Blog

លោក Jose Mourinho បានដឹកនាំការប្រកួតជាង ១០០០ដង នៅក្នុងអាជីពជាគ្រូបង្វឹករបស់គាត់មកទល់នឹងពេលបច្ចុប្បន្ន។ ថ្លែងទៅកាន់សារព័ត៌មានអេស្ប៉ាញ Marca លោក Jose បានសារភាពថា ការបរាជ័យជាមួយនឹងក្រុម Bayern Munich ក្នុងវគ្គពាក់កណ្តាលផ្តាច់ព្រ័ត្រនៃក្របខ័ណ្ឌ UEFA Champions League ក្នុងអំឡុងឆ្នាំ ២០១២ គឺជាការប្រកួតដែលធ្វើឱ្យគាត់បានស្រក់ទឹកភ្នែក សោកស្តាយ ហើយក៏ជាពេលវេលាដ៏សោកសៅបំផុតនៅក្នុងអាជីពរបស់គាត់ផងដែរ បន្ទាប់ពីតារាឆ្នើមព័រទុយហ្គាល់ Cristiano Ronaldo បានខកខានការទាត់បាល់ប៉េណាល់ទីដ៏កម្រ។ គួរជម្រាបផងដែរថា បុរសវ័យ ៦១ឆ្នាំ ដែលបច្ចុប្បន្នកំពុងសម្រាកពីការងាររបស់គាត់នៅ AS Roma ដោយមានភាពល្បីល្បាញ និងជោគជ័យដ៏គួរឱ្យចាប់អារម្មណ៍នៅក្លឹប Chelsea, Inter Milan និង Real Madrid ៕

ក្លឹប​ Real Madrid កំពុង​តាម​ដាន​ស្ថាន​ភាព​កុងត្រា​របស់​ខ្សែ​ការពារ​ស្លាប Trent Alexander-Arnold នៅ​ Liverpool។ នេះ​បើ​តាម​ការ​លើក​ឡើង​របស់ Frabrizio Romano។ កុងត្រា​បច្ចុប្បន្ន​របស់ Alexander-Arnold នៅ​ក្លឹប Liverpoolនឹង​ផុត​កំណត់​នៅ​ខែ​មិថុនា​ ឆ្នាំ ២០២៥។ គិត​មក​ទល់​ពេល​នេះ មាន​ពាក្យ​ចចាមអារ៉ាម​មួយ​ចំនួន​ថា ទាំង​ភាគី​កីឡាករ និង​ភាគី​ក្លឹប​កំពុង​ចរចា​គ្នា ប៉ុន្តែ​មិន​ទាន់​ទទួល​បាន​លទ្ធផល។យោង​តាម Romanoការណ៍​នេះ ធ្វើ​ឲ្យ​មាន​ការ​ចាប់​អារម្មណ៍​របស់​ក្លឹប​ធំៗ​មួយ​ចំនួន Real Madrid ដែល​ចង់​បាន Alexander-Arnold។ទោះ​ជា​យ៉ាង​ណា បើ​តាម​ប្រភព​ដដែល Liverpool មិន​ទាន់​ចង់​លក់ Alexander-Arnold នោះ​ទេ ដោយ​រូប​គេ​គឺ​ជា​កីឡាករ​សំខាន់​មួយ​របស់​ក្លឹប។ មិន​ទាន់​ការ​ចុះ​ផ្សាយ​ណា​មួយ​ហ៊ាន​អះអាង​ថា​កីឡាករ​វ័យ ២៥ ឆ្នាំ Alexander-Arnold យល់​យ៉ាង​ណា​ឡើយ​ចំពោះ​ការ​ត​កុងត្រា​ថ្មី​ជាមួយ​ហង្ស​ក្រហម ក៏​ដូច​ជា​​ចំណាប់​អារម្មណ៍​របស់ Real Madrid។ Trent Alexander-Arnold គឺ​ជា​កីឡាករ​ថ្នាល​យុវជន​របស់​ Liverpool។ ខ្សែ​ការពារ​ស្លាប​រូប​នេះ​បាន​ចាប់​ផ្ដើម​លេង​ឈុត​ធំ​ឲ្យ​ក្លឹប​ពី​ឆ្នាំ ២០១៦ មក។ គិត​មក​ទល់​ពេល​នេះ កីឡាករ​លេង​សរុប ៣០២ ប្រកួត​និង​ស៊ុត​ចូល ១៨ គ្រាប់៕

ក្រុមកាំភ្លើងធំ Arsenal និងក្រុមមាន់ខ្នាយមាស Tottenham Hotspur បានត្រៀមខ្លួនដាក់សំណើដេញថ្លៃប្រមាណ ១០០លានអឺរ៉ូ ទៅលើខ្សែបម្រើប្រយុទ្ធស្លាប Raphinha វិញជំនួសឲ្យការចង់បានកីឡាករវ័យ ១៦ឆ្នាំ Lamine Yamal ដែលរូបគេត្រូវបានក្លឹប PSG ដាក់សំណើរ ២០០លានអឺរ៉ូ កាលពីសប្តាហ៍មុន ប៉ុន្តែត្រូវបានក្លឹប Barcelona ច្រានចោលសំណើរដ៏ធំសម្បើមនេះ។ គួរកត់សម្គាល់ថា កីឡាករសញ្ជាតិប្រេស៊ីល Raphinha រកបាន ១៥គ្រាប់ និង Assists ឲ្យមិត្តរួមក្រុមបាន ២២ដង ក្នុងការបង្ហាញខ្លួន ៧៨លើក ចាប់តាំងពីចូលរួមជាមួយក្រុម Barcelona ពីក្រុម Leeds United ក្នុងឆ្នាំ ២០២២។ ថ្មីៗនេះ Raphinha បាន Assists ២គ្រាប់ ក្នុងជំនួបជ័យជម្នះនៅ UCL លើក្រុម Napoli ៣:១ ផងដែរ។ គួរជម្រាបដែរថា Raphinha មានកិច្ចសន្យាកុងត្រាជាមួយ Barcelona ដល់ឆ្នាំ ២០២៧ ខណៈរូបគេក៏មានចិត្តស្ទាក់ស្ទើរក្នុងការចាកចេញពីទឹកដីអេស៉្បាញផងដែរ។…

ក្រុមកាំភ្លើងធំ Arsenal បានត្រៀមខ្លួនរួចជាស្រេចក្នុងការនាំយកខ្សែការពារស្លាបសញ្ជាតិព័រទុយហ្កាល់ Joao Cancelo របស់ក្រុមមេឃខៀវ Manchester City នៅរដូវក្តៅខាងមុខ នេះប្រសិនបើក្លឹបកាតាឡាន់ Barcelona មិនអាចមានលទ្ធភាពក្នុងការចុះហត្ថលេខាលើ Cancelo ពេញលេញលើកិច្ចព្រមព្រៀងជាអចិន្ត្រៃយ៍។ រំលឹកផងដែរថា Cancelo ចំណាយពេលពាក់កណ្តាលទីពីរនៃរដូវកាលមុនក្នុងលក្ខខ័ណ្ឌខ្ចីជើងនៅក្លឹប Bayern Munich បន្ទាប់មកបានចូលរួមជាមួយក្រុម Barcelona ក្នុងកិច្ចសន្យាបណ្តោះអាសន្នដូចគ្នាសម្រាប់រដូវកាល ២០២៣-២៤ ចាប់តាំងពីពេលនោះមក Cancelo បានក្លាយខ្លួនជាកីឡាករសំខាន់មួយរូបក្រោមការដឹកនាំរបស់គ្រូបង្វឹកលោក Xavi ផងដែរ។ ទោះជាយ៉ាងណា តាមប្រភពគេហទំព័រ THE SUN បានឲ្យដឹងថា Barcelona មានការស្ទាក់ស្ទើរក្នុងតម្លៃ ៤០លានផោន ដែល Man City ទាមទារ ខណៈក្លឹប Barcelona កំពុងជួបនូវបញ្ហាហិរញ្ញវត្ថុ ហើយបន្ថែមពីនេះ ក្លឹបយក្សកាតាឡានមានលទ្ធភាពត្រឹមបង់ថ្លៃខ្ចីជើងតែប៉ុណ្ណោះ៕

គ្រូបង្វឹកក្រុមបិសាចក្រហម Manchester United លោក Erik ten Hag បានពន្យល់ពីសារៈសំខាន់នៃខ្សែបម្រើការពារកណ្តាល Casemiro ក្នុងការបណ្តុះបណ្តាល និងជម្រុញទេពកោសល្យ Kobbie Mainoo ឲ្យរីកលូតលាស់វិវត្តន៍ខ្លួនបានយ៉ាងឆាប់រហ័ស គួរឲ្យកត់សម្គាល់ដូច្នេះ។ ជាមួយគ្នានេះផងដែរ Mainoo បានទទួលការចាប់អារម្មណ៍យ៉ាងខ្លាំងជាមួយនឹងការបង្ហាញខ្លួនដ៏ល្អឥតខ្ចោះរបស់គេ ខណៈអ្នកចាត់ការលោក Ten Hag បាននិយាយថា Casemiro កំពុងមានឥទ្ធិពលយ៉ាងខ្លាំងទៅលើកីឡាករវ័យ ១៨ឆ្នាំម្នាក់នេះ។ ស្របពេលជាមួយគ្នានេះ របាយការណ៍បានអះអាងថា ម្ចាស់ជើងឯកអង់គ្លេស ២០សម័យ [Man Utd] បច្ចុប្បន្នកំពុងបើកការពិភាក្សាជាមួយភ្នាក់ងាររបស់ Mainoo អំពីលទ្ធភាពនៃកិច្ចព្រមព្រៀងថ្មីរយៈពេលវែងផងដែរ៕

យុវវ័យជំនាន់ថ្មីរបស់ក្រុមជម្រើសជាតិប្រេស៊ីល Endrick មានឱកាសរកបានគ្រាប់បាល់ផ្តួលក្រុមជម្រើសជាតិអង់គ្លេសដែលជាម្ចាស់ផ្ទះសម្រាប់ការប្រកួតមិត្តភាពនៅទឹកដីកីឡដ្ឋាន Wembleyវេលាម៉ោង២ទាបភ្លឺឈានចូលថ្ងៃអាទិត្យនេះ។ គួរកត់សម្គាល់ថាការប្រកួតរវាងក្រុមទំាងសងខាងមិនមានកំពូលស៊ូភើស្តាដូចជា Harry Kane និង Neymar ព្រមទំាងតារាឆ្នើមមួយចំនួនទៀតដោយាសារពួកគេមានបញ្ហារបួស ខណៈការប្រកួតមើលទៅហាក់បីដូចរំពឺងទុកថាស្មើគ្នា។ ប៉ុន្តែទីបំផុតខ្សែប្រយុទ្ធស្លាបក្រុម Real Madrid កីឡាករ Vinicius Jr បានវាយបំបែកពងមាន់យ៉ាងស្អាតដោយស៊ុតសំដៅអ្នកចាំទី Everton កីឡាករ Jordan Pickford ប៉ុន្តែបាល់បានផ្លាត ហើយត្រូវកីឡាករបម្រុងEndrick(ឈ្មោះពេញ Moreira de Sousa វ័យ ១៧ ឆ្នាំ ដែលត្រៀមចូលរួមជាមួយ Real Madrid នៅខែមិថុនា រូបនេះ ន្ថែមគ្រាប់បាល់ចូលទីបានសម្រេចនៅនាទីទី៨០។ ប្រធានក្រុម Kyle Walker ដែលបានដើរតួនាទីជំនួស Harry Kane បានជួបបញ្ហារបួសសរសៃពួរនៅដើមតង់ទី១ ទោះយ៉ាងណា អ្នកចាត់ការទូទៅរបស់ក្រុមជម្រើសជាតិអង់គ្លេសលោក Gareth Southgate បានផ្តល់ឱកាសឱ្យកីឡាករ Anthony Gordon របស់ Newcastle United ចូលលេងនៅដើមដំបូង ខណៈខ្សែការពារ…

ក្លិបបិសាចក្រហម Manchester United ត្រូវបានគេរាយការណ៍មកថា កំពុងរៀបចំផ្តល់ជូនកិច្ចសន្យាថ្មីបន្ថែមទៀត សម្រាប់ Scott McTominay បន្ទាប់ពីបានមើលឃើញថាខ្សែបម្រើរូបនេះ កំពុងក្លាយជាផ្នែកដ៏សំខាន់សម្រាប់ក្រុម នៅរដូវកាលនេះ។ រំលឹកផងដែរថា កីឡាករសញ្ជាតិស្កុតឡេនរូបនេះ ត្រូវបានភ្ជាប់ទំនាក់ទំនងខ្លាំង ជាមួយនឹងការចាកចេញពីក្លិបបិសាចក្រហមកាលពីរដូវក្តៅមុន ដោយក្រុម West Ham United ត្រូវបានគេជឿជាក់ថាបានបង្ហាញការចាប់អារម្មណ៍ខ្លាំង ក្នុងការចុះហត្ថលេខាលើរូបគេ។ ប៉ុន្តែទោះជាយ៉ាងណាក៏ដោយ McTominay​ បានសម្រេចចិត្តបន្តស្នាក់នៅក្លិប និងបានក្លាយជាផ្នែកដ៏សំខាន់មួយសម្រាប់ក្រុមរបស់លោក Erik ten Hag នៅរដូវកាលនេះ ដោយបង្ហាញខ្លួន ៣៤ លើក រកបាន ៩ គ្រាប់ និងបញ្ជូនបាល់ឱ្យមិត្តរួមក្រុមចំនួន ៣ លើកបន្ថែមទៀត។ ហើយឥឡូវនេះ យោងតាមសារព័ត៌មាន Daily Star បានឲ្យដឹងថា Man United ហាក់បានធ្វើការសម្រេចចិត្តរួចរាល់ហើយលើអនាគតរបស់ខ្សែបម្រើរូបនេះ ដោយកំពុងរៀបចំផ្តល់ជូនរូបគេនូវកិច្ចសន្យាថ្មីបន្ថែមទៀត នៅទឹកដី Old Trafford ។ ប្រភពដដែលនេះ បានអះអាងទៀតថា ម្ចាស់ក្លិបថ្មី លោក…

កាលពីពេលថ្មីកន្លងទៅនេះ ប្រធានក្លិប លោក Joan Laporta បានទទួលស្គាល់នៅក្នុងបទសម្ភាសមួយថាក្លិប Barcelona បានច្រានចោលការផ្តល់ជូនដ៏ធំមួយសម្រាប់ Lamine Yamal ចំពេលកីឡាករនៅក្នុងក្រុមម្នាក់ទៀត ក៏បានធ្វើការបដិសេធសំណើធំស្រដៀងគ្នានេះផងដែរ។ ជាក់ស្តែង បើតាមការចុះផ្សាយពី Mundo Deportivo បានរាយការណ៍មកថា ខ្សែប្រយុទ្ធ Robert Lewandowski ត្រូវបានក្លិបនៅប្រទេសអារ៉ាប៊ីសាអូឌីត ហ៊ានផ្តល់ជូនសំណើដល់ទៅ ១០០លាន​អឺរ៉ូ​ក្នុង​មួយ​ឆ្នាំ ឯណោះសម្រាប់រូបគេ។ ប៉ុន្តែទោះជាយ៉ាង​ណា​ក៏​ដោយ ខ្សែ​ប្រយុទ្ធ​រូប​សញ្ជាតិប៉ូឡូញរូបនេះ ​មិន​ស្ទាក់​ស្ទើរ​ក្នុង​ការ​បដិសេធ​សំណើ​របស់​ពួក​គេនោះឡើយ។ គួរឲ្យដឹងទៀតផងដែរថា Lewandowski ដែលមានកុងត្រាបច្ចុប្បន្នរហូតដល់ឆ្នាំ២០២៥នោះ ហាក់នៅមានភាពសុខស្រួល ក្នុងការបន្តស្នាក់នៅក្លិប Barcelonaដោយគេមិនចង់ទទួលសំណើណាមួយពីប្រទេសរ៉ាប៊ីសាអូឌីតទេ ព្រោះគេគិតថា នៅតែអាចរក្សាកម្រិតលេងរបស់ខ្លួន ក្នុងក្របខ័ណ្ឌ La Liga បន្តទៀតបាន។ ដោយឡែក បើយោងតាមការចុះផ្សាយពី ‘Sport’ ឯណោះវិញ បានបង្ហាញថាក្រុមអារ៉ាប៊ីសាអូឌីត ក៏ចង់ចំណាយប្រាក់ដល់ Barca ប្រហែល ១០០លានអឺរ៉ូ ផងដែរសម្រាប់ការផ្ទេរយក Raphinha ខណ:ពេលដែលប្រេស៊ីលខ្លួនឯងផ្ទាល់ ក៏កំពុងពិចារណាទទួលយកការផ្តល់ជូននេះផងដែរ៕

ទីភ្នាក់ងាររបស់ខ្សែប្រយុទ្ធចំណូលថ្មី កីឡាករ Vitor Roque លោក Andre Cury កាលពីពេលថ្មីៗនេះ បានជំរុញឲ្យក្លិប Barcelona ធ្វើការចុះហត្ថលេខាលើខ្សែប្រយុទ្ធសញ្ជាតិប្រេស៊ីល កីឡាករ Estevao Willian ដែលត្រូវបានគេដាក់រហស្សនាមថាជា ‘Messinho’ ។ ជាក់ស្តែង លោក Cury បាននិយាយថា Barca គួរតែពិចារណាលើការចុះហត្ថលេខាលើកីឡាករវ័យ 16ឆ្នាំរូបនេះ ដោយសារតែគេអាចនឹងមកចាប់ដៃគូលេងបានយ៉ាងល្អជាមួយ Roque ក្នុងតំបន់ប្រយុទ្ធនៅទឹកដី Camp Nou ស្របពេលទីភ្នាក់ងាររូបនេះ ក៏បានដាក់ឈ្មោះ Willian ថាជា Neymar ទីពីរផងដែរ។ លើសពីនេះ លោកបាននិយាយទៀតថា ៖ “តាមគំនិតរបស់ខ្ញុំ Barcelona គួរតែពិចារណាលើការចុះហត្ថលេខាលើ Messinho ព្រោះគាត់នឹងផ្តល់ភាពរីករាយដល់ Barca ជាមួយ Vitor Roque ។ ខ្ញុំអាចដាក់ក្តីសង្ឃឹមជាច្រើនទៅលើ Messinho ព្រោះថាគាត់គឺជា Neymar ទីពីរ” ។ ជម្រាបជូនផងដែរថា Willian ដែលត្រូវបានគេស្គាល់ថា Messinho បច្ចុប្បន្នកំពុងលេងឱ្យក្រុមប្រេស៊ីល Palmeiras ដោយរូបគេបានបង្ហាញខ្លួន ៥លើករួចមកហើយផងដែរ៕

កាលពីពេលថ្មីៗនេះ ខ្សែបម្រើ Aurelien Tchouameni របស់ក្លិប Real Madrid បានបង្ហើបឲ្យដឹងថាមិត្តរួមជាតិបារាំងរបស់គេ គឺកីឡាករ Kylian Mbappe នឹងផ្ទេរមកចូលរួមជាមួយក្លិបយក្សអេស្ប៉ាញ នៅរដូវក្តៅខាងមុខនេះ។ ជាក់ស្តែង Mbappe នឹងត្រូវក្លាយជាកីឡាករដែលគ្មានតម្លៃខ្លួន នៅពេលដែលកិច្ចសន្យារបស់គេជាមួយក្លិបបារាំង Paris Saint-Germain នឹងត្រូវផុតកំណត់ នៅចុងបញ្ចប់រដូវកាលបច្ចុប្បន្ននេះ។ ជុំវិញស្ថានភាពនេះហើយ ទើបធ្វើឲ្យ Mbappe ត្រូវបានភ្ជាប់ទំនាក់ទំនងជាមួយនឹងការផ្ទេរទៅកាន់ក្លិបជាច្រើន ជាពិសេស Real Madrid ដែលត្រូវបានគេចាត់ទុកថាជាគោលដៅដ៏ធំបំផុតមួយ ។ ហើយឥឡូវនេះ Tchouameni ហាក់បានធ្វើការបញ្ជាក់បន្ថែម ចំពោះរំពឹងទុកជុំវិញអនាគតរបស់ Mbappe ដោយបានបង្ហើបថាមិត្តរួមក្រុមបារាំងរបស់គេ នឹងផ្ទេរមកចូលរួមជាមួយខ្លួន នៅទឹកដី Santiago Bernabeu សម្រាប់រដូវកាលក្រោយនេះជាមិនខាន។ លើសពីនេះ នៅក្នុងបទសម្ភាសជាមួយ Telefoot ខ្សែបម្រើរូបនេះ បាននិយាយថា ៖“ជនជាតិអេស្ប៉ាញបានស្គាល់ពីពី Kylian ហើយ ប៉ុន្តែនៅពេលដែលពួកគេបានមើលឃើញគាត់លេងជារៀងរាល់ថ្ងៃទៀតនោះ ពួកគេនឹងកាន់តែដឹងច្បាស់ពីភាពអស្ចារ្យរបស់គាត់ជាក់ជាមិនខាន” ៕