ខ្សែការពារ Ronald Araujo កំពុងទាក់ទងក្លឹបយក្សមួយនៅអាល្លឺម៉ង់ បន្ទាប់ពីមិនច្បាស់លាស់នៅ Barca

ខ្សែការពារចាស់វស្សា Thiago Silva បានប្រកាសថា រូបគេនឹងចាកចេញពីក្លិប Chelsea នៅដំណាច់រដូវកាលនេះ ក្រោយពីបានចាយពេល៤ឆ្នាំ លេងនាទឹកដី Stamford Bridge។ ទោះបានប្រកាសចាកចេញពី Chelsea ប៉ុន្តែ Thiago Silva បានបង្ហើបពីក្តីរំពឹងថា រូបគេអាចនឹងត្រឡប់មករួមការងារជាមួយក្លិបវិញ ក្នុងតួនាទីផ្សេង។ ទាក់ទិននឹងរឿងនេះ កីឡាករវ័យ ៣៩ ឆ្នាំ បានឱ្យដឹងថា៖ “Chelsea មានន័យខ្លាំងណាស់សម្រាប់ខ្ញុំ។ ខ្ញុំបានមកទីនេះដោយមានបំណងស្នាក់នៅត្រឹមតែមួយឆ្នាំ តែវាបានបញ្ចប់ទៅ ៤ ឆ្នាំ។ ខ្ញុំ តែងតែផ្តល់ឱ្យក្លិបនូវអ្វីគ្រប់យ៉ាង ប៉ុន្តែវាមកដល់ពេលបញ្ចប់របស់ខ្ញុំជាមួយក្លិបហើយ។ យ៉ាងណា ខ្ញុំសង្ឃឹមថា នៅពេលអនាគត ខ្ញុំអាចត្រលប់វិញ ក្នុងតួនាទីថ្មី ក្រៅពីជាកីឡាករ។” Thiago Silva បានចូលរួម Chelsea ដោយផ្លាស់មកពី Paris St Germain ដោយមិនមានតម្លៃខ្លួន កាលពីខែសីហា ឆ្នាំ ២០២០ អំឡុងការដឹកនាំរបស់លោក Frank Lampard។ រូបគេបានបន្តលេងក្រោមការដឹកនាំរបស់គ្រូបង្វឹកដទៃទៀតនៅ…

តារា​ឆ្នើម​វ័យ​ក្មេង Jamal Musiala កំពុង​ស្ថិត​ក្រោម​ក្រសែ​ភ្នែក​ចង់​បាន​របស់​ក្លឹប​ធំ ២ មាន Barcelona និង Manchester City បន្ទាប់​តែ​យុវជន​សញ្ជាតិ​អង់គ្លេស​បត់​ខ្លួន​ឯង​ទៅ​ជា​បម្រើ​ប្រយុទ្ធ​ដ៏​ល្អ​ដាច់​គេ​មួយ​ប្រចាំ​តំបន់​អឺរ៉ុប នា​រយៈ​ពេល ២ រដូវ​កាល​ចុង​ក្រោយ។ ឃើញ​ថា កីឡាករ​​វ័យ ២១ ឆ្នាំ កំពុង​ពេញ​ធ្វើ​បាន​ល្អ​ខ្លាំង​ឲ្យ​ក្លឹប Bayern Munich ជាមួយ​កុងត្រា​សេសសល់​រយៈ​ពេល ២ ឆ្នាំ​ទៀត តែ​យ៉ាង​ណា​គេ​ក៏​ទំនង​គិតគូរ​ដល់​ការ​ងាក​រក​ទ្រនំ​ប្រកួតប្រជែង​ថ្មី​ផង​ដែរ។ រួច​បើ​តាម​សារព័ត៌មាន The Independent ចុះ​ផ្សាយ បច្ចុប្បន្ន​មាន​ក្លឹប​យក្ស ២ សំពៅ​មាស និង​អ្នក​មាន​បុណ្យ ពិត​ជា​ដាក់​ចិត្ត​ចង់​បាន​គេ​ខ្លាំង។ កីឡាករ​ដែល​អាច​លេង​បាន​ទាំង​បម្រើ​ប្រយុទ្ធ និង​ស្លាប​រូប​នេះ អាច​មាន​ហាងឆេង​តម្លៃ​ខ្លួន​ខ្ពស់​កប់​ពពក​ដល់​ទៅ ១១០ លាន​អឺរ៉ូ។ សព្វថ្ងៃ​រាប់​គេ​បាន​ជា​កីឡាករ​អាច​លក់​ចេញ​ខ្ពស់​បំផុត​ហើយ​ប្រចាំ​ម្ចាស់ដី Allianz Arena នៅ​ទីក្រុង Munich ប្រទេស​អាល្លឺម៉ង់។ រំឭក​ទៅ​មើល​ស្ថិតិ​របស់ Musiala បន្តិច នៅ​រដូវ​កាល ២០២៣/២៤ គេ​ឈរ​ជើង​សរុប ៣៤ ប្រកួត ​នៅ​ចំនួន ២…

ជើងចាស់ លោក Robin van Persie ត្រូវបានគេរាយការណ៍មកថា កំពុងស្ថិតនៅក្នុងការពិភាក្សាដំបូងជាមួយក្លិបហូឡង់ Heerenveen ជុំវិញការក្លាយជាអ្នកចាត់ការថ្មីរបស់ពួកគេ នៅចុងបញ្ចប់នៃរដូវកាលនេះ។ គួរឲ្យដឹងផងដែរថា Van Persie ធ្លាប់បានបម្រើការក្នុងនាមជាជំនួយការ គ្រូបង្វឹករបស់ក្លិបកុមារភាពរបស់ខ្លួន គឺ Feyenoord ហើយបានបន្តទៅធ្វើជាគ្រូបង្វឹករបស់ក្រុម សម្រាប់ឈុតអាក្រោម ១៨ឆ្នាំ និងក្រោម ១៩ឆ្នាំ។ ដោយសារតែមានបទពិសោធច្រើនក្រាស់ក្រែល ទើបថ្មីៗនេះ មានរបាយការណ៍មកបានអះអាងថា អតីតតារាឆ្នើមរបស់ក្លិប Man Utd រូបនេះ កំពុងបង្ហាញចំណាប់អារម្មណ៍ក្នុងការទៅដឹកនាំក្លិបកម្រិតអាជីពជាលើកដំបូង ដោយបានបានពិភាក្សាជាមួយ នាយកក្លិប Heerenveen លោក Ferry de Haan រួចរាល់ហើយផងដែរ។ តែទោះជាយ៉ាងណាក៏ដោយ Van Persie មិនមែនជាបេក្ខភាពតែមួយគត់ សម្រាប់តួនាទីនេះទេ ដោយអតីតខ្សែប្រយុទ្ធរបស់ Manchester United ម្នាក់ទៀតគឺ Ruud van Nistelrooy ក៏កំពុងត្រូវបានទាក់ទងដោយក្លិបហូឡង់នេះផងដែរ។ ជម្រាបជូនផងដែរថា បច្ចុប្បន្ននេះ Heerenveen កំពុងស្ថិតក្នុងចំណាត់ថ្នាក់ទី១១ នៅលីគកំពូលហូឡង់ Eredivisie ដោយអ្នកចាត់ការបច្ចុប្បន្ន គឺលោក Kees van Wonderen គ្រោងនឹងចាកចេញពីតំណែងរបស់ខ្លួន នៅចុងបញ្ចប់នៃរដូវកាលនេះ៕

បន្ទាប់​ពី​ចែក​ផ្លូវ​ជាមួយ​ក្លឹប Manchester United កាល​ពី​ចុង​ឆ្នាំ ២០២២ ខ្សែ​ប្រយុទ្ធ Ronaldo បាន​ចាប់​ផ្ដើម​ជីវភាព​ថ្មី​នៅ​អារ៉ាប៊ីសាអ៊ូឌីត ក្រោយ​បាន​មក​ចូល​រួម​ជាមួយ​ក្លឹប Al Nasser កាល​ពី​ថ្ងៃ​ទី ៣០ ខែ​ធ្នូ​ ឆ្នាំ​ដដែល ក្នុង​កុងត្រា​រយៈ​ពេល ២ ឆ្នាំ។ Ronaldo ទទួល​បាន​ចំណូល​សរុប​ប្រមាណ ២០០ លាន​អឺរ៉ូ​ក្នុង​មួយ​ឆ្នាំ​ពី​ក្លឹប។ ចំណូល​ដ៏​ច្រើន​បែប​នេះ​គួបផ្សំ​ទៅ​នឹង​ទ្រព្យ​សម្បត្តិ ប្រជាប្រិយភាព មុខ​មាត់ និង​មុខ​ជំនួញ​ជា​ច្រើន​មុខ​របស់​ Ronaldo បង្ក​លក្ខណៈ​ឲ្យ​ខ្សែ​ប្រយុទ្ធ​សញ្ជាតិ​ព័រទុយហ្គាល់​វ័យ ៣៨ ឆ្នាំ​រូប​នេះ មាន​ជីវភាព​យ៉ាង​ហ៊ឺហា​នៅ​អារ៉ាប៊ីសាអ៊ូឌីត។ ខាង​ក្រោម​ជា​ឧទាហរណ៍​ធំៗ​មួយ​ចំនួន។ ក្រោយ​មកដល់​អារ៉ាប៊ីសាអ៊ូឌីត​ភ្លាម ក្រុម​ហ៊ុន​មួយ​បាន​ឲ្យ​កាដូ​នាឡិកា​​ដាំ​ពេជ្រ​ដាំ​ត្បូង​មាន​តម្លៃ​ជិត​ ៨០ ម៉ឺន​អឺរ៉ូ​ឲ្យ​ Ronaldo។ លើស​ពី​នេះ កីឡាករ​រស់​នៅ​ក្នុង​ផ្ទះ​ដ៏ល្អ​ប្រណីត​ធំ​ទូលាយ ហើយ​មាន​សន្តិសុខ​យាម​កាម ២៤ ម៉ោង។ បន្ថែម​ពី​លើ​នេះ ខ្សែ​ប្រយុទ្ធ​ព័រទុយហ្គាល់​ត្រូវ​បាន​ប្រទះ​ភ្នែក​ឃើញ​ជា​ញឹកញាប់​នៅ​សណ្ឋាគារ ភោជនីយដ្ឋាន ព្រឹត្តិការណ៍​កីឡា វប្បធម៌ និង​សង្គម​ដែល​សុទ្ធ​តែ​មាន​តម្លៃ​ខ្ពស់។ ជា​ពិសេស យោង​តាម​របាយការណ៍ Daily Mailបើ​ទោះ​ជា​ច្បាប់​នៅ​អារ៉ាប៊ីសាអ៊ូឌីត បាន​លើក​ឡើង បុរស និង​ស្ត្រី​មិន​អាច​រស់​នៅ​ជាមួយ​បាន​ដោយ​មិន​បាន​រៀប​ការ…

ក្លឹបបិសាចក្រហម Manchester United បានកំណត់អត្តសញ្ញាណលើ Benjamin Sesko របស់ក្រុម RB Leipzig ជាគោលដៅខ្សែប្រយុទ្ធជួរមុខកំពូលនៃបញ្ជីផ្ទេរនៅរដូវក្តៅនេះ ប៉ុន្តែរាងពិបាកបន្តិចក្នុងការចុះហត្ថលេខាលើខ្សែប្រយុទ្ធវ័យ ២០ឆ្នាំ ។ គួរកត់សម្គាល់ថា កិច្ចសន្យារបស់ Sesko មានតម្លៃប្រមាណ ៤៣លានផោន ក្នុងការដោះលែង ខណៈ Man Utd នឹងពិបាកបញ្ចុះបញ្ចូលរូបគេឲ្យផ្លាស់មកកាន់ទឹកដី Old Trafford ដោយសារមានក្លឹបធំៗជាច្រើនក៏កំពុងចាប់អារម្មណ៍លើកីឡាករសញ្ជាតិស្លូវេនីរូបនេះផងដែរ។ គួរជម្រាបដែរថា Sesko ស៊ុតបញ្ចូលទីបាន ២៩គ្រាប់ និង assists ១១ដង ក្នុងការបង្ហាញខ្លួន ៧៩លើកសម្រាប់ក្រុម Red Bull Salzburg មុនពេលផ្លាស់ទៅកាន់ RB Leipzig ក្នុងខែកក្កដា ឆ្នាំ២០២៣ ដោយចុះកិច្ចសន្យារយៈពេល ៥ឆ្នាំ ជាមួយក្លឹបនៅ Bundesliga៕

កាលពីពេលថ្មីៗនេះ ខ្សែបម្រើ Aurelien Tchouameni របស់ក្លិប Real Madrid បានបង្ហើបឲ្យដឹងថាមិត្តរួមជាតិបារាំងរបស់គេ គឺកីឡាករ Kylian Mbappe នឹងផ្ទេរមកចូលរួមជាមួយក្លិបយក្សអេស្ប៉ាញ នៅរដូវក្តៅខាងមុខនេះ។ ជាក់ស្តែង Mbappe នឹងត្រូវក្លាយជាកីឡាករដែលគ្មានតម្លៃខ្លួន នៅពេលដែលកិច្ចសន្យារបស់គេជាមួយក្លិបបារាំង Paris Saint-Germain នឹងត្រូវផុតកំណត់ នៅចុងបញ្ចប់រដូវកាលបច្ចុប្បន្ននេះ។ ជុំវិញស្ថានភាពនេះហើយ ទើបធ្វើឲ្យ Mbappe ត្រូវបានភ្ជាប់ទំនាក់ទំនងជាមួយនឹងការផ្ទេរទៅកាន់ក្លិបជាច្រើន ជាពិសេស Real Madrid ដែលត្រូវបានគេចាត់ទុកថាជាគោលដៅដ៏ធំបំផុតមួយ ។ ហើយឥឡូវនេះ Tchouameni ហាក់បានធ្វើការបញ្ជាក់បន្ថែម ចំពោះរំពឹងទុកជុំវិញអនាគតរបស់ Mbappe ដោយបានបង្ហើបថាមិត្តរួមក្រុមបារាំងរបស់គេ នឹងផ្ទេរមកចូលរួមជាមួយខ្លួន នៅទឹកដី Santiago Bernabeu សម្រាប់រដូវកាលក្រោយនេះជាមិនខាន។ លើសពីនេះ នៅក្នុងបទសម្ភាសជាមួយ Telefoot ខ្សែបម្រើរូបនេះ បាននិយាយថា ៖“ជនជាតិអេស្ប៉ាញបានស្គាល់ពីពី Kylian ហើយ ប៉ុន្តែនៅពេលដែលពួកគេបានមើលឃើញគាត់លេងជារៀងរាល់ថ្ងៃទៀតនោះ ពួកគេនឹងកាន់តែដឹងច្បាស់ពីភាពអស្ចារ្យរបស់គាត់ជាក់ជាមិនខាន” ៕