Author: admin

ខាង​ក្រោម​នេះ​ជា​ក្លឹប​ទាំង​១០​ ដែល​អាច​រក​គ្រាប់​បាល់​បាន​ច្រើន​បំផុត​ ក្នុង​ប្រកួត​ UEFA Champions League ក្នុង​រដូវកាល​ឆ្នាំ​២០២៣/២៤ គិត​មក​ត្រឹម​ពេល​នេះ​៖ ១. ក្លឹប​ Arsenal៖ រក​បាន​គ្រាប់​បាល់​សរុប​ ១៥​គ្រាប់​។ ២. ក្លឹប​ Manchester City៖ រក​បាន​គ្រាប់​បាល់​សរុប​ ១៥​គ្រាប់​។ ៣. ក្លឹប​ Atletico Madrid៖ រក​បាន​គ្រាប់​បាល់​សរុប​ ១៥​គ្រាប់​។ ៤. ក្លឹប​ Real Madrid៖ រក​បាន​គ្រាប់​បាល់​សរុប​ ១៣​គ្រាប់​។ ៥. ក្លឹប​ Manchester United៖ រក​បាន​គ្រាប់​បាល់​សរុប​ ១២​គ្រាប់​។ ៦. ក្លឹប​ Bayern Munnich៖ រក​បាន​គ្រាប់​បាល់​សរុប​ ១១​គ្រាប់​។ ៧. ក្លឹប​ Leipzig៖ រក​បាន​គ្រាប់​បាល់​សរុប​ ១១​គ្រាប់​។ ៨. ក្លឹប​ Barcelona៖ រក​បាន​គ្រាប់​បាល់​សរុប​ ១០​គ្រាប់​។ ៩. ក្លឹប​ Porto៖ រក​បាន​គ្រាប់​បាល់​សរុប​ ១០​គ្រាប់​។ ១០. ក្លឹប​ Galatasaray៖ រក​បាន​គ្រាប់​បាល់​សរុប​ ១០​គ្រាប់​៕

Newcastle បានទទួលជ័យជម្នះ 1-0 ដ៏កក្រើកនៅទីក្រុងប៉ារីស បន្ទាប់ពីគ្រាប់បាល់របស់ Aleksander Isak នៅតង់ទីមួយ។ PSG កំពុងប្រឈមមុខនឹងការបរាជ័យជាលើកទីពីរក្នុងរយៈពេលជាច្រើនខែក្រោមស្នាដៃក្រុម Newcastle រហូតដល់នាទីទី 8 នៃម៉ោងបន្ថែម ការបញ្ជូនបាល់របស់ Ousmane Dembele បានប៉ះរាងកាយរបស់ខ្សែការពារ Tino Livramento ហើយបន្ទាប់មកបាល់បានលោតទៅដៃរបស់គាត់។ អាជ្ញាកណ្តាល Szymon Marciniak គាត់មិនបានពិន័យទេ ប៉ុន្តែត្រូវបានប្រាប់ឱ្យពិនិត្យឡើងវិញនូវការសម្រេចចិត្តដោយ VAR និងបានផ្តល់បាល់ពិន័យ11ម៉ែត្រទៅលើក្រុម New Castle។ Kylian Mbappe បានស៊ុតបាល់ប៉េណាល់ទី និងទទួលបានលទ្ធផលស្មើ 1-1 ដែលរក្សាជោគវាសនារបស់ PSG នៅក្នុងក្របខណ្ឌ UEFA Champion League។

Borussia Dortmund បានឡើងដល់វគ្គ 16 ក្រុមចុងក្រោយនៃក្របខ័ណ្ឌ Champions League ជាមួយនឹងជ័យជម្នះលើក្រុម AC Milan នៅកីឡដ្ឋាន San Siro ។ Marco Reus របស់ Dortmund បានស៊ុតបញ្ចូលទីដើម្បីបើកការនាំមុខ ត្រឹមតែបួននាទីបន្ទាប់ពី Olivier Giroud របស់ AC Milan បានសង្គ្រោះបាល់ប៉េណាល់ទីដំបូង។ បន្ទាប់មក កីឡាករ Samuel Chukwueze រកបានគ្រាប់បាល់តាមស្មើអោយ AC Milan មុនពេលពាក់កណ្តាលតង់។ ប៉ុន្តែកីឡាករអង់គ្លេសវ័យ 19 ឆ្នាំ Jamie Bynoe-Gittens បានស្តារភាពខ្លាំងរបស់ក្រុមអាល្លឺម៉ង់ឡើងវិញនៅតង់ទីពីរ មុនពេល Karim Adeyemi ស៊ុតបញ្ចូលទីដើម្បីរក្សា ជ័យជម្នះ។ Dortmund ឈរនៅលើកំពូលតារាងនៃពូល F មានចំនួនបីពិន្ទុលើក្រុម Paris St-Germain បន្ទាប់ពីក្រុមPSG បានត្រឹមស្មើជាមួយ ក្រុម Newcastle…

ខ្សែ​ការពារ​អេស្ប៉ាញ​ Sergio Ramos ត្រូវ​បាន​អាជ្ញាកណ្ដាល​បណ្ដេញចេញ​ពី​ការ​ប្រកួត​ជា​លើក​ទី២៩ហើយ នៅ​ក្នុង​អាជីព​បាល់ទាត់​របស់​ខ្លួន។ លើក​ទី២៩នេះ​បាន​កើត​ឡើង​អំឡុង​ប្រកួត​រវាង​ក្លឹប Real Sociedad ប៉ះ​នឹង​ក្លឹប Sevilla ដោយ​ខាង Sevilla ចាញ់​ក្នុង​លទ្ធផល ២ទល់​នឹង​ ១។ អតីត​កីឡាករ Real Madrid និង​ជម្រើស​ជាតិ​អេស្ប៉ាញ​រូប​នេះ​ត្រូវ​បានអាជ្ញាកណ្ដាល​ឱ្យ​កាត​ក្រហម​នៅ​នាទី​ទី៨៨។ Ramos ជា​កីឡាករ​ដែល​ទទួល​បាន​កាតក្រហម​ច្រើន​ជាង​គេ​នៅ​ក្របខ័ណ្ឌ​បាល់ទាត់​លីគ​អេស្ប៉ាញ​ La Liga។ ចំណែក​ថ្នាក់​ពិភពលោក​វិញ Ramos នៅ​ពី​ក្រោយ​កីឡាករកូឡុំប៊ី Gerardo Bedoya ដែល​ទទួល​បាន ៤៦កាត។ ក្នុង​ចំណោម​កាតក្រហម​ទាំង ២៩ របស់ Ramos កីឡាករ​រូប​នេះ​បាន​កាតក្រហម​ពេល​លេង​នៅ Real Madrid ច្រើន​ជាង​គេ​ ដោយ​បាន ២៦ដង។ សូម​ជម្រាប​ផង​ដែរ​ថា Ramos ត្រលប់​មកលេង Sevilla នៅ​ក្នុង​ឆ្នាំ២០២៣នេះ ក្រោយ​ចាកចេញ​ពី​ក្លឹប Paris Saint-Germain៕

លោក Tuchel បាន​និយាយ​ថា Bayern ចង់​បន្ត​ឲ្យ Muller នៅ​ក្លឹប​បន្ត ដោយ​លោក​ដឹង​ថា​កីឡាករ​រូប​នេះ​ចង់​បន្ត​លេង​នៅ​ក្លឹប។ អ្នក​ចាត់​ការ​បន្ត​ទៀត​ថា លោក​គោរព​ Muller ណាស់ ព្រោះ​កីឡាករ​គឺ​ជា​វីរបុរស​របស់​ក្លឹប។ កុងត្រា​របស់​ Thomas Muller ជាមួយ Bayernនឹង​បញ្ចប់​នៅ​ពាក់កណ្ដាល​ឆ្នាំ​ក្រោយ។ របាយការណ៍​មួយ​ចំនួន​បាន​អះអាង​ថា​ភាគី​ទាំង​ពីរ​កំពុង​ចរចា​គ្នា ដើម្បី​ត​កុងត្រា​ថ្មី។ កាល​ពី​ពេល​ថ្មីៗ​នេះ Muller បាន​ទម្លាយ​ថា រូប​គេ​មិន​មាន​ចេតនា​ចូល​និវត្តន៍​នៅ​ឆ្នាំ​ក្រោយ​ឡើយ៕

ក្លឹប​ Barcelona មិន​មាន​ផែន​ការ​ណា​មួយ​ដើម្បី​ទិញ​កីឡាករ​ថ្មី​មក​ជំនួស​ខ្សែ​បម្រើ Gavi នោះ​ឡើយ។ នេះ​បើ​យោង​តាម​សម្ដី​របស់​លោក Joan Laporta ប្រធាន​ក្លឹប​អ្នក​មាន​បុណ្យ។ លោក Laporta បាន​និយាយ​ថា ក្រុម​ Barca គឺ​ជា​ក្រុម​ដែល​សំបូរ​កីឡាករ​ឆ្នើម។ លោក​គិត​ថា ក្លឹប​មាន​កីឡាករ​ល្អៗ​សម្រាប់​ប្រជែង​ពាន​ក្នុង​រដូវ​កាល​នេះ​ហើយ។ ដូច្នេះ Barca មិន​មាន​ភាព​ចាំ​បាច់​ក្នុង​ការ​ទិញ​កីឡាករ​ថ្មី​នា​ខែ​មករា​ខាង​មុខ។ កាល​ពី​ពេល​ថ្មីៗ​កន្លង​ទៅ​ Gavi បាន​រង​របួស​ដាច់​សរសៃ​ខ្សែ​ពួរ​នៅ​ជង្គង់​ស្ដាំ ក្នុង​អំឡុង​ពេល​ឲ្យ​ក្រុម​ជម្រើស​ជាតិ​អេស្ប៉ាញ។ របួស​ធ្ងន់ធ្ងរ​បែប​នេះ មាន​ន័យ​ថា Gavi នឹង​សម្រាក​ព្យាបាល​រយៈ​ពេល​យូរ។ ប្រភព​ខ្លះ​ថា កីឡាករ​អាច​នឹង​អវត្តមាន​រយៈ​ពេល ៦ ទៅ ៨ ខែ។ ខ្សែ​បម្រើ Gavi មាន​វ័យ​ទើប ១៩ ឆ្នាំ​ប៉ុណ្ណោះ។ កីឡាករ​បាន​ចាប់​ចូល​លេង​ឈុត​ធំ​ឲ្យ Barca តាំង​ពី​ឆ្នាំ ២០២១ មក ហើយ​គិត​មក​ទល់​ពេល​នេះ​ លេង​សរុប​បាន ១១១ ប្រកួត និង​ស៊ុត​ចូល ៧ គ្រាប់៕

កីឡាករ​វ័យ ៣៥ ឆ្នាំ បាន​និយាយ​ប្រាប់​អ្នក​សារព័ត៌មាន ពេល​លេង​ចប់​កម្មវិធី Copa America ឆ្នាំ​ក្រោយ គឺ​ពេល​នោះ​ហើយ ដែល​រូប​គេ​នឹង​ចូល​និវត្តន៍​ពី​ក្រុម​ជម្រើស​ជាតិ​អាហ្សង់ទីន។ Copa America នឹង​ប្រព្រឹត្ត​ទៅ​នៅ​ខែ​មិថុនា​ ឆ្នាំ​ក្រោយ ហើយ​មាន​សហរដ្ឋអាមេរិក​ជា​ម្ចាស់​ផ្ទះ។ Di Maria បាន​ចាប់​ជួយ​លេង​ក្រុម​ឈុត​ធំ​ជម្រើស​ជាតិ​អាហ្សង់ទីន​កាល​ពី​ឆ្នាំ ២០០៨។ ប្រមាណ ១៦ ឆ្នាំ​ហើយ​ដែល​កីឡាករ​បាន​ជួយ​ក្រុម​ជម្រើស​ជាតិ។ គិត​មក​ទល់​ពេល​នេះ កីឡាករ​លេង​ឲ្យ​ប្រទេស​ខ្លួន​សរុប ១៣៦ ប្រកួត និង​ស៊ុត​ចូល ២៩ គ្រាប់ ហើយ​ជួយ​ក្រុម​ជម្រើស​ជាតិ​ឲ្យ​ឈ្នះ​ពាន​ធំៗ​ជា​ពិសេស World Cup កាល​ពី​ឆ្នាំ ២០២២ និង​ពាន Copa America កាល​ពី​ឆ្នាំ ២០២១។ បច្ចុប្បន្ន​អតីត​កីឡាករ PSG, Real Madrid និង Manchester United រូប​នេះ កំពុង​លេង​ឲ្យ​ក្លឹប​ព័រទុយហ្គាល់ Benfica ហើយ​កំពុង​បង្ហាញ​ទម្រង់​លេង​យ៉ាង​ល្អ។ កីឡាករ​លេង​សរុប​ឲ្យ​ក្លឹប​ព័រទុយហ្គាល់​ចំនួន ១៤ ប្រកួត និង​ស៊ុត​ចូល ៧…

កាល​ពី​ដើម​សប្ដាហ៍​កន្លង​ទៅ Onana បាន​រង​របួស​ពេល​កំពុង​បំពេញ​បេសកកម្ម​លេង​ឲ្យ​ក្រុម​ជម្រើស​ជាតិ​កាម៉េរ៉ូន។ ក្នុង​ប្រកួត​រវាង​កាម៉េរ៉ូន និង​ Mauritius អ្នក​ចាំ​ទី​រូប​នេះ បាន​រង​របួស ក្នុង​ពេល​ជួយ​សង្គ្រោះ​បាល់។ នា​ពេល​នោះ កីឡាករ​ត្រូវ​បាន​ដូរ​ចេញ​ក្នុង​នាទី ៨១។ ក្រោយ​រង​របួស Onana បាន​ត្រលប់​មក​ក្លឹប Manchester United វិញ ដើម្បី​ពិនិត្យ​ស្ថានភាព​របួស។ ក្រោយ​ពិនិត្យ​រួច ជា​លទ្ធផល របួស​របស់ Onana មិន​ធ្ងន់​ធ្ងរ​ទេ ហើយ​អាច​បន្ត​ជួយ​បិសាច​ក្រហម​បាន ​ក្នុង​ការ​ប្រកួត​ប៉ះ​ Everton នា​ថ្ងៃ​អាទិត្យ​នេះ។ បច្ចុប្បន្ន Onana កំពុង​ហ្វឹកហាត់​ជាមួយ​កីឡាករ​បិសាច​ក្រហម​ផ្សេង​ទៀត ដើម្បី​ត្រៀម​លេង​ប្រកួត​ប៉ះ Everton ។ Onana មក​ចូល​រួម​ជាមួយ​ Manchester United កាល​ពី​ខែ​កក្កដា​កន្លង​ទៅ ពី​ក្លឹប​អ៊ីតាលី Inter Milan ក្នុង​តម្លៃ​ផ្ទេរ​ប្រមាណ​ជិត ៥០ លាន​ផោន។ កីឡាករ​វ័យ ២៧ ឆ្នាំ​ បច្ចុប្បន្ន​គឺ​ជា​អ្នក​ចាំ​ទី​ដៃ​ទី​មួយ​របស់​បិសាច​ក្រហម ហើយ​លេង​ ១៨ ប្រកួត​ហើយ​ឲ្យ​ក្លឹប​គិត​មក​ទល់​ពេល​នេះ៕

លោក​ Mourinho បាន​និយាយ​ថា​៖” នៅ​ថ្ងៃ​ណា​មួយ​ ខ្ញុំ​នឹង​ទៅ​ដឹកនាំ​ក្លឹប​នៅ​អារ៉ាប៊ីសាអ៊ូឌីត​ ។ វា​អាច​នឹង​កើត​ឡើង​ ប៉ុន្តែ​មិន​មែន​នៅ​ក្នុង​ពេល​ដ៏​ខ្លី​ខាង​មុខ​នេះ​ទេ​ “។ លោក​បន្ត​ថា​៖” ទាក់​ទង​នឹង​រឿង​ជំនួស​ Ancelotti នៅ​ឆ្នាំ​២០២៤​ខាង​មុខ​នេះ​? ខ្ញុំ​គិត​លោក​ Perez ជា​មនុស្ស​ឆ្លាត​ ណា​មួយ​លោក​មាន​កំពូល​អ្នកដឹកនាំ​ក្លឹប​ស្រាប់​ទៅ​ហើយ​ អញ្ចឹង​លោក​ទៅ​គិត​ផ្លាស់​ប្ដូរ​គ្រូ​បង្គោល​លោក​ធ្វើ​អី​។ ខ្ញុំ​មាន​តែ​សង្ឃឹម​ថា​ Ancelotti នឹង​នៅ​ទី​នោះ​ ព្រោះ​គេ​ជា​គ្រូ​ដ៏​ល្អ​របស់​ Real Madrid “។ លោក​ Mourinho មក​ដឹកនាំ​ Roma បាន​២ឆ្នាំ​ហើយ​ ដោយ​លោក​ធ្លាប់​មាន​បទពិសោធន៍​ដឹកនាំ​ក្លឹប​ធំៗ​ជា​ច្រើន​ដូច​ជា​ Real, Chelsea, Man Utd និង​ Spurs ជា​ដើម​៕

ខ្សែបម្រើ​ Bernardo Silva បាន​និយាយ​ទៅ​កាន់​សារព័ត៌មាន​កាល​ពី​ពេល​ថ្មីៗ​នេះ​ថា​ គេ​ក៏​ធ្លាប់​គិតគូរ​ផ្លាស់​ទៅ​លេង​នៅ​អារ៉ាប៊ីសាអ៊ូឌីត​ផង​ដែរ​ ក្រោយ​ក្លឹប​នៅ​ទី​នោះ​ចែចូវ​ចង់​បាន​គេ​កាល​ពី​ខែ​កក្កដា​កន្លង​ទៅ​នេះ​។ Silva បាន​និយាយ​ថា​៖” ខ្ញុំ​ច្បាស់​ជា​និយាយ​កុហក​អ្នកទាំង​អស់​គ្នា​ហើយ​ បើ​ខ្ញុំ​និយាយ​ថា​ខ្ញុំ​មិន​គិត​គូរ​រឿង​ផ្លាស់​ទៅ​កាន់​អារ៉ាប៊ីសាអ៊ូឌីត​ ក្រោយ​ពួក​គេ​ចែចូវ​ចង់​បាន​ “។ កីឡាករ​នេះ​បន្ត​ថា​៖” ប៉ុន្តែ​អ្វី​ដែល​ធ្វើ​ឲ្យ​ខ្ញុំ​បន្ត​នៅ​ទីនេះ​គឺ​ពេល​ការ​លេង​របស់​ Man City បាន​ប្រកួត​ទៅ​វគ្គ​ពាក់​កណ្ដាល​ផ្ដាច់​ព្រ័ត្រ​ ផ្លាស់​ទៅ​កាន់​វគ្គ​ផ្ដាច់​ព្រ័ត្រ​ក្នុង​ប្រកួត​ UCL ខ្ញុំ​មិន​ចង់​បោះបង់​ចោល​ការ​ខិត​ខំ​របស់​យើង​នៅ​ទី​នេះ​ “។ Man City បាន​ឈ្នះ​ពាន​ UEFA Champions Leaegue ជា​លើក​ដំបូង​នៅ​ក្នុង​រដូវកាល​ឆ្នាំ​២០២២/២៣​កន្លង​ទៅ​ននេះ​៕