ក្លឹប Roma បានដាក់​គោលដៅ​តាម​ចរចា​យក Klopp មក​ដឹកនាំ​ជំនួស Mourinho

អតីតគ្រូបង្វឹកឆ្នើមលោក Fabio Capello ថ្មីៗនេះ បានជំរុញឲ្យក្លិបសេះបង្កង់ Juventus ធ្វើការចុះហត្ថលេខាលើខ្សែប្រយុទ្ធរបស់ក្លិប Manchester United កីឡាករ Mason Greenwood នៅទីផ្សារដោះដូររដូវក្តៅខាងមុខនេះ ។ ជាក់ស្តែង Greenwood បានសម្រេចចិត្តចាកចេញពីទឹកដី Old Trafford ដើម្បីចូលរួមជាមួយក្រុម Getafe ក្នុងកិច្ចសន្យាខ្ចីជើងពេញមួយរដូវកាល ពោលគឺអំឡុងថ្ងៃចុងក្រោយនៃទីផ្សារដោះដូរកីឡាករ កាលពីរដូវក្តៅមុន។ ហើយយ៉ាងណាមិញ ចាប់តាំងពីបានទៅដល់ទឹកដីអេស្ប៉ាញមកកីឡាករវ័យ ២២ឆ្នាំរូបនេះ បានបង្ហាញពីភាពលេចធ្លោយ៉ាងខ្លាំង និងថែមទាំងទទួលបានការចាប់អារម្មណ៍ជាពិសេស ពីសំណាក់ក្លិប Barcelona និង Atletico Madrid ផងដែរ។ ប៉ុន្តែទោះជាយ៉ាងនាក៏ដោយ អតីតគ្រូបង្វឹកក្រុមជម្រើសជាតិអង់គ្លេសលោក Capello ដែលធ្លាប់បានលេង និងដឹកនាំក្រុម Juventus ក្នុងអំឡុងពេលអាជីពដ៏គួរឱ្យចាប់អារម្មណ៍របស់គាត់នោះ ជឿជាក់ថាក្រុមសេះបង្កង់គួរតែរកជម្រើសខ្សែប្រយុទ្ធថ្មី ហើយ Greenwood នឹងក្លាយជម្រើសដ៏ល្អបំផុតសម្រាប់ពួកគេជាក់ជាមិនខាន។

ទីភ្នាក់ងាររបស់ខ្សែប្រយុទ្ធចំណូលថ្មី កីឡាករ Vitor Roque លោក Andre Cury កាលពីពេលថ្មីៗនេះ បានជំរុញឲ្យក្លិប Barcelona ធ្វើការចុះហត្ថលេខាលើខ្សែប្រយុទ្ធសញ្ជាតិប្រេស៊ីល កីឡាករ Estevao Willian ដែលត្រូវបានគេដាក់រហស្សនាមថាជា ‘Messinho’ ។ ជាក់ស្តែង លោក Cury បាននិយាយថា Barca គួរតែពិចារណាលើការចុះហត្ថលេខាលើកីឡាករវ័យ 16ឆ្នាំរូបនេះ ដោយសារតែគេអាចនឹងមកចាប់ដៃគូលេងបានយ៉ាងល្អជាមួយ Roque ក្នុងតំបន់ប្រយុទ្ធនៅទឹកដី Camp Nou ស្របពេលទីភ្នាក់ងាររូបនេះ ក៏បានដាក់ឈ្មោះ Willian ថាជា Neymar ទីពីរផងដែរ។ លើសពីនេះ លោកបាននិយាយទៀតថា ៖ “តាមគំនិតរបស់ខ្ញុំ Barcelona គួរតែពិចារណាលើការចុះហត្ថលេខាលើ Messinho ព្រោះគាត់នឹងផ្តល់ភាពរីករាយដល់ Barca ជាមួយ Vitor Roque ។ ខ្ញុំអាចដាក់ក្តីសង្ឃឹមជាច្រើនទៅលើ Messinho ព្រោះថាគាត់គឺជា Neymar ទីពីរ” ។ ជម្រាបជូនផងដែរថា Willian ដែលត្រូវបានគេស្គាល់ថា Messinho បច្ចុប្បន្នកំពុងលេងឱ្យក្រុមប្រេស៊ីល Palmeiras ដោយរូបគេបានបង្ហាញខ្លួន ៥លើករួចមកហើយផងដែរ៕

ខ្សែប្រយុទ្ធវ័យក្មេង Lamine Yamal នឹងមិនចាកចេញពី Barcelona ទៅចូលរួម Paris Saint-Germain នោះទេ បន្ទាប់ពីគេបានបង្ហាញភាពលេចធ្លោក្នុងរដូវកាលដំបូងជាមួយក្រុមធំដឹកនាំដោយលោក Xavi Hernandez។ បន្ទាប់ពីសារព័ត៌មានបារាំង Le Parisien បានចុះផ្សាយថា PSG បានដាក់សំណើទឹកប្រាក់២០០លានអឺរ៉ូសម្រាប់យុវជនរូបនេះ ប៉ុន្ដែសារព័ត៌មាន SPORT បានឱ្យដឹងថា Barcelona នឹងបន្ដកិច្ចសន្យាសម្រាប់ខ្សែប្រយុទ្ធដែលជិតឈានដល់វ័យ១៨ឆ្នាំ រហូតដល់ឆ្នាំ២០៣០។ កុងត្រាបច្ចុប្បន្នរបស់ Yamal មានសុពលភាពដល់ឆ្នាំ២០២៦។ សារព័ត៌មាននៅកាតាឡូញ៉ា បានបញ្ជាក់ថា ក្លឹបមានការព្រមព្រៀងជាមួយកីឡាករលក្ខណៈឯកជន ហើយគេចង់រួមរស់ជាមួយ Barca រយៈពេលជាច្រើនឆ្នាំទៀត ហើយអាចមានតម្លៃផ្ដាច់កុងត្រា១ពានលានអឺរ៉ូ៕

លោក Ralf Rangnick បានបដិសេធសំណើរបស់ក្លិប Bayern Munich ក្នុងការស្នើសុំអោយធ្វើជាគ្រូបង្វឹកថ្មីរបស់ពួកគេ នារដូវកាលថ្មីខាងមុខនេះតទៅ។ លោក Rangnick សម្រេចជ្រើសរើសបន្តដឹកនាំក្រុមជម្រើសអូទ្រីសដោយលើកឡើងលោកពេញចិត្តនឹងធ្វើជាគ្រូបង្វឹកនៅទីនេះទាំងម្ដង ដោយនៅក្នុងពេលនេះកំពុងខិតខំក្នុងការប្រកួត Euros។ លោកក៏បន្ថែមផងដែរថានេះមិនមែនជាការបដិសេធទៅកាន់ក្លិប Bayern Munich នោះទេ តែនេះជាការសម្រេចចិត្តផ្ទាល់ខ្លួនរបស់លោក ដើម្បីបម្រើដល់ផលប្រយោជន៍ក្រុមដែលលោកកំពុងតែដឹកនាំ។ មានការរាយការណ៍ថា តំណែងជាគ្រូបង្វឹក Bayern Munich នេះគឺអោយតែ លោក Rangnick ឆ្លើយព្រមភ្លាមគឺតំណែងនោះត្រៀមសម្រាប់លោកតែម្ដង តែលោកមិនព្រមដោយសារតែហេតុផលផ្ទាល់ខ្លួនបែបនេះ។ បេក្ខភាពដែល Bayern Munich ចង់បានមកធ្វើជាគ្រូបង្វឹកក្លិបថ្មីនេះគឺត្រូវបានបេក្ខជន៣រូប បានបដិសេធគឺលោក Xabi Alonso, លោក Nagelsmann និងលោក Rangnick។ នៅខណៈនេះ Bayern Munich កំពុងស្វែងបេក្ខជនថ្មីដើម្បីជំនួស Thomas Tuchel ចាប់ពីរដូវកាលខាងមុខនេះតទៅ៕

ខ្សែប្រយុទ្ធ Serge Gnabry របស់ Bayern Munich ស្ថិតនៅក្នុងភាពមិនច្បាស់លាស់ចំពោះការចូលរួមប្រកួត UEFA Champions League វគ្គ៨ក្រុមចុងក្រោយជើងទី២ទល់ Arsenal នាថ្ងៃពុធសប្ដាហ៍ក្រោយ។ កីឡាករដែលរកគ្រាប់បាល់មួយគ្រាប់សម្រាប់ Bayern Munich ក្នុងការប្រកួតស្មើគ្នា ២-២ នៅទឹកដីរបស់ Arsenal បានរងរបួសសាច់ដុំ អំឡុងការប្រកួតនោះ ហើយត្រូវអវត្តមានពីទីលានមួយរយៈ នេះបើយោងតាមការប្រកាសរបស់ក្លឹប។ Gnabry ទើបតែបានត្រលប់មកកាន់ការប្រកួតសម្រាប់ Bayern វិញ កាលពីខែមីនា បន្ទាប់ពីមានបញ្ហារបួសជាបន្ដបន្ទាប់ក្នុងរដូវកាលនេះ។ គេបានបង្ហាញសមត្ថភាពយ៉ាងល្អ ពេលត្រលប់ពីរបួសវិញ ដោយរកគ្រាប់បាល់៤គ្រាប់ ក្នុងចំណោម៥ប្រកួត ហើយក្នុងជំនួបទល់អតីតក្លឹបរបស់គេ Arsenal, គេរកគ្រាប់បាល់តាមស្មើសម្រាប់ Bayern ១-១ ក្នុងនាទីទី១៨៕

ខ្សែការពារ Lisandro Martinez របស់ក្រុមបិសាចក្រហម Manchester United ត្រូវបានក្រុមជម្រើសជាតិពពកសអាហ្សង់ទីនកោះហៅឲ្យចូលមកជួយជាតិក្នុងខែនេះ បើទោះបីជាគាត់មិនទាន់ជាសះស្បើយពីរបួសជង្គង់ស្រួលបួលក៏ដោយ។ ជាមួយគ្នានេះផងដែរ កីឡាករ​វ័យ ២៦ឆ្នាំ​ បាន​អវត្តមាន​​​រយៈពេល​ជាង ៣ខែ ​នៅ​ចន្លោះ​ខែ​កញ្ញា​ ដល់​ពាក់​កណ្តាល ​ខែ​មករា​ ដោយ​សារបញ្ហា​របួស។ ជាការពិតណាស់ Man United ហាក់ដូចជាត្រូវបានជំរុញទាក់ទងនឹងកាយសម្បទារបស់ Martinez ខណៈដែលអ្នកចាត់ការទូទៅលោក Lionel Scaloni ជ្រើសរើសរូបគាត់ក្នុងចំណោមកីឡាករ ២៦នាក់ សម្រាប់ក្រុមអាហ្សង់ទីន។ គួរជម្រាប​ដែរថា ប្រសិនបើ Martinez ជាពីរបួស ក្រោយលេងតទល់នឹងក្រុមកូស្តារីការួចនោះ រូបគេនឹងអាចចូលលេងវិញបានសម្រាប់ Man Utd ជាក់ជាមិនខាន៕