Liverpool ឈានដល់កិច្ចព្រមព្រៀងជាមួយគ្រូបង្វឹក Feyenoord មកជំនួសតំណែងរបស់ Klopp

នេះជាលើកដំបូងតាំងពីដើមឆ្នាំ២០២៤មក ដែល Kylian Mbappe និយាយជាមួយអ្នកសារព័ត៌មាន ពេលដែលក្រុមជម្រើសជាតិបារាំង ត្រៀមខ្លួនសម្រាប់ការប្រកួតមិត្តភាពទល់អាល្លឺម៉ង់។ ខ្សែប្រយុទ្ធរូបនេះត្រូវបានសួរអំពីអនាគតរបស់គេ ហើយជាការឆ្លើយតប តារាឆ្នើមរបស់ Paris Saint-Germain រូបនេះ បានលើកឡើងថា គេមិនមានអ្វីត្រូវប្រកាសនោះទេ លុះត្រាតែដល់មុនព្រឹត្តិការណ៍ Euro 2024 ចាប់ផ្ដើម។ Mbappe បាននិយាយថា៖ “ខ្ញុំមិនប្រកាសអ្វីទេ ព្រោះខ្ញុំគ្មានអ្វីដែលត្រូវប្រកាស។ ថ្ងៃដែលខ្ញុំមានរឿងត្រូវប្រកាស ខ្ញុំនឹងបើកចំហរ និងបង្ហាញពីសេចក្ដីលម្អិត។ សូមទោសដែលធ្វើឱ្យអ្នកខកចិត្ត ប៉ុន្ដែខ្ញុំគ្មានអ្វីគួរឱ្យចាប់អារម្មណ៍ដើម្បីប្រកាសទេ”។ “ខ្ញុំនឹងផ្ដោតទៅលើក្រុមជម្រើសជាតិបារាំង នៅពេលដែល Euro 2024 ខិតចូលមកដល់ ហើយខ្ញុំគិតថាគ្រប់យ៉ាងត្រូវបានដោះស្រាយនៅពេលនោះ”៕

កីឡាករ Raphael Varane ខ្សែការពារក្រុមបិសាចក្រហម Manchester United ត្រូវបានគេរាយការណ៍ថាកំពុងចចារជាមួយក្រុម Bayern Munich ដើម្បីចូលរួមក្នុងខែមករា ឆ្នាំ២០២៤ នេះ។ ក្រុម Bayern Munich កំពុងតែបន្តតាមដានទៅលើស្ថានភាពរបស់កីឡាករ Raphael Varane ដោយក្រុម Bayern Munich មិនចង់បានក្នុងលក្ខខណ្ឌខ្ចីជើងនោះឡើយ ពួកគេអាចនឹងស្នើទិញផ្តាច់ក្នុងតម្លៃខ្លួនប្រមាណ ២៦.៣ លានផោន។ កីឡាករ Raphael Varane បានចូលរួមជាមួយក្រុម Manchester United ក្នុងឆ្នាំ ២០២១ ក្នុងអំឡុងពេលនៃការដឹកនាំរបស់លោក Ole Gunnar Solskjaer។ ប៉ុន្តែ កីឡាករដែលឈ្នះពាន UEFA Champions League ចំនួន ៤ ដងជាមួយក្រុម Real Madrid រូបនេះ ហាក់បីដូចជាមានបញ្ហារបួសជារឿយៗក្នុងអំឡុងពេលលេងឱ្យក្រុម Manchester United។ ក្នុងរដូវកាលថ្មីនេះ កីឡាករ Raphael Varane…

លោក​ Mourinho បាន​និយាយ​ថា​៖” នៅ​ថ្ងៃ​ណា​មួយ​ ខ្ញុំ​នឹង​ទៅ​ដឹកនាំ​ក្លឹប​នៅ​អារ៉ាប៊ីសាអ៊ូឌីត​ ។ វា​អាច​នឹង​កើត​ឡើង​ ប៉ុន្តែ​មិន​មែន​នៅ​ក្នុង​ពេល​ដ៏​ខ្លី​ខាង​មុខ​នេះ​ទេ​ “។ លោក​បន្ត​ថា​៖” ទាក់​ទង​នឹង​រឿង​ជំនួស​ Ancelotti នៅ​ឆ្នាំ​២០២៤​ខាង​មុខ​នេះ​? ខ្ញុំ​គិត​លោក​ Perez ជា​មនុស្ស​ឆ្លាត​ ណា​មួយ​លោក​មាន​កំពូល​អ្នកដឹកនាំ​ក្លឹប​ស្រាប់​ទៅ​ហើយ​ អញ្ចឹង​លោក​ទៅ​គិត​ផ្លាស់​ប្ដូរ​គ្រូ​បង្គោល​លោក​ធ្វើ​អី​។ ខ្ញុំ​មាន​តែ​សង្ឃឹម​ថា​ Ancelotti នឹង​នៅ​ទី​នោះ​ ព្រោះ​គេ​ជា​គ្រូ​ដ៏​ល្អ​របស់​ Real Madrid “។ លោក​ Mourinho មក​ដឹកនាំ​ Roma បាន​២ឆ្នាំ​ហើយ​ ដោយ​លោក​ធ្លាប់​មាន​បទពិសោធន៍​ដឹកនាំ​ក្លឹប​ធំៗ​ជា​ច្រើន​ដូច​ជា​ Real, Chelsea, Man Utd និង​ Spurs ជា​ដើម​៕

ក្លឹបទាំង១០ដែលមានការលក់សំបុត្រ និងអាហារនៅក្នុងកីឡដ្ឋានថ្លៃជាងគេនៅ Premier League ត្រូវបានបង្ហាញ ប៉ុន្តែអ្នកគាំទ្រមានការភ្ញាក់ផ្អើល ដែលមិនមានក្លឹប Manchester United ។ យោងទៅតាមរបាយការណ៍ និងការប្រមូលស្ថិតិដោយ BestGamblingsites.com បានបង្ហាញថា ក្លឹប Tottenham គឺជាក្រុមដែលស្ថិតនៅលើកំពូលតារាងដោយតាមពីក្រោយដោយ Arsenal ជាមួយនឹងលេខ៣គឺក្រុមដែលមានមូលដ្ឋានទីក្រុងឡុងដូចគ្នា West Ham United ខណៈ Fulham និង Chelsea ស្ថិតនៅលេខ៤ និងលេខ៥ ជាមួយនឹងក្រុម Aston Villa និង Manchester City ជាក្រុមនៅលេខ៦ និងលេខ៧ ខណៈ Crystal Palce, Everton និង Brentford គឺស្ថិតនៅលេខបន្តបន្ទាប់ទៀត។ យ៉ាងណាមិញក្រុមដែលគេចាប់អារម្មណ៍ខ្លាំងជាងគេគឺ Manchester United ដែលអ្នកគាំទ្ររបស់ពួកគេតែងតែគិតថា ម្ចាស់ក្លឹប Glazer តែងតែប្រមូលបានផលចំណេញខ្ពស់ពីការលក់សំបុត្រ និងអាហារ ឬក៏ជាវត្ថុអនុស្សវរីក្នុងក្លឹបនោះគឺស្ថិតនៅលេខ១៥វិញ ដែលជាក្រុមដែលស្ថិតនៅតំបន់ធូរថ្លៃ ដែលតម្លៃសំបុត្រពួកគេលក់ត្រឹមតែ៣៦ទៅ៥៨ផោន និងអាហារជាទូទៅគឺ…

កីឡាករ Leroy Sane សញ្ជាតិអាល្លឺម៉ង់ដែលកំពុងលេងឱ្យក្រុម Bayern Munich បានចេញមកសូមទោសទៅកាន់អ្នកគាំទ្រក្រុមជម្រើសជាតិអាល្លឺម៉ង់ ចំពោះរឿងដែលរូបគេទទួលបានកាតក្រហមក្នុងជំនួបមិត្តភាពរវាងក្រុមជម្រើសជាតិអាល្លឺម៉ង់ទល់នឹងក្រុមជម្រើសជាតិអូទ្រីស។ អវត្តមានរបស់រូបគេបានកើតឡើងនៅនាទី ៤៩ និងធ្វើឱ្យក្រុមអូទ្រីសយកឈ្នះក្នុងលទ្ធផល ២-០។ គ្រាប់បាល់របស់ក្រុមអូទ្រីស គឺកើតចេញពីការរកគ្រាប់បាល់របស់អតីតកីឡាករក្រុមបិសាចក្រហម Manchester United គឺកីឡាករ Marcel Sabitzer នៅនាទី ២៩ ដោយគ្រាប់ទី ២ រកបានដោយកីឡាករ Christoph Baumgartner នៅនាទី ៧៣។ បរាជ័យនេះ គឺជាលើកទី ៦ ហើយសម្រាប់ក្រុមជម្រើសជាតិអាល្លឺម៉ង់ក្នុងឆ្នាំនេះ ស្របពេលដែលជាបរាជ័យលើកទី ២ ក្រោមការដឹកនាំរបស់អតីតគ្រូបង្វឹកក្រុម Bayern Munich លោក Julian Nagelsmann។ បន្ទាប់ពីការប្រកួត កីឡាករ Leroy Sane បានបង្ហោះក្នុង Twitter ថា៖ ជាពេលល្ងាចមួយដែលគួរតែបំភ្លេចក្នុងទីក្រុងវីយែន។ ខ្ញុំបានសូមអភ័យទោសទៅកាន់មិត្តរួមក្រុមក្នុងបន្ទប់ផ្លាស់សម្លៀកបំពាក់រួចហើយសម្រាប់កាយវិការមិនសមរម្យមួយនេះ។ រឿងនេះវាមិនគួរកើតឡើងឡើយ ជាពិសេសគឺក្នុងស្ថានភាពឥឡូវនេះ។ ខ្ញុំក៏សូមទោសជាខ្លាំងទៅកាន់អ្នកគាំទ្រផងដែរ។ ពួកយើងនៅមានកិច្ចការជាច្រើនទៀត ដើម្បីសម្រេចឱ្យបានជោគជ័យក្នុងឆ្នាំ២០២៤ ខាងមុខនេះ។…

ក្លិប Ajax ថ្មីៗនេះ ត្រូវបានគេរាយការណ៍មកថា កំពុងបង្ហាញការចាប់អារម្មណ៍ក្នុងការនាំយកអ្នកចាត់ការរបស់ក្រុមបិសាចក្រហម Mancchester United លោក Erik ten Hag ត្រលប់ទៅកាន់កីឡដ្ឋាន Amsterdam Arena វិញ។ ជាការពិតណាស់ក្រុមយក្សរបស់ហូឡង់មួយនេះ ហាក់កំពុងស្ថិតនៅក្នុងស្ថានភាពលំបាកបំផុតមួយ ក្រោមការដឹកនាំរបស់លោក Maurice Steijn រហូតដល់គាត់ត្រូវបានក្លិបសម្រេចបញ្ចប់តំណែង និងនាំយកលោក John van’t Schip មកដឹកនាំក្រុមបណ្តោះអាសន្នរហូតដល់ចប់រដូវកាល។ យ៉ាងណាមិញ ខណ:ពេលដែលលោក Van’t Schip កំពុងផ្តោតលើការដោះស្រាយបញ្ហានៅលើទីលាន នាយកប្រតិបត្តិថ្មីរបស់ក្លិប Ajax លោក Alex Kroes កំពុងរៀបចំផែនការរួចជាស្រេចហើយ ដើម្បីស្វែងរកគ្រូបង្វឹកថ្មី នៅមុនរដូវកាលក្រោយចូលមកដល់។ ហើយឥឡូវនេះ យោងតាមសារព័ត៌មាន The Mirror បានអះអាងមកថា ក្លិប Ajax បានរៀបចំបញ្ជីសម្រាំងមួយចំនួនរួចមកហើយ ដោយក្នុងនោះក៏រួមមានឈ្មោះរបស់អតីតអ្នកចាត់ការរបស់ពួកគេ គឺលោក Ten Hag និងជំនួយការគ្រូបង្វឹក Liverpool លោក Pep Lijnders ផងដែរ។ ប្រភពដដែលនេះ បានរាយការណ៍ទៀតថា លោក Kroes ហាក់ដូចជាបានបើកចំហរឱកាសធំ សម្រាប់ការនាំយកលោក Ten Hag ត្រឡប់មកកាន់ក្លិបវិញ នៅពេលដែលបុរសសញ្ជាតិហូឡង់រូបនេះ ធ្លាប់បានចំណាយពេលដល់ទៅ ៤ ឆ្នាំកន្លះ ក្នុងនាមជាអ្នកចាត់ការក្រុម Ajax និងបានយកមកនូវភាពជោគជ័យធំៗជាច្រើន មុនពេលលោកសម្រេចផ្ទេរទៅ Old Trafford ក្នុងឆ្នាំ២០២២៕