Blog

អនាគតរបស់ Marcus Rashford នៅក្លឹបបិសាចក្រហម Manchester United នៅតែស្ថិតក្នុងភាពមិនច្បាស់លាស់ ខណៈសមីខ្លួនបានចេញមកបង្ហើបអំពីផែនការចង់សាកបទពិសោធន៍ថ្មី។ របាយការណ៍ដ៏គួរឲ្យភ្ញាក់ផ្អើលចុះផ្សាយថា ក្លឹបនៅប្រទេសអុីតាលី ដែលកំពុងប្រកួតប្រជែងនៅតំបន់ត្រូវគេកាត់ចោលគឺ Como ដែលដឹកនាំដោយលោក Cesc Fabregas បានបើកការចា​ប់អារម្មណ៍លើកីឡាករជម្រើសជាតិអង់គ្លេស។ Raphael Varane ដែលជាអតីតមិត្តរួមក្រុមរបស់ Marcus ក៏បានផ្ទេរទៅកាន់ក្លឹប Como កាលពីដើមរដូវកាលផងដែរ ប៉ុន្តែបច្ចុប្បន្នរូបគេបានសម្រេចចិត្តចូលនិវត្តន៍ ដោយសារតែបញ្ហារបួស។ បច្ចុប្បន្ន Varane នៅតែជាផ្នែកមួយរបស់ក្រុម Como ក្នុងនាមជាឯកអគ្គរដ្ឋទូតដែលនេះអាចជាការជម្រុញដ៏មានសក្តានុពលក្នុងការបញ្ចុះបញ្ចូល Rashford ឲ្យផ្ទេរទៅកាន់អុីតាលី៕

ក្លឹបបិសាចក្រហម Manchester United និង Liverpool បានចូលរួមប្រជែងជាមួយនឹងក្លឹប PSG ក្នុងការប្រជែងយកខ្សែប្រយុទ្ធ Napoli គឺកីឡាករ Khvicha Kvaratskhelia ។ បច្ច្បន្នក្រុម PSG បាននាំមុខគេលើកិច្ចព្រមព្រៀងមួយនេះ ហើយបានផ្តល់ប្រាក់ឈ្នួលខ្ពស់ជាងក្លឹបដទៃទៀត។ ប៉ុន្តែទោះបីជាយ៉ាងណាក្លឹប Manchester United មានផែនការចង់ធ្វើកិច្ចព្រមព្រៀងដោះដូរគ្នាជាមួយនឹង Rashford ខណៈក្លឹប liverpool ត្រៀមលក់កីឡាករមួយចំនួនដើម្បីអាចរកប្រាក់ចំណូលចំនួន ៨០លានអឺរ៉ូ ។ កុងត្រាបច្ចុប្បន្នរបស់ Khvicha នៅសល់ដល់ឆ្នាំ ២០២៧ ប៉ុន្តែការចរចារកុងត្រាថ្មីហាក់បីមានភាពជាប់គាំងទៅហើយ៕

ក្លឹបអធិរាជស Real Madrid បានយកឈ្នះលើក្រុម Mallorca ដោយលទ្ធផល ៣-០ ក្នុងវគ្គពាក់កណ្តាលផ្តាច់ព្រ័ត្រពានរង្វាន់ Supercopa ដើម្បីឡើងទៅប៉ះក្រុមយក្ស Barcelona នៅវគ្គផ្តាច់ព្រ័ត្រ។ Jude Bellingham អាចរកគ្រាប់បាល់នាំមុខមុន ដោយក្រោយមកកីឡាករ Martin Valjent បានភ្លាត់ទាត់បាល់ចូលទីខ្លួនឯង មុននឹងគ្រាប់ទីកើតឡើងដោយកីឡាករ Rodrygo ។ ទម្រង់លេងដ៏អស្ចារ្យរបស់ Jude Bellingham និងប្រព័ន្ធការពារដ៏រឹងមាំបានជួយឲ្យក្រុម Real Madrid យកឈ្នះការប្រកួតនេះយ៉ាងងាយស្រួល ខណៈពួកគេត្រូវប៉ះក្រុម Barcelona នៅវគ្គផ្តាច់ព្រ័ត្រ ៕

ក្លឹបបិសាចក្រហម Manchester United អាចនឹងមានការស្ទាក់ស្ទើរក្នុងការលក់ខ្សែបម្រើ និងខ្សែប្រយុទ្ធវ័យក្មេងរបស់ខ្លួនគឺ Kobbie Mainoo និង Alejandro Garnacho ដើម្បីដោះស្រាយបញ្ហាហិរញ្ញវត្ថុ និង ការអនុលោមតាមបទប្បញ្ញត្តិហិរញ្ញវត្ថុ។ កីឡាករទាំង២រូបនេះកំពុងមានតម្លៃខ្ពស់ខ្លាំង ខណៈក្លឹបហាក់មិនចង់លក់កីឡាករ២រូបនេះឡើយ ប៉ុន្តែក្លឹបត្រូវតែស្វែងរកចំណូលដើម្បីជៀសវាងបញ្ហាហិរញ្ញវត្ថុ។ ទន្ទឹមនឹងគ្នានេះ Mainoo និង Garnacho ទំនងជាត្រូវបានក្លឹបលក់ចេញ ខណៈកុងត្រារបស់ពួកគេសុទ្ធតែនៅសល់រយៈវែង ដូច្នេះក្លឹបអាចនឹងលក់នៅក្នុងតម្លៃណាមួយ។ ជាមួយគ្នានេះក្លឹបក៏កំពុងធ្វើលើអនាគតរបស់កីឡាករដូចជា Marcus Rashford និង Casemrio ផងដែរ៕

ខ្សែរបម្រើ Lucas Bergvall ក្លាយជាវីរបុរសរបស់ក្លឹប Tottenham Hotspur ដោយរកបាន១គ្រាប់យកឈ្នះលើក្រុម Liverpool ។ មួយគ្រាប់របស់គេបានជួយឲ្យក្រុម Tottenham ក្នុងវគ្គទី១នៃពានរង្វាន់ EFL CUP វគ្គពាក់កណ្តាលផ្តាច់ព្រ័ត្រ។ ការប្រកួតនេះគឺជាការប្រកួតដ៏ក្តៅកកុក ប៉ុន្តែមួយគ្រាប់របស់ Bergvall ចុងម៉ោងបានធ្វើឲ្យក្រុម Tottenham យកឈ្នះការប្រកួតមួយនេះ។ យ៉ាងណាមិញ Liverpool នៅតែមានឪកាសអាចវាយបកវិញនៅការប្រកួតជើងទី២ ៕

ក្លឹបតោខៀវ Chelsea ត្រូវបានគេរាយការណ៍ថា បាននាំមុខក្នុងការចុះកុងត្រាលើខ្សែបម្រើវ័យក្មេងរបស់ក្លឹបបិសាចក្រហម Manchester United គឺកីឡាករ Kobbie Mainoo ខណៈការចរចារកុងត្រាថ្មីរបស់គេនៅទឹកដី Old Trafford កំពុងជាប់គាំង។ ខ្សែបម្រើរូបនេះបានផ្សារភ្ជាប់ជាមួយនឹងក្លឹបធំៗ ជាច្រើន ខណៈគឺជាក្រុមដែលមានផែនការវែងឆ្ងាយក្នុងអភិវឌ្ឃន៍ក្រុមជាមួយនឹងកីឡាករដែលវ័យក្មេងៗ ។ ទោះបីជាយ៉ាងណាមិញបច្ចុប្បន្ននៅមិនទាន់ការចរចារផ្លូវការណ៍ណាមួយបានរៀបចំនៅឡើយ ខណៈរបាយការណ៍មួយចំនួនបានចុះផ្សាយថា ក្លឹប Manchester United បានដាក់តម្លៃខ្លួនកីឡាករវ័យក្មេងរូបនេះរហូលដល់ទៅ ៧០លានផោន ឯណោះ៕

អ្នកកាសែតអ៊ីតាលីលោក Fabrizio Romano បានឱ្យដឹងថា ក្លិបយក្សរបស់ អ៊ីតាលី AC Milan នឹងចាប់ផ្តើមបើកការចរចា ដើម្បីផ្ទេរយកខ្សែប្រយុទ្ធរបស់ Manchester United កីឡាករ Marcus Rashford នៅថ្ងៃនេះ ខណៈបងប្រុសរបស់ខ្សែប្រយុទ្ធវ័យ ២៧ ឆ្នាំរូបនេះផ្ទាល់កំពុងតែមានវត្តមាននៅទឹកដីប្រទេស អ៊ីតាលី។ Rashford បច្ចុប្បន្នកំពុងតែមានភាពល្អក់កករជាមួយអ្នកចាត់ការថ្មីលោក Ruben Amorim ហើយខ្សែប្រយុទ្ធសញ្ជាតិ អង់គ្លេស រូបនេះត្រូវបានគេរំពឹងថា នឹងអាចចាកចេញពីទឹកដី Old Trafford នៅខែ មករានេះ បន្ទាប់ពីរូបគេត្រូវបានលោក Amorim ដកឈ្មោះចេញពីក្រុម មិនឱ្យចូលរួមប្រកួតជាមួយ Man UTD ៦ ប្រកួតមកហើយ ពោលគឺតាំងពីប្រកួតជាមួយ Man City កាលពីថ្ងៃ ទី ១៥ ខែ ធ្នូ ឆ្នាំ ២០២៤ មកម្ល៉េះ។​ គួរបញ្ជាក់ថា Rashford គឺនៅសល់កិច្ចសន្យាជាមួយ Man…

ខ្សែប្រយុទ្ធក្លិប Manchester United កីឡាករ Joshua Zirkzee ត្រូវបានគេរាយការណ៍ថា កំពុងតែត្រូវបានក្លិប Juventus ចង់បានខ្លាំងមែនទែននៅក្នុងទីផ្សារដោះដូរកីឡាករខែមករានេះ។ Zirkzee ត្រូវបាន Man UTD ចុះហត្ថលេខាទិញយកបានកាលពីដើមរដូវកាលនេះពី Bologna ក្នុងតម្លៃខ្លួន ៤០លានអឺរ៉ូ ប៉ុន្តែ ក្នុងការមកដល់ទឹកដីអង់គ្លេស រូបគេហាក់ពុំសូវបង្ហាញគុណផលលេងបានល្អទាល់តែសោះ ពោល ទើបតែរកបាន ៤គ្រាប់ប៉ុណ្ណោះ។ ក្នុងនោះទាក់ទងនឹងរឿងខាងលើ បើយោងទៅតាមការចុះផ្សាយរបស់លោក Fabrizio Romano បានឲ្យដឹងថា បច្ចុប្បន្ននេះ Juventus កំពុងតែពន្លឿនការចង់បាន Zirkzee មែនទែននៅក្នុងខែមករានេះ ពោល ពួកគេបានទាក់ទងជាមួយកីឡាករផ្ទាល់រួចរាល់ ប៉ុន្តែ Man UTD នឹងមិនយល់ព្រមដាច់ខាតជាមួយលក្ខខណ្ឌខ្ចីជើង៕