Real Madrid មិនអាចដាក់សម្ពាធទៅលើ Man City និងបញ្ចប់ត្រឹមលទ្ធផលស្មើគ្នាប៉ុណ្ណោះ

Jude Bellingham ដែលជាអ្នករកគ្រាប់បាល់សម្រាប់ក្រុមបាល់ទាត់ជម្រើសជាតិអង់គ្លេស ក្នុងការប្រកួតមិត្តភាពទល់បែលហ្សិក និយាយថា ក្រុមរបស់ខ្លួនគួរតែទទួលបានជ័យជម្នះ ដែលចុងក្រោយក្រុមទាំងពីរស្មើគ្នា ២-២។ ខ្សែបម្រើឆ្នើមរបស់ Real Madrid បានជួយក្រុមតោកំណាចអង់គ្លេសពីបរាជ័យ ដោយរកគ្រាប់បាល់តាមស្មើ ២-២ នានាទី៩៥ ស្របពេលដែលគេមានឱកាសជាច្រើនលើក តែមិនអាចសម្រេចបាននូវគ្រាប់បាល់។ Bellingham បាននិយាយថា៖ “យើងគួរតែរកគ្រាប់បាល់លឿនជាងនេះ ហើយយើងគួរតែទទួលបានជ័យជម្នះ ពីឱកាសដែលយើងធ្វើបាន។ យើងត្រូវតែគួរតែទទួលយកអ្វីដែលវិជ្ជមាន មិនមែនអ្វីដែលអវិជ្ជមាននោះទេ”។ ក្រោយបញ្ចប់ភារកិច្ចសម្រាប់ក្រុមអង់គ្លេស Bellingham នឹងត្រលប់ទៅកាន់ Real Madrid វិញ ដើម្បីត្រៀមខ្លួនប្រកួត La Liga ទល់ Athletic Bilbao នាចុងសប្ដាហ៍នេះ៕

Bayern Munich ទើបតែកម្តៅសាច់ដុំមុនប្រកួត UEFA Champions League តាមរយៈការប្រកួតក្នុងលីគដ៏សំខាន់ជាមួយក្រុម Eintracht Frankfurt។ Thomas Tuchel និងកីឡាកររបស់គាត់ឥឡូវនេះកំពុងផ្តោតតែលើពានអ៉ឺរ៉ុបមួយប៉ុណ្ណោះខណៈដែលការការពារជើងឯក Bundesliga របស់ពួកគេបានចប់សព្វគ្រប់ក្រោមស្នាដៃ Bayern Leverkusen តាំងពីសប្ដាហ៍មុនមកម្ល៉េះ។ ទោះបីជាយ៉ាងណាក៏ដោយមុនពេលប្រឈមមុខនឹងក្រុម Los Blancos លោក Tuchel កំពុងធ្វើឱ្យមានតុល្យភាពនៃស្ថានភាពរបួសកីឡាករជាច្រើនរបស់គាត់។ ជាការពិតពេលនេះThuchelបានបាត់បង់កីឡាករសំខាន់ៗដូចជា Jamal Musiala ត្រូវ​បាន​សម្រាក​ដោយ​សារ​បញ្ហា​សរសៃ​ពួរជាមួយ​និង​ខ្សែ​ការពារ​សញ្ជាតិ​បារាំងDayot Upamecanoក៏អវត្តមាន​ដោយ​បញ្ហា​កជើង។ Upamecano មើលទៅប្រាកដណាស់ថានឹងខកខានការប្រកួតទល់នឹង Real Madrid ប៉ុន្ដែ Musiala អាចថា 50/50 ។ Ancelotti ទើបតែបង្ហើបថាគាត់មានកូនសោសម្រាប់ចាក់នៅទឹកដីអាល្លឺម៉ង់ ពេលនេះលោកគ្រូTuchel ក៏បញ្ចេញអាវុធសម្ងាត់របស់គាត់ដែរ បើ​តាម​ប្រភពពីMarcaគ្រូបង្វឹក Bayern ម្នាក់នេះនិយាយថា៖ “Serge Gnabry នឹង​មានមុខច្បាស់ណាស់សម្រាប់​ថ្ងៃ​អង្គារ។ ខ្ញុំគិតថាគាត់នឹងលេង ហើយស៊ុតបញ្ចូលទីទៀតផង។ យើង​ត្រូវ​រង់ចាំ​មើល​ថា​តើ​គាត់​បាន​ត្រៀម​ខ្លួន​ជា​ស្រេច​ក្នុង​ការ​ចាប់​ផ្តើម​ឬ​ក៏​អាចទុកជាអាវុធសម្ងាត់របស់យើងដែលអង្គុយបម្រុងសិន។ យើងកំពុងវាយតម្លៃពីស្ថានភាពរបស់ Leroy ពីមួយថ្ងៃទៅមួយថ្ងៃ យើងត្រូវការពេលវេលា។ ខ្ញុំ​មិន​អាច​ធ្វើ​ការ​ទស្សន៍ទាយ​បាន​ទេ​ឥឡូវ​នេះ”។ យ៉ាងណាមិញជាមួយនឹងក្រុមBayern…

ក្លិប Ajax បានទិញយកបាន ខ្សែបម្រើ Jordan Henderson ពីក្លិបអារ៉ាប៊ីសាអ៊ូឌីត Al Ettifaq នៅក្នុងថ្ងៃនេះដោយចាំតែប្រកាសជាផ្លូវការតែប៉ុណ្ណោះ។ កាលបរិច្ឆេទនៃការពិនិត្យសុខភាព និងថ្ងៃចុះកុងត្រាបានរៀបចំរួចរាល់អស់ហើយ ដោយគេនឹងធ្វើដំណើរពីអង់គ្លេស មកកាន់ហុល្លង់ដើម្បីបញ្ចប់កុងត្រាមួយនេះ។ Henderson នឹងចុះកុងត្រាជាមួយ Ajax រយៈពេល២ឆ្នាំកន្លះ រហូតដល់ថ្ងៃទី៣០ ខែមិថុនា ឆ្នាំ២០២៦។កីឡាករនេះធ្លាប់លេងឱ្យ Liverpool រយៈពេល ១២ឆ្នាំចាប់ពីឆ្នាំ២០១១ រហូតដល់ឆ្នាំ២០២៣ ហើយក៏ផ្លាស់ទៅលេងអោយក្លឹបអារ៉ាប៊ីសាអ៊ូឌីតកន្លះឆ្នាំ៕ Mirko di Natale របស់ TuttoJuve បានបញ្ជាក់ថា កីឡាករសញ្ជាតិអង់គ្លេសរូបនេះក៏បានផ្តល់ជូនខ្លួនគាត់ទៅ Juventus ផងដែរ ប៉ុន្តែ Bianconeri បានច្រានចោលវិធីសាស្រ្តនេះភ្លាមៗ ។ រឿងនេះកើតឡើងបន្ទាប់ពីខ្សែបម្រើរូបនេះត្រូវបានផ្សារភ្ជាប់ជាមួយនឹងការផ្លាស់ប្តូរទៅកាន់ក្លឹបជាច្រើន ហើយដែលរួមមាន Ajax និង Chelsea ។ ខ្សែបម្រើវ័យ ៣៣ឆ្នាំរូបនេះ បានចុះកិច្ចសន្យារយៈពេល ៣ឆ្នាំ ដោយមានតម្លៃខ្លួន ៧០ម៉ឺនផោន ក្នុងមួយសប្តាហ៍ ជាមួយក្លិប Al-Ettifaq នៅពេលដែលលោកចាកចេញពីក្លិប…

ខ្សែប្រយុទ្ធ​ Vinicus Jr ជា​កីឡាករ​ប្រេស៊ីល​ដែល​មាន​តម្លៃ​ខ្លួន​ខ្ពស់​ជាង​គេ​បំផុត​នៅ​ក្នុង​ពេល​នេះ​ បន្ទាប់​ពី​ទីផ្សារ​កីឡាករ​ត្រូវ​បាន​ធ្វើ​បច្ចុប្បន្ន​ភាព​កាល​ពី​ពេល​ថ្មីៗ​នេះ​។ នៅ​ក្នុង​ពេល​នេះ​ Vinicius មាន​តម្លៃ​ខ្លួន​ប្រមាណ​ ១៥០លាន​អ៊ឺរ៉ូ​ ខណៈ​គេ​ទើប​មាន​វ័យ​២៣ឆ្នាំ​ប៉ុណ្ណោះ​។កីឡាករ​រូប​នេះ​ជា​ខ្សែប្រយុទ្ធ​ឆ្នើម​ប្រចាំ​ក្លឹប​ Real Madrid ដោយ​នៅ​រដូវកាល​នេះ​ចូល​លេង​បាន​២៨ប្រកួត​ និង​ស៊ុត​ចូល​បាន​ ១៨គ្រាប់​។កីឡាករ​ប្រេស៊ីល​ដែល​មាន​តម្លៃ​ខ្ពស់​បំផុត​បន្ទាប់​ពី​ Vinicius Jr គឺ​ ខ្សែប្រយុទ្ធ​ Rodrygo ដោយ​មាន​តម្លៃ​ខ្លួន​១០០លាន​អ៊ឺរ៉ូ​៕ ប្រភព៖ transfermarkt

ខ្សែការពារឆ្នើមរបស់ក្លិប Real Madrid កីឡាករ David Alaba ថ្មីៗនេះ បានចេញមុខបញ្ជាក់យ៉ាងច្បាស់លាស់ជុំវិញ ទំនាក់ទំនងក្នុងការវិលត្រលប់ទៅកាន់ក្លិប Bayern Munich វិញ ។ ជាការពិតណាស់ Alaba ទទួលបានភាពជោគជ័យខ្លាំង ជាមួយក្លិប Bayern ក្នុងការចំណាយពេលដល់ទៅ ១២ ឆ្នាំនៅទីនោះ ដោយបានបង្ហាញខ្លួនសរុបដល់ទៅ ៤៣០ ប្រកួត និងឈ្នះពានរង្វាន់លីគ ១០ ផងដែរ។ លុះដល់ឆ្នាំ ២០២១ កីឡាករវ័យ ៣១ ឆ្នាំ បានសម្រេចចិត្តផ្ទេរមកចូលរួមជាមួយក្លិបយក្សអេស្ប៉ាញ Real Madrid នៅក្នុងការផ្ទេរមួយដោយគ្មានតម្លៃខ្លួន នៅពេលដែលកុងត្រារបស់គេជាមួយ Bayern ត្រូវអស់សុពលភាព។ ជាការពិតណាស់ Alaba ថ្មីៗនេះ ត្រូវបានគេជឿជាក់ថាកំពុងស្ថិតនៅក្នុងចំណាប់អារម្មណ៍ពីសំណាក់ក្លិបធំៗមួយចំនួននៅអារ៉ាប់ ស្របពេលការវិលត្រលប់ទៅកាន់ Bundesliga វិញ ក៏ត្រូវបានគេគិតថាអាចទៅរួចផងដែរ។ ប៉ុន្តែទោះជាយ៉ាងណាក៏ដោយ នៅពេលនិយាយអំពីការវិលត្រឡប់ទៅកាន់កីឡដ្ឋាន Allianz Arena វិញ Alaba បានបកស្រាយថា ៖ “ខ្ញុំមិនគិតថា ខ្ញុំអាចទៅណាឆ្ងាយនោះទេ ខ្ញុំមានអារម្មណ៍សុខស្រួលក្នុងទីក្រុង Madrid ។ ខ្ញុំចូលចិត្ត Real Madrid ហើយខ្ញុំមានគោលដៅច្បាស់លាស់។ គំនិតរបស់ខ្ញុំមិនមានកន្លែងផ្សេងទៀតទេ” ៕

Atletico Madrid ពុំមានការចំណាយទឹកប្រាក់ច្រើនទេ នៅក្នុងទីផ្សារដោះដូររដូវក្ដៅឆ្នាំមុន ខណៈសមាជិកថ្មីមួយចំនួនរបស់ពួកគេចូលរួមដោយមិនមានតម្លៃផ្ទេរ។ ប៉ុន្ដែយោងតាមរបាយការណ៍របស់មន្ដ្រីគណៈកម្មការ Premier League ដែលបានប្រកាសថា Nottingham Forest ដែលត្រូវបានកាត់៤ពិន្ទុនៅលីគកំពូលអង់គ្លេស ដោយសារល្មើសច្បាប់ហិរញ្ញវត្ថុ ធ្លាប់ទទួលបានសំណើផ្ទេរ Brennan Johnson ក្នុងតម្លៃ៥០លានអឺរ៉ូ ប៉ុន្ដែសំណើនេះត្រូវបានក្លឹបអង់គ្លេសបដិសេធ ដោយពួកគេចង់បាន៦៥លានអឺរ៉ូ។ Atletico មិនបានដាក់សំណើជាលើកទី២នោះទេ ហើយក្រោយមក Johnson បានសម្រេចចិត្តចូលរួមក្លឹបគូប្រជែងនៅ Premier League របស់ Forest គឺ Tottenham Hotspur នាថ្ងៃចុងក្រោយមុនបិទទីផ្សាររដូវក្ដៅ៕