ប្រវត្តិរូបសង្ខេបរបស់ Midge Purce ពិតជាគួរឱ្យចាប់អារម្មណ៍ណាស់៖

លោក Anthony Taylor ត្រូវបានតែងតាំងជាអាជ្ញាកណ្តាល សម្រាប់ការប្រកួតដ៏សំខាន់របស់ Manchester City ទល់នឹង Arsenal នៅកីឡដ្ឋាន Etihad នាថ្ងៃអាទិត្យ ទី៣១ ខែមីនា ដែលនឹងមានផ្សាយបន្តផ្ទាល់នៅលើកញ្ចក់ទូរទស្សន៍ MyTV ចាប់ពីម៉ោង១០:២៥នាទីយប់តទៅ។ លោកអាជ្ញាកណ្តាល Taylor បានដឹកនាំការប្រកួតចំនួន ៣៧ លើកនៅគ្រប់កម្មវិធីប្រកួតទាំងអស់នៅក្នុងរដូវកាលនេះ ដោយបានចាយកាតលឿងចំនួន ១៦០កាត និងកាតក្រហមចំនួន ៨ កាត។ លោក Taylor បានដឹកនាំការប្រកួតចុងក្រោយបំផុតរបស់ Manchester City កាលពីខែកុម្ភៈ នៅពេលដែលក្រុមមេឃខៀវ បានយកឈ្នះ Luton Town ដោយលទ្ធផល ២-៦ ក្នុងការប្រកួតពានរង្វាន់ FA Cup ជុំទី៥។ សម្រាប់វីដេអូជំនួយការអាជ្ញាកណ្ដាល បានទៅលើលោក Jarred Gillett ។

កាលពីថ្ងៃព្រហស្បតិ៍មានការបើកស៊ើបអង្កេតពីគណៈកម្មកាវិន័យរបស់សហព័ន្ធកីឡាបាល់ទាត់អេស្ប៉ាញ ជុំវិញសកម្មភាពរ​បស់ Real Madrid ជាពិសេសពាក់ព័ន្ធនឹងវីដេអូពាក់ព័ន្ធនឹងអាជ្ញាកណ្ដាល ដែលត្រូវបានចាក់ផ្សាយលើទូរទស្សន៍ផ្លូវការរបស់ពួកគេ Real Madrid TV។ ខ្សែការពារ Adria Pedrosa របស់ក្លឹប Sevilla ត្រូវបានសួរដោយ Radio Marca ចំពោះការយល់ឃើញរបស់គេ ជុំវិញបញ្ហានេះ ហើយគេបានបង្ហាញពីគោលជំហរគាំទ្រក្លឹបរបស់ខ្លួន។ Pedrosa និយាយថា៖ “និយាយដោយស្មោះត្រង់ទៅចុះ ខ្ញុំមិនមែនជាអ្នកដែលផ្ដោតទៅលើរឿងទាំងនេះទេ ខ្ញុំមិនអាចផ្លាស់ប្ដូរអ្វីបានឡើយ ហើយខ្ញុំផ្ដោតទៅលើរឿងរបស់ខ្ញុំ។ រឿងទាំងនេះ បានបំផ្លាញរូបភាពរបស់បាល់ទាត់”។ “ការងាររបស់អាជ្ញាកណ្ដាលគឺមិនងាយស្រួលទេ ហើយអ្នកត្រូវផ្ដល់ទំនុកចិត្តដល់ពួកគាត់ ព្រោះពួកគាត់មិនមែនត្រឹមតែត្រូវបានស្ដីបន្ទោសសម្រាប់អ្វីដែលបានកើតឡើងទេ។ មានច្បាប់ដែលត្រូវបានបង្គាប់ឱ្យធ្វើតាម ហើយពេលខ្លះយើងដាក់អារម្មណ៍ខ្លាំងពេកសម្រាប់រឿងមួយចំនួន”៕

ខណៈដែលលីគធំៗនៅអ៉ឺរ៉ុបរកឃើញម្ចាស់ជើងឯកទៅហើយដូចជា Bundesliga, Serie A ចំណែក Laliga និង Ligue 1 កំពុងដាច់ពិន្ទុរហូត១០-១១ពិន្ទុ ប៉ុន្ដែនៅលីគអង់គ្លេស Eplកំពុងប្រជែងគ្នានៅឡើយទេ អាចថាម្ចាស់ជើងឯកនឹងដឹងថាជាក្រុមណារហូតដល់ចប់រដូវកាលទើបរកអ្នកឈ្នះឃើញ។ ទុករឿងពានមួយឡែកសិនងាកមកមើលអ្នកប្រជែងស្បែកមាសនៅ Epl វិញក៏មិនណយដែរ កំពុងប្រជែងគ្នាយ៉ាងប្រគៀសប្រកិតរហូតដល់ ១០រូបឯណោះ ដែលជានិច្ចកាលមានតែ២-៣នាក់ប៉ុណ្ណោះដែលប្រជែងគ្នានាវេលាដែលជិតចប់រដូវកាលបែបនេះ។ មកដល់សប្ដាហ៍ទី៣៤ទៅហើយ យើងនៅតែមិនអាចទាយដឹងនៅឡើយទេថាកីឡាកររូបណាដែលអាចឈ្នះស្បែកជើងមាសនៅ Epl រដូវកាលនេះ។ គួររំលឹកផងដែរថា កាលពីរដូវកាលមុនម្ចាស់ស្បែកជើងមាសគឺកីឡាកររបស់Manchester City Eiling Haaland រកបាន ៣៦គ្រាប់ឯណោះ ខណៈដែលរដូវកាលនេះបើទោះបីជារូបគេស្ថិតនៅលើគេក្នុងនាមជាអ្នករកគ្រាប់បាល់ច្រើនបំផុតក៏ដោយ ប៉ុន្ដែគេទើបតែរកបាន២០គ្រាប់ប៉ុណ្ណោះដែលតាមពីក្រោយដោយកីឡាករជាច្រើនរូបក្នុងនោះរួមមាន ៖ ១. Eiling Haaland (Mancity) ២០គ្រាប់ ២. Cole Palmer (Chelsea) ២០គ្រាប់ ៣. Ollie Watkins (Aston villa) ១៩គ្រាប់ ៤. Dominic Solanke (AFC Bournemouth) ១៨គ្រាប់…

វីរបុរសក្រុមហង្សក្រហម Liverpool លោក Jamie Carragher បានចាត់ទុកអ្នកចាត់ការក្រុម Brighton លោក Roberto De Zerbi ថាជាអ្នកដែលស័កិសមបំផុតក្នុងការទៅជំនួសតំណែងរបស់លោក Jurgen Klopp នៅកីឡដ្ឋាន Anfield ។ ជាក់ស្តែង Liverpool កំពុងស្ថិតនៅក្នុងដំណើរការស្វែងរកអ្នកចាត់ការថ្មីមកដឹកនាំក្រុមរបស់ខ្លួន បន្ទាប់ពីលោក Klopp បានប្រកាសជាផ្លូវការហើយថានឹងចាកចេញនៅចុងបញ្ចប់រដូវកាលនេះ ស្របពេលគ្រូបង្វឹករបស់ក្លិប Sporting CPលោក Ruben Amorim ក៏ត្រូវបានទាក់ទងជាមួយនឹងតំណែងនេះផងដែរ។ ប៉ុន្តែទោះជាយ៉ាងណាក៏ដោយ ថ្មីៗនេះ លោក Carragher ជឿជាក់ថា លោក De Zerbi ហាក់ជាបេក្ខភាពធំជាង ដោយសារតែនាយកផ្នែកកីឡាកររបស់ក្រុម Liverpool លោក Richard Hughes ធ្លាប់ព្យាយាមបញ្ចុះបញ្ចូលអ្នកចាត់ការរបស់ក្រុម Brighton រូបនេះជាច្រើនលើកមកហើយ អំឡុងពេលគាត់ធ្វើការនៅក្លិប Bournemouth ។ លើសពីនេះ លោក Carragher បាននិយាយទៀតថា ៖ ”…

ក្លឹប Eintracht Frankfurt បានចរចាលើតម្លៃផ្ទេរ ១២.៥លានផោន ដើម្បីទិញផ្តាច់ខ្សែបម្រើ Van de Beek របស់ក្រុមបិសាចក្រហម Manchester Unite  ខណៈតាមកាសែត The Mirror បានអះអាងថា បច្ចុប្បន្នក្រុមអាល្លឺម៉ង់ Frankfurt មិនមានគម្រោងទិញយកខ្សែបម្រើរូបនេះទៀតឡើយ។ គួរកត់សម្គាល់ថា Man Utd មានបំណងចង់ចែកផ្លូវជាមួយ Van de Beek នៅរដូវក្ដៅនេះ មុនពេលកុងត្រាផុតកំណត់នៅឆ្នាំ ២០២៥ ដោយក្លឹបមិនចង់បាត់បង់ដោយឥតគិតថ្លៃនោះទេ។ គួររំលឹកដែរថា បិសាចក្រហមបានចំណាយប្រាក់ ៣៣.២លានផោន ក្នុងការទិញ Van de Beek ពីក្រុម Ajax ក្នុងឆ្នាំ ២០២០ ខណៈរូបគេបានត្រឹមអង្គុយនៅកៅអីបម្រុងប៉ុណ្ណោះ៕

ជុំវិញពត៌មានការលាលែងពីតំណែងរបស់លោក Jurgen Klopp ដ៏គួរអោយភ្ញាក់ផ្អើលនៅថ្ងៃសុក្រនេះ។ លោក Pep Guardiola បានលើកឡើងក្រោយផ្តួលក្រុម Tottenham និងបានជួយអោយ Man.City ឆ្លងផុតទៅជុំទី៥ពានរង្វាន់ FA Cup រួចមក គ្រូបង្វឹក សញ្ជាតិអេស្បាញបានលើកឡើងយ៉ាងដូច្នេះថាៈគាត់(Klopp)គឺជា​អ្នកចាត់ការដ៏អស្ចារ្យម្នាក់ ទោះបីខ្ញុំមិនស្គាល់គាត់ជិតស្និទ ប៉ុន្តែគាត់ក៏ជាអ្នកចាត់ការដែលមានសមត្ថភាពមិនគួរឱ្យជឿផងដែរ។ ខ្ញុំមានអារម្មណ៍ថា Liverpool គឺជាគូ​ប្រជែងដ៏ធំបំផុត របស់យើងក្នុងប៉ុន្មានឆ្នាំចុងក្រោយពេលដែលគាត់និងខ្ញុំជួបគ្នា ។យើងនិងត្រូវលេងប្រឈមជាមួយគូបដិបក្សដែលគ្មានគាត់ដឹកនាំ ខ្ញុំពិតជានឹក តែក៍រីករាយណាស់ ព្រោះបើគ្មានKlopp ខ្ញុំនឹងគេងលក់ស្រួលបន្តិចនិងរៀងរាល់ពេលដែលយើងប្រកួតជាមួយ Liverpool ។ ទោះយ៉ាងណាខ្ញុំសូមជូនពរ​គាត់ជួប​ប្រទះ​និងសំណាងល្អក្នុងអាជីព និង អាចមានឪកាសត្រឡប់មកវិញនៅពេលណាមួយ។អតីតគ្រូបង្វឹក Barcelona និង Bayern Munich រូបនេះបន្ថែមថាៈ ខ្ញុំដឹងថាគ្រូបង្វឹក ទាំងអស់នឹង​មានអារម្មណ៍នឿយហត់ នៅពេលអ្នកធ្វើច្រើនឆ្នាំ ប្រៀបបីដូចជាខ្ញុំដែរ។ ខ្ញុំមានអារម្មណ៍ថាវាប្រៀបបីដូចជានៅ Barcelona ដូច្នេះដែរ។