Author: admin

អ្នកកាសែតអ៊ីតាលីលោក Fabrizio Romano បានឱ្យដឹងថា ក្លិបយក្សរបស់ អ៊ីតាលី AC Milan នឹងចាប់ផ្តើមបើកការចរចា ដើម្បីផ្ទេរយកខ្សែប្រយុទ្ធរបស់ Manchester United កីឡាករ Marcus Rashford នៅថ្ងៃនេះ ខណៈបងប្រុសរបស់ខ្សែប្រយុទ្ធវ័យ ២៧ ឆ្នាំរូបនេះផ្ទាល់កំពុងតែមានវត្តមាននៅទឹកដីប្រទេស អ៊ីតាលី។ Rashford បច្ចុប្បន្នកំពុងតែមានភាពល្អក់កករជាមួយអ្នកចាត់ការថ្មីលោក Ruben Amorim ហើយខ្សែប្រយុទ្ធសញ្ជាតិ អង់គ្លេស រូបនេះត្រូវបានគេរំពឹងថា នឹងអាចចាកចេញពីទឹកដី Old Trafford នៅខែ មករានេះ បន្ទាប់ពីរូបគេត្រូវបានលោក Amorim ដកឈ្មោះចេញពីក្រុម មិនឱ្យចូលរួមប្រកួតជាមួយ Man UTD ៦ ប្រកួតមកហើយ ពោលគឺតាំងពីប្រកួតជាមួយ Man City កាលពីថ្ងៃ ទី ១៥ ខែ ធ្នូ ឆ្នាំ ២០២៤ មកម្ល៉េះ។​ គួរបញ្ជាក់ថា Rashford គឺនៅសល់កិច្ចសន្យាជាមួយ Man…

ខ្សែប្រយុទ្ធក្លិប Manchester United កីឡាករ Joshua Zirkzee ត្រូវបានគេរាយការណ៍ថា កំពុងតែត្រូវបានក្លិប Juventus ចង់បានខ្លាំងមែនទែននៅក្នុងទីផ្សារដោះដូរកីឡាករខែមករានេះ។ Zirkzee ត្រូវបាន Man UTD ចុះហត្ថលេខាទិញយកបានកាលពីដើមរដូវកាលនេះពី Bologna ក្នុងតម្លៃខ្លួន ៤០លានអឺរ៉ូ ប៉ុន្តែ ក្នុងការមកដល់ទឹកដីអង់គ្លេស រូបគេហាក់ពុំសូវបង្ហាញគុណផលលេងបានល្អទាល់តែសោះ ពោល ទើបតែរកបាន ៤គ្រាប់ប៉ុណ្ណោះ។ ក្នុងនោះទាក់ទងនឹងរឿងខាងលើ បើយោងទៅតាមការចុះផ្សាយរបស់លោក Fabrizio Romano បានឲ្យដឹងថា បច្ចុប្បន្ននេះ Juventus កំពុងតែពន្លឿនការចង់បាន Zirkzee មែនទែននៅក្នុងខែមករានេះ ពោល ពួកគេបានទាក់ទងជាមួយកីឡាករផ្ទាល់រួចរាល់ ប៉ុន្តែ Man UTD នឹងមិនយល់ព្រមដាច់ខាតជាមួយលក្ខខណ្ឌខ្ចីជើង៕

ក្លិបអធិរាជស Real Madrid បានប្រាប់ទៅកាន់ Arnold ឱ្យធ្វើពុតជាកេចកុកដូច Kylian Mbappe និងបន្តបដិសេធរាល់សំណើកុងត្រាទាំងអស់របស់ Liverpool ដើម្បីអាចឱ្យគេមានឱកាសត្រូវក្រុមហង្សក្រហមដោះលែងមកកាន់ទឹកដី Bernabeu ដោយគ្មានតម្លៃខ្លួន។ កាលពីពេលថ្មីៗនេះមានសេចក្តីរាយការណ៍ថា Real Madrid បានដាក់សំណើទឹកប្រាក់ទៅ Liverpool ដើម្បីផ្ទេរយក Alexander-Arnold នៅទីផ្សារដោះដូរកីឡាករខែ មករា នេះចំនួន ២០ លានផោន ឬប្រមាណជា (២៥ លានដុល្លារអាមេរិក) ប៉ុន្តែចុងក្រោយសំណើនេះត្រូវបានបដិសេធភ្លាមៗដោយថ្នាក់លើរបស់ក្រុមហង្សក្រហម។ ដ្បិតកិច្ចសន្យារបស់ខ្សែការពារស្លាបស្តាំសញ្ជាតិ អង់គ្លេស វ័យ ២៦ ឆ្នាំនឹងផុតសុពលភាពនៅដំណាច់រដូវកាលនេះ ហើយគេអាចចាកចេញពីទឹកដី Anfield ដោយគ្មានតម្លៃខ្លួនក៏ដោយ ក៏ខាង Liverpool នៅតែចង់រក្សាគេទុក ហើយនឹងមិនលក់គេចេញនៅខែ មករា នេះទេ ដោយពួកគេនឹងព្យាយាមធ្វើយ៉ាងណា ដើម្បីបញ្ចុះបញ្ចូល Alexander-Arnold ឱ្យបន្តកុងត្រាថ្មីជាមួយពួកគេបន្តទៀត។ ងាកមកកាន់ក្លិបអធិរាជស Real Madrid វិញ ត្រូវបានគេដឹងថា ពួកគេគឺចង់បាន Alexander-Arnold ខ្លាំងមែនទែន ដោយសារតែបច្ចុប្បន្នពួកគេកំពុងមានបញ្ហានៅត្រង់តំបន់ខ្សែការពារស្លាបស្តាំ ខណៈថ្មីៗនេះសារព័ត៌មានអេស្ប៉ាញ…

La Liga បានលុបឈ្មោះ Dani Olmo និង Pau Victor ចេញពីគេហទំព័ររបស់ពួកគេជាផ្លូវការក្នុងនាមជាកីឡាករដែលបានចុះឈ្មោះសម្រាប់ក្រុម Barcelona ។ ក្រុម Blaugrana មានរយៈពេលរហូតដល់ពាក់កណ្តាលអធ្រាត្រនៅថ្ងៃទី៣១ ឈានចូលខែមករា ដើម្បីធានាថាពួកគេនៅតែនៅទីនោះ ប៉ុន្តែ ពួកគេមិនបានធ្វើដូច្នេះទេ។ ដោយមានការរារាំង Olmo និង Victor នឹងមិនអាចលេងបានពេញមួយរដូវកាលនេះទេ ដោយសារបទប្បញ្ញត្តិ La Liga ចែងថាកីឡាករមិនអាចចុះឈ្មោះពីរដងសម្រាប់ក្លឹបតែមួយក្នុងរដូវកាលតែមួយ។  ដើមឡើយពួកគេទាំងពីរត្រូវបានចុះឈ្មោះក្រោមច្បាប់របួសជាបន្ទាន់ដោយប្រើប្រាក់បៀវត្សរ៍របស់ Andreas Christensen ដែលត្រូវបានច្រានចោលសម្រាប់ពាក់កណ្តាលរដូវកាលដំបូងជាមួយនឹងបញ្ហាសរសៃពួរ ។ ពេលនោះកីឡាករ​អន្តរជាតិ​ដាណឺម៉ាក បាន​ត្រឡប់​មក​លើគេហទំព័រ​ La Liga វិញ​ហើយ​។ ការងាររបស់ Barcelona គឺត្រូវបង្កើនកម្រិតប្រាក់បៀវត្សរ៍របស់ពួកគេឱ្យបានគ្រប់គ្រាន់នៅចន្លោះខែកញ្ញា និងខែធ្នូ ដើម្បីអាចចុះឈ្មោះ Olmo និង Victor ដោយគ្មានច្បាប់ស្តីពីរបួសសង្គ្រោះបន្ទាន់ ប៉ុន្តែ La Liga បានដាក់សេចក្តីថ្លែងការណ៍មួយដោយប្រកាសថា ពួកគេមិនបានបង្ហាញប្រតិបត្តិការណាមួយដែលអាចឱ្យពួកគេចុះឈ្មោះកីឡាករថ្មី សម្រាប់ផ្នែករបស់ពួកគេ ក្លឹប Barcelona បាននិយាយថា…

ខ្សែការពារឆ្នើម Trent Alexander-Arnold បានប្រាប់ទៅថ្នាក់លើរបស់ Liverpool ថា រូបគេគឺចង់ចូលរួមជាមួយ Real Madrid នៅទីផ្សារដោះដូរកីឡាកររដូវក្តៅខាងមុខ នេះបើយោងតាមរបាយការណ៍ដែលចុះផ្សាយដោយសារព័ត៌មាន អេស្ប៉ាញ។ ខ្សែការពារស្លាបស្តាំសញ្ជាតិ អង់គ្លេស វ័យ ២៦ ឆ្នាំរូបនេះ គឺនឹងផុតសុពលភាពកុងត្រាជាមួយ Liverpool នៅដំណាច់រដូវកាល ២០២៤-២០២៥ នេះហើយ ហើយនៅរដូវកាលក្រោយរូបគេនឹងក្លាយជាកីឡាករផ្ទេរចេញ ដែលគ្មានតម្លៃខ្លួនម្នាក់។ យ៉ាងណាក៏ដោយ Liverpool បច្ចុប្បន្ន គឺចង់ឱ្យ Arnold បន្តកុងត្រាថ្មីជាមួយក្លិបបន្តទៀត ប៉ុន្តែអ្វីៗហាក់ដូចជាមិនអាចសម្រេចទាល់តែសោះ ហើយបើក្រឡេកទៅមើល Real Madrid វិញ ពួកគេក៏មានឆន្ទៈចង់បានខ្សែការពារស្លាបស្តាំរូបនេះផងដែរ ដោយសារនៅរដូវកាលនេះពួកគេកំពុងតែមានបញ្ហាប្រឈមខ្លាំងនៅត្រង់តំបន់ខ្សែការពារស្លាបស្តាំ បន្ទាប់ពី Dani Carvajal មានបញ្ហារបួស និងត្រូវសម្រាកនៅក្រៅទីលានរយៈពេលវែង៕

បើកទំព័រថ្មីក្នុងឆ្នាំ ២០២៥ យើងបានរកឃើញក្លិបកំពូលចំនួន ៥ ដែលបច្ចុប្បន្នមានតម្លៃខ្លួនកីឡាករសរុបថ្លៃជាងគេបំផុតក្នុងនៅក្នុងពិភពលោក ខណៈ Barcelona ក៏មានឈ្មោះនៅក្នុងបញ្ជីនោះផងដែរ។ ដកស្រង់ចេញពី LiveScore ខាងក្រោមនេះ គឺជាឈ្មោះក្លិបទាំង ៥ ដែលជាប់ឈ្មោះមានតម្លៃខ្លួនកីឡាករសរុបថ្លៃជាងគេក្នុងលោកប្រចាំឆ្នាំ ២០២៥៖ ១. Real Madrid ( La Liga) មានតម្លៃ ១.២៣ ពាន់លានអឺរ៉ូ ឬប្រមាណជា (១.២៧ ពាន់លានដុល្លារអាមេរិក)៕ ២. Manchester City (Premier League) មានតម្លៃ ១.១៩ ពាន់លានអឺរ៉ូ ឬប្រមាណជា (១.២៣ ពាន់លានដុល្លារអាមេរិក) ៣. Arsenal (Premier League) មានតម្លៃ ១.១៥ ពាន់លានអឺរ៉ូ ឬប្រមាណជា (១.១៩ ពាន់លានដុល្លារអាមេរិក) ៤. Barcelona (La Liga) មានតម្លៃ ១.០២ ពាន់លានអឺរ៉ូ…

ខ្សែបម្រើក្លិប Manchester City កីឡាករ Rodri បានលើកឡើងថា រូបគេមិនយល់ទាល់តែសោះ ថា ហេតុអ្វីបានជា Cristiano Ronaldo មិនពេញចិត្តចំពោះការសម្រេចចិត្តក្នុងការឲ្យរូបគេជាអ្នកឈ្នះពានរង្វាន់ Ballon d’Or។ ជាការពិតណាស់ នាពេលថ្មីៗនេះ Ronaldo បានប្រកាសនិយាយក្តែងៗនៅក្នុងកម្មវិធីប្រគល់ពានរង្វាន់ Globe Soccer Awards ថា ពានរង្វាន់ Ballon d’Or គឺ ជាកម្មវិធីដែលមិនយុត្តិធម៌ឡើយ ពោលរូបគេគិតថា Vinicius JR សក្តិសមនឹងឈ្នះជាង Rodri ពីព្រោះតារាឆ្នើមរបស់ Real Madrid រូបនេះបានឈ្នះពានរង្វាន់ Champions League ព្រមទាំងបានស៊ុតបញ្ចូលទីនៅក្នុងវគ្គផ្តាច់ព្រ័ត្រផងដែរ។ វា​ពិតជាភ្ញាក់ផ្អេីលខ្លាំងណាស់​ ដែលគាត់និយាយបែបនេះ​ ព្រោះគាត់ដឹងច្បាស់ជាងអ្នកណាទាំងអស់​ ពីរបៀប​ និង​លក្ខខណ្ឌ​ របស់ពានរង្វាន់នេះ​ សម្រាប់ការជ្រេីសរេីសអ្នកឈ្នះ។​ ឆ្នាំនេះ​ អ្នកកាសែតដែលបោះឆ្នោត​ឲ្យខ្ញុំឈ្នះ​ ក៏ធ្លាប់បានបោះឆ្នោតឲ្យគាត់ឈ្នះដូចគ្នា​ ហេីយគាត់ក៏យល់ព្រមទទួលយកវា៕