Man UTD គ្រោងចូលប្រជែងជាមួយ PSG តាមទិញតារាតម្លៃ ១០០ លាននៅ Serie A រូបនេះ

ប្រធានក្លឹប Barcelona លោក Joan Laporta បានឆ្លើយតបនឹងចចាមអារ៉ាម ដែលថាក្លឹបរបស់លោកព្យាយាមក្នុងការចុះហត្ថលេខានាំយកខ្សែប្រយុទ្ធ Erling Haaland របស់ Manchester City។ លោក Laporta ត្រូវបានសួរអំពីលទ្ធភាពរបស់ Barca ក្នុងការនាំយកកីឡាករឆ្នើមលំដាប់ Haaland នារដូវក្ដៅខាងមុខ ស្របពេលដែលមានការរាយការណ៍ថា Kylian Mbappe កាន់តែកៀកក្នុងការចូលរួមក្លឹប Real Madrid។ ថ្លែងប្រាប់ Mundo Deportivo ប្រធានក្លឹបអ្នកមានបុណ្យបាននិយាយថា៖ “វាគ្រាន់តែថា យើងមិនឃើញអ្វីដែលចាំបាច់នោះទេ។​ វាអាចនឹងមានផលប៉ះពាល់ខ្លះ”។ លោក Laporta បានបន្ថែមថា Barca អាចនឹងបន្ថែមសមាជិកថ្មី ម្នាក់ឬពីរនាក់ ប៉ុន្ដែលោកលើកឡើងថា ការនាំយកតារាឆ្នើមមកចូលក្រុម អាច​នឹងរារាំងក្រុមបច្ចុប្បន្នដែលមានស្រាប់៕

ក្រុមកាំភ្លើងធំ Arsenal បានត្រៀមខ្លួនរួចជាស្រេចក្នុងការនាំយកខ្សែការពារស្លាបសញ្ជាតិព័រទុយហ្កាល់ Joao Cancelo របស់ក្រុមមេឃខៀវ Manchester City នៅរដូវក្តៅខាងមុខ នេះប្រសិនបើក្លឹបកាតាឡាន់ Barcelona មិនអាចមានលទ្ធភាពក្នុងការចុះហត្ថលេខាលើ Cancelo ពេញលេញលើកិច្ចព្រមព្រៀងជាអចិន្ត្រៃយ៍។ រំលឹកផងដែរថា Cancelo ចំណាយពេលពាក់កណ្តាលទីពីរនៃរដូវកាលមុនក្នុងលក្ខខ័ណ្ឌខ្ចីជើងនៅក្លឹប Bayern Munich បន្ទាប់មកបានចូលរួមជាមួយក្រុម Barcelona ក្នុងកិច្ចសន្យាបណ្តោះអាសន្នដូចគ្នាសម្រាប់រដូវកាល ២០២៣-២៤ ចាប់តាំងពីពេលនោះមក Cancelo បានក្លាយខ្លួនជាកីឡាករសំខាន់មួយរូបក្រោមការដឹកនាំរបស់គ្រូបង្វឹកលោក Xavi ផងដែរ។ ទោះជាយ៉ាងណា តាមប្រភពគេហទំព័រ THE SUN បានឲ្យដឹងថា Barcelona មានការស្ទាក់ស្ទើរក្នុងតម្លៃ ៤០លានផោន ដែល Man City ទាមទារ ខណៈក្លឹប Barcelona កំពុងជួបនូវបញ្ហាហិរញ្ញវត្ថុ ហើយបន្ថែមពីនេះ ក្លឹបយក្សកាតាឡានមានលទ្ធភាពត្រឹមបង់ថ្លៃខ្ចីជើងតែប៉ុណ្ណោះ៕

Newcastle បានទទួលជ័យជម្នះ 1-0 ដ៏កក្រើកនៅទីក្រុងប៉ារីស បន្ទាប់ពីគ្រាប់បាល់របស់ Aleksander Isak នៅតង់ទីមួយ។ PSG កំពុងប្រឈមមុខនឹងការបរាជ័យជាលើកទីពីរក្នុងរយៈពេលជាច្រើនខែក្រោមស្នាដៃក្រុម Newcastle រហូតដល់នាទីទី 8 នៃម៉ោងបន្ថែម ការបញ្ជូនបាល់របស់ Ousmane Dembele បានប៉ះរាងកាយរបស់ខ្សែការពារ Tino Livramento ហើយបន្ទាប់មកបាល់បានលោតទៅដៃរបស់គាត់។ អាជ្ញាកណ្តាល Szymon Marciniak គាត់មិនបានពិន័យទេ ប៉ុន្តែត្រូវបានប្រាប់ឱ្យពិនិត្យឡើងវិញនូវការសម្រេចចិត្តដោយ VAR និងបានផ្តល់បាល់ពិន័យ11ម៉ែត្រទៅលើក្រុម New Castle។ Kylian Mbappe បានស៊ុតបាល់ប៉េណាល់ទី និងទទួលបានលទ្ធផលស្មើ 1-1 ដែលរក្សាជោគវាសនារបស់ PSG នៅក្នុងក្របខណ្ឌ UEFA Champion League។

ក្លឹប Real Madrid កំពុងតែនាំមុខគេក្នុងការចុះហត្ថលេខាលើកីឡាករវ័យ១៦ឆ្នាំដែលមានទេពកោសល្យ Franco Mastantuono ពីក្រុមមកពីលីគអាហ្សង់ទីន River Plate។ យុវជនម្នាក់នេះត្រូវបានគេរាយការណ៍ថាបានបង្ហាញពីចំណាប់អារម្មណ៍របស់គេក្នុងការលេងឱ្យ Barcelona ជៀសជាង Real Madrid ហើយក្រុមកាតាឡាន់ក៏បានចាប់អារម្មណ៍លើគាត់ផងដែរ ប៉ុន្តែបន្ទាប់ពីការសន្ទនាជាមួយប្រធានក្លឹបលោក Juni Calafat នឹងផ្តល់អាទិភាពដល់ការផ្តល់ជូនពី Los Blancos វិញ។ កីឡាករវ័យក្មេង Mastantuono បានចាប់អារម្មណ៍ដំបូងគឺក្លឹប Barcelona ដែលពោរពេញទៅដោយទំនុកចិត្តក្នុងនោះក៏មាន Manchester United, Manchester City និង Chelsea ក៏ចាប់អារម្មណ៍យុវជនអាហ្សង់ទីនផងដែរ នេះបើយោងតាមរបាយការណ៍ផ្សេងៗ។ ទោះបីជាយ៉ាងណាក៏ដោយបន្ទាប់ពី Real Madrid បើកការទាក់ទងជាមួយ River និង Mastantuono វាហាក់ដូចជាពួកគេអាចមានប្រៀបក្នុងការយកឈ្នះពួកគេបាន។

ខ្សែ​បម្រើ​ក្លឹប​Chelsea​កីឡាករ​Cole​Palmer​ត្រូវ​បាន​កោះ​ហៅ​ចូល​ក្រុម​ជម្រើស​ជាតិ​អង់គ្លេស​ក្រោយ​ពេល​ដែល​កីឡាករ​រូប​នេះ​ស៊ុត​បាល់​ពិន័យ​ប៉េណាល់ទី​១១ម៉ែត្រ​តាម​ស្មើ​ចុង​ម៉ោង​​ពេល​ប៉ះ​នឹង​ក្លឹប​Manchester​City។​នេះ​បើ​តាម​ការ​ចុះ​ផ្សាយ​របស់​សារព័ត៌មាន​Sky​Sports។ Chelsea​បាន​បើក​ទ្វា​កីឡដ្ឋាន​Stamford​Bridge​នៃរាជធានី​ឡុងដុង​ស្វាគមន៍​ក្លឹប​Manchester​City។​ប្រកួត​រវាង​ក្លឹប​ទាំង​ពីរ​នេះ​ធ្វើ​ឱ្យ​ពិភព​បាល់ទាត់​កក្រើក​​ដោយ​បញ្ចប់​ការ​ប្រកួត​ទៅ​ដោយ​លទ្ធផល​៤-៤។ បើ​តាម​​Sky​Sports​កីឡាករ​វ័យ​២១ឆ្នាំ​រូប​នេះ​​ត្រូវ​បាន​កោះ​ហៅ​ឱ្យ​ចូល​ជម្រើស​ជាតិ​ជា​លើកដំបូង​ជាមួយ​នឹងខ្សែ​ការពារ​Man​City​កីឡាករ​Rico​Lewis​និង​ខ្សែ​ការពារ​Aston​Villa​កីឡាករ​Ezri​Konsa។​អ្នក​ទាំង​៣​នឹង​ជំនួសកីឡាករ​ជើងចាស់​មួយ​ចំនួន​ដែល​បាន​រង​របួស។ Palmer​ក៏​ដូចជា​ក្រុម​អង់គ្លេស​នឹង​ត្រៀម​ខ្លួន​ក្នុង​ការ​ប៉ះ​ជាមួយ​ក្រុម​ជម្រើស​ម៉ាល់តា​និងម៉ាសេដូនីខាងជើង​សម្រាប់​វគ្គ​ជម្រុះ​Euro​2024៕

អ្នកចាំទី Kepa Arrizabalaga មានការត្រៀមខ្លួនចាកចេញពីក្លឹប Real Madrid ហើយត្រលប់ទៅកាន់ក្លឹប Chelsea វិញ នាខែមិថុនាខាងមុខ នៅពេលដែលកិច្ចសន្យាខ្ចីជើងរបស់គេ ជាមួយក្លឹបអេស្ប៉ាញផុតសុពលភាព។ Kepa ត្រូវបានក្លឹបអធិរាជសនាំយកមកកាន់ទឹកដី Santiago Bernabeu ក្រោមលក្ខខណ្ឌខ្ចីពីក្លឹបតោខៀវ កាលពីរដូវក្ដៅកន្លងទៅ ដើម្បីជំនួស Thibaut Courtois ដែលមានបញ្ហារបួសរយៈពេលវែងមុនពេលរដូវកាលបានចាប់ផ្ដើម។ កាលចូលរួម Real Madrid ដំបូងៗ កីឡាករអេស្ប៉ាញរូបនេះ ទទួលបានឱកាសច្រើនក្នុងការបង្ហាញខ្លួន ប៉ុន្ដែដោយសារបញ្ហារបួស និងការបង្ហាញសមត្ថភាពយ៉ាងល្អរបស់ Andriy Lunin បានធ្វើឱ្យ Kepa លែងមានឱកាសលេងក្នុងការប្រកួតនាមួយរយៈចុងក្រោយនេះ។ យោងតាមអ្នកសារព័ត៌មាន Fabrizio Romano បានឱ្យដឹងថា Real Madrid នឹងបន្ដកិច្ចសន្យាថ្មីសម្រាប់ Lunin ហើយរង់ចាំការត្រលប់មកវិញរបស់ Courtois ហើយ Kepa នឹងត្រលប់ទៅក្លឹប Chelsea វិញ៕