តារាឆ្នើមនៅលីគបារាំងម្នាក់នេះ ចង់ចូលរួមជាមួយតែក្លឹប Real Madrid ប៉ុណ្ណោះមិនមែន Man Utd ទេ

មានក្ដីបារម្ភយ៉ាងច្រើនជុំវិញរដូវកាលរបស់ Real Madrid បន្ទាប់ពីពួកគេមិនបាននាំចូលខ្សែប្រយុទ្ធល្បីឈ្មោះ ទៅជំនួសកន្លែងរបស់ Karim Benzema ដែលបានសម្រេចចិត្តចាកចេញទៅចូលរួមក្លឹបអារ៉ាប៊ី សាអ៊ូឌីត Al-Ittihad នាដំណាច់រដូវកាលមុន។ ផ្ទុយទៅវិញ ក្លឹបយក្សអេស្ប៉ាញ បានសម្រេចចិត្តខ្ចីជើងខ្សែប្រយុទ្ធវ័យ៣៣ឆ្នាំ Joselu ពីក្លឹប Espanyol ជាមួយកុងត្រារយៈពេលមួយរដូវកាល ប៉ុន្ដែកីឡាករអេស្ប៉ាញ បានសាងភាពភ្ញាក់ផ្អើល ដោយគេរកគ្រាប់បាល់១៤គ្រាប់គ្រប់ពានរង្វាន់ទាំងអស់នារដូវកាលនេះ ទោះមិនទទួលបាន​ឱកាសលេងក្នុងជម្រើសដំបូងជាប់លាប់ក៏ដោយ។ ក្លឹបអធិរាជស មានជម្រើសក្នុងការចុះហត្ថលេខាផ្ទេរ Joselu ជាអចិន្ដ្រៃយ៍ក្នុងតម្លៃទាបនារដូវក្ដៅខាងមុខ ហើយខ្សែប្រយុទ្ធចាស់វស្សា ក៏មានបំណងចង់រួមរស់នៅរាជធានីប្រទេសអេស្ប៉ាញផងដែរ នេះបើយោងតាមប្រភពពី Mundo Deportivo។ Joselu បាននិយាយថា៖ “ខ្ញុំសង្ឃឹមថា ខ្ញុំអាចបន្ដនៅ Real Madrid ជាមួយនឹងកុងត្រាអចិន្ដ្រៃយ៍ មិនមែនត្រឹមតែការខ្ចីជើងនោះទេ”។ Joselu ពិតជាស័ក្ដិសមក្នុងការបន្ដនៅ Real Madrid ប៉ុន្ដែការមកដល់របស់ Kylian Mbappe និង Endrick Felipe នារដូវក្ដៅខាងមុខ អាចនឹងពិបាកផ្ដល់កន្លែងសម្រាប់ខ្សែប្រយុទ្ធវ័យ៣៣ឆ្នាំ ក្នុងក្រុមលោក Ancelotti សម្រាប់រដូវកាលក្រោយ៕

ក្រុមនាំមុខតារាងEPL គឺហង្សក្រហម Liverpool និងត្រូវមានកាតព្វកិច្ចសម្រាប់ការប្រកួតក្របខណ្ឌ Europa League ខណៈដែលពួកគេនិងត្រូវធ្វើដំណើរមកកាន់កីឡដ្ឋានEpet Arena ដោយត្រូវជួបជាមួយនិង ម្ចាស់ផ្ទះ Sparta Prague សម្រាប់ការប្រកួតជើងទីមួយវគ្គ ១៦ ក្រុមចុងក្រោយនៅវេលាម៉ោង១២ និង ៤៥នាទី រំលងអធ្រាតឈានចូលថ្ងៃសុក្រទី៨ មិនា ស្អែកនេះ។Liverpool ធ្វើមិនសូវបានល្អទេសម្រាប់ ការប្រកួត៦លើកចុងក្រោយដោយឈ្នះ៤ចាញ់២ ខណៈ Sparta Prague ចាញ់២ស្មើ១ឈ្នះ៣។ ១.ប្រវត្តិជួបគ្នា ធ្លាប់ជួបប្រកួតគ្នា២ដងកំលុងឆ្នាំ២០១១ថ្ងៃទី១៧កុម្ភៈ ២០១១នៅទឹកដី Prague គឺស្មើគ្នា០ទល់និង០ ខណៈនៅទឹកដីអង់គ្លេស Liverpool ផ្តួលក្នុងលទ្ធផល ១ទល់និង០។២.ពត៌មានក្រុមSparta Prague(ម្ចាស់ផ្ទះ)ក្រុមម្ចាស់ផ្ទះនិងមិនមានវត្តមានខ្សែការពារ Filip Panak សម្រាប់ការប្រកួតនេះ ខណៈកីឡាករផ្សេងទៀតមិនមានបញ្ហារបួសនោះទេ។-ជម្រើស១១នាក់ដំបូងអាចនិងចូលលេងVindahl; Vitik, Krejci, Sorensen; Preciado, Kairinen, Laci, Rynes; Birmancevic, Kuchta, Haraslin-ទម្រង់លេងអាចនិងយកមកប្រើប្រាស់៣-៤-៣ ៣.ពត៌មានក្រុមLiverpool(ភ្ញៀវ)ក្រុមភ្ញៀវ Liverpool នៅតែមិនមានកីឡាករជាច្រើននាក់ដែលអវត្តមានដោយសាររបួសដូចជាៈ Joel Matip…

ទីភ្នាក់ងាររបស់ខ្សែប្រយុទ្ធចំណូលថ្មី កីឡាករ Vitor Roque លោក Andre Cury កាលពីពេលថ្មីៗនេះ បានជំរុញឲ្យក្លិប Barcelona ធ្វើការចុះហត្ថលេខាលើខ្សែប្រយុទ្ធសញ្ជាតិប្រេស៊ីល កីឡាករ Estevao Willian ដែលត្រូវបានគេដាក់រហស្សនាមថាជា ‘Messinho’ ។ ជាក់ស្តែង លោក Cury បាននិយាយថា Barca គួរតែពិចារណាលើការចុះហត្ថលេខាលើកីឡាករវ័យ 16ឆ្នាំរូបនេះ ដោយសារតែគេអាចនឹងមកចាប់ដៃគូលេងបានយ៉ាងល្អជាមួយ Roque ក្នុងតំបន់ប្រយុទ្ធនៅទឹកដី Camp Nou ស្របពេលទីភ្នាក់ងាររូបនេះ ក៏បានដាក់ឈ្មោះ Willian ថាជា Neymar ទីពីរផងដែរ។ លើសពីនេះ លោកបាននិយាយទៀតថា ៖ “តាមគំនិតរបស់ខ្ញុំ Barcelona គួរតែពិចារណាលើការចុះហត្ថលេខាលើ Messinho ព្រោះគាត់នឹងផ្តល់ភាពរីករាយដល់ Barca ជាមួយ Vitor Roque ។ ខ្ញុំអាចដាក់ក្តីសង្ឃឹមជាច្រើនទៅលើ Messinho ព្រោះថាគាត់គឺជា Neymar ទីពីរ” ។ ជម្រាបជូនផងដែរថា Willian ដែលត្រូវបានគេស្គាល់ថា Messinho បច្ចុប្បន្នកំពុងលេងឱ្យក្រុមប្រេស៊ីល Palmeiras ដោយរូបគេបានបង្ហាញខ្លួន ៥លើករួចមកហើយផងដែរ៕

បន្ទាប់​ការ​បរាជ័យ​នៅ​ទឹកដី​ខ្លួន​ឯង​ក្រោម​ថ្វី​ជើង​ភ្ញៀវ AS Roma ១-០ កាល​ពី​ជើង​ទី ១ ឥឡូវ​ចូល​មក​ដល់​ជើង​ទី ២ សម្រេច​ក្រុម​ឡើង​ធ្លាក់​ទៅ​វគ្គ​បន្ទាប់ ៤ ក្រុម​ចុងក្រោយ Europa League ក៏​ត្រូវ​បាន​អ្នកចាត់ការ​ក្លឹប AC Milan លោក Stefano Pioli អះអាង​ថា ប្រាកដ​នឹង​អាច​យក​ឈ្នះ​ពួក​គេ​បាន។ នេះ​មុន​ការ​ប្រកួត​មក​ដល់​នៅ​វេលា​ម៉ោង ០២:០០ នាទី​ទៀប​ភ្លឺ ឈាន​ចូល​ថ្ងៃ​ទី ១៩ ​មេសា ​អ្នកចាត់ការ​លោក Pioli បាន​រៀបរាប់​យ៉ាង​ដូច្នោះ​ថា៖ “កន្លង​មក​វា​ជា​ការ​ប្រកួត​បរាជ័យ​ដ៏​គួរ​ឲ្យ​ធុញទ្រាន់ តែ​ការ​បញ្ចេញ​មតិ​គឺ​ធម្មតា​ទេ”។ លោក​បន្ត​ទៀត៖ “ការ​វិនិច្ឆ័យ​ទាំង​អស់​គឺ​គេ​មើល​លទ្ធផល តែ​នេះ​វា​ជា​ប្រកួត​មួយ​ផ្សេង​ទៀត យើង​បាន​មើល​ប្រកួត​មុន និង​ដឹង​ច្បាស់​អំពី​អ្វី​ដែល​ត្រូវ​តែ​ធ្វើ បើ​ទោះ​បី​យើង​ជួប​ប្រទះ​ស្ថានភាព​មួយ​ផ្សេង​ទៀត តែ​ខ្ញុំ​ច្បាស់ អំពី​របៀប​ក្នុង​ការ​រារាំង​ពួក​គេ ការ​ប្រកួត​នេះ​សំខាន់​ណាស់ យើង​ទៅ​លេង​និង​យក​ឈ្នះ​ពួក​គេ”។ រំឭក​ឲ្យ​ដឹង​ដែរ​ថា នេះ​ជា​ក្លឹប​មក​ពី Serie A តែ​មួយ ដែល​នៅ​វគ្គ ៨ ក្រុម​លែង​មាន​ការ​ហាមឃាត់​អ្វី​ទៀត​ហើយ ពាក់ព័ន្ធ​នឹង​ក្លឹប​ត្រូវ​ផ្គូផ្គង​ប៉ះ​គ្នា។ ៣ គូ​ផ្សេង​ទៀត មាន Marseille…

កីឡាកររបស់ Barcelona ចំនួន២ រូបអាចនឹងត្រូវអវត្តមានយ៉ាងហោចណាស់១ខែ ដោយសារបញ្ហារបួស។ នេះបើតាមការប្រកាសឱ្យដឹងពីក្លិបនៅក្របខណ្ឌ La Liga។ ជាក់ស្តែង កីឡាករទាំង២រូបនោះគឺ ខ្សែបម្រើ Frenkie De Jong និង Pedri ដោយពួកគេបានរងរបួសរៀងខ្លួន អំឡុងការប្រកួតដែល Barcelona ស្មើគ្នា ០-០ ទល់នឹងក្រុមម្ចាស់ផ្ទះ Athletic Bilbao នៅជំនួបលីគកំពូលអេស្ប៉ាញ សប្តាហ៍ទី២៧ ដែលធ្វើឡើងកាលពីពេលថ្មីៗនេះ។ De Jong ត្រូវបានគេដឹងថា មានរបួសត្រង់ឆ្អឹង និងសាច់ដុំត្រង់កជើងនៅខាងស្ដាំ រីឯ Pedri មានបញ្ហាត្រង់សរសៃពួរសាច់ដុំជើងស្ដាំ ដោយពួកគេត្រូវបានដូរចេញពីការប្រកួតភ្លាមៗផងដែរ ក្រោយមើលឃើញថា មានបញ្ហា។ ចំពោះរឿងនេះដែរ ក្លិប Barcelona បានប៉ានស្មានដឹងមុនរួចជាស្រេចផងដែរថា Pedri និង De Jong អាចនឹងមានរបួសក្នុងរយៈពេលយូរបែបនេះ។ បច្ចុប្បន្ន Barcelona កំពុងឈរចំណាត់ថ្នាក់លេខ៣ នៅតារាងពិន្ទុក្របខណ្ឌ La Liga ដោយមាន៥៨ពិន្ទុ តិចជាង១ពិន្ទុពីក្រុមលេខ២…

អតីតប្រធានផ្នែកកីឡារបស់ក្លិប Al Nassr លោក Goran Vucevic បានបង្ហើបថាខ្សែបម្រើ Luka Modric ធ្លាប់ខិតជិតខ្លាំងមែនទែន ក្នុងការផ្ទេរមកចូលរួមជាមួយក្លឹបអារ៉ាប៊ីសាអូឌីត កាលពីរដូវក្តៅកន្លងទៅ មុនពេលសម្រេចចិត្តបន្តស្នាក់នៅ Real Madrid បន្ត។ ជាក់ស្តែង Modric ត្រូវបានគេរាយការណ៍ថា ធ្លាប់មានទំនាក់ទំនងយ៉ាងខ្លាំង ក្នុងការចាកចេញពីក្លិប Madrid កាលពីរដូវក្តៅកន្លងទៅ នៅពេលដែលគេហាក់លែងជាជម្រើសចម្បងសម្រាប់ក្លិបយក្សអេស្ប៉ាញទៀតនោះឡើយ ។ ប៉ុន្តែទោះជាយ៉ាងណាក៏ដោយ នៅទីបញ្ចប់ ខ្សែបម្រើរូបនេះបានសម្រេចចិត្តជ្រើសរើសយកការស្នាក់នៅកីឡដ្ឋាន Santiago Bernabeu បន្តទៀត។ ប៉ុន្តែប្រសិនបើគេមិនអាចនៅ La Liga បន្តទេនោះ វាត្រូវបានគេយល់ឃើញថាគោលដៅធំរបស់ខ្សែបម្រើសញ្ជាតិក្រូអាតរូបនេះ ច្បាស់ជាក្លិប Al Nassr របស់ Cristiano Ronaldo ជាក់ជាមិនខាន។ លើសពីនេះ លោក Goran Vucevic ដែលធ្លាប់កាន់តំណែងជាអតីតនាយកផ្នែកកីឡានៃក្រុមអារ៉ាប៊ីសាអូឌីត បានបញ្ជាក់ថា Modric ទទួលបានសំណើធំពីសំណាក់ក្លិប Al Nassr ប៉ុន្តែទីបំផុតគេបែជាបានជ្រើសរើសនៅជាមួយ Real Madrid ជំនួសវិញ៕