Blog

កាល​ពី​ដើម​សប្ដាហ៍​កន្លង​ទៅ Onana បាន​រង​របួស​ពេល​កំពុង​បំពេញ​បេសកកម្ម​លេង​ឲ្យ​ក្រុម​ជម្រើស​ជាតិ​កាម៉េរ៉ូន។ ក្នុង​ប្រកួត​រវាង​កាម៉េរ៉ូន និង​ Mauritius អ្នក​ចាំ​ទី​រូប​នេះ បាន​រង​របួស ក្នុង​ពេល​ជួយ​សង្គ្រោះ​បាល់។ នា​ពេល​នោះ កីឡាករ​ត្រូវ​បាន​ដូរ​ចេញ​ក្នុង​នាទី ៨១។ ក្រោយ​រង​របួស Onana បាន​ត្រលប់​មក​ក្លឹប Manchester United វិញ ដើម្បី​ពិនិត្យ​ស្ថានភាព​របួស។ ក្រោយ​ពិនិត្យ​រួច ជា​លទ្ធផល របួស​របស់ Onana មិន​ធ្ងន់​ធ្ងរ​ទេ ហើយ​អាច​បន្ត​ជួយ​បិសាច​ក្រហម​បាន ​ក្នុង​ការ​ប្រកួត​ប៉ះ​ Everton នា​ថ្ងៃ​អាទិត្យ​នេះ។ បច្ចុប្បន្ន Onana កំពុង​ហ្វឹកហាត់​ជាមួយ​កីឡាករ​បិសាច​ក្រហម​ផ្សេង​ទៀត ដើម្បី​ត្រៀម​លេង​ប្រកួត​ប៉ះ Everton ។ Onana មក​ចូល​រួម​ជាមួយ​ Manchester United កាល​ពី​ខែ​កក្កដា​កន្លង​ទៅ ពី​ក្លឹប​អ៊ីតាលី Inter Milan ក្នុង​តម្លៃ​ផ្ទេរ​ប្រមាណ​ជិត ៥០ លាន​ផោន។ កីឡាករ​វ័យ ២៧ ឆ្នាំ​ បច្ចុប្បន្ន​គឺ​ជា​អ្នក​ចាំ​ទី​ដៃ​ទី​មួយ​របស់​បិសាច​ក្រហម ហើយ​លេង​ ១៨ ប្រកួត​ហើយ​ឲ្យ​ក្លឹប​គិត​មក​ទល់​ពេល​នេះ៕

លោក​ Mourinho បាន​និយាយ​ថា​៖” នៅ​ថ្ងៃ​ណា​មួយ​ ខ្ញុំ​នឹង​ទៅ​ដឹកនាំ​ក្លឹប​នៅ​អារ៉ាប៊ីសាអ៊ូឌីត​ ។ វា​អាច​នឹង​កើត​ឡើង​ ប៉ុន្តែ​មិន​មែន​នៅ​ក្នុង​ពេល​ដ៏​ខ្លី​ខាង​មុខ​នេះ​ទេ​ “។ លោក​បន្ត​ថា​៖” ទាក់​ទង​នឹង​រឿង​ជំនួស​ Ancelotti នៅ​ឆ្នាំ​២០២៤​ខាង​មុខ​នេះ​? ខ្ញុំ​គិត​លោក​ Perez ជា​មនុស្ស​ឆ្លាត​ ណា​មួយ​លោក​មាន​កំពូល​អ្នកដឹកនាំ​ក្លឹប​ស្រាប់​ទៅ​ហើយ​ អញ្ចឹង​លោក​ទៅ​គិត​ផ្លាស់​ប្ដូរ​គ្រូ​បង្គោល​លោក​ធ្វើ​អី​។ ខ្ញុំ​មាន​តែ​សង្ឃឹម​ថា​ Ancelotti នឹង​នៅ​ទី​នោះ​ ព្រោះ​គេ​ជា​គ្រូ​ដ៏​ល្អ​របស់​ Real Madrid “។ លោក​ Mourinho មក​ដឹកនាំ​ Roma បាន​២ឆ្នាំ​ហើយ​ ដោយ​លោក​ធ្លាប់​មាន​បទពិសោធន៍​ដឹកនាំ​ក្លឹប​ធំៗ​ជា​ច្រើន​ដូច​ជា​ Real, Chelsea, Man Utd និង​ Spurs ជា​ដើម​៕

ខ្សែបម្រើ​ Bernardo Silva បាន​និយាយ​ទៅ​កាន់​សារព័ត៌មាន​កាល​ពី​ពេល​ថ្មីៗ​នេះ​ថា​ គេ​ក៏​ធ្លាប់​គិតគូរ​ផ្លាស់​ទៅ​លេង​នៅ​អារ៉ាប៊ីសាអ៊ូឌីត​ផង​ដែរ​ ក្រោយ​ក្លឹប​នៅ​ទី​នោះ​ចែចូវ​ចង់​បាន​គេ​កាល​ពី​ខែ​កក្កដា​កន្លង​ទៅ​នេះ​។ Silva បាន​និយាយ​ថា​៖” ខ្ញុំ​ច្បាស់​ជា​និយាយ​កុហក​អ្នកទាំង​អស់​គ្នា​ហើយ​ បើ​ខ្ញុំ​និយាយ​ថា​ខ្ញុំ​មិន​គិត​គូរ​រឿង​ផ្លាស់​ទៅ​កាន់​អារ៉ាប៊ីសាអ៊ូឌីត​ ក្រោយ​ពួក​គេ​ចែចូវ​ចង់​បាន​ “។ កីឡាករ​នេះ​បន្ត​ថា​៖” ប៉ុន្តែ​អ្វី​ដែល​ធ្វើ​ឲ្យ​ខ្ញុំ​បន្ត​នៅ​ទីនេះ​គឺ​ពេល​ការ​លេង​របស់​ Man City បាន​ប្រកួត​ទៅ​វគ្គ​ពាក់​កណ្ដាល​ផ្ដាច់​ព្រ័ត្រ​ ផ្លាស់​ទៅ​កាន់​វគ្គ​ផ្ដាច់​ព្រ័ត្រ​ក្នុង​ប្រកួត​ UCL ខ្ញុំ​មិន​ចង់​បោះបង់​ចោល​ការ​ខិត​ខំ​របស់​យើង​នៅ​ទី​នេះ​ “។ Man City បាន​ឈ្នះ​ពាន​ UEFA Champions Leaegue ជា​លើក​ដំបូង​នៅ​ក្នុង​រដូវកាល​ឆ្នាំ​២០២២/២៣​កន្លង​ទៅ​ននេះ​៕

ជៀសមិនរួច! PSG ប្រមូលលុយ 80 លានអឺរ៉ូដើម្បីធ្វើកិច្ចសន្យាខ្ចីជើង Goncalo Ramos ជាអចិន្ត្រៃយ៍ខណៈដែលខ្សែប្រយុទ្ធចុះហត្ថលេខាពី Benfica ក្លឹប Paris Saint-Germain បានបញ្ជាក់ថា ពួកគេបានធ្វើសកម្មភាពមួយដើម្បីចុះហត្ថលេខាលើ Goncalo Ramos លើមូលដ្ឋានអចិន្ត្រៃយ៍ពី Benfica ។ ដំបូងឡើយ PSG បានចុះហត្ថលេខាលើខ្សែប្រយុទ្ធរូបនេះក្នុងលក្ខខ័ណ្ឌខ្ចីជើងពី Benfica ក្នុងរដូវក្ដៅនេះ ជាមួយនឹងកិច្ចព្រមព្រៀងពាក់ព័ន្ធនឹងកាតព្វកិច្ចចុះហត្ថលេខាលើរូបគេក្នុងកិច្ចសន្យាអចិន្ត្រៃយ៍។ ម្ចាស់ជើងឯកបារាំងបានបញ្ជាក់ថាពួកគេបានធ្វើឱ្យសកម្មលក្ខខណ្ឌដោយយល់ព្រមចំណាយសក្តានុពល 80 លានអឺរ៉ូ (70 លានផោន / 87 លានដុល្លារ) រួមទាំងការបន្ថែមទៅឱ្យក្លឹបយក្សព័រទុយហ្គាល់ហើយបានចងគាត់ជាមួយកិច្ចសន្យារហូតដល់ឆ្នាំ 2028 ។ Ramos ត្រូវបានចុះហត្ថលេខាដោយ PSG បន្ទាប់ពីរដូវកាលដ៏អស្ចារ្យនៅ Benfica ដែលគាត់បានស៊ុតបញ្ចូលទីបាន 27 គ្រាប់ក្នុង 47 ប្រកួតនៅក្នុងការប្រកួតទាំងអស់។ ចាប់តាំងពីចូលរួមជាមួយក្រុម Ligue 1 មក គាត់បានស៊ុតបាល់បញ្ចូលទីបានតែ 2 គ្រាប់ប៉ុណ្ណោះក្នុង 15 ប្រកួត…

កីឡាករ​នេះ​ទើប​ជា​សះស្បើយ​ពី​របួស​សាច់ដុំ​ក្រោយ​ បាន​សម្រាក​ព្យាបាល​អស់​រយៈពេល​ ប្រមាណ​ ៩០ថ្ងៃ​។ Shaw ជា​កីឡាករ​សំខាន់​របស់​ លោក​ Erik Ten Hag អញ្ចឹង​ហើយ​នេះ​ជា​រឿង​ល្អ​សម្រាប់​ Man Utd ក្នុង​ការ​ប្រកួត​ខាង​មុខ​នេះ​។ នៅ​ខណៈ​នេះ​ Man Utd កំពុង​ឈរ​នៅ​លេខ​រៀង​ទី​៦ ក្នុង​ការ​ប្រកួត​ Premier League ដោយ​មាន​ ២១ពិន្ទុ​ នៅ​ពេល​ដែល​ Man City ជា​ក្លឹប​ឈាន​មុខ​ មាន​ ២៨ពិន្ទុ​៕ ខ្សែការពារអង់គ្លេសរូបនេះ បានបង្ហាញខ្លួនត្រឹមតែ 2 ប្រកួតក្នុង Premier League មុនពេលត្រូវបានអវត្តមាន – ជ័យជម្នះ 1-0 ទល់នឹង Wolves និងចាញ់ Tottenham 2-0 – ដោយបានបង្ហាញខ្លួន 47 ដងក្នុងការប្រកួតទាំងអស់ក្នុងឆ្នាំ 2022/23 ។ ការឈ្នះចំនួន 4 ដងក្នុងការប្រកួតលីកចំនួន 5 ចុងក្រោយរបស់ពួកគេបានជួយឱ្យក្រុម…

កីឡាករ Leroy Sane សញ្ជាតិអាល្លឺម៉ង់ដែលកំពុងលេងឱ្យក្រុម Bayern Munich បានចេញមកសូមទោសទៅកាន់អ្នកគាំទ្រក្រុមជម្រើសជាតិអាល្លឺម៉ង់ ចំពោះរឿងដែលរូបគេទទួលបានកាតក្រហមក្នុងជំនួបមិត្តភាពរវាងក្រុមជម្រើសជាតិអាល្លឺម៉ង់ទល់នឹងក្រុមជម្រើសជាតិអូទ្រីស។ អវត្តមានរបស់រូបគេបានកើតឡើងនៅនាទី ៤៩ និងធ្វើឱ្យក្រុមអូទ្រីសយកឈ្នះក្នុងលទ្ធផល ២-០។ គ្រាប់បាល់របស់ក្រុមអូទ្រីស គឺកើតចេញពីការរកគ្រាប់បាល់របស់អតីតកីឡាករក្រុមបិសាចក្រហម Manchester United គឺកីឡាករ Marcel Sabitzer នៅនាទី ២៩ ដោយគ្រាប់ទី ២ រកបានដោយកីឡាករ Christoph Baumgartner នៅនាទី ៧៣។ បរាជ័យនេះ គឺជាលើកទី ៦ ហើយសម្រាប់ក្រុមជម្រើសជាតិអាល្លឺម៉ង់ក្នុងឆ្នាំនេះ ស្របពេលដែលជាបរាជ័យលើកទី ២ ក្រោមការដឹកនាំរបស់អតីតគ្រូបង្វឹកក្រុម Bayern Munich លោក Julian Nagelsmann។ បន្ទាប់ពីការប្រកួត កីឡាករ Leroy Sane បានបង្ហោះក្នុង Twitter ថា៖ ជាពេលល្ងាចមួយដែលគួរតែបំភ្លេចក្នុងទីក្រុងវីយែន។ ខ្ញុំបានសូមអភ័យទោសទៅកាន់មិត្តរួមក្រុមក្នុងបន្ទប់ផ្លាស់សម្លៀកបំពាក់រួចហើយសម្រាប់កាយវិការមិនសមរម្យមួយនេះ។ រឿងនេះវាមិនគួរកើតឡើងឡើយ ជាពិសេសគឺក្នុងស្ថានភាពឥឡូវនេះ។ ខ្ញុំក៏សូមទោសជាខ្លាំងទៅកាន់អ្នកគាំទ្រផងដែរ។ ពួកយើងនៅមានកិច្ចការជាច្រើនទៀត ដើម្បីសម្រេចឱ្យបានជោគជ័យក្នុងឆ្នាំ២០២៤ ខាងមុខនេះ។…

អាហ្សង់ទីន​បញ្ចប់​កំណត់ត្រា​ដ៏​ពិសេស​មួយ​របស់​ប្រេស៊ីលក្នុង​វគ្គ​ជម្រុះ​ World Cup ដោយយកឈ្នះក្នុង​លទ្ធផល ១ ទល់​នឹង ០។ នេះ​គឺ​ជា​ការ​បិទ​បញ្ចប់​កំណត់​ត្រា​ដ៏​ពិសេស​មួយ​របស់​ប្រេស៊ីល។ ប្រេស៊ីល​មិន​ស្គាល់​ពាក្យ​ថា​ចាញ់​ទេ​ ក្នុង​ទឹក​ដី​ខ្លួន​នា​កម្មវិធី​វគ្គ​ជម្រុះ​ World Cup មុន​ចាញ់​អាហ្សង់ទីន​ថ្ងៃ​នេះ។ បើ​គិត​ជា​ការ​ប្រកួត មុន​ចាញ់​អាហ្សង់ទីន ប្រេស៊ីល​លេង​វគ្គ​ជម្រុះ World Cup ក្នុង​ដី​ចំនួន ៦៤ ប្រកួត ក្នុង​នោះ​ឈ្នះ ៥១ ប្រកួត និង​ស្មើ ១៣ លើក។ ប្រេស៊ីល បាន​ចាញ់​អាហ្សង់ទីន ក្នុង​លទ្ធផល​ ១ ទល់​នឹង ០ ដោយ​ខ្សែ​ការពារ​អាហ្សង់ទីន Nicolas Otamendi តែត​ចូល​ក្នុង​នាទី​ ៦៣។ លទ្ធផល​នេះ មាន​ន័យ​ថា​ប្រេស៊ីល​បាន​ស្គាល់​រសជាតិ​ចាញ់ ៣ ប្រកួត​ជាប់​គ្នា ដែល​ជា​កំណត់​ត្រា​មិន​ល្អ​សម្រាប់​ក្រុម​ជម្រើស​ជាតិ​មួយ​នេះ គិត​តាំង​ពី​ឆ្នាំ ២០០១ មក៕

កីឡាករ Son Heung-min បានស៊ុតបញ្ចូលទី 2គ្រាប់ ជួយកូរ៉េខាងត្បូងយកឈ្នះចិន 3-0 ដើម្បីរក្សាកំណត់ត្រាប្រកួតដ៏ល្អឥតខ្ចោះរបស់ពួកគេ ក្នុងព្រឹត្តិការណ៍ជម្រុះ World Cup 2026។ ប្រធានក្រុម Tottenham រូបនេះ បានស៊ុតបាល់ប៉េណាល់ទី បញ្ចូលទីបានយ៉ាងល្អនៅនាទីទី 11 មុនពេលស៊ុតគ្រាប់ទី 2 ប៉ុន្មាននាទីមុនពេលសម្រាកតង់ទីមួយ។ Son ក៏បានចូលរួមចំណែក ក្នុងការរកគ្រាប់បាល់ទីបីរបស់កូរ៉េខាងត្បូងផងដែរ ដោយបានបញ្ជូនបាល់ឱ្យមិត្តរួមក្រុម Jung Seung-hyun តែតបញ្ចូលទី នៅនាទី 87។ បន្ទាប់ពីយកឈ្នះសិង្ហបុរី 5-0 កាលពីថ្ងៃព្រហស្បតិ៍ ក្រុមជម្រើសជាតិកូរ៉េខាងត្បូង ឈរកំពូលតារាងពូល C ដោយមាន 6 ពិន្ទុ។ ការប្រកួតរវាងកូរ៉េខាងត្បូង និង ចិន មានទស្សនិកជនចូលទស្សនាប្រមាណ 40,000 នាក់។ ការបរាជ័យនេះបានធ្វើឱ្យចិនឈរនៅលេខ 3 ក្នុងពូល តាមពីក្រោយក្រុមថៃ ដែលបានយកឈ្នះសិង្ហបុរីក្នុងលទ្ធផល 3-1៕