក្រុម​មួយ​ដែល​ឡើង​ទៅ​កាន់​វគ្គ​ផ្ដាច់ព្រ័ត UEFA Champions League រវាង Real Madrid និង Bayern Munich។ ក្រុម​ទាំង 2 នឹង​ត្រូវ​ប៉ះ​គ្នា​នៅ​​កីឡដ្ឋាន Santiago Bernabeu ខណៈ​ដែល​កាល​ពី​ប្រកួត​ជើង​ទី​មួយ ពួក​គេ​បាន​បញ្ចប់​ទៅ​ដោយ​លទ្ធផល 2-2។ ក្លឹប​អធិរាជស Real Madrid ហាក់​ដូច​ជា​មាន​ប្រៀប​ជាង​បន្តិច ដោយ​សារ​តែ​ពួក​គេ​ជា​ក្រុម​ម្ចាស់​ផ្ទះ ដែល​មាន​អ្នកគាំទ្រ​លើក​ទឹកចិត្ត​ជា​ចំណែក​ដ៏​សំខាន់។ មួយ​ក្នុង​ចំណោម Real Madrid រឺ Bayern Munich នឹង​ឡើង​ទៅ​ជួប​ជាមួយ Dortmund ដែល​ឈរ​ចាំ​នៅ​វគ្គ​ផ្ដាច់ព្រ័ត។ ទោះ​ជា​យ៉ាង​ណា​ក៏​ដោយ ការ​ប្រកួត​របស់ Real Madrid និង Bayern Munich ប្រហែល​ជា​កាន់​តែ​តាន​តឹង​ខ្លាំង ព្រោះ​ក្រុម​ទាំង 2 មិន​ជំពាក់​គ្រាប់​បាល់​គ្នា​ឡើយ ហើយ​ពួក​គេ​រៀងៗ​ខ្លួន​នឹង​លេង​ដោយ​ការ​ប្រុង​ប្រយ័ត្ន​បំផុត។ ប្រសិន​បើ​លេង 90 នាទី ដោយ​មិន​អាច​រក​ក្រុម​ដែល​ឈ្នះ​បាន​ទេ​នោះ នឹង​មាន​ការ​ថែម​ម៉ោង 15 នាទី…

ក្លឹប Real Madrid កំពុងតែនាំមុខគេក្នុងការចុះហត្ថលេខាលើកីឡាករវ័យ១៦ឆ្នាំដែលមានទេពកោសល្យ Franco Mastantuono ពីក្រុមមកពីលីគអាហ្សង់ទីន River Plate។ យុវជនម្នាក់នេះត្រូវបានគេរាយការណ៍ថាបានបង្ហាញពីចំណាប់អារម្មណ៍របស់គេក្នុងការលេងឱ្យ Barcelona ជៀសជាង Real Madrid ហើយក្រុមកាតាឡាន់ក៏បានចាប់អារម្មណ៍លើគាត់ផងដែរ ប៉ុន្តែបន្ទាប់ពីការសន្ទនាជាមួយប្រធានក្លឹបលោក Juni Calafat នឹងផ្តល់អាទិភាពដល់ការផ្តល់ជូនពី Los Blancos វិញ។ កីឡាករវ័យក្មេង Mastantuono បានចាប់អារម្មណ៍ដំបូងគឺក្លឹប Barcelona ដែលពោរពេញទៅដោយទំនុកចិត្តក្នុងនោះក៏មាន Manchester United, Manchester City និង Chelsea ក៏ចាប់អារម្មណ៍យុវជនអាហ្សង់ទីនផងដែរ នេះបើយោងតាមរបាយការណ៍ផ្សេងៗ។ ទោះបីជាយ៉ាងណាក៏ដោយបន្ទាប់ពី Real Madrid បើកការទាក់ទងជាមួយ River និង Mastantuono វាហាក់ដូចជាពួកគេអាចមានប្រៀបក្នុងការយកឈ្នះពួកគេបាន។

Vitor Roque កំពុងមានបំណងចង់ចាកចេញពី Barcelona វិញនៅរដូវក្តៅនេះ បន្ទាប់ពីគេមិនសប្បាយចិត្តជាមួយស្ថានភាពក្លិបបច្ចុប្បន្ន, នេះបើតាមការអះអាងដោយភ្នាក់ងាររបស់ខ្សែប្រយុទ្ធសញ្ជាតិ ប្រេស៊ីល រូបនេះផ្ទាល់ គឺលោក André Cury។ ជាការពិតណាស់ Vitor Roque ត្រូវបាន Barcelona ទិញយកពីក្រុម Athletico Paranaense កាលពីរដូវក្តៅមុនក្នុងតម្លៃ ៣២ លានដុល្លារអាមេរិក ប៉ុន្តែរូបគេបានមកដល់ទឹកដី Cam Nou និងប្រកាសជាផ្លូវការ គឺនៅពាក់កណ្តាលរដូវកាលនេះ ពោលគឺកាលពីខែ មករា ឆ្នាំ ២០២៤ កន្លងទៅ។ យ៉ាងណាមិញ ក្នុងកំឡុងពេលថ្មីៗនេះ ដោយសារតែមិនសូវទទួលបានឱកាសលេងក្រោមការដឹកនាំរបស់លោក Xavi Hernandez គឺបានធ្វើឱ្យ Vitor Roque គេមិនសប្បាយចិត្តនោះទេ ហើយឥឡូវនេះកំពុងតែមានបំណងគិតគូចង់ចាកចេញពីក្លិបវិញ។ ជុំវិញរឿងរ៉ាវខាងលើ បុរសសញ្ជាតិ ប្រេស៊ីល លោក André Cury ដែលជាភ្នាក់ងារផ្ទាល់ខ្លួនរបស់ Vitor Roque បានមានប្រសាសន៍ថា៖ ពួកយើងមិនអាចបន្តក្នុងស្ថានភាពបែបនេះ ជាមួយ Vitor Roque បានទេ ដូច្នេះគាត់អាចនឹងចាកចេញពី Barcelona…

ថ្មីៗ​នេះ​អ្នក​កាសែត​លោក Abdulaziz Al-Osaimi បាន​រាយការណ៍​ថា ប្រធាន​ក្លឹប​បាល់ទាត់​អាមេរិក Inter Miami គឺ​លោក David Beckham កំពុង​ស្វែង​រក​លទ្ធភាព​ដែល​អាច​ចុះ​ហត្ថលេខា​នាំ​យក​ខ្សែប្រយុទ្ធ​ឆ្នើម Cristiano Ronaldo ពី Al-Nassr មក​កាន់​ក្លឹប​របស់​ខ្លួន​នៅ​ពេល​ឆាប់ៗ​ខាង​មុខ។ Beckham ចាប់​អារម្មណ៍​ក្នុង​បង្កើត​ប្រវត្តិសាស្ត្រ​ដ៏​អស្ចារ្យ​ដោយ​ការ​បង្រួបបង្រួម​ឲ្យ Cristiano Ronaldo ជួប​ជុំ​គ្នា និង​ក្លាយ​ជា​មិត្ត​រួម​ក្រុម​ជាមួយ​ខ្សែ​ប្រយុទ្ធ​អាហ្សង់ទីន Lionel Messi។ គួរ​កត់​សម្គាល់​ផង​ដែរ​ថា កាល​ពី​ឆ្នាំ 2022 នៅ​ពេល​ដែល Ronaldo លេង​ឲ្យ Manchester United ក្លឹប​របស់ Beckham ធ្លាប់​បាន​ទាក់ទង​ខ្សែប្រយុទ្ធ​សញ្ជាតិ​ព័រទុយហ្គាល់​រូប​នេះ​ម្ដង​រួច​មក​ហើយ។ ប្រសិន​បើ Cristiano Ronaldo ពិត​ជា​អាច​ចូលរួម​ជាមួយ​ក្លឹប Inter Miami មែន​នោះ ពិត​ជា​រឿង​ដ៏​អស្ចារ្យ​បំផុត​ក្នុង​ពិភពបាល់ទាត់ ព្រោះ​គាត់​អាច​លេង​ក្នុង​នាម​ជា​មិត្ត​រួម​ក្រុម​តែ​មួយ​ជាមួយ​នឹង Lionel Messi ដែល​ធ្លាប់​តែ​ជា​គូ​ប្រជែង​ដ៏​ក្ដៅ​គគុក​នឹង​គ្នា​កាល​ពី​ជាង 1 ទសវត្ស​មុន។

ការ​ឈ្នះពាន​ជើង​ឯក​លីគ La Liga នៅ​រដូវកាល​នេះ​របស់ Real Madrid គឺ​ជា​ពានរង្វាន់​ទី 12 ហើយ​សម្រាប់​គ្រូ​បង្វឹក​សញ្ជាតិ​អ៊ីតាលី​លោក Carlo Ancelotti ដែល​គាត់​បាន​ឈ្នះ ក្នុង​នាម​ជាគ្រូ​បង្វឹក​របស់​ក្លឹប​អេស្ប៉ាញ​មួយ​នេះ។ ចំនួន​ពាន​ដែល គ្រូ​បង្វឹក​វ័យ 64 ឆ្នាំ​រូប​នេះ​បាន​ឈ្នះ បាន​ធ្វើ​ឲ្យ​គាត់​វ៉ាដាច់​ចំនួន​ពាន​របស់​លោក Zinedine Zidane ដែល​ជា​អតីត​គ្រូ​បង្វឹក​របស់​ក្លឹប Real Madrid។ គួរ​ដឹង​ផង​ដែរ​ថា លោក Zinedine Zidane បាន​ឈ្នះពាន​សរុប​ចំនួន 11 ដង ក្នុង​នាម​ជា​គ្រូបង្វឹក​របស់​ក្លឹប Real Madrid។ អតីត​គ្រូ​បង្វឹក​សញ្ជាតិ​បារាំង​រូប​នេះ បាន​ដឹកនាំ​ក្លឹប​អធិរាជស ពី​ឆ្នាំ 2016 ដល់​ឆ្នាំ 2018 និង​ពី​ឆ្នាំ 2019 ដល់​ឆ្នាំ 2021។ សម្រាប់​លោក Carlo Ancelotti គាត់​ធ្លាប់​បាន​ធ្វើ​ជា​គ្រូ​បង្វឹក​របស់ Real Madrid កាល​ពី​មុន​ម្ដង​រួច​មក​ហើយ ពី​ឆ្នាំ 2013 ដល់ 2015 ហើយ​បន្ទាប់​មកគាត់​ក៏​ត្រឡប់​មក​ដឹកនាំ​ជា​ថ្មី​ម្ដង​ទៀត​​ពីឆ្នាំ 2021…

ក្លឹប​បិសាចក្រហម Manchester United កំពុង​តែ​រៀបចំ​ផែន​ការ​ផ្ទេរ​ខ្សែ​ប្រយុទ្ធ​ Joselu ​របស់​ក្លឹប Real Madrid នៅ​ក្នុង​អំឡុង​ទីផ្សារ​ដោះដូរ​កីឡាករ​នា​រដូវក្តៅ​នេះ។ ក្រុម​របស់​លោក Erik ten Hag ចង់​បាន​ខ្សែ​ប្រយុទ្ធ​ម្នាក់​ទៀត ដើម្បី​កាត់​បន្ថយ​បន្ទុក និង​បន្ថែម​ជម្រើស​ផ្សេង​ទៀត​ក្រៅ​ពី Rasmus Hojlund។ កាល​ពី​ពេល​ថ្មីៗ​នេះ គ្រូ​បង្វឹក​​របស់ Manchester United បាន​បង្ហើប​ឲ្យ​ដឹង​ថា កាល​ពី​រដូវក្តៅ​ឆ្នាំ​មុន ពួក​គេ​​ចង់​ចុះ​ហត្ថលេខា​លើ Harry Kane ប៉ុន្តែ​ខ្សែ​ប្រយុទ្ធ​សញ្ជាតិ​អង់គ្លេស​រូប​នេះ បាន​ជ្រើសរើស​ការ​ចូលរួម​ជាមួយ​ក្លឹប​យក្ស​អាឡឺម៉ង់ Bayern Munich ជំនួស​វិញ។ កាល​ពី​ម្សិល​មិញ​មាន​សេចក្តី​រាយការណ៍​មួយ​បាន​ឲ្យ​ដឹង​ថា ក្លឹប​បិសាចក្រហម Manchester United បាន​ត្រៀម​ខ្លួន​រួច​ជា​ស្រេច​ក្នុង​ការ​ខ្ចី​ជើង​កីឡាករ​វ័យ​ក្មេង Vitor Roque របស់ Barcelona។ ទោះ​បី​ជា​យ៉ាង​ណា​ក៏ដោយ យោងតាម​របាយការណ៍​មួយ​ផ្សេង​ទៀត​របស់ Relevo បាន​ឲ្យ​ដឹងថា ពួកគេ​​កំពុង​តាម​ឃ្លាំ​មើល​ខ្សែប្រយុទ្ធ​ម្នាក់​ទៀត​គឺ Joselu របស់​ក្លឹប Espanyol ដែល​កំពុង​ខ្ចី​ជើង​ជាមួយ Real Madrid។

នៅ​នាទី​ទី 15 នៃ​ការ​ប្រកួត​ជុំ​ទី 36 រវាង​តោខៀវ Chelsea និង West Ham ក្នុង​ក្របខ័ណ្ឌ Premier League (EPL) ដែល​បញ្ចប់​ទៅ​ដោយ​លទ្ធផល 5-0 ខ្សែ​ប្រយុទ្ធ​ស្លាប Cole Palmer បាន​ស៊ុត​បញ្ចូលទី ដែល​ជា​គ្រាប់​បាល់​ទី 21 របស់​គាត់​ក្នុង​រដូវកាល​នេះ​សម្រាប់​លីគ​កំពូល​របស់​អង់គ្លេស។ សមិទ្ធិផល​នេះ​ដែរ Cole Palmer បាន​ក្លាយ​ជា​កីឡាករ​វ័យ​ក្មេង​ទី 3 ក្នុង​ប្រវត្តិសាស្ត្រ Premier League ដែល​ស៊ុត​បញ្ចូលទី​បាន​ច្រើន​ជាង 20 គ្រាប់​ក្នុង​មួយ​រដូវកាល។ ពី​មុន​កំណត់ត្រា​នេះធ្លាប់​ធ្វើ​បាន​ដោយ​ខ្សែប្រយុទ្ធ​របស់​ហង្សក្រហម Liverpool គឺ​កីឡាករ Robbie Fowler ក្នុង​រដូវកាល 1994/1995 និង 1995/1996 និង​ខ្សែប្រយុទ្ធ Chris Sutton ក្នុង​រដូវកាល​ឆ្នាំ 1993/1994។ ខណៈ​ដែល​រដូវកាល​បច្ចុប្បន្ន​មិន​ទាន់​បិទ​បញ្ចប់​នៅ​ឡើយ កីឡាករ​វ័យ 21 ឆ្នាំ Cole Palmer ស៊ុត​បញ្ចូលទី​សរុប​សម្រាប់​តោខៀវ Chelsea បាន…

ក្លឹបបិសាចក្រហម Manchester United គ្រោងនឹងរួមបញ្ចូលអតីតប្រធានក្រុម Harry Maguire ជាថ្នូរក្នុងកិច្ចព្រមព្រៀមការផ្ទេរខ្សែការពារកណ្តាល Jarrad Branthwaite របស់ក្រុម Everton មុនពេលទីផ្សារដោះដូរមកដល់ នេះបើតាមការចុះផ្សាយរបស់សារព័ត៌មាន Daily Mail ។ គួរកត់សម្គាល់ថា Branthwaite អាយុ ២១ឆ្នាំ ប៉ុន្តែបានបង្ហាញទម្រង់លេងដ៏ល្អបំផុតម្នាក់សម្រាប់ក្រុម Everton ក្នុងអំឡុងពេលយុទ្ធនាការដ៏លំបាក ហើយទម្រង់លេងរបស់គាត់នៅកីឡដ្ឋាន Goodison Park បានទាក់ទាញចំណាប់អារម្មណ៍ពីសំណាក់ក្លឹបឈានមុខគេធំៗមួយចំនួននៅអឺរ៉ុបផងដែរ។ ស្របពេលជាមួយគ្នានេះ Everton បានទាមទារតម្លៃ​ខ្លួន Branthwaite ​ប្រមាណ ៧០លាន​ផោន ប្រសិន Man Utd ចង់បាន។ យ៉ាងណាមិញ Man Utd បានដាក់លក់ Maguire សម្រាប់ជាថ្នូរស្នើសុំដោះដូរបូករួមជាមួយសាច់ប្រាក់ ៥០លានផោន ប៉ុន្តែត្រូវរង់ចាំមើលថាតើសាមីខ្លួនចង់ចាកចេញពី Old Trafford ដែរឬយ៉ាងណា។ គួរបញ្ជាក់ផងដែរថា កិច្ចសន្យារបស់ Maguire ជាមួយ Man United នឹងត្រូវផុតកំណត់ក្នុងឆ្នាំ…