ទីបំផុត Antony ទទួលបានការទុកចិត្តពីគ្រូបង្វឹក និងអ្នកគាំទ្រត្រលប់មកវិញហើយ

ខ្សែប្រយុទ្ធ Bukayo Saka របស់ក្លឹប Arsenal បានដកខ្លួនពីក្រុមបាល់ទាត់ជម្រើសជាតិអង់គ្លេស មុនការប្រកួតមិត្តភាពទល់នឹងក្រុមប្រេស៊ីល និងបែលហ្ស៊ិកចូលមកដល់។ Saka បានបង្ហាញសមត្ថភាពយ៉ាងល្អសម្រាប់ក្រុមអង់គ្លេសដឹកនាំដោយគ្រូបង្គោល Gareth Southgate ប៉ុន្ដែគួរឱ្យសោកស្ដាយដែលរូបគេ មិនអាចចូលរួមការប្រកួតកម្ដៅសាច់ដុំ មុនព្រឹត្តិការណ៍ EURO 2024 ឈានចូលមកដល់ ដោយសារបញ្ហារបួស។ ក្រុមតោកំណាចអង់គ្លេស នឹងប្រកួតមិត្តភាពទល់ប្រេស៊ីល ក្នុងកីឡដ្ឋាន Wembley នាថ្ងៃសៅរ៍ និងប្រកួតទល់បែលហ្ស៊ិកក្នុងទីតាំងដដែលនេះ នាថ្ងៃអង្គារសប្ដាហ៍ក្រោយ មុនពេលដែលលោក Southgate ប្រកាសពីសមាសភាពកីឡាករសម្រាប់ព្រឹត្តិការណ៍ Euro 2024។ មុនពេលចាកចេញពីក្រុម Saka បានហ្វឹកហាត់នៅខាងក្នុងដោយខ្លួនឯង ជាមួយមិត្តរួមក្រុម Harry Kane, Cole Palmer និង Jordan Henderson៕

Atletico Madrid កំពុងសម្លឹងមើលឱកាសក្នុងការពង្រឹងបន្ថែមនៅតំបន់ការពារនៅក្នុងរដូវក្ដៅនេះ ហើយខ្សែការពារកណ្ដាលវ័យក្មេង Piero Hincapie ជាគោលដៅមួយសម្រាប់ក្លឹបយក្សអេស្ប៉ាញ។ កីឡាករវ័យ២២ឆ្នាំរបស់ក្លឹប Bayer Leverkusen បានបង្ហាញសមត្ថភាពយ៉ាងល្អនៅក្នុងរដូវកាលនេះ ដែលជួយក្រុមរបស់ខ្លួនឈ្នះជើងឯក Bundesliga ហើយបើយោងតាមសារព័ត៌មាន AS បានឱ្យដឹងថា Atletico បានទាក់ទងទៅ Leverkusen ដើម្បីផ្ទេរ កីឡាករអេក្វាទ័ររូបនេះ។ ប៉ុន្ដែសំណើរបស់ពួកគេត្រូវបានក្លឹបអាល្លឺម៉ង់បដិសេធ ដោយក្លឹបមិនចង់បាត់បង់សមាជិកដ៏សំខាន់នោះទេ ក្នុងគោលបំណងរក្សាលំនឹងក្រុមសម្រាប់រដូវកាលក្រោយ។ មុនពេលលេចឮដំណឹងពាក់ព័ន្ធនឹង Hincapie, Atletico ក៏ត្រូវបានភ្ជាប់ជាមួយនឹងខ្សែការពារ Jean-Clair Todibo របស់ Nice និង Cristhian Mosquera របស់ក្លឹប Valencia ផងដែរ៕

Erling Haaland បាន​ប្រាប់​អ្នក​គាំទ្រ​ថា​គាត់​កំពុង​តែ​ព្យាយាម​ត្រលប់​មក​វិញ​ឱ្យ​បាន​ឆាប់​បំផុត​បន្ទាប់​ពី​បាន​រង​របួស​កជើង​ជា​លើក​ទី​ពីរ​ក្នុង​ខែ​នេះ​ក្នុង​ការ​បំពេញ​កាតព្វកិច្ច​អន្តរជាតិ​ដែល​ធ្វើ​ឱ្យ​អ្នក​គាំទ្រ Manchester City ភ័យ​ខ្លាច​ចំពោះ​កាយសម្បទា​របស់​តារា​របស់​ពួកគេ។ ខ្សែ​ប្រយុទ្ធ​ន័រវែស​បាន​របួស​កជើង​អំឡុង​ពេល​ប្រកួត​មិត្ត​ភាព​ក្នុង​ប្រទេស​របស់​គេ​ឈ្នះ​លើ​កោះ Faroe 2-0 ហើយ​មើល​ទៅ​មាន​ការ​ឈឺ​ចាប់​ខ្លាំង។ វាគឺជាបញ្ហាកជើងទីពីររបស់កីឡាករន័រវេសក្នុងខែនេះ បន្ទាប់ពីគាត់បានចូលលេងក្នុងការប្រកួតបំបាក់ក្រុម Bournemouth 6-1 កាលពីថ្ងៃទី 4 ខែវិច្ឆិកា ដោយបង្កើនការព្រួយបារម្ភថាគាត់ប្រហែលជាមិនសមនឹងលេងក្នុងការប្រកួតដ៏ធំជាមួយក្រុមហង្សក្រហមទេ។ ដូច្នេះហើយ គាត់ត្រូវបានគេដកចេញពីការប្រកួតវគ្គជម្រុះ Euros ចុងក្រោយរបស់ប្រទេសន័រវេសជាមួយស្កុតឡែន ហើយនឹងអស់សង្ឃឹមក្នុងការលេងនៅពេលដែល Man City ធ្វើជាម្ចាស់ផ្ទះ ប៉ះជាមួយ Liverpool ក្នុងជំនួបកំពូលតារាងនៅថ្ងៃទី 25 ខែវិច្ឆិកា។

ក្លឹបកាំភ្លើងធំ Arsenal ត្រៀមផ្តល់កុងត្រាថ្មី១ឆ្នាំទៀតដល់អតីតខ្សែបម្រើឆ្នើមរបស់ក្លឹបតោខៀវ Jorginho ដោយលោក Mikel Arteta នៅតែមានជំនឿជឿជាក់ថា ខ្សែបម្រើឆ្នើមរូបនេះនៅតែផ្នែកដ៏សំខាន់ម្នាក់សម្រាប់ក្រុម។ បើយោងទៅតាម Football Insider បានចុះផ្សាយថា Arsenal កំពុងបើកការចរចារជាមួយនឹងអ្នកតំណាងរបស់ Jorginho ក្នុងបន្តកិច្ចសន្យារយៈពេល១ឆ្នាំបន្ថែមទៀត ខណៈកិច្ចសន្យាបច្ចុប្បន្ននឹងផុតសុពលភាពនៅចុងបញ្ចប់រដូវកាលនេះ៕

ខ្សែប្រយុទ្ធ Brian Brobbey របស់ក្លឹប Ajax ដែលធ្លាប់លេងក្រោមការដឹកនាំរបស់គ្រូបង្វឹកក្រុមបិសាចក្រហម Manchester United លោក Erik ten Hag បានបើកផ្លូវ និងចង់ចូលរួមជាមួយ Man Utd នាពេលអនាគត។ គួរកត់សម្គាល់ថា កីឡាករវ័យ ២២ឆ្នាំ ធ្លាប់បានចំណាយពេល ១១រដូវកាល នៅទីក្រុង Amsterdam ពីអំឡុងឆ្នាំ ២០១០ ដល់ ២០២១។ ជាក់ស្តែង ខ្សែប្រយុទ្ធក្រុម Ajax ពាក់អាវលេខ៩ Brobbey កំពុងទាមទារប្រាក់ឈ្នួលបន្ថែម ដែលកុងត្រានឹងបន្តរយៈពេល ៣ រដូវកាលទៀត។ គួរជម្រាបដែរថា រូបគេចង់ផ្លាស់មកកាន់ទឹកដី Old Trafford ជាជាងក្លឹប Real Madrid និង Arsenal៕

Jude Bellingham បានបង្ហាញថា គេជាកីឡាករដ៏សំខាន់ម្នាក់ក្នុងក្រុមជម្រើសជាតិអង់គ្លេស ក្រោយរកគ្រាប់បាល់នៅនាទីចុងក្រោយជួយពួកគេតាមស្មើ បែលហ្ស៊ិក ២-២។ ប៉ុន្ដែតើនរណាជា កីឡាករគម្រូនៅក្នុងចិត្តខ្សែបម្រើក្រុម Real Madrid រូបនេះ នៅក្នុងក្រុមតោកំណាចអង់គ្លេស? កីឡាករវ័យ២០ឆ្នាំ បានសារភាពនៅក្នុងសម្ភាសន៍មួយថា រៀមច្បង Jordan Henderson ដែលបច្ចុប្បន្ន កំពុងលេងនៅក្លឹប Ajax បានដើរតួយ៉ាងសំខាន់សម្រាប់អាជីពរបស់គេនៅក្នុងក្រុមជម្រើសជាតិ។ ថ្លែងក្នុងសម្ភាសន៍របស់ Sky Sports, Bellingham បាននិយាយថា៖ “នៅពេលដែលខ្ញុំបាននិយាយជាមួយ Hendo, ដែលខ្ញុំមានភាពជិតស្និទ្ធជាមួយ គាត់បានប្រាប់ខ្ញុំថា ខ្ញុំសំណាងបែបណាដែលបានចូលក្រុមនេះ ជាមួយនឹងបរិយាកាសដ៏ល្អ ដែលមានខុសប្លែកបន្ដិចពីកាលគាត់ទើបតែចាប់ផ្ដើម”។ “ខ្ញុំព្យាយាមស្ដាប់យោបល់របស់គាត់ ព្រោះតែគាត់ជាកីឡាករគម្រូសម្រាប់ខ្ញុំ។ ហើយគាត់បានជួយខ្ញុំបានយ៉ាងប្រសើរ ក្នុងការចូលក្រុម និងជួយខ្ញុំគ្រប់គ្រងលើការរំពឹងទុក និងទំនួលខុសត្រុវ”៕