Author: admin

បន្ទាប់​ពី​ចែក​ផ្លូវ​ជាមួយ​ក្លឹប Manchester United កាល​ពី​ចុង​ឆ្នាំ ២០២២ ខ្សែ​ប្រយុទ្ធ Ronaldo បាន​ចាប់​ផ្ដើម​ជីវភាព​ថ្មី​នៅ​អារ៉ាប៊ីសាអ៊ូឌីត ក្រោយ​បាន​មក​ចូល​រួម​ជាមួយ​ក្លឹប Al Nasser កាល​ពី​ថ្ងៃ​ទី ៣០ ខែ​ធ្នូ​ ឆ្នាំ​ដដែល ក្នុង​កុងត្រា​រយៈ​ពេល ២ ឆ្នាំ។ Ronaldo ទទួល​បាន​ចំណូល​សរុប​ប្រមាណ ២០០ លាន​អឺរ៉ូ​ក្នុង​មួយ​ឆ្នាំ​ពី​ក្លឹប។ ចំណូល​ដ៏​ច្រើន​បែប​នេះ​គួបផ្សំ​ទៅ​នឹង​ទ្រព្យ​សម្បត្តិ ប្រជាប្រិយភាព មុខ​មាត់ និង​មុខ​ជំនួញ​ជា​ច្រើន​មុខ​របស់​ Ronaldo បង្ក​លក្ខណៈ​ឲ្យ​ខ្សែ​ប្រយុទ្ធ​សញ្ជាតិ​ព័រទុយហ្គាល់​វ័យ ៣៨ ឆ្នាំ​រូប​នេះ មាន​ជីវភាព​យ៉ាង​ហ៊ឺហា​នៅ​អារ៉ាប៊ីសាអ៊ូឌីត។ ខាង​ក្រោម​ជា​ឧទាហរណ៍​ធំៗ​មួយ​ចំនួន។ ក្រោយ​មកដល់​អារ៉ាប៊ីសាអ៊ូឌីត​ភ្លាម ក្រុម​ហ៊ុន​មួយ​បាន​ឲ្យ​កាដូ​នាឡិកា​​ដាំ​ពេជ្រ​ដាំ​ត្បូង​មាន​តម្លៃ​ជិត​ ៨០ ម៉ឺន​អឺរ៉ូ​ឲ្យ​ Ronaldo។ លើស​ពី​នេះ កីឡាករ​រស់​នៅ​ក្នុង​ផ្ទះ​ដ៏ល្អ​ប្រណីត​ធំ​ទូលាយ ហើយ​មាន​សន្តិសុខ​យាម​កាម ២៤ ម៉ោង។ បន្ថែម​ពី​លើ​នេះ ខ្សែ​ប្រយុទ្ធ​ព័រទុយហ្គាល់​ត្រូវ​បាន​ប្រទះ​ភ្នែក​ឃើញ​ជា​ញឹកញាប់​នៅ​សណ្ឋាគារ ភោជនីយដ្ឋាន ព្រឹត្តិការណ៍​កីឡា វប្បធម៌ និង​សង្គម​ដែល​សុទ្ធ​តែ​មាន​តម្លៃ​ខ្ពស់។ ជា​ពិសេស យោង​តាម​របាយការណ៍ Daily Mailបើ​ទោះ​ជា​ច្បាប់​នៅ​អារ៉ាប៊ីសាអ៊ូឌីត បាន​លើក​ឡើង បុរស និង​ស្ត្រី​មិន​អាច​រស់​នៅ​ជាមួយ​បាន​ដោយ​មិន​បាន​រៀប​ការ…

កីឡាករ Alejandro Garnacho ត្រូវបានកីឡាករ Angel Di Maria ប្រាប់ឱ្យឈប់ធ្វើត្រាប់តាមកីឡាករ Cristiano Ronaldo ហើយគួរធ្វើត្រាប់តាមកីឡាករ Lionel Messi វិញ។ កីឡាករសញ្ជាតិអាហ្សង់ទីនរូបនេះ មានសំណាងដោយធ្លាប់បានលេងជាមួយកីឡាករ Cristiano Ronaldo នៅក្រុម Manchester United និងជាមួយកីឡាករ Lionel Messi នៅក្រុមជម្រើសជាតិអាហ្សង់ទីន ហើយក៏ជាអ្នកគាំទ្រកីឡាករទាំងពីររូបនេះផងដែរ។ កីឡាករ Alejandro Garnacho តែងតែកោតសរសើរ និងស្រឡាញ់ទៅលើកីឡាករ Lionel Messi ប៉ុន្តែរូបគេក៏ធ្វើរឿងនេះដូចគ្នាទៅកាន់កីឡាករ Cristiano Ronaldo។ លើសពីនេះទៅទៀត កីឡាករវ័យ ១៩ ឆ្នាំរូបនេះក៏ទើបនឹងអបអរគ្រាប់បាល់បញ្ចូលទីតាមស្ទាយកីឡាករ Cristiano Ronaldo ក្នុងជំនួបជាមួយក្រុម Everton កាលពីខែវិច្ឆិកា ឆ្នាំ២០២៣ និងធ្លាប់ត្រូវគេបានឃើញថាកីឡាកររូបនេះបានប្រើប្រាស់ខោក្នុង និងស្បែកជើងម៉ាក CR7 ដូចគ្នា។ កីឡាករ Angel Di Maria ដែលធ្លាប់លេងជាមួយកីឡាករទាំងពីររូបនេះដូចកីឡាករ…

កីឡាករ Mohamed Salah ទទួលបានការរិះគន់យ៉ាងខ្លាំងពីអ្នកគាំទ្រក្រុមជម្រើសជាតិអេហ្ស៊ីប បន្ទាប់ពីកីឡាកររូបនេះបានចាកចេញពីការប្រកួត Africa Cup of Nation ដើម្បីព្យាបាលរបួសនៅ Liverpool។ ក្នុងអំឡុងពេលដែលអវត្តមានកីឡាកររូបនេះ ក្រុមជម្រើសជាតិអេហ្ស៊ីបលេងបានត្រឹមវគ្គ ១៦ ក្រុមចុងក្រោយប៉ុណ្ណោះ បន្ទាប់ពីចាញ់ក្រុមជម្រើសជាតិ DR Congo ក្នុងវគ្គស៊ុតបាល់ ១១ ម៉ែត្រកាត់សេចក្តី។ បន្ទាប់ពីធ្លាក់ចេញពីពាន AFCON កីឡាករ Mohamed Salah នឹងមានភារកិច្ចជួយក្រុម Liverpool ដើម្បីប្រជែងជាមួយពានដល់ទៅ ៤ ក្នុងរដូវកាលនេះ។ កីឡាករ Mohamed Salah ទំនងជាអាចវិលត្រឡប់មកវិញឆាប់ៗនេះ ដែលជាព័ត៌មានដ៏ល្អទៅកាន់លោក Jurgen Klopp ក្នុងការដឹកនាំក្រុមឱ្យឈ្នះពានរង្វាន់ដល់ទៅ ៤ សម្រាប់រដូវកាលចុងក្រោយរបស់លោក។ បើទោះបីជាអវត្តមានកីឡាករ Mohamed Salah មួយរយៈក្តី ក៏ក្រុម Liverpool នៅបន្តភាពខ្លាំងរបស់ខ្លួន ស្របពេលកីឡាករ Darwin Nunez និងកីឡាករ Diogo Jota បង្ហាញទម្រង់លេងបានយ៉ាងល្អ។…

ក្លិបបិសាចក្រហម Manchester United ត្រូវបានគេរាយការណ៍ថា បានកំណត់អត្តសញ្ញាណអ្នកចាត់ការរបស់ Bayern Munich បច្ចុប្បន្នលោក Thomas Tuchel ជាបេក្ខភាពមកជំនួសលោក Erik ten Hag នៅដំណាច់រដូវកាលនេះ ក្នុងករណីប្រសិនបើលោក Ten Hag ត្រូវបណ្តេញចេញពីតំណែង។ ជាការពិតណាស់ ស្ថានភាពរបស់ Ten Hag ជាមួយ Man UTD ឥឡូវនេះហាក់មិនសូវល្អប្រសើរប៉ុន្មានទេ ហើយម្យ៉ាងទៀតកៅអីរបស់លោកក៏កំពុងឡើងកម្តៅខ្លាំងផងដែរ បន្ទាប់ពីលោកដឹកនាំក្រុមបិសាចក្រហមកន្លងមកមិនសូវទទួលបានលទ្ធផលល្អ ខណៈម្ចាស់ភាគហ៊ុនលោក Sir Jim Ratcliffe កំពុងតែពិចារណាលើអនាគតរបស់បុរសវ័យ ៥៣ ឆ្នាំរូបនេះ។ បើយើងនិយាយពីស្ថានភាពជាក់ស្តែងបច្ចុប្បន្ន លទ្ធភាពដែលលោក Tuchel មកដឹកនាំ Man UTD វាអាចនឹងក្លាយជារឿងពិបាក ដោយសារតែលោកកំពុងនៅដឹកនាំ Bayern នៅឡើយ ប៉ុន្តែយោងតាមការចុះផ្សាយរបស់កាសែត Telegraph បានឱ្យដឹងថា លោក Tuchel ឥឡូវនេះកំពុងទទួលរងសម្ពាធខ្លាំងជាមួយការដឹកនាំក្លិបយក្សរបស់ អាល្លឺម៉ង់ ក្រោយឥឡូវនេះ Bayern កំពុងឈរនៅលេខរៀងទី…

ភ្នាក់ងារដ៏ល្បីឈ្មោះលោក Jorge Mendes ត្រូវបានគេរាយការណ៍ថា បានផ្តល់នូវសំណើរលើការចុះហត្ថលេខាលើលោក Jose Mourinho ដែលទើបតែបាត់បង់អាជីពរបស់ខ្លួននៅក្លឹប AS Roma ទៅកាន់ក្លឹប FC Barcelona ដែលគ្រូបង្គោលបច្ចុប្បន្នគឺលោក Xavi Hernandez បានប្រកាសថា លោកនឹងលាលែងពីតំណែងនៅចុងបញ្ចប់រដូវកាលនេះ ។ បន្ទាប់ពីបានក្លាយជាម្ចាស់ជើងឯក La Liga កាលពីរដូវកាលមុន បច្ចុប្បន្នក្រុម Barcelona កំពុងឈរលើលេខរៀងទី៤នៃតារាងលីគកំពូលអេស្ប៉ាញ ដោយមាន១១ពិន្ទុ ដោយតាមពីក្រោយក្រុមកំពូលតារាង Girona និង១០ពិន្ទុតាមពីក្រោយក្រុម Real Madrid ផងដែរ។ គួរបញ្ជាក់ថា លោក Xavi បានទទួលលទ្ធផលល្អគួរកត់សម្គាល់ ក្រោយរូបលោកទទួលបានទទួលនាទីជាអ្នកចាត់ការក្លឹប Barcelona បន្ទាប់ពីលោក Ronald Koeman កាលពីឆ្នាំ២០២១ ដោយលោកបានដឹកនាំក្រុមឈ្នះ ៧៦លើក ក្នុងការប្រកួតសរុប ១២២ដង និងមានស្ថិតិឈ្នះសរុប ៦២% ។ ទោះបីយ៉ាងណាមិញ ក្រោយការប្រកាសចាកចេញរបស់លោក បច្ចុប្បន្នដោយយោងទៅតាមការចុះផ្សាយថា សារព័ត៌មាន ABC…

អតីតខ្សែប្រយុទ្ធឆ្នើមរប់សក្លឹប Newcaslte United លោក Alan Shearer បានទទូចថា ខ្សែប្រយុទ្ធឆ្នើមរប់សក្លឹបបិសាចក្រហម Manchester United កីឡាករ Marcus Rashford នឹងមានការសោកស្តាយជាខ្លាំងនៅពេលដែលរូបគេបញ្ចប់អាជីពជាកីឡាករាល់ទាត់ប្រសិនបើរូបគេបន្តឥរិយាបទដូចនាពេលបច្ចុប្បន្ននេះ។ លោក Alan Shearer បានបង្ហាញនូវការយល់ឃើញរបស់លោកក្នុង BBC ថា៖ «គាត់ [Rashford] នឹងមានការសោកស្តាយជាខ្លាំងនៅចុងបញ្ចប់នៃអាជីពរបស់គាត់ប្រសិនបើគាត់បន្តធ្វើរឿងទាំងអស់នេះបន្តទៀត។ ៣០គ្រាប់កាលពីរដូវកាលមុន និង៤គ្រាប់នៅរដូវកាលនេះ [គិតត្រឹមពេលនេះ] នៅពេលដែលខ្ញុំមើលគាត់លេងម្តងៗ មានអារម្មណ៍គាត់ដូចលេងបាល់ទាត់ទាំងមានផែនទាំងមូលនៅលើស្មាររបស់គាត់អញ្ចឹង»៕

Barcelona នឹង​គ្មានវត្តមាន​កីឡាករជម្រើសឈុតធំ​ចំនួន​ប្រាំបី​សម្រាប់​ការ​ប្រកួត La Liga នៅ​វេលាម៉ោង១រំលងអធ្រាតឈានចូលថ្ងៃ​ព្រហស្បត្ត៏ទី ១កុម្ភៈ ២០២៤ស្អែកនេះ​ជាមួយក្រុមភ្ញៀវ Osasuna។ ក្រុមកាតាឡានមិនចង់បរាជ័យជាលើកទីពីក្នុងផ្ទះខ្លួនឯងជាបគ្នានោះទេ ពោលគឺក្រោយពីចាញ់ Villareal ៥ទល់និង៣ កាលពីថ្ងៃសៅរ៍រួចមក ពួកគេចង់ផ្តួលក្រុម Jagoba Arrasate ដើម្បីស្តារមុខមាត់ឡើងវិញ។ទោះជាយ៉ាងណាអ្នកកចាត់ការសញ្ជាតិអេស្បញលោក Xaviក្រោយពីប្រកាសចាកចេញពីក្រុមនៅចុង បញ្ចប់នៃរដូវកាលនេះ រូបលោកបានបញ្ជាក់មុនជំនួប La Liga ថាៈ Gavi, Alejandro Balde, Marcos Alonso, Raphinha, Inigo Martinez, Joao Felix, Marc-Andre ter Stegen និង Sergi Roberto សុទ្ធតែមិនអាចរកត្រៀមដាក់អោយចូលលេងបានដោយសារបញ្ហាសុខភាព។ Xavi បាននិយាយនៅក្នុងសន្និសីទសារព័ត៌មានមុនការប្រកួតថាៈ យើងត្រូវតែតទល់ទោះបីជាមានគម្លាត១១ ពិន្ទុជាមួយ Girona ។ ប៉ុន្តែយើងមាន Champions League ។ យើងរំភើបហើយយើងត្រូវតែប្រកួតប្រជែងបន្ត ។ Barcelona បានយកឈ្នះ Osasuna ក្នុងលទ្ធផល ២-0 នៅពេលដែលពួក​គេទាំងពីរ​បានជួបគ្នា​ក្នុងវគ្គពាក់​កណ្តាលផ្តាច់​ព្រ័ត្រនៃពានរង្វាន់ Spanish Super Cup កាលពីដើមខែនេះ…

អតីតខ្សែប្រយុទ្ធឆ្នើមរបស់ក្លឹបអធិរាជ្យស Real Madrid និង Lyon កីឡាករ Karim Benzema បានធ្វើការសម្រេចចិត្តថា រូបគេនឹងបន្តស្នាក់នៅក្លឹប Al-Ittihad ក្នុងលីគ Saudi Pro League បន្តទៀត។ ខ្សែប្រយុទ្ធវ័យ៣៦ឆ្នាំរូបនេះបានផ្សារភ្ជាប់នឹងការចាកចេញពីក្លឹប Al-Ittihad ជាខ្លាំងក្នុងខែមករានេះ ជាមួយអតីតក្លឹបរបស់គេ Lyon ក៏កំពុងសិក្សាអំពីលទ្ធភាពលើការនាំយកខ្សែប្រយុទ្ធបារំាងរូបនេះទៅវិញផងដែរ។ ទោះបីជាយ៉ាងណាមិញ Karim Benzema នឹងមិនចាកចេញពីក្លឹងអារ៉ាប់មួយនេះក្នុងខែមករានេះឡើយ នេះបើយោងទៅតាមការបញ្ជាក់ថាដោយ The Athletic៕

ខ្សែការពាររបស់ក្លឹប Bayern Munich កីឡាករ Alphonso Davies បានទទូចថា រូបគេគឺរីករាយនឹងអាជីពរបស់ខ្លួននៅក្លឹប Bayern Munich បើទោះបីមានពាក្យចរចាមរ៉ាមថា ក្លឹបយក្សនៅ អេស្ប៉ាញ Real Madrid បានបើកការចាប់អារម្មណ៍លើខ្លួនយ៉ាងណាក្តី។ ខ្សែការពារវ័យ២៣ឆ្នាំរូបនេះ បានបង្ហាញខ្លួនសរុប ១៧៩ដងតាំងពីផ្ទេរទៅកាន់ក្លឹប FC Bayern Munich កាលពីខែមករាឆ្នាំ២០១៩។ ក្នុងរយៈពេល៥ឆ្នាំជាមួយនឹងក្លឹបអាល្លីម៉ង់មួយនេះរូបគេទទួលបានជោគជ័យជាខ្លាំង ខណៈបច្ចុប្បន្នមានការផ្សារភ្ជាប់ជាខ្លាំងនឹងចាកចេញពីទីលាន Allianz Arena ។ ខ្សែការពារកាណាដារូបនេះបានឈានចូលកុងត្រារយៈពេល១៨ខែជាមួយនឹង Bayern ដែលកុងត្រារបស់គេបច្ចុប្បន្ននឹងផុតសុពលភាពនៅរដូវកាល២០២៤-២៥។ យ៉ាងណាមិញបច្ចុប្បន្នមិនទាន់របាយការណ៍ណាមួយបានបញ្ជាក់ថា ខ្សែការពាររូបនេះយល់ព្រមបន្តកុងត្រាថ្មីនៅឡើយ ខណៈមានពាក្យចរចាមរាមជាច្រើនទាក់ទងនឹងអនាគតរបស់ខ្សែការពាររូបនេះផ្ទេរទៅ Real Madrid រដូវកាលក្រោយ។ ទោះបីជាយ៉ាងណាមិញ និយាយនៅក្នុងកម្មវិធី Talkshow kicker លោក Davies បាននិយាយថា៖ «ខ្ញុំមានអារម្មណ៍ល្អនៅទីនេះ ខ្ញុំលេងឲ្យក្រុមដ៏អស្ចារ្យមួយនៅអឺរ៉ុប។ ខ្ញុំផ្តោត និងផ្តល់អ្វីគ្រប់យ៉ាងឲ្យទៅក្រុម និងអ្នកគាំទ្រ។»

ក្លឹប Juventus បានសម្រេច​ខ្ចី​ជើង​ខ្សែ​បម្រើ​អាហ្សង់ទីន Carlos Alcaraz ពី​ក្លឹប​ Southampton។ Alcaraz កំពុង​ពិនិត្យ​សុខភាព ហើយ​បើ​មិន​មាន​អ្វី​ប្រែប្រួល​ទេ នឹង​ចូល​រួម​ជាមួយ Juventus ក្នុង​នាម​ជា​កីឡាករ​ខ្ចី​ជើង។ ក្នុង​កុងត្រា​ខ្ចី​ជើង បាន​ឲ្យ​ដឹង​ថា​ក្លឹប​យក្ស​អ៊ីតាលី​មាន​ជម្រើស​ក្នុង​ការ​ផ្ទេរ​ចូល​កីឡាករ​វ័យ ២១ ឆ្នាំ​រូប​នេះ​នា​រដូវ​កាល​ក្រោយ ក្នុង​តម្លៃ​ផ្ទេរ​ប្រមាណ ៤០ លាន​អឺរ៉ូ។ Alcaraz បាន​មក​ចូល​រួម Southampton កាល​ពី​ឆ្នាំ ២០២២។ គិត​មក​ទល់​ពេល​នេះ កីឡាករ​លេង​សរុប ៤៧ ប្រកួត និង​ស៊ុត​ចូល ៨ គ្រាប់៕