Palmer របស់​ Chelsea កោះ​ហៅ​ចូល​ជម្រើស​ជាតិ​អង់គ្លេស ក្រោយ​ស៊ុត​ប៉េណាល់ទី​តាម​ស្មើ Man City

Ronaldo ប្រេស៊ីល​ជា​កីឡាករ​ដែល​ឈ្នះ​ពាន​ Ballon d’Or ក្នុង​វ័យ​ក្មេង​បំផុត​ក្នុង​ប្រវត្តិសាស្ត្រ​របស់​ពាន​មួយ​នេះ​។ កីឡាករ​នេះ​បាន​ឈ្នះ​ពាន​នៅ​ក្នុង​ឆ្នាំ​១៩៩៧ ក្នុង​វ័យ​២១ឆ្នាំ​ នូវ​កំឡុង​ពេល​ដែល​គេ​ផ្លាស់​មក​លេង​ឲ្យ​ Inter Milan ជា​លើក​ដំបូង​។ នៅ​ក្នុង​រដូវកាល​ឆ្នាំ​១៩៩៦/៩៧នោះ​ ពេល​ដែល​គេ​បាន​លេង​ឲ្យ​ Barca ខ្សែប្រយុទ្ធ​សញ្ជាតិ​ប្រេស៊ីល​រូប​នេះ​ស៊ុត​ចូល​៤៧គ្រាប់​ ក្នុង​៤៩ប្រកួត​។ Ronaldo ប្រេស៊ីល​នេះធ្លាប់ឈ្នះពាន​ Ballon d’or នេះ​២ដង​ នៅ​ឆ្នាំ​១៩៩៧ និង​ឆ្នាំ​២០០២។ គួរ​បញ្ជាក់​ផង​ដែរ​ថា​ Lionel Messi បាន​ឈ្នះ​ពាន​ Ballon d’or លើក​ដំបូង​ក្នុង​ឆ្នាំ​២០០៩ នៅវ័យ​២២ឆ្នាំ​ ខណៈ​ Cristiano Ronaldo វិញ​ឈ្នះ​លើក​ដំបូង​នៅ​ឆ្នាំ​២០០៨ នៅ​វ័យ​២៣ឆ្នាំ​៕

ក្រុមកាំភ្លើងធំ Aresenal ថ្មីៗនេះ ត្រូវបានគេរាយការណ៍មកថា មិនមានគម្រោងចង់ចែកផ្លូវគ្នា ជាមួយកីឡាករ Oleksandr Zinchenko ក្នុងអំឡុងពេលទីផ្សារដោះដូរកីឡាករនារដូវក្តៅខាងមុខនេះឡើយ។ ជាក់ស្តែង ចាប់តាំងពីបានផ្ទេរពីក្រុម Manchester City មកកាន់ទៅកីឡដ្ឋាន Emirates ក្នុងឆ្នាំ២០២២ មក Zinchenko បានក្លាយជាផ្នែកដ៏សំខាន់មួយរបស់ក្រុម Arsenal សម្រាប់ការប្រកួតប្រជែងដណ្តើមពានរង្វាន់ Premier League ។ យ៉ាងណាមិញ Zinchenko ទើបតែបង្ហាញខ្លួននៅ Premier League ៥លើកប៉ុណ្ណោះ នៅរដូវកាលនេះ ពោលគឺជាចំនួនតិចជាងអ្វីដែលគេបានធ្វើ កាលពីរដូវកាលមុន ដូច្នេះហើយទើបបានធ្វើឲ្យអនាគតរបស់កីឡាករសញ្ជាតិអ៊ុយក្រែនរូបនេះ ហាក់មិនសូវមានភាពច្បាស់លាស់នោះឡើយ។ តែទោះបីជាយ៉ាងណាក៏ដោយ យោងទៅតាម Football Insider បច្ចុប្បន្នក្រុម Arsenal ហាក់មិនមានគម្រោងក្នុងការលក់ Zinchenko ចេញ នៅពេលទីផ្សារដោះដូរកីឡាករបើកឡើងវិញ នារដូវក្តៅខាងមុខនេះនោះឡើយ ។ លើសពីនេះ បើទោះបីជា Zinchenko កំពុងឈានដល់ពាក់កណ្តាលនៃកិច្ចសន្យារយ:ពេល ៤ឆ្នាំរបស់ខ្លួន នៅទឹកដី Emirates ក៏ដោយ ប៉ុន្តែប្រភពខាងលើ បានរាយការណ៍មកថា ភាគីទាំងពីទំនងជាអាចធ្វើការពិភាក្សាជុំវិញការបន្តកុងត្រាថ្មីបន្ថែមទៀត នៅចុងឆ្នាំនេះ៕

Alvaro Morata ពាក់ព័ន្ធនឹងការផ្ទេរ៦លើក ក្នុងអាជីពជាកីឡាករបាល់ទាត់ រវាង៤ក្លឹបគឺ Real Madrid, Juventus, Chelsea និង Atletico Madrid ដែលជាក្លឹបបច្ចុប្បន្នរបស់គេ។ មានដំណឹងលេចឮថា Morata អាចនឹងចាកចេញពីរាជធានីប្រទេសអេស្ប៉ាញ នារដូវក្ដៅនេះ ស្របពេលមានក្លឹបចាស់មួយ កំពុងចង់បានគេត្រលប់ទៅវិញ។ យោងតាមប្រភពពី Gazzetta dello Sport បានឱ្យដឹងថា ក្លឹប Juventus ចាប់អារម្មណ៍ខ្សែប្រយុទ្ធអេស្ប៉ាញរូបនេះ ហើយក្លឹប និងរូបគេនៅតែរក្សាទំនាក់ទំនងបានល្អជាមួយគ្នា។ Atletico មានគម្រោងក្នុងការរុះរើក្រុមទ្រង់ទ្រាយធំ នៅក្នុងរដូវក្ដៅ ដោយ Morata រួមជាមួយ Angel Correa និង Memphis Depay មានដំណឹងភ្ជាប់នឹងការចាកចេញពីក្លឹប៕

ខ្សែបម្រើរបស់ Real Madrid កីឡាករ Federico Valverde បានបង្ហាញការកោតសរសើរទៅលើតារាវ័យក្មេងរបស់ Bayern Munich កីឡាករ Jamal Musiala ហើយគាត់បានលើកឡើងថា ខ្សែបម្រើសញ្ជាតិ អាល្លឺម៉ង់ រូបនេះពិតជាពិបាកបញ្ឈប់ខ្លាំងណាស់។ ជាការពិតណាស់ នៅយប់រំលងអាធ្រាត្រថ្ងៃ អង្គារ៍ ទី ៣០ នេះ ក្រុម Bayern Munich នឹងបើកទ្វាកីឡដ្ឋាន Allianz Arena របស់ខ្លួន ទទួលស្វាគមន៍ក្រុមភ្ញៀវ Real Madrid នៅក្នុងការប្រកួតជើងទី ១ វគ្គពាក់កណ្តាលផ្តាច់ព្រ័ត្រនៃពានរង្វាន់ Champions League។ យ៉ាងណាមិញ មុនការប្រកួតនេះមកដល់ Valverde ហាក់មានការកោតសរសើរយ៉ាងខ្លាំងទៅលើ Musiala ហើយក្នុងនោះគាត់និយាយពីខ្សែបម្រើវ័យ ២១ ឆ្នាំរូបនេះយ៉ាងដូច្នេះថា៖ Musiala? វាគឺពិតជាបញ្ឈប់គាត់ណាស់។ គាត់នៅក្មេងខ្លាំង ប៉ុន្តែគាត់គឺបានសាងស្នាដៃជាច្រើនមកហើយ… អ្នកត្រូវតែគោរពគាត់។ សង្ឃឹមថាពួកយើងនឹងអាចបញ្ឈប់គាត់បាន ហើយពួកយើងនឹងធ្វើបានល្អជាងពួកគេ៕